富臨皇宮

營業中

休息中

10月9日揾食肥華為咗，食呢間酒樓憑報紙廣告，優惠券嘅特價羊肉煲，不借自動獻身，主動加入靚媽個，醫管局同事，每月在此酒楼食飯加吹水嘅群組，因今餐連同肥華合共有8人出席，此吹水宴，所以可憑券柯打兩煲，特價羊肉煲，用咁嘅特價，價錢嚟評論，呢兩煲羊肉無論份量及味道都冇乜得彈，绝對超值，而今餐此店其他菜式，隻片皮鴨及個杏汁豬肺湯，亦係OK之作，至於其他食品，肥華覺得除咗個，瑤柱扒荳苗個味道偏咸外，其他都有不俗水準，所以令到今餐出席人仕，都有個愉快，吹水飯局👍👍👍

今晚美孚富臨皇宮大閘蟹放題超差，上年食過2次，都好好招呼，D🦀又上得快，今年見到優惠訂購平台有做優惠，Book咗9月25號喺美孚食，只上咗1次9隻🦀，就冇人理我哋，其他小菜及小食都冇上，當睇我哋唔到，D🦀最少等15分鐘以上，我哋又發晒脾氣，店員先至扮晒嘢，出2隻🦀俾我哋，千幾蚊俾錢受罪，大家唔好上當，一肚氣😡🤬🤬

晚上同家人一起選了富臨食晚飯首先order咗冬瓜盅餸菜上台上得好快 湯夠熱 湯亦夠濃 冬瓜好清菠蘿咕嚕肉汁夠好味 肉都唔會硬乳豬全體乳豬皮脆口 芝士龍蝦伊麵份量好足 伊面入味 多龍蝦肉蒜蓉炒白菜蒸沙巴龍躉魚魚蒸得幾好 魚肉蒸得滑

部分落單員工態度極差，一d禮貌都冇，好似當人乞食咁。對客人呼呼喝喝。執檯姐姐就好有禮貌。D 野食勁難食…燒鵝凍嘅，又有臊味龍蝦勁多屎全部野食都唔熱嘅 正一垃圾貼錢買難受 垃圾！

今日又同屋企人去咗富臨皇宮飲茶！我哋最鍾意飲富臨皇宮，因為呢度服務周到，乾淨企理喺第二間酒樓比不上，我哋點咗北京片皮鴨食！一鴨兩食 片皮鴨嘅份量都幾大 鴨身用嚟煲湯，每人$200都唔使！

好耐無食乳豬，特登去酒樓食，另外再食咗，芝士龍蝦伊面同蠔皇花膠扒翡翠，芝士龍蝦不過不失，只是芝士味較淡，花膠好多好大碟，有少部分有少少腥，呢個係套餐$598半隻乳豬$328，但部長上枱時已講未切肥，我一望，嘩！全肥，邊係乳豬 ，不過家人話算數，但真係好搵笨，大家千祈唔好叫乳豬食！ 部長話飲宴都係呢批豬。如果飲宴係咁肥嘅乳豬，真係會黑面，應該要退貨。3碟餸，埋單$1100，唔抵呀。不過，佢有啲4人或以上嘅套餐抵好多

傳統新年前夕要同屋企人食飯今次有別與平時，唔揀盆菜咁悶，試啲新意思本身因為爸爸好鍾意食燒鵝，新年就下佢啦明爐極品燒鵝皇佢嘅例牌份量應該係一隻大髀位，皮都香脆既，燒鵝一係係要肉加皮一齊食先完美🥰和味鮑魚伴秋葵賣相幾靚，秋葵用左涼拌手法做，所以會有啲辣椒同埋蒜頭，估唔到咁樣食有幾好食，雖然佢都好似有少少鼻涕嘅感覺，但係食落去味道好開胃鮑魚幾好咬口，而且我好鍾意佢既味，仲好貼心鮑魚每隻都一開二流沙奶黃包佢呢個流沙包絕對同平時唔一樣，平時飲茶已經好鍾意食流沙包，但食開嘅流沙包都係細細個，佢呢個一籠一個，而且你唔好諗住搣開一半食，因為會真係焫親佢嘅流沙餡真係多到好似平時嘅芡汁一樣誇張到我已經要滅少少點嚟食，好正🤪

