富田和食亭 (已結業)

今晚同Ah四去了家附近商場晚餐,終於首次幫襯了富田,此分店才開幕五個月,但晚晚都好爆場,咁遲先幫襯是以為香港人開的日本餐廳,好食極有限,不過今晚幫襯過後,要改觀...我們order 了:-1.炭燒鰻魚石頭窩飯($38)---這個勁推介,石窩上枱熱辣辣,飯面淋上照燒汁,未食望落去D汁好似唔夠多,其實D汁比石窩裏的熱力給蒸發了,D飯食落去有好香照燒味+飯焦香!可惜鰻魚肉數量少,得三小件,但燒得很香。:2.牛油粟米叉燒拉麵($33)----我認為好味過味千及和民,麵夠彈牙,湯底夠香甜,叉燒冇吃,唔知得唔得,不過個pat牛油我認為唔加仲好!3.芝士鳳尾蝦煎釀餃子($32)---夠創新,一碟有四隻,餃子裏釀入原隻鳳尾蝦、豬肉及芝士,餃子面還曬上香草,夠香口鮮甜,可惜芝士味略兼不夠。4.甜品----藍莓芝士餅($20)-----推介!好味到震,餅底好香濃芝士味,上面舖了酸酸甜 甜的藍莓果漿,極品!可惜我咳祗可以試少許,望住Ah四食哂件cake,超冇癮!服務方面很好,待應反應快有礼貌,食物上枱快,也常幫我們加添好好飲的綠茶!希望他們一直keep到咁嘅水準,唔好有頭威無尾陣。

成日聽家姐講話樓下食日本野...仲於趁姐夫夜晚要開工...約埋家姐,姨甥同個朋友去試試...總括黎講..真係唔錯喎..因為叫家姐發板..所以唔係好知真正咩名...3客三文魚壽司...舊飯整得確實唔錯...一客三文魚捲,專為個4歲既姨甥吃既...一客劍魚刺身...都好新鮮..油份好重..豆腐野菜煲...好勁豆漿味..似飲咸味豆漿..不過都唔係難吃既蒜粒牛柳..都好淋..不過只係D牛本身無咩味道囉.日式雜錦魚生冷面沙津..依個就最好味啦..夏天食就啱晒..不過我本身唔係咁鐘意麻醬..我就點左牛柳粒D汁..都幾夾既呢...炸蝦壽司捲..OK啦..不過不失...一碟大大碟既炒飯..食完就覺得應該唔係叫依個..因為食到我地滯晒呀...最後朋友做叫左個紅豆雪糕..佢就覺得D奶咪重左D..蓋晒D紅豆味..出示HSBC咭..埋單有9折共$290..3個大人..1個小朋友..都幾抵啦...

尋晚係我第2次去食一入去感覺唔同左~聽到一句日文好多人一齊叫我諗應該係(歡迎光臨)d待應態度都幾好~壽司三文魚章紅魚活調左口魚鰻魚芥辣八爪魚芝麻八爪魚d壽司好味左比起我上次去食唔同左好多壽司都比上次大件左刺身三文魚拼章紅魚三文魚拼油甘魚個刺身整得好o靚仲要有冰係低美中不足既係個4色豆腐個賣相就好o靚啦不過冇想像中咁好食石窩鰻魚飯呢個好好食d飯好特別.下次去我一定會再食~蛋包牛肉炒飯個賣相都幾好不過食落去唔夠咸~清酒煮大蜆好味比出面食到的清酒蜆好食d酒好香炸雞軟骨粒炸得過火左少少不過都係一個唔錯既小食希望下次黎都會有同樣水準

尚德商場云云食肆中，富田是較新及有主題的餐廳，逢假日必人流不斷，曾經試過叫外賣壽司，尋日終於入去食個 lunch。這店前身是超市，想不到裝修後環境舒適，座位闊落，跟市面上其他居酒屋差不多點了兩客三文魚壽司($9@)、油甘魚壽司($20)、炸軟殼蟹反卷($38)及豬軟骨拉麵($35)，埋單加一後 $122這裡的壽司選擇不多，但卻有比較少見的油甘魚選擇，油甘魚肉質非常滑溜，最近真的愛上這種魚生。炸軟殼蟹反卷有點兒失準，賣相一般，反卷大小不一，跟價錢成反比。豬軟骨拉麵大碗兼抵食，豬骨湯底味道煮得剛剛好(海苔、粟米、芝麻及香油)，麵不會太淋豬軟骨咬落也有口感，價錢亦比炸軟殼蟹反卷更抵!服務方面，店員收碟及加水都好密好快，又有禮貌，鋪位細細卻做到大店的水平，讚!總結，富田壽司質素雖只屬平平，但如果想試一些日本料理、食碗拉麵，這裡是同區中一個好好的選擇!

尋晚二人第一次去食.壽司點了:三文魚$9鰻魚$9墨魚$12甜蝦$12海蝦$15牛舌$15加州卷$15芝麻八爪魚$15帶子$20火炙精選:三文魚+鰻魚+吞拿魚+海蝦+(5件) $45:-大部份sushi都偏細件, 新鮮度ok.刺身:帶子拼八爪魚$58 :-好唔得, 有欺騙之嫌, 細片/薄得好可憐,(1片大概係佢壽司上面既刺身的半片) $58咁既份量係離哂大譜. 抗議!抗議!!抗議!!! 佢咁都可以present比客人, 足以比喊面啦. 一係你收貴少少, 唔好切成咁好似食剩咁丫! ~__~其他:野菜豆腐湯$33:-有4碗, 似豆漿湯底, 味道尚可.鹽燒點了:雞翼2串$18雞腎2串$16牛舌2串$18:-唔錯, 係淡味左少少, 咸少少會香口好多.

