富臨皇宮 (已結業)

這個酒樓位置闊落，燈火通明，位置舒適，有卡位坐。腸粉皮薄咸靚，包點味道還可以，粉果皮太厚，菠蘿咕嚕肉味道還算不錯。鮑汁鳳爪好好味，食完會想再食。荷葉籠仔斑腩飯好抵食，超大籠，而且飯都有荷葉香氣，整體來講唔錯。#富臨皇宮

今年大家都要留系屋企食團年飯，阿媽話要收爐吾肯煮，集家人意見，決定嗌「盆菜」​云云盆菜中，媽咪話最想試吓龍蝦大王「富臨皇宮」​推出嘅​六人金裝鮑魚盆菜 $10​80​訂購方便，只須打個電話去，提前兩小時預訂就可以拎得。​​盆菜集齊21 道矜貴食材，​包括原隻鮑魚、大花膠、養顏海參、原粒瑤柱、厚冬菇、金蠔、大蝦、鮮香金蠔、發菜、切鷄、燒鴨、豬手、扣肉、臘腸、芋頭、豬皮、枝竹、蓮藕......真係數極都有，​每款食材都足夠六人份量, 肯定系勁量級。​先由面層嘅矜貴食材開始，我至愛首選養顏顏花膠；爽口大蝦；啖啖肉花菇，繼續食落下層，食材開始吸收湯汁，豬皮、枝竹等勁索味，但又吾會越來越咸。雖然這個盆菜是六人份量，但份量超足，大家合力都食吾晒。

話說我呀媽成日睇啲YouTube片見到人食大閘蟹然後不停同我講話好想食然後我就唯有陪佢食🙈最後陪佢去咗富臨食大閘蟹放題大閘蟹都有清蒸、花雕、油鹽焗全部任叫任食除咗大閘蟹，仲有片皮鴨任食。每位仲包一份鮑魚涼拌秋葵同花膠螺頭雞湯個湯都幾足料，幾好飲👍🏻雖然啲蟹唔係隻隻都爆膏，但任食黎講都唔錯又可以滿足一下我呀媽想食大閘蟹嘅願望食完呢次又可以等下年先再食大閘蟹😝大閘蟹放題：#和味鮑魚伴秋葵🍞#花膠螺頭雞湯🐚#海味雜菜煲🍃#京式片皮鴨(自取)《無限追加》🦃#大閘蟹(清蒸、花雕蒸、油鹽焗)🦀#多款甜品及主食任點任食♾️

呢晚就同親友食大閘蟹放題 （兩小時任食）3款大閘蟹任食：清蒸花雕蒸鹽油焗 另每位包 1份原盅螺頭花膠湯和美鮑魚伴秋葵蟹粉小籠包$468/位 （電話預訂減$40/位 即$428） 和美鮑魚伴秋葵鮑魚炆煮都幾入味，彈牙。仲有最吸引我係 片皮鴨 都係任食～醬料，外皮都齊備。湯頭濃郁又無咩油。蟹粉小籠包滿滿蟹粉，超有份量!大閘蟹size 唔算好細隻，不過蟹公比例佔多，我自己食左4隻！糯米飯、雜菜煲、6款甜品都任食2隻大閘蟹就拆到甘多肉喇！最後都飲番個重薑味蕃薯糖水先，整體滿意！

中秋節 當然要同屋企人共聚晚餐今年選擇唔出街食 又唔想家人煮食外賣盆菜都係一個唔錯選擇但今年大家收入唔穩定 屋企人打算平平地食一餐拿個意頭 俾屋企人無意發現富臨 有個外賣盆菜 都係$488仲可以俾4-6人份量今次屋企人買左「龍蝦鮮味盤」回家原來入面有大大隻龍蝦 海參 鮮海蝦 帆立貝 花膠 鳳爪 燒肉 冬菇 豬手 切雞 青口 芋頭 貢丸真係樣樣俱備佢地好貼心將盆菜汁另上 回到家 加埋個汁在盆菜內加熱就食得味道方面我個人好like食鳳爪 因為好入味而且好夠淋花膠都好重膠原 食完個嘴 好黏糊糊而個汁係南乳汁 好夠味