今日去咗富臨同屋企人食飯我哋叫左明爐極品燒鵝皇酒樓好細心咁熱住d燒鵝, 所以食到最後都仲食到d熱辣辣嘅燒鵝燒鵝份量都幾多, 有勁大隻燒鵝髀, 幾抵食燒鵝皮勁脆, 油脂分布平均👍肉質嫩滑仲有叫左和味鮑魚伴秋葵我幾鍾意呢個冷盤, 清新得來又不失禮一份已經有半打鮑魚, 鮑魚超級冧,秋葵面頭上面有啲辣椒, 夾開個時仲超級拉絲, 爽口得來又超級惹味😋另外加埋流沙奶黃包超級大個😆一搣開啲餡仲流晒出嚟D奶黃熱辣辣勁香👍

在美孚探訪朋友後，太太想到酒樓食飯，便來到附近最方便而味道亦相對較好的富臨皇宮，酒樓內果然滿座，證明口碑不錯✏️位置（9/10）：荔枝角道旁，非常便利✏️環境（8/10）：店面夠大，光猛亮麗✏️衛生（8/10）：白白凈凈，感覺衛生✏️服務（8/10）：經理態度友善，上菜快✏️食物（8/10）：食物質素高，價格相宜🌟富臨燒鵝皇（例） - $118首先是太太最愛食的燒鵝，例牌竟然也有燒鵝髀，相當驚喜！燒鵝肉質鮮嫩，滋味多汁，外皮夠香脆，醬汁鮮味，整體令人滿意🌟和味鮑魚伴秋葵（6隻） - $228餐牌上的必食推薦，有6隻件頭不算細的冰鎮鮑魚，預先切半方便食用，醬汁香濃，鮑魚肉厚入味。秋葵伴了辣椒、香蒜和醬油，原來這樣處理秋葵，口感清新味道亦不錯呢🌟奶皇流沙包 - $10.8/個比想像中大隻的奶皇流沙包，一籠一隻，熱熱辣，打開流沙效果很好，滿滿香濃的蛋黃味，一定要試試🏠富臨皇宮📬地址：美孚美孚新邨百老匯街85號地下C舖

今日喺美孚站A出口行出嚟好近就見到呢間酒樓🌸極品燒鵝皇 $118/例 $228/半隻 $438/隻我哋人少少，就少少地要咗個例不過份量都唔少,皮幾脆🌸奶皇包奶皇流心, 上枱嗰陣熱辣辣🌸和味鮑魚伴秋葵 $228/6隻秋葵上面有好多蒜蓉，食落好香口鍾意食秋葵同埋蒜蓉嘅朋友一定要試吓喇鮑魚佢幫我地切開咗一半，好容易食到👍🏽👍🏽唔會食到好論盡佢嘅醬汁都幾好味😋🌸另收茶芥及加一服務費 * 🌸茶芥＄12/位*花生$12 (2-5位1碟，6位以上2碟）

自從限驟鬆綁後，近日幾乎每天也外出進餐，皆因農曆新年快到了，可以襯機與親朋好友預早團年。最近，更有朋自遠方來，BeautySearch 當然不會錯失與她相聚的機會。由於她長居外地，每天都以西餐為主，難得回港，當然要與她品嚐中式風味，而我們選了位於美孚的《富臨皇宮》。這裡的裝潢相當有氣派，以白色雲石作牆身，配上華美貴氣的水晶燈，相信不少新人也愛選這兒作為婚宴場地。明爐極品燒鵝皇是富臨有名的招牌菜，聽說大廚會遵循傳統做法，於鵝隻腹部放入葱、薑、蒜、八角等醃製一天風乾，讓鵝肉吸收精華，再烘烤至焦糖色澤，最後以熱油「搶皮」提升酥脆度，吃時不但能滿足味覺享受，連視覺也關顧周到呢！今次我們點選的是例牌，竟然有幸遇上肥美的脾位，不但皮脆肉嫩，鵝香十足，油脂豐腴，皮肉脂肪相間，份外味美喔！和味鮑魚伴秋葵，一客有六隻鮑魚，相當厚肉，醬汁鮮甜香濃，入口細嫩有彈性，爽身有口感；秋葵好多汁，有益身體抗氧化，完全沒有苦澀味。我倆不愛吃飯麵，所以點選了流沙奶皇包，即叫即蒸，上桌時熱烘烘的，加上滑溜流心內餡，超正喔！