叫咗魚子壽司，鰻魚壽司，三文魚壽司同一個魚生沙律。壽司價錢一般，但共他和食偏貴。而且壽司ＳＩＺＥ比較小。三文魚和鰻魚一般水準，但魚子壽司我食到生米，而Ｄ配菜有Ｄ苦。魚生沙律Ｄ檸汁好重手，酸到食唔到其他味，而所謂的魚生也很少種類同切得好碎。唔係好夠人手，芥辣和添茶都要叫才有。總括來說食完有Ｄ後悔，早知去番新都城食。

琴晚同朋友黎食晚飯我食左個鰻魚炒飯, $35幾香幾好味, 不過SIZE就算細左D,但其實都夠飽了朋友叫左個他人蓋飯(即滑蛋牛肉飯)都幾唔錯呀!呢間野D壽司係細件左D不過三文魚同鰻魚都係9蚊有兩件都算係唔錯了^^

成日經過見到勁多人排隊所以都跟住排埋一份，d野食對我o黎講都ok貴叫o左5碟壽司一個飯。d壽司係超迷你又唔好食但價錢又唔係平個海鮮飯就ok。之不過有樣野真係頂唔順d服務態度好差d待應妹妹唔識落單咁要叫人落叫極又冇人o黎o黎o左又落漏野落漏野同佢地講又冇人跟我都明新開人手唔夠要請好多人但可唔可以搵d妹妹做得下野ga?有個男既黑晒面咁落單家下好難為佢咩!執野同你執得好快加水又唔見加埋單都可以等好耐叫極都冇人o黎...我開始明白點解d人要成日o係出面排晒隊效率慢得出奇野食又唔見好食!唔會再o黎晒錢!!!

在香港吃日本食物，除了峰壽司外，這間都算是我很喜歡的一間，每次吃都讓我很感動，位置是在將軍澳家附近的一個小商場內，便更顯得可貴。開業只是幾個月，今晚第二次幫襯，已比第一次多很多人了。等了約三個字，有個二人位給我們。有很多不同種類的食物，我們點了火炙帶子、火炙墨魚，很新鮮，燒得剛好香口。三文魚壽司最抵食，$9 兩件，十分肥美。上次試了熳魚石頭飯，相比今次的咖哩豬扒石頭飯更好，但其實今次這個咖哩豬扒石頭飯都很出色，除了是汁少了一點外。另外，清酒煮大蜆真是大大隻，很香的酒味，很奇怪就是因為蜆太大隻，很多隻都有一隻很少很少的蟹仔在內，讓我知道原來很多蜆都會吃蟹仔。今晚最好吃的應算是蟹腳天婦羅，有少許沙律醬在上面，味道十分鮮味。很豐富很感動的一餐約二百元，今餐要多謝老婆﹗

黎呢間食過三次見佢新開,咁多人等位,以為新屎坑,三日旺果隻,點知,又唔係喎第一次食, 果日我未好返,但男朋友黎探我,真係辛苦,山長水遠叫左:焗蠔: 好食, 好芝士,有d煙肉係裡面,仲有d水,個蠔好鮮味,有3 隻,熱勒勒釀蟹蓋: 用左d蝦膠同蟹肉釀入去,但唔知佢個殼食唔食得呢,我無食埋,但男朋友有食,咁都食到??炸蝦反卷: 好味,又係熱熱地,都幾大件,好似有5-6件海鮮天使麵: 好西式,但都幾多料,幾大隻既帶子,青口, 蝦,魷魚,同埋個白汁唔錯又係食得好飽, 果次好似2 個人食左$150,都幾抵食第二次食, 同媽咪去食lunch set我要: 刺身飯,唔太大碗, d刺身係切到一粒粒咁,有三文魚,八爪魚同甜蛋,蟹子咁, ok la,唔太特別,連麵豉湯同一個前菜,一粒雪米糍媽咪要了: 鰻魚定食,見到都知熱,噴煙,唔夠汁,可以叫佢地俾汁,好好,媽咪一路食, 一路話好好味,咁好la~都係一樣連湯果d野第三次食: 又係同媽咪食lunch但今次唔見左個鰻魚定食, 變左個鰻魚石頭鍋飯,配多個炸蠔炸蠔: 我食左,好味,勁熱我要左: 滑蛋豬排飯,好大個,好多蛋,成個飯都係濕濕地,豬排唔太un個味幾好味,俾

新店裝修不錯，但人太多，於是外賣了壽司款式不算多，價錢跟同區既目黑差不多味道方面真的略為失色有其形而無其實連最簡單的三文魚壽司都好易散既然價錢/質素都不吸引，我寧揀去食目黑好了

最近屋企樓下個商場開咗間日本餐廳、日日收工經過都見到好多人排隊今日終於都有機會坐低試下啦！一坐低我哋ored咗一個什綿魚生刺身、燒石鍋曼魚飯、金龍皇卷、清洒煮蜆同燒尤魚，味道都不錯食完後啲屋企人都讚幾好、不過最緊要都是價錢唔貴不過就真是好多人排隊要等等等、好彩都值得‧

自從富田在尚德商場開業之後, 每天都會見到長長的人龍在等候, 我昨天終於有機會試試這間日本料理當我打開餐牌, 發覺食品種類比較少我們三人點了:地獄拉麵:我覺得一點也不地獄, 出前一丁的地獄麵比它還要地獄, 拉麵也很一般鰻魚飯: ok咖哩豬扒飯: 豬扒夠脆京葱豬肉: 唔夠熱再加兩個手卷及四客壽司: 感覺都新鮮以這價錢來說, 我覺得有點兒貴, 但一試無妨