寶湖海鮮酒家 (山道) (已結業)

貪近才去試，其實整個西環都沒有一間合格，乾淨、服務、食物質素唔在講，只想靜靜地喝早茶，也沒辦法。這間一樣，長者佔大多數，他們周不時隔着枱高聲傳話，加上電視聲、碗碟撞擊聲，噪音分貝爆燈 ! 此處先天不足 : 樓底矮，樑柱多，最失敗是牆身巨柱全部鑲滿玻璃鏡，連天花亦是，做不到吸音效果。一看點心紙價錢，好難要求有甚麽服務，或巧手美點。每朝設有特價點心，粥腸粉孖寶配搭。點心屬一般大路貨式，又唔算好差，牛肉、燒賣幾大粒，腸粉過腍，炒米粉只吃到麻油味，义燒包好些，起碼夠熱。粥我一口都沒試所以不知如何，甚少在早市食粥，明知絕大多數都落味精，而且落得好重手，之前的點心已經嘗夠「它」，唔駛客氣。門口看到特價三十八元一隻鹽焗雞，實在不敢買，只因太過便宜。似乎真的要乘車去另一區，才可以「嘆」茶...

同bf's 家人去食第一次食d 龍蝦,竟然煮唔熟~manager 既態度真係唔要得,死口唔認d野唔熟***當日龍蝦係特價貨~對其服務態度真係....=.=今次服務員介紹什麼孖寶套餐$188有蔥蒜龍蝦+菜龍蝦得6,7件咋~少到死~又細件,個底用粉絲上第一碟之後,服務員問我地要5要飯但我地明明落左伊麵~=,=6碟野,4碟係用砂鍋上~keep 溫度係正既~接近800蚊埋單~5個人食~叫做好貴啦~唔多抵食星期5晚,,7,8點都無人黎食飯~坐5滿~唉~都係等執~

間中都會去寶湖飲茶，起碼是大集團有保証。早、午茶都已經試過。對於各種食品都無什麼特別要求，總算過得去。但是，本人於3月8日與親友一共10人到上述酒家吃晚飯，早前已經訂了位。當晚我們點了“星光熠熠全包宴一席$2,380 足12位用(包啤酒汽水)”。因本人及友人太肚餓(因等了很久還沒上菜)，我們已經差不多吃光枱上的小食(咸酸菜)，有位女侍應見到就好客氣話多送兩碟給我們。我們以為真的免費，所以沒有反對。開席後首先來了一道菜(中華沙律金裝拚盤)，正當品嚐之際，突然來了一位穿灰色西裝的男子告訴我們菜單上的原盅雞燉排翅“唔夠分”，要我們轉吃紅燒雞絲生翅。我朋友聽後反問他“我地只有10位點解會唔夠分？落單時又唔講”。後來更遲遲才上第二道菜。再者啤酒汽水包括在酒席內但竟然無人招呼，枱面只有水及茶各一壺，服務好差好差！終於有位侍應行過，問他才替我們送上啤酒汽水。第二道菜終於上了，是(上湯焗中蝦生麵底)，但送上枱時蝦頭及蝦爪已經是灰黑色的，很不新鮮！有幾隻已經“霉”了。原盅雞絲翅上枱了，真的每人一盅。但裡面全部都是豉油槳粉水，只有少少雞絲和幼過頭髮的翅，大概只有三四條幼翅罷了。我只吃了兩匙沒再吃了，因為根

大年初一同屋企人嚟呢到飲茶, 好多人呀, 等左都成粒鐘,不過假期就預左既...食左好多野, 有馬拉糕,燒賣,蝦餃,雞扎,叉燒包,雞包,大包,春卷,腐皮卷...各樣都好好味,個叉燒包好夠熱,好正,燒賣好特別又夠大粒,上面仲有d魚肉,下面就係豬肉...^^...仲有一提,d侍應好有禮貌好細心,難得咁多人都冇比面色d客睇,抵讚!!!不過唔知點解洗手間有死老鼠味...好難頂..>.<

我食左龍蝦,求其執成一碟,少左好多,食左魚,唔新鮮,一碟138...只有五件而且用瓜抄魚..真係未見過.....

中環寶湖就幫襯好耐，飲茶和晚飯無論食物或服務都算OK。所以見同一集團在西環開了分店，便過來試試。滿以為集團式經營，應該間間差不多，誰料差天共地兩回事。在寶湖食飯，預左不講究裝修，但這家分店內部間到一忽一忽的，好鬼鼠侷促，D黃色超薄檯布尤其核突。五個老友股巿略有收獲，想食好一點，可惜這裏D菜同中環店相比，係完全無得比，味道吾好又細碟，兼吾夠熱，最慘仲係要不停三追四請，等好耐至黎一碟。條大青班好鞋，無味，吾得。最搵笨就係片皮鴨兩吃，吾係席前片的，感覺好似求其執十片八片出來就當一碟，吾係完整一隻鴨，最搞笑係炒鴨肉仲先過D皮上，直情穿煲啦，問個伙記就支支吾吾答不出來。另外，碟龍蝦更加肯定係「百鳥歸巢」求其執成一碟，吾係完整一隻來的，水汪汪，爪同殼不合比例地多，肉就又少又吾新鮮，部長強調龍蝦係做緊特價(潛台詞係特價野你食就食，吾好有要求)，但其實碟野計落都吾係平，如果係一份份散執的例牌，你事先應同我講明，依家咁做生意好無道德！不只菜式吾掂，侍應同部長的質素都吾掂，一片混亂之餘，仲要無物禮貌，直情時光倒流，服務態度停留在七八十年代的西環。D龍蝦又渣又扼秤，好過份，問個部長，佢仲無禮貌地「得」番過黎

住在西環十多年, 樓下終於開番間集團式的酒樓, 好開心去試下晚飯,一坐低服務員就企定係度SALE D 貴菜,都算啦, 落單, 其中一味HARD SALE 的龍躉兩味,二百幾蚊, 唔熱, 細份, 其實除左例湯, 其他都係...最後埋單先好野, 3人食左$436, 等左3個字, 拎張單同埋張卡返來, 原來係未LOK的, 又等..... (完....)

本人自小在西環長大，就算而家搬咗屋，久不久便會去西環飲茶食飯。呢間新開張既寶湖，前身係彩龍船，金塘酒樓既時期已經經常同屋企人嚟呢度飲茶。星期六，同咗爸媽嚟咗呢度飲茶，預咗唔book位一定無位，醒目地一早book定位先。上到酒樓，有一份親切感及熟悉既感覺，有相熟既伙計，又有相熟既茶客...。這間寶湖的點心價錢比中環的寶湖便宜，無計啦，因為喺西環嘛...。食物質素都無中環果間咁好，但係都食得過既。三人點咗八個點心食，點心水準不過不失啦，埋單都係一百二十幾蚊，幾抵食嫁！