富臨皇宮 (已結業)

北角是我讀幼稚園的地區，自升讀小學同中學，都好少回這地方了。也聽個父母講過，呢間酒樓的地址，也是父母當年在這裡擺喜酒，現今，酒樓的名亦己更改了。咁啱，今晚係附近約左朋友，傾公事，要找個地方，可以坐得舒服，開餐。我都是初次，到呢度食飯，比我的印象唔錯，光潔明亮，餐桌擺放距離遠。特價晚飯小菜，非常低食，好經濟！金菇肥牛粉絲煲，肥牛同配料十足份量，超濃的沙嗲醬汁，黏稠剛好，牙菜夠爽脆，牛肉嫩滑，唔嚡口，入口香濃美味！櫻花蝦海皇炒飯，大大碟，足夠四人份量有多，米飯粒粒晶瑩，分明、乾身、配料有櫻花蝦、干瑤柱粒、青菜粒、雞蛋花、蔥花爆炒，香味四溢，再灑上炸香口的蝦米乾，口感美味。

11點幾入去食野，叫左幾個餸，其中有炆米同肉餅。 等左4個字，先話無炆米， 追肉餅，就話整緊整緊。 叫3碗白飯，都要等15-20分鐘。 最後找個著西裝的追肉餅，佢先print單同我們講，無落到肉餅😡😡😡😡等左1個鐘先知無肉餅，過份！

星期六去北角富臨飲下午茶,叫了好多點心,還有伍隻紅燒乳鴿,點心都是保持水準,乳鴿方面,相當出色,肉質鮮美,價錢是二十元,我個人食了兩隻,真正用價廉物美,來形容。

今晚同屋企人食飯，d白飯凍嘅，叫人換又慢一慢，問多句就等等先啦！真過份。好啦！嚟啦，用手指直接摸落d飯:"唔係呀！仲暖暖地吖。"佢咁都講得出。茶好笑，又係暖暖地。"太熱驚辣到你地吖馬。"亞姐真一流員工，幫公司幫到！叫個五至六人餐，老實講，味道唔算差，但就真係唔太熱，可能係酒樓大、幾層。衛生一般要自己再清潔，我有去其他地區富臨，都好地地㗎，餐牌同5、6餐d菜一樣，唔明點解北角差到咁。大家唔想辣親就去試吓啦！

剛剛到北角富臨皇宮，上到去問左重有冇得食，門口兩個阿姐話有，座低未睇餐牌，茶未開，女侍應就係咁叫龍蝦伊麵，龍蝦伊麵，我話未睇餐牌，女侍應又同佢同事大大聲話再入客唔好接，師傅做死，咁驚做未擺牌做咩宵夜，即刻走人當時晚上九點半，唔怪得好多人話富臨係垃圾，永遠都唔會去。

今日晚宴在8:30開始，菜單款式豐富，看看質素如何～先來第一道脆皮乳豬全體今晚依隻係瘦豬仔，吾會感覺好油膩，幾好翡翠蝦球蚌片勾䇜粉過多，偏油但調味適中 吾會過咸 蝦球爽脆 蚌片軟身 發財好市大利生菜墊底 上面有蠔鼓 鹵豬肉 少量髮菜 同一粒冬菇味道不錯百花炸釀蟹拑竹笙海皇翅翅既份量都多！清蒸沙巴龍躉魚肉軟滑 不錯蠔皇遼參扣玉掌又係生菜墊底 海參軟滑 鵝掌夠入味仲有一道無入鏡既當紅炸子雞皮脆肉滑，咸咸的但幾好食～生炒糯米飯野菌炆伊麵飯和麵都吾會好油或好咸 幾好福祿桃包即係壽包，全部都係蓮蓉餡，入面仲有一粒咸蛋黃酒樓d包同出面買既蒸包吾同，好食d嫁，所以幾飽都會食，但都幾大個下，食埋個包真係飽曬最後仲有紅豆沙吾會好甜！美味的飯後甜品熱辣辣食埋就暖笠笠整體味道吾差～

