富都餐廳 (已結業)

食物方面算正常 我個人認為公仔麵中有浸奇怪味道；我坐近牆位置，有兩三隻小強爬來爬去，之後要求換位，但新位置的坐椅不太整潔，那刻的確有點後悔進來。地面多垃圾，座位很黏，價錢方面也不算是特別平。姐姐方面望到你似乎會扮望唔到，點餐有難度，我會寧願幫襯旁邊其他小店。

呢日一行二人嚟到元朗鳳琴街嘅《富都餐廳》食下午茶。叫咗個下午茶湯粉面餐入邊嘅榨菜肉絲米粉配熱奶茶 ($36)，朋友點咗碗五香肉丁蛋米粉飲熱咖啡 ($36)。兩碗米粉都好快上枱，而且都幾大碗。榨菜肉絲米粉份量足，除咗榨菜肉絲仲有少少椰菜，不過肉絲就得幾條，大部分都係榨菜。朋友嘅五香肉丁蛋米粉嘅五香肉丁好嚡口，雞蛋就正常。熱奶茶同熱咖啡味道普通，不過不失。呢度食物都ok，不過侍應阿姐講嘢就粗聲粗氣左啲，如果可以改善下就更加好。

同友人揸車去元朗食飯，貪佢門口可以泊街睇到車，就試左呢間。個場好大，人亦吾多，都吾洗等位。一坐低就有位呀姐好粗聲粗氣咁走黎問我食乜，我心諗我地連餐牌都未睇喎，跟住佢好吾耐煩咁叫我地睇下先。到我叫佢埋黎落單，佢又話我點果樣吾好食，叫我點呢樣果樣... 我心諗我自己食乜都冇話事權？！洗吾洗咁多意見呀？況且呢個呀姐講野又大聲又粗魯，我一D都吾鍾意囉～ 响等餐期間，我地發現左最恐怖嘅事就係... 好多小強周圍爬，仲要响擺放食具同已經裝水杯個櫃度不停爬，地下都見到D小強响腳下穿梭。每人1個碟頭飯+1杯凍飲，盛惠$7x一個人。我同友人都一致覺得吾會再有下次❌❌❌

假日晏晝嚟到元朗揾食，一行二人走左入去呢間位於鳳琴街的富都茶餐廳。打開餐牌見到大部份都係假日套餐，唔算太多選擇。我叫左個陳皮鴨泡飯配熱奶茶($54)。呢個飯等嘅時間比較耐，同行嘅人叫左芙蓉蛋飯，食完了先上呢個泡飯，唔知係咪要將D材料滾出味的關係。個賣相都幾好，有件大大件嘅鴨同一D瓜同雜菇，呷啖湯係鮮甜無加味精嘅，鴨肉有調味唔會淡茂茂，肉質嫩滑唔會韌，湯飯軟硬度亦適中，唔錯！熱奶茶有茶香味又夠滑，比好多茶記好飲。食物唔錯，不過有D烏蠅喺度飛飛下，如果餐廳處理一下就更好。

這份工作要四圍去送貨，今日中午站去元朗區，大熱天時食午餐更係入間近近地而且就腳餐廳，於是去咗形點付近「富都餐廳」睇下餐牌有咩午餐選擇🤔胡椒蘿白豬肚湯飯＄45胡椒味不夠，豬肚夠爽，蘿蔔有啲苦泰式豬頸肉炒蛋飯＄45酸味味泰式醬汁配搭豬頸肉零舍開胃

今天約左朋友仔食早餐傾下計，去左元朗鷄地鳳琴路的富都餐廳食早餐。閒日呢間餐廳的早餐時段唔算太多人，可以同朋友仔傾住計慢慢食。見到呢間餐廳的門口放滿櫈，一到午市及晚市門口都要排隊等位，尤其是星期六、日，由早上到晚市都係好多人。餐牌多款組合早餐自由配搭，收費大約三十幾蚊，都好合理。我點左A餐($32)，包括有鮑魚火腿絲湯通粉、午餐肉煎鷄蛋配方包、凍咖啡(加$2)，合共盛惠$34。餸料味道唔錯，通粉口感適中，湯底味道不太濃我鐘意。午餐肉口感少少脆口，煎鷄蛋半生熟，午餐肉連煎鷄蛋夾麵包一起食好好味。凍咖啡的咖啡和花奶配搭適中，又不太甜。

早餐好重要，有冇精神好好應付一日就靠晒個早餐👉🏻👈🏻。不過今次真係覺得麻麻地...坐底點左美式早餐，其實都係豬扒配腸仔炒蛋，本身加錢轉多士，但係個呀姐冇啦啦同我改左做牛角包...我食野好怕退黎退去，所以佢放底左咪算囉...點知個牛角包🥐唔鬆軟都算，仲凍冰冰，冇d牛油香.....雖然我知好多餐廳都係用一個煎爐應付晒早餐要出嘅煎炒野，但係我又真係唔太ok,我食食下個炒蛋，中間跌嚿腸粉出黎....其實豬扒味道ok ge,但係佢整到碟野甘，我又覺得麻麻....勁速食完即是。

