寢宮

營業中

休息中

行街行到肚餓搵地方食飯～見尖沙嘴好多地方有人，無意發現有正野！上去食個時八點幾左右，場地乾淨，環境唔算太嘈，氣氛唔錯，最特別係局然個場入面有個千秋！最適合一眾港女上去影相！！！地方仲要係新裝修，格局唔錯，見到仲有標機玩！不過現時得一部，食飽仲可以同朋友一齊玩番場！場地仲有一個吸煙區～就算食煙朋友食完都唔會攻到入面～樓上餐廳黎講認真唔錯！食物方面牛牛質數非常好，餐湯非常出色，大師級水準！飲品唔差！牛牛更出色！好食！多汁！價錢公道合理，值得再去！

25號，係一個普天同慶嘅日子，呢1日，相信香港不少出名餐廳不是排到人山人海，都會爆曬Booking。。。上班族既我，因為工務繁忙的關係，忘記左提前預約餐廳食飯，所以當日，打左幾個常去既地方都已經冇唒位。冇辦法，唯有直接出去碰下運氣。去到尖沙咀呢個飯肆集中地，一如以往，好多餐廳都已經排唒長龍，正當失望之際，竟然發現左諾士佛台呢一間餐廳，仲有位，於是立馬上去開餐🤤一上到去，已經比個餐廳氣氛吸引住，整個餐廳比人一個好Grand 既感覺，環境優美就不在講，食物水準都屬於高水平的。不過唔好以為甘既質素，環境，埋單一定好貴wo叫左2個set 餐加小食，飲品，埋單都係1000蚊有找呀。。。😁抵！下次一定要再去😍小Tips⋯⋯鍾意食肉既您，一定要試下佢個斧頭扒💪

朋友生日開party，以為酒吧唔會多野食。點知款式多，仲好好味。叫左牛扒，豬扒，意粉等等，絕對唔係一般貨式。有設計過，睇得出有用心整。最正既係d小食，配上黑松露蜜糖汁，又香又開胃。講完食物，就講下酒吧入面設計，以黑色為主加上雲石地板，低調得黎有格調，有品味。另外，坐得好舒服，唔會迫挾。靜靜地傾計又得，開開心心玩又得。服務方面，職員有禮貌同好熱情，會用心推介當日美食同美酒。仲會玩埋一份。好熱鬧。最後埋單，每人400蚊，價錢公道，以地點黎講，絕對值。就算唔開party，幾個上黎飲下酒食下野聽下歌都正。希望快d再上去玩過。

是日朋友聚會試新場。新裝修環境冇野可以彈。牆上面有油畫及兩張鞦韆。應該係影相打卡位。仲有兩間卡拉ok房。不過入唔到去睇。5人聚會被安排梳化座，舒服。總共叫左兩枝白酒。幾個小食。一個set dinner。小食。晚餐質素高。製作精緻。味道一流。可以翻啅！

尋日臨時臨急想搵間就腳位置同個女仔FD食西餐，有個FD介紹我去諾士佛臺呢間新野，入到去見到個裝修都好豪下，地下用雲石紋，仲有個韆鞦TIM，我個FD即刻心心眼自拍達人上身。我心諗一定唔飽仲要冇千幾二千蚊都落唔到樓仲要呢D日子。叫左兩個set，首先嚟個湯OK既。之後個鵝肝沙律，呢個真心唔錯，大舊得嚟又唔乾仲有塊青蘋果係底幾好食。我自己就叫左個牛扒，個份量同質量都好滿意，岩晒我呢D食肉獸。我個FD就叫左個豬鞍，我唔好豬又驚un，佢切左舊比我又估唔到好淋wor。總括都幾好食D野，如果有埋甜品就perfect啦(個經理話遲D會有)。埋單走，兩個set加叫多兩杯野飲，一千有找，加埋呢個環境同係諾士佛臺，我覺得值得再嚟。