富貴小食

營業中

休息中

之前喺車仔麵群組見到有人推薦呢間，咁就嚟試吓食啦。佢係冇座位嘅，啲位係要坐喺條街度食，不過我都唔介意，仲覺得幾有風味。不過食物到左之後發現佢啲餸好少，湯底又冇味，而且因為太多叔叔喺後面又食煙又食花生，感覺好污糟，而且食物都真係唔好食。

窮人恩物車仔麵檔喺香港已經所剩無幾，喺荃灣好多人只係認識「榮安」，其實我有一間同樣食咗多年嘅車仔麵都喺荃灣，而呢間位於大窩口McDonald’s後邊既「富貴小食」可謂平絕荃灣。店內面積不足二十尺，所有顧客都要露天進膳，夏天絕對食到出汗，冬天可以食到暖，老闆娘顧客至上，人情味濃，朝七晚十二營業，無論返工放工都佢同你一齊，門口掛著白底紅字廿二款麵餸。由中學到現在20年吃慣這些地踎小食，食的不只是味道，還有回憶，而且細個食嘅時候，成日都會諗起周星馳電影「食神」啲對白🤣🤣🤣門口向老闆娘講：「米線、豬紅、蘿蔔、蝦條，要辣，幾錢？」老闆娘：「$28」喺現今那百貨通漲環境下仍擠出來的價廉物美，更何況這是既平又好的一餐。試想晚上政府禁堂食，只能拿着外賣與公園的座椅上爬吓一兩啖飯，現在簡單美味又未嘗不可。豬紅非常入味夠腍、蘿蔔揀過無渣夠腍又不會太生，平時仲會叫埋煎釀紅腸可惜今日賣晒。雖然簡單再滾兩滾，但係辣汁仍然好入味。