每個故事開頭，總有原因，這次飯局單單是為了天氣凍，加上無肚痛，所以同事們就搵左間所謂平靚正既任食打邊爐暖胃。。。其實一睇食評就發現。。都真係無咩食評。。而且有都係有彈冇讚，其中仲有d咩小生物小強強伴食，講出黎同事都笑言話無野既。。畢竟d食評都幾舊。。。去吧。。1830開始食，全場可以話係清幽，因為根本全場加起來不夠十圍人。不過好處就係侍應反應相對快d，一圍兩爐隨即上檯，成個蓉蓉爛爛，條邊爆開晒，爐面黑媽媽既燒焦漬，反正不是吃個爐，算了，但最恐怖的一刻出現了，一放低個爐，成隻小強跌出黎嚇到立即叫丫姐，佢竟然話“無事既，等我黎”之後一手捽死佢，仲要只用手指。。。當我地驚魂未定時旁邊的檯也聽到女士的叫聲，情況也是小強出現，小強被消滅。算了，反正不是吃小強，開始落單，但望住剛剛圖手殺死數小強的丫姐運送食物過來，心情和食慾同時受影響。單論食物其實不差，特別好味既原隻八爪魚，爽脆既生腸，軟滑豬頸肉，都算幾新鮮既蔬菜類，異常大份既炸魚皮等。可惜肥牛太肥又黑黑地，滚兩下都勁韌扣了一點分。如果閣下/閣下同伴不怕小強，可以心無旁逸地吃，可以來試試，只需128任食任飲。ps:9時30分離場依然十圍人都沒有，

黎左富臨食下午茶，下午茶時間到！富臨記晚飯同埋中午飯都幾貴，下午茶真係平到你唔信。個人覺得佢d灌湯餃幾好食多汁。唔係好重味精，豬肉很嫩口，配上湯汁簡直是一流。另外覺得幾好食係個馬拉糕，因為佢整得好鬆軟，一d都唔死實，蒸的時間岩岩好。口感好似空氣口感感，食完都唔飽，非常之好食呢！蝦餃既味道我覺得幾好既，但係個粉皮實在太厚喇！厚度同個餡唔係真係好差好遠。腸粉點上豉油都幾好食既，但係牛肉裏面個塊牛肉脫離左個個腸粉皮，一夾就成個散咗，所以等得麻麻地啦。叉燒包都整得幾ok，但係冇乜驚喜，水準係有既。個餡都幾入味同埋叉燒味濃，一粒粒有肉地，唔油膩~嘆茶有兩點幾嘆到五點幾都咪話唔爽。茶位都幾抵！！

見佢有個好吸引既poster話食跳舞雞所以決定一試所謂既跳舞雞($48)就好似豉油雞咁 不過用個鐵架撐住左肉質係滑既 不過唔知點解雞胸有少少難咬開 豉油雞好似仲香d肉質軟滑d 唯一吸引既係佢完隻上 姐係大家可以原始d 豪邁d 都係開心既 雞略嫌細左d 只夠兩個人叫多左個雞湯($128) 大大盅 夠四個人 飲到兩個飯碗 同埋唔油 個湯既雞腳煲到滑lulu 一吸就呑得 正! (感覺上充滿骨膠原)其實三個人叫埋飯 咁就夠食

丨昨晚和朋友去晚上去北角富臨試他的特價龍蝦芝士伊麵，碟龍蝦一到看見龍蝦殼黑黑的，比哂啲頭！一舊正常肉都冇！😡叫侍應跟進廚房換過碟龍蝦伊面，佢哋竟然話唔會再煮！特格是這樣的！簡直離譜！我本人是去開他們另一間分店食。是怎樣我心中有數。我另外，還叫了兩隻乳鴿，這𥚃乳鴿一隻分兩邊上，兩隻乳鴿碟上四件，望見都覺得好笑。這次光臨大開眼界、還有很多問題簡直一言難盡！

由於太忙，擺了2個月才執筆寫這編食評。話說一家人想食他們推廣的阿拉斯加蟹，當天因接近母親節，訂檯時已問清楚是否推廣價的$188斤，回覆是肯定的，於是3個family剎到上去，點了一隻燒鵝？加幾個小菜，諗著加埋隻大蟹就剛剛夠食，點知個服務員聽到話已訂大蟹，即刻話等等，轉頭返來話即日價要每斤加幾十，當場找經理交涉，最後個經理好像施舍咁話平價賣比我們，聽到已地，更加出人意表嘅係轉頭個服務員走嚟話廚房太忙唔肯做蛋白蒸蟹，問我地清水津食唔食，大佬6點半頭輪有幾忙呀？當場已沒有心情再食，取消了蟹求其叫幾個小菜食算。講返食物隻燒鵝合格的，但個汁勁重味精，其它咕嚕肉質感非常柴，醋味十足，火腩大鱔煲及魚香茄子煲，濃油勁"獻"，睇到翻胃，全部一個味，我個印傭煮得好過佢。炒菜也是油津水焯菜，無話可說。