先說說餐廳環境，昏暗死寂。唯一可讚地方係點餐速度奇快，但送餐的手法好不禮貌，將啲餐送到隔離枱要自己攞，行多步真係好浪費時間？好，咁呢啲細節野唔緊要，入黎食野最緊要係食物質素，我點咗肉丁通粉+太陽蛋腸仔+餐包。個通粉好似熱水加通粉咁，難食到一個點，幸好肉丁有啲味，才可以將碗通粉送入口，再者，個餐包無食過，真係用黎做裝飾都覺得難睇，杯熱啡都唔好有太多expectation, 垃圾！收銀阿姐好無禮貌，我比咗$1蚊神沙佢，好似做咗佢仇人咁，如果佢語氣好啲成件事可以有個好完場，case close, 晨早流流，真係唔想為呢啲野投訴，但真係唔會再入去呢間劣質餐廳食野，太差勁！

食過幾次宵夜晚飯覺得大如前後，真係成年無黎過了，是日晏晝餓餓地，咁就求其食一間茶記啦。黎左久違的富都，午餐款式無變，入面啲伙計都無乜變，叫左份B餐（$43），一般茶記價位。是日中湯霸王花豬骨湯，幾清甜，無乜師傅味。白汁蘑菇煎龍利柳意粉，個白汁超杰身無乜味，鹹鹹地咁囉，意粉太淋又散，以前食意粉會炒底同硬身啲，今日呢個意粉同放湯啲一樣，龍利柳煎得香口幾好味，配菜只有一堆煲熟嘅椰菜，好過無。熱檸茶就幾好，茶濃檸香。食物水準差左，份量少左，價錢貴左，以前枱有美極同辣椒仔而加又無左，紙巾又無左，感覺各方面都縮緊水。

今日放工經過元朗，見「富都」冇乜人，座位都算舒適，所以入去試吓！餐牌選擇都算多，但見到有海南雞飯，就乜都唔使諗，即刻order.點知......話咁易就中伏先講隻雞 - 雞冇雞味，而且超瘦；食完2件有少少肉的雞胸之後，剩下的就是冇肉的雞背脊同埋瘦猛猛的雞翼。講完鷄，就輪到講飯 - 啲飯超爛，一pat pat，仲以為食緊糯米飯添本人超鍾意食海南雞飯，但係呢個海南雞飯實在太差啦，超難食俾70蚊食呢個餐，真係不值

朝早起身想落街食早餐，跟著就去在富都...老公話呢度選擇多....我望住餐牌就有選擇困難症😌😌😌但經過一連串思考都係揀返最普通既早餐榨菜肉絲出前一丁，有輕微既辣...出前一丁唔會煮得太淋，仲有好香既麻油味！同埋呢度既餐包好軟....唔同其他餐廳.....幾特別！

同女朋友又諗爆頭諗去邊食，諗起早排舅母話：你有冇去食富都，佢開左咁耐而家都重ok喎！咁我地就揀左呢間富都去試下。本黎以為茶記黎，原來係食西餐。咁我就揀左個燒春雞飯餐，有跟湯，多士，凍檸茶。咁湯 檸茶呢d都基本野啦，多士就厚多士黎好大塊，我食完多士加個湯都飽左3,4成。。之後個main dish就黎啦！半隻雞 兩塊火腿 半個煎番茄 加個蛋炒飯老實講，足料到咁，我睇見都飽飽地。整體黎講幾好食，但份糧對我黎講太多，打包左整整一個飯盒返去做聽日lunch...

天氣超級熱，費事去咁遠食，就落樓下茶記算。五點半黎到，仲有午餐，又有下午茶，早啲食飽啲今晚唔食晚飯了。媽話想食沙律，叫左呢個吉列豬扒雜果沙律下午茶，好大份，塊豬扒好大塊呀！炸得香脆，炸粉亦唔厚，好味。沙律有蘋果，青瓜，罐頭雜果得，甜甜酸酸啱哂夏天食。午餐A吉列豬扒茄汁豆飯嘩，塊豬扒仲大塊！！差唔多有個碟咁大，仲要多茄汁豆又多飯，一個人仔邊食得哂吉列豬同樣香脆唔乾身，炸得好好味，茄汁豆係是蜜味個隻味，好好撈飯，食完超飽呀～下午茶時段唔多人，堆埋bb車入都得，幾好

今天走入了元朗早餐，這裡的早餐$30左右，有中有西，不止提供常有的煎蛋火腿/沙嗲公仔面...還提供中式既粥/腸粉等...今早沒有胃口就來個中式野吧。奶茶安份守已，白粥謹守崗位，唯獨油炸鬼失色，唔脆唔新鮮應該係隔夜作為伴粥之品。腸粉微熱，不鞋也不滑，伴上漿汁食飽就好。這餐中規中舉。

趕時間，落街求其揾間茶記食早餐，去左富都，都好一陣無黎呢度食。無黎咁耐，依然旺場，全場坐滿，好彩有得撘枱唔使等位。早餐幾多野揀，叫左兩份，一份跟米粉。煙肉，腸仔，餐包。似炸多過煎，都ok嘅，唔算油。餐包軟熟好食，已預先揸左牛油。煙肉，炸魚，炒蛋，牛油方包。炸魚較乾，炒蛋嫩滑，都幾好。雪菜肉絲米，大碗但味較淡。熱檸茶，檸香。熱奶茶，香滑，水準依舊。