臨近做冬，正所謂冬大過年，緊係要一家人齊齊整整食返餐啦😬而屋企人想去食中菜，咁今次小編就身先士卒去左試吓味先啦😂就去到美孚嘅「富臨皇宮」羊腩煲 $138天氣凍就緊係要食返個羊腩煲暖下身啦😂啲羊腩好入味 好腍😋仲要冇羶味🤤京式片皮鴨 $188/隻片皮鴨一向係小編嘅最愛😍麼麼皮好薄呀！啲鴨皮又脆又香！夾埋一齊食味道岩岩好😋金銀菜燉白肺湯 $148/盅真材實料嘅老火湯😋湯料包括有：豬肺、雞腳、雞肉、瘦肉、大白菜同埋白菜乾，非常滋潤清甜嘅湯水🤤

一到冬季，梗係諗起要食羊腩煲喇，食完個人暖粒粒好正㗎！行過呢度見到原來而家羊腩煲有特價，晚飯任何消費加幾十蚊就有得食，咁抵梗係要試吓！呢款砂鍋羊腩煲細細煲，啱晒我哋二人小家庭，不過唔好睇佢細細煲，原來都有唔少羊肉，仲有我最鍾意食嘅骨位同埋大塊羊皮。羊肉半肥瘦，都炆得好淋，而皮位食落好q彈，仲有好多枝竹同埋冬菇，點腐乳食勁正！呢到啲京式片皮鴨都好值得食，即叫即片，而且師傅技術唔錯，片到夠晒薄，大大塊皮少少肉，所以食起來特別香酥，呢種就最好食㗎啦！那陣陣鴨油滲透舌尖，夾少少青瓜蔥絲又可以提升爽脆感。補身達唔少得飲埋金銀菜燉白肺湯，白肺好難自己喺屋企煲，出嚟酒樓飲就慳水慳力啦。仲用咗咁多金銀菜同埋瘦肉雞去煲，夠晒下火，夠晒清甜，睇到咁多湯渣就知道好足料啦！

羊腩煲同片皮鴨都係我至愛，係冬天嘅時候食係最正，依家天氣凍凍地，就黎到一試，呢度有主打羊腩煲及片皮鴨古法羊腩煲 $138羊腩煲好好味，全埸都有order ，寒冷冬天最好味，羊腩好淋又香，加上腐乳醬就更美味 京式片皮鴨 $188全隻片皮鴨，脆皮外皮，充滿甘香鴨味，加上麵包加香蔥青瓜，當然要加甜醬一齊食，實在太美味😋 金銀菜燉白肺湯 $148呢個湯用好多材料餚製，包括雞腳、豬肉、豬肺等，又有金銀一起燉，火喉十足，飲落清甜又滋潤

富臨皇宮在美孚新村，佈置華麗， 空間感十足， 環境舒適寬敞。金銀菜燉白肺廣東人最喜歡飲燉湯， 白肺湯更是人氣之選， 有滋補潤肺功效，份量十足， 夠曬真材實料， 湯底入口鮮甜 ， 因為長時期燉煮 ，白肺、 雞肉及白菜軟稔入味， 雞肉好容易已經骨肉分離， 正好適合冬天滋補潤肺的湯水。京式片皮鴨油光亮麗一片片烤鴨片， 熱呼呼，香噴噴， 令人垂涎，嚒嚒餅皮用蒸籠盛上，保持溫度及濕潤， 先塗上甜醬， 再放上鴨片、青瓜絲、 京蔥絲，包起來去 一齊吃， 別有一番風味， 熱呼呼的嚒嚒餅皮，充滿麵粉香氣， 包裹著的烤鴨片，皮脆肉嫩 ， 充滿肉汁， 讓人喜歡。古法羊腩煲時令的羊腩煲， 冬天暖胃的必食 之選 ，打開蓋時，香氣十足， 熱燙燙的羊肉不但軟嫩， 還有淡淡南乳的芳香， 沾上腐乳醬汁， 滋味加倍提升， 跟配的還有軟滑的支竹、冬菇及爽脆的馬蹄， 食完整個人暖笠笠。