富堡茶餐廳

營業中

休息中

午餐：叫左一碗香茅豬扒湯河！加 Cool Lemon Tea 小冰小甜！香茅豬扒湯河：值得一試！豬扒勁大塊！放到口裡，還有一陣陣香茅味！真的整得不錯！至於 CLT ，想小冰小甜！通常都無做到！可以話好甜！因為，下午茶時間，一碗河粉+凍飲 $27 ！都算抵

黎過d間野都好幾次......食物絕對無問題.......算唔差.........不過d飲品真係好有問題........試過lemon茶少甜.......都仲係好甜........一次就話可能失手姐........不過次次都係咁.........試過飲鶯羊.........就比杯奶茶我........同佢講叫佢比番d coffe我.......佢就比左杯無奶茶既鶯羊........

tea time到六點半$22 --- 自選$19 泰式湯粉麵 + 熱飲 生牛肉湯檬 $19 無食一排, 發覺個碗大左, 牛肉多左, 但蘿蔔細舊左 牛肉其實已經淥熟, 不是生的. 肥牛今次有吉野家的水準, 淥得剛剛好不會韌, 牛肉味濃, 不會太肥 湯底清清的, 不過配料算多 ---- 芫茜, 芽菜, 葱粒, 炸蒜, 冬菜... ... 熱檸賓 熱檸賓不用加錢. 這兒的利賓納一向落得重手, 夠色夠味, 而檸檬就有四片

LUNCH TIME諗住食個常餐,點知係無!! 12點到2點 呢段時間係無麵餐食咁迫住食快餐, 茄子班腩飯 : 唔熱! 完全唔覺得有熱既感覺! 點食呀, D汁又凝結晒金"姑"牛肉配伊麵 : 呢個佢竟然張D牛肉切到好細好細 比免治牛大粒少少(我應該影張相放上尼!!), 無晒應有既口感,牛肉份量又少到好可憐, 金"姑" 有沙有泥味唔在講, 成碟野都係金姑出果D水, 成陣草腥味, 仲有, 成碟野基本上係無味, 好似白勺咁。凍奶茶: D奶多到真係好誇張 !! 成杯好甜好甜奶水, 好上次去差好遠仲要成3X 蚊一個餐! 我唔會再去食。

富堡煮的出前一丁時間拿捏得準, 剛剛熟, 又唔會過稔若講到五香肉丁, 咁多間茶餐廳最鍾意食富堡奄列, 餐肉, 煎蛋, 煙肉, 腸仔: 全部不會預先煎定, 咁多年都係即叫即煎, 包保新鮮滾熱辣其他地方標榜"快餐"的同時, 富堡仍堅持慢工出細貨, 用心製作

七月廿一日, 同朋友及佢男友去咗樓下呢間《富堡茶餐廳》食晚餐。今晚好求其咁食咗個雞扒意粉餐 ($26), 件雞扒都幾大件, 意粉份量好多, 食唔晒......個中湯都 OK, 唔會太味精, 杯熱檸蜜都幾夠味, 成個餐都唔錯以茶餐廳嚟講! 另外小天使食咗個成 $48 既「豬頸肉飯餐」(叫咗少飯), 雖然外觀都幾靚仔, 佢亦都幾好味, 但我就覺得太貴喇........如果我住呢頭都應該會成日嚟幫襯, 以一間港式茶餐廳嚟講佢已經好好,算中上級既茶餐廳水準!更詳細資料及圖片請看 : http://hk.myblog.yahoo.com/joycewai616/article?mid=9452

本人在這荼餐廳吃早餐，叫三個沙爹牛面餐，竟然由早餐等到變午餐，一杯熱華田都未到，待應服務態度差，"唔好意思""對唔住"都唔講聲，只係叫我們等，我們明白多人，比較忙，但等唔係問題，冇理由等成個鐘，我們懷疑他們漏單，但問他們，他們又話唔係，結果坐左成個鐘，眼見隔離多個座位的客人遲過我們黎，但有得食，而我們乜都未黎的情況下便決定走啦。各位識食的朋友，千萬不要去li間荼餐廳。

呢幾日天氣熱左，搞到無咩胃口。星期一晚又係好夜先有得食飯，成十點幾先食都係去附近食野算喇。無黎一個月左右者，原來都係同大潮流一樣，就係價錢加碼不少。一個快餐由$24變$27。老老呢次叫了沙爹金菇雞柳飯，好味，不過好漏。例湯係菜乾湯，我的最愛。我要了墨丸湯檬，$19。好大碗，次次食過都會好滿足。之前試過同朋友食小菜，質素都不錯，而且係好大碟。