五星級月餅·媲美五星級酒店質素！鐵盒包裝清雅，淡雅粉紅色背景加上優美的蓮花，送禮一流。#雙黃白蓮蓉月餅 是最受歡迎的傳統月餅口味，切開一半之後見到兩個鹹蛋黃又大又圓，就好似中秋節當日的滿月。#富臨酒家 的 #月餅 都有水準，味道適中，最重要是不會太油膩及太甜，恰到好處。 #富臨月餅

夜晚唔被堂食其實都幾煩，晚晚要諗買咩食。今日見到富臨出咗新既外賣自取優惠，差唔多樣樣都半價，而且份量好足添。黑椒薯仔牛柳粒呢個平時閒閒地過百既小炒，而家都係62蚊。薯仔香脆又有蜜糖既甘甜，牛柳粒肥瘦適中咬落好淋又有牛味，再加少少黑椒汁調味，送飯一流!蓮藕咸魚肉餅另一款送飯絕頂既小菜，肉餅厚實又彈牙而且唔會痴牙，咬落有蓮藕既爽口外仲有陣陣咸香味，唔會好重味同埋太咸！嗌外賣前可以打去佢地分店落定單預時間，我去到岩岩好有得攞，熱辣辣!

疫情之下,間間都推出外賣優惠小炒,主食,斬料都有折扣,低至48折即係半價!小菜有好多款式,包括生炒骨,粟米魚柳,咖哩雞,涼瓜牛肉,煎肉餅,梅菜扣肉,炒飯,伊麵仲有黑椒香薯牛柳粒,炒肉片,羅漢素,番茄炒蛋,蝦仁炒蛋,蒸魚孖寶套餐等等仲有出爐燒味,鵝,雞,叉燒~滷水最後決定買一份黑椒香薯牛柳粒,折後$57,另加一款馬來咖哩雞$44加多個揚洲炒飯,份量足夠兩至三人吃用埋單都係$143,炒飯分到3個飯碗,好大盒炒得香口,有好多料頭蝦粒,肉粒,菜粒,調味亦夠,唔洗另外加味,味道口感都好豐富咖哩雞唔算辣,雞肉骨稍多,咖哩汁夠濃,拌勻撈汁食一流黑椒牛柳粒,肉份量不少,十件八件,咬開仍然嫩,仲帶肥,夠甘香,真係唔錯薯仔份量比得多吸曬黑椒汁好食

連續三日足不出戶，趁今天要來北角覆診，就順便買埋外賣先返屋企，今次揀咗診所附近嘅「富臨皇宮」。酒樓最近做緊外賣自取優惠，精選小菜、主食和廚師推介，定價低至 48 折，另外海鮮、孖寶搭配、出爐燒味及餐前小食等，亦有唔同嘅折扣優惠，非常抵食。到埗後可以先上一樓問店員攞外賣紙，再坐低慢慢揀，睇啱先落單，亦可以預先打電話訂購。點咗兩個小菜同一盒炒飯，雖然係外賣，但全部都即點即製，絕不馬虎。 先試下個西蘭花炒蚌片蝦球 (原價 $128、48折 $61)，估唔到都幾大盒，分量十足，絕對無將貨就價。西蘭花水準唔錯，熟透度剛好，腍身得嚟仲帶少少爽，而蝦球亦食得出唔係雪藏貨色，夠大隻又新鮮，配埋爽口鮮甜的蚌片，用來送飯一流。至於盒黑椒香薯牛柳粒 (原價 $118、48折 $57)  亦非常美味，薯仔炸得外脆內鬆化，牛柳粒半肥瘦，食落軟腍適中，加上每顆食材都裹有蜜糖和黑椒汁，夠曬香口惹味。另外個揚州炒飯 (原價 $88、48折 $42)  食味亦相當不俗，炒飯用料很豐富，有蝦仁、菜粒、蛋絲和叉燒粒等。米飯炒得顆粒分明、乾身不油，雖然唔係即食，但回到家享用時，仍然覺得好味。趁有折扣優惠，搵日要再嚟外賣其他小