今餐晚餐真係食得十分不愉快，先係素鵝，呢碟素鵝唔知點解要再加粉係外面再炸，咁炸法都算，最重要係炸完好多油，仲要係凍同唔係脆嘅！ 乳鴿....見到賣相已經呆一呆，係一種獨特嘅切割方法，第一次見到唔係分開四件，係就咁切開一半.....肉質仲要係(梅)嘅😭😭主角木桶豉油雞，竟然一陣如跌打酒嘅味。 同一位待應姐姐講，佢用鼻索咗索話我哋d雞今日到一定冇問題，之後我哋再講，唔係隻雞問題，係醬汁問題，我哋話一係取消佢，一係轉其他嘢啦！佢話叫經理過嚟先，好喇，經理過咗嚟，但個經理只係發呆唔出聲企係到周圍望，淨係得待應姐姐好勞氣咁講，問咗師傅隻雞冇問題，我哋又再強調都話唔係隻雞有問題，係醬汁有問題。之後我哋話不如幫我哋轉做白切雞啦！經理終於講咗一個字“好”。。。。到最後覆我冇晒雞喇....其他餸都係十分差，成餐飯最好就係生煎包喇😭

午餐時間, 跟二十年的老客戶飲茶聯誼 ....  互相交換業界的心得, 談得不亦樂乎 ~乾燒伊麵伊麵的麵條柔軟, 可惜煮得過於腍身而失去彈性, 韭菜、草菇也偏少, 味道豐富而帶點甜味, 油分不算多, 尚算不俗 ~煎蘿蔔糕煎得夠香, 奈何非常乾身, 粉漿與蘿蔔的比例失衡, 總比快餐店的好, 仍屬於很一般的出品 ~化皮燒腩仔上枱時仍然是暖, 豬皮炸至酥脆, 五花腩肉層層明顯, 豬膏入口即化, 豬瘦肉醃得不會很鹹, 吃過幾件也不覺膩滯  ~由我老爸時代便光顧的老客戶, 實在是我公司的寶 ~本篇完 ~

尋日(24-10-2015 Sat) 同男友送完佢養母最後一程後,亦跟大隊食英雄宴,仍o地訂o左呢間,我o地比原定o既11:30am早半個鐘有多到,知客係咁話我o地唔早啲打電話o黎.我又點知呢?我又唔係主人家.佢o地就臨急臨忙開o左間8圍o既房俾我o地坐,個經理就好啲,話我o地早o左o黎,啲員工要11:00am至返,叫我o地坐吓先.啊,冇問題,係我o地早到,呢個係我o地問題,亦可以理解.我o地坐低o左,養母家人11:30am都到齊,坐好後係要7圍,亦都開如上菜喇.記得我同男友新年o黎買點心食(o個個食評: http://www.openrice.com/zh/hongkong/review/%E5%8C%97%E8%A7%92-%E5%AF%8C%E8%87%A8%E7%9A%87%E5%AE%AE/2427626?tc=sr2&con=rvwer),已經驚驚地.1. 燒肉係五花腩,皮好脆,肉o既口感都鬆軟,唔錯.味道: 4.5分 2. 海鮮香芹海鮮有蝦仁同魷魚,兩者都爽口,西芹嫩冇渣,味道清淡.味道: 3分3. 雜菌有雲耳,雪耳,草菇,芽菜仔,小棠菜,呢個我食得好少,味道都正常冇問

今晚想食火鍋，行經北角，見酒樓門面華麗雅致，又有雞煲任食火鍋，決定一試，怎知是惡夢的開始!!晚上8時半，火鍋區有10枱客左右，先點了鍋底，雞件魚蛋冬菇等大路食物尚算ok, 很差的包括肥牛，很老，豆腐有異味，唐生菜有苦味…吃著吃著，竟然看見枱面出現一隻小蟑螂，心裡開始不安，不久後就再出現第2隻!! 登時反胃，最驚嚇的事還在後頭，枱上突然出現一隻大蟑螂!! 立即飛身離枱，嚴重作嘔!! 酒樓侍應阿姐一手把牠弄死，還笑笑口話因為食物太香引了牠們來!!! 然後提議我們調枱，天啊! 發生這種事還吃得下嗎?! 找經理理論，叫我們不用埋單，又說會加強清潔。回家後仍覺肚痛不適，想到酒樓的情景就覺非常嘔心，不知吃下的有多污穢，心理陰影很大! 已向食環投訴。