富園美食粥麵專家 (已結業)

晚晚外賣已經食到唔知食咩好喇，而且富園選擇有限呢。屋企樓下得富園一間麵檔，獨市生意唔休做，無選擇。尊登走去金源睇睇有無粉麵食，但全部係泰式湯粉，好失望啊 ﹗萬二分抱歉，我都唔想向四眼哥哥發脾氣架，但實在等得太耐 ﹗排我後面班等外賣既都走晒喇，等左半粒鍾都未有，點會唔上火 ﹗已經唔係第一次成檯單，又唔去排單，隨意亂掉。師傅求其見什麼就做什麼，完全無理會過先後次序，吼 ﹗價錢昂貴，又唔係好食，服務又差，根本無必要幫襯，只係貪您夠近，貪您收得夜乍 ﹗最多花多點時間，行去大埔廣場買外賣囉。蠔油菜芯走油，粗粗菜莖生水味重，欠缺天然菜甜味，略老帶點渣，試兩條較幼，最後都要放棄。菜葉合格啦，配埋蠔油入得口。蠔油芥蘭走油，外賣返到屋企已侷芥蘭有點變黃，幸好依然清甜爽嫩卜卜脆，無渣又可口，Good ﹗紫菜湯走蔥，紫菜爽爽的，跟清湯融合變成紫菜湯，美味啊 ﹗淨水餃魚蛋走蔥，富園自稱招牌水餃，真係有料到，好好好食。淨水餃門口廣告燈箱寫住招牌順德水餃喎，順德即是如何呢？梗係試試啦。師傅將每日新鮮包起既水餃落湯烚熟備用，每隻水餃形狀及大細都一緻，外形美觀脹卜卜又飽滿，極為吸引。包得結實不散，一趙爆汁，滲透齒縫之

屋企飯餸都提不起食慾，走落街食自己好過。大快活唔想食、金源都唔想食，最後又係富園。實在飲得太高興，越飲越多，依家嚴重 hangover 啊 ﹗都係食個熱辣辣早餐醒一醒先出發去灣仔會展開工。而且會展得一間港灣茶餐廳，獨市生意，勁多神州民嘈喧巴閉鬼殺咁嘈 ﹗食物勁貴又難食，服務又差 ﹗突然好想食即食麵，不知道幾耐無嘆過喇，仲有少少掛住太陽蛋添 ﹗一路都諗住想食牛雜撈麵架，點知最終叫左牛腩撈，真係痴筋，精神彷彿 ﹗蠔油生菜，白烚菜一般，略有菜甜味道，熱辣辣滾上蠔油，爽嫩多水，合格。腐乳通菜，大大碌夠晒粗，但勁老不甜不爽，難食。牛腩撈麵走蔥，居然粗麵都沽清？有無咁好生意呀 ﹗牛腩比以往外賣好食多倍喎，難得 ﹗唔再係瘦猛猛、唔再係鞋烚烚既湯渣瘦肉喇。每啖質地軟棉，滷水汁入味非常，味道不差。用涼涼地帶爽的幼麵捲起牛腩，淋上香辣辣椒油瘋狂地啜入口，夠辣夠刺激。勁辣混上咸蠔油入口，三扒兩撥消滅掉，加辣後味道好多了 ﹗但清湯好似腥腥並超級咸，入口咋一聲，咸死人咩 ﹗都係叫杯凍奶茶少甜沖沖去好一點。太陽蛋火腿沙嗲牛肉即食麵，何解富園無出前一丁供應架？雖然我只食出前一丁，無都要照食架。如果跟金源相比下，富園

本來屋村茶記，就冇好高要求，d野食已經唔係好食，麻麻地好食，而家連最基本既禮貌都沒有，對顧客一味靠惡靠大聲，特別係收銀果個呀姨，都唔知咩人，態度特別差！ 不建議大家去食！

只可以說以後情願回家煮面食都唔會再黎 永遠黑名單 本身d野食都一般麻麻 都知茶餐廳唔應該有要求 已經無特別想要咩 平時係唔想食死一間 同個收銀姐都幾熟 所以間時食下 今日去叫個白粥加皮蛋都俾人講說話聽 我都係依家先知白粥係唔可以加皮蛋 一開始見佢（另一個收銀 平時果個唔係度 應該放假）個樣妙咁咀既時候已經問佢加唔加得 唔得就淨白粥 佢又話得 轉頭就勁大叫話同老闆娘講 白粥加皮蛋 話冇下次（差既語氣）（老闆娘只在係隔離）只做埋今次 我咪同老闆娘講 一開始問得唔得唔得咪淨粥 你可以答我唔得 最後拎外賣俾個侍應仲俾我時妙我咀一下 早知我就成個粥都唔要 你冇下次我都唔會再有下次 如果嫌我個粥價錢少就唔好拎出黎賣 我都係第一次咁嬲 平時食野唔好都冇咁嬲 係因為佢地班人個態度太衰 ~完~ 純個人事件個人感受 希望其人唔會遇到