星期日晚, 我哋去噃「富堡茶餐廳」食晚飯, 老公叫咗個牛扒餐蒜蓉汁, 另跟一杯菠蘿冰,而由於我唔太肚餓關係, 所以只係同朋友share 食咗個粉麵套餐,即係一碗墨丸湯檬(唔記得映相)、配泰式炸春卷、魚餅, 及另加一碟腐乳通菜, 可惜唔知做乜, 碟菜勁多頭髮, 最後食咗一半都要換碟西生菜...而老公個牛扒餐就仲有個甜品-- 自製啫哩食, 老公話佢對個牛扒餐好失望喎, 個汁最差, 冇乜蒜蓉味,啲色又假......但個甜品都OK 既!睇嚟呢間茶餐廳只有湯檬同杯菠蘿冰最吸引喎~~更詳細資料及圖片請看: http://hk.myblog.yahoo.com/joycewai616/article?mid=6625

星期日, 朋友帶咗我嚟呢間「富堡茶餐廳」食嘢,原來呢間茶餐廳啲食物都幾得架喎! 不過唔會開到好夜, 所以從來都未幫襯過...去到啱啱係兩點後茶餐時間, 我哋一人叫咗一個菜餐,我叫咗碗「泰式扎肉湯檬」跟熱檸蜜($22), 啲扎肉OK, 湯檬亦唔錯喎~朋友就叫咗「泰式炸豬扒湯檬」跟熱菜蜜($25), 啲炸豬扒都幾香幾好味呀! 而另一位朋友既係叉燒公仔麵配奄列茶餐, 仲有加$5 要咗杯菠蘿冰, ( $26)雖然杯菠蘿冰要加$5, 但原來有咁大杯, 咁又抵喎!食完後亦順手買咗個乾炒牛河跟熱華田($26) 比老公食, 不過唔記得映相, 都幾大盒架! 同埋好香, 應該都幾好味呢!更詳細資料及圖片請看: http://hk.myblog.yahoo.com/joycewai616/article?mid=6465

從外面看,這只是一間普通茶餐廳,但當你試過他們的泰式粉麵後,便會覺得他有他的獨特之處!個人比較喜歡吃他們的生牛肉河粉,肉質很鮮味,而且湯底配上蘿白等材料及香料,絕不簡單!十一時後便有套餐,加幾蚊更可有多一客蝦餅加春卷,而蝦餅也非常好味,絕不馬虎!

食左咁多年富堡,都是第一次叫紅豆冰嘩,好濃,奶好香滑,紅豆夠多夠稔,比連鎖快餐店好飲好多,不過飲完會勁飽這裏的熱奶茶亦好香滑,會落好多淡奶至於熱檸茶/檸水就麻麻,雖然好多片檸檬,但唔知點解沖好少滾水,上桌時只有三分二杯檸茶,夾起D檸檬就只有半杯茶過多檸檬,太少熱茶/水,浪費了咁多片檸檬

最近搬到鳳凰村附近，發現這裡有很多食市同食物都有好多選擇，而早幾日前就試了"富堡"。1.)坐位還可以，有地下有閣樓2.)服務生服務質素一般3.)食物質素一般，不太新鮮4.)味道一般5.)收費ok6.)衛生麻麻點了三味小菜，椒鹽鮮魷，粟米斑片，介蘭炒臘味，椒鹽鮮魷------勁咸，炸粉太多粟米斑片------ok介蘭炒臘味------我自己炒仲好過佢

第一次買外賣野飲買到難飲都嘔

到附近有事辦, 不過由於附近大部份食肆出品都不堪入口, 所以雖然太陽高掛, 亦寧願走遠些, 上慈雲山.點了一份早餐, 有雪菜肉絲通, 火腿奄列, 奶茶, 加$3多要件多士.先上火腿奄列及多士. 奄列內有不少火腿, 奄列亦仍滲些少旦汁, 多士熱辣辣, 不過不脆口, 但因之上的牛油熔了, 很香.雪菜肉絲通, 雪菜肉絲沒什問題, 肉絲更帶幾分肥肉, 而通粉用上大粒的, 原本應該高興, 不過試口, 實在煮得過腍, 但口湯委實不錯.最後, 奶茶茶味足, 不似大部份試過的奶味過剩, 早餐最滿意是它.PS. 見同桌的太陽旦好'靚仔', 有機會可以一試