富貴茶餐小廚

營業中

休息中

平時好少食街市的富貴茶餐廳， 因為佢杯茶的確係難飲，但有時諗唔到食咩又想慳慳地食餐飯，但求飽肚就OK 嘅! 今次午餐叫咗個滑蛋牛肉飯，跟餐送湯同飲品，冷熱同價，碟飯超大碟，好足料，好多牛肉，但係啲牛肉有啲韌，個汁有啲咸，杯飲品仍然係難飲，反而個湯幾好，清清地。呢間嘢其實開咗好多年，佢啲嘢雖然唔係幾好食，但係超平同足料，係一間好實在的平民飯堂，間唔中想慳錢都會食下，佢的價錢比起街舖的茶餐廳差不多平成10蚊一個餐。完

20170326(星期日)--是日想到海港吃點心，看見門口的人龍，估計也要等上一小時。到了熟食中心的富貴茶餐小廚，已經下午二時多，有下午茶餐供應。下午茶餐$21-$28，便宜。三人點了兩個餐($28X2):星洲炒米--材料有米腿、洋蔥和叉燒等，米粉炒得不夠乾身，辣度足，不過不失。干炒牛河--牛河份量適中，炒得有鑊氣，河粉不會一舊舊，炒得乾身均勻，牛肉有六至七件，大大件，腍身有點點牛肉味道，味道合格。餐飲:熱阿華田，味道不好，甜度不足，熱檸茶，檸檬有兩片，味道普通。埋單:$56，兩個餐三個人吃也足夠飽肚，價錢便宜，食物味道合格，環境嘈雜。

呢間都算我係粉嶺的飯堂，次次唔想諗食咩，都係去「富貴」食。因為抵食夾大件!例牌同男友都係叫鴛鴦炒飯同時菜牛肉炒河，因為真係超好味~次次都忍唔住叫返呢兩個。你睇個鴛鴦炒飯份量勁大，而且d汁多到就黎滿出來。紅汁係番茄洋蔥汁雞絲，味道酸甜得宜，而且洋蔥、雞絲同鮮番茄爆多，用料十足~白汁係白汁雞絲，味道濃郁，同樣料多，雞絲勁多，而且混合紅汁一齊都好正!飯底係雞蛋炒飯底，混合醬汁，相當滋味~~再來是時菜牛肉炒河，份量也是爆多，牛肉份量快多過河粉，而且醬汁也是佈滿整碟河粉，不像其他茶餐廳勁少汁搞到個粉乾爭爭。而且個炒河蠻夠鑊氣，而牛肉肉質軟腍，口感算不錯，河粉亦不會痴埋一舊舊，整個賣相令人看了已滿足。再嚐一口，味道不會過咸，每一口都能品嚐到醬汁、牛肉、河粉，這個時菜牛肉炒河絕對是水準之作。

當菜心已經要$14一斤時，$20可以有多大作為？粉嶺就有這麼可愛的地方，除了平絕香港的四眼仔腸粉外，在街市的熟食市場亦有不少滄海遺珠。熟食中心的扶手電梯兩旁，已經給兩天陣營佔據了，其他食肆有要在捱打的感覺，大家可以多走一步，自然有運行。看看餐牌，左右互相配搭下要了五香肉丁麵及煎雙蛋。五香肉丁麵在不少餐廳要另加錢，此處已經有良心得多，雞蛋煎得工整，絕不會甩皮甩骨，不錯了。再來一杯凍飲，只不過加$1，少見了吧！

偶然來到粉嶺揾食，來到了熟食中心，其實是街市樓上，各式其式的食物都有呢，而且有劃位，無乜特別心水，隨便坐下了。原來此位屬於富貴，看看餐牌，廿六蚊一個午餐，凍飲都係加一蚊，抵吖。點了雪菜肉絲炆米，勁大碟，肉絲同雪菜都唔少架。不過味淡啲，似乎無乜味精添，都幾好食。太大碟仲食唔哂，浪費左。餐茶要了凍檸茶走甜，茶香又夠凍，啱哂夏天飲，解暑。