由於疫情關係， 少咗出街食，多咗叫外賣，見到外賣有四八折，就幫襯下。夜晚都有唔少人排隊等外賣，但唔使等太久，外賣就已經準備好。西蘭花炒蚌片蝦球 ($61)蝦球中size，爽口，有大量的蚌片，西蘭花煮得很入味，調味適中，外帶到回家還是熱辣辣的，是即叫即炒的小菜。菠蘿生炒骨($42)大路菜式， 甜甜酸酸， 有炸過的排骨，還有甜椒和菠蘿。北菇扣鵝掌煲($61)堂食要過100蚊，而家咁平一定要試一試，鵝掌都夠淋，不過如果再煮入味啲會更好，單睇菜式名，估唔到還有海參，成個外賣矜貴曬。黑椒香薯牛柳($57)牛柳頗大粒， 有煎炸過的薯仔， 黑椒味適中。揚州炒飯($42)最喜歡這個揚州炒飯，炒得鬆軟，不油膩， 配料豐富，有碎肉粒、蝦粒、芥蘭粒和蛋等等，飯和配料的比例均衡。 瑤柱金菇炆伊麵($42)一盒滿滿的伊麵，份量頗多，驟眼望以為偏鹹，吃落也挺不錯，有金菇和蘿蔔絲增加口感。

阿媽建議試下。一入黎就知唔掂餐具油淋淋，有漬，洗3 次都未乾淨上菜慢係咁sell人甜品。正餐都未食，點食甜品？叫壺滾水成壺黃色唔知咩黎蝦炒飯啲蝦個頭全黑色，喪屍咁炸魷魚啲粉同啲肉完全分離又無味好恐怖叫個薄撐 勁多獲撈。好嘔心。唔好去佢地厠所！ 記住！

一向唔好中菜嘅我，今日應朋友邀請來位於北角既富臨皇宮飯聚。由於中秋節將至，所以富臨都推出了很多套餐，價錢都好實惠。因此我地一行10個人，就叫了一圍既套餐一齊食。1️⃣法式芝士焗加拿大龍蝦伊麵底2️⃣脆皮乳豬伴素鵝3️⃣翡翠蝦球蚌片4️⃣玉環瑤柱甫5️⃣清蒸金花尾6️⃣竹笙海皇燴燕窩7️⃣濃湯有營泡菜苗8️⃣當紅炸子雞9️⃣有機野米炒飯🔟養顏桂花糕結論：整體感覺食物一般，有部份食物偏鹹，服務質素一半。

呢一間北角嘅富臨皇宮，出咗名多福建人幫襯，8月11號，中午12點，我路過上址， 於是就上去外買一個"福建炒飯"畀我呢一個朋友食，而我呢個朋友，就係啱啱8月11號由福建蒲田受聘嚟香港工作5小畤嘅朋友。我就買咗兩個福建炒飯一齊食，佢一盒我一盒。福建炒飯，個飯明顯用豉油炒過，都有少少雞蛋但係唔多，餸料唔係好豐富，但係都有啲蝦粒、火腿、菇、紅蘿蔔、瘦肉、菜粒，基本上所有餸料都食得出好大陣雪藏味，而且個芡汁好咸，個飯都係好咸。如果係一般茶餐廳嘅話，我勉強會收貨，但係要知道呢一間係酒家，唔係茶餐廳 ;我同朋友超失望。

話說星期日滿心歡喜同屋企人飲茶。。黎到好快就有枱！唔錯！但食物質素同服務態度就有待改善。。1. 我地枱叫嘅嘢俾哂隔離枱2. 再隔離多一張枱叫嘅嘢又俾哂我地枱喎3. 好啦知道俾錯咗但人地已經食過 個啊姐竟然想拎翻過黎俾我😱😱😱真係有d誇張🤣🤣🤣食物質素方面1. 叉燒腸粉=莞茜腸粉 送幾粒肉2.XO炒腸粉=炒乜鬼 蒸就蒸啦 仲要苦嘅3.薄撐=幾好食😌可惜俾錯隔離枱4.排骨=只有骨總括黎講 呢間嘢我食得好辛苦懇求大家唔好以身試伏下星期日都係食翻m記算。。。

北角富臨酒家除了堂食有兩層外，還有地下外賣部。大部分點心無論蒸或炸只賣$12一籠，少部分賣$18，最貴的是蝦餃賣$20、腸粉賣$22。蒸飯大大碗，有三款選擇，全部都是賣$20，所以很快便會賣清。今天買了豉汁蒸鳯瓜及鮑汁鮮竹卷，兩樣共$24，份量足又够熱十分抵食。鳳瓜配花生炆得腍滑，加入一兩片红辣椒，微微辣帶起蒜蓉豉汁醬味道，非常好吃。鮮竹卷的腐竹爽滑，饀有肉椰菜調味適中，另配上兩條青豆，有賣相有質數。