食左甘多年！一次比一次差！以前咩都會食下！面類時好時壞！上次食個肥牛炒公仔面!真係想xy！凍既 一餅野仲衰過7仔撈面！自此以後靜係買粥！今日去食叫左個皮蛋瘦肉粥加炸兩！之前啲粥都仲好棉！今次完全唔棉！炸兩一上枱，嘩！甘大碟既，睇真啲粉皮厚到五蚊銀甘。頂！仲要 29蚊！比小小水準丫！差到甘真係好難幫親落去！

夜晚去買兩份外賣，便拎單去水吧後等。但一邊等，一邊見五個人拎外賣，而且五個都遲過我落單。等了半小時，終於到我，而且盒飯水流流，整到好似粥咁。伙計重要話因為要洗廚房。但點解䆁其他5個遲落單既人，可以先過我拎外賣？而且他們叫的是炒飯！

經過咁多次都無幫襯過,呢晚唔想諗,一於就食係啦一入來,地下好多油好...不過最緊要醫肚姐好快就上左菜.我都唔知點解可以咁快個肉餅唔係十分之熟,唔係好岩我胃口.D汁一般,但食到屋企呀媽煮嘅味道.唔差以下呢款我叫佢做擦子膠,因為真係好難咬..西蘭花算正路,但可以熟返少少.有人性嘅水,起碼唔凍先

牛什牛腩麵走蔥，都話走蔥咯 ﹗湯底都幾咸吓，配河粉、米粉會好一點。牛什口感幾好，要爽有爽、要滑有滑、要棉有棉，不過實在過咸，比起以前咸左好多。牛腩既味道就正常啲喇，而且炆得入味，夠腍夠滑，幾好。麵質還可以啦，始終係外賣，都會較為腍身。如果師父夠體貼，就會煮生一點。

放工突然想食滷水牛什，樓下只得一家麵檔，無得揀，見上近排都好食左，就買返屋企加送啦 ~淨牛什走蔥，真係唔讚得架，讚左兩次，今次又出事喇，好咸喎 ﹗咸得無道理 ﹗太咸影響健康，特別係腎功能。係咪因為前兩次有湯浸住，所以無咁咸呢？大腸好靭又不爽又不滑，差 ﹗太咸無心機再研究口感如何喇 ﹗所有牛什得一個味道，咸 ﹗食完勁渴，到零晨點幾鐘，依然頸渴，唉 ﹗

琴晚又不停追酒飲，兩支白酒、兩支香檳，搞到起唔到身返工，要請病假 ~ 樓下得一間麵檔，無選擇，咁醉醒就落去買啲野食啦 ~牛什麵走蔥，上次同今次既牛什都非常美味，應腍則腍、應爽得爽 ﹗炆得入味，湯底香濃。係轉左煮法？定轉左師父呀？正 ﹗同以前完全唔同。就連收錢位阿姐都好有禮貌、笑面迎人，有啲唔慣添，哈哈。蠔油菜芯，葉免強可以，但莖部實在又老又有渣啊。

琴晚一個人飲左三支白酒，瞓醒都十二點幾喇，依然宿醉 ~ 睏到即食麵都唔想煮，咁就叫我係富善邨廿幾年黎第一次既電話外賣送上門 ﹗牛什麵走蔥，係富苑食過最穩陣，但一定要湯麵，唔好撈麵呀 ﹗飲啖湯，試吓啲牛什先，矣？有啲野喎，好味道喎 ﹗滷水牛什真係炆得非常入味，牛味又濃，湯又清甜。金錢肚夠晒腍、牛膀好棉、牛腸外皮嚥靭而裡面滑溜，真係好好食，今次係我第一次讚 good ﹗始終係外賣，所以麵腍左啲啲。其實如果師父夠細心，會專登將麵淥得生啲硬。如果再電話外賣送上門，記住分湯先得。心裡覺得淨係叫碗麵外賣唔好意思，咁就特別地叫多樣無食過既試試啦 ~淨潮州四寶，有魚蛋、魚札、魚餃及肉丸，平平無奇，普通唔難食囉，湯底偏淡。

只要黎幫襯過既食客，有關服務態度方面都無需多講喇，大家黎睇吓我今次持續劣評篇啦 ~ 真希望好快會有位善長黎接手，等我地住係度既星豆市民有番餐安樂茶飯食吓 ~ 有番餐好飯食吓 ~ 環境係一般港式茶餐廳加潮洲麵檔格局、卡位枱又細櫈又細，坐得好唔舒服、服務態度係非一般地惡劣 ~白灼菜芯，除左莖部有啲渣外，都尚可接受，算新鮮。牛腩麵走蔥，雖知腩唔肥就唔滑，但我唔多好此道囉，一舊舊肥膏我真係接受唔到囉。牛腩都炆得夠入味又夠腍，可以啦。麵煮得過火，太腍無口感又唔彈牙、蛋味完全流失。牛腩湯底都算香濃可口。牛什撈粗麵，兩個字 ﹗難食 ﹗粗麵烚到過晒龍，一舊舊、成餅野咁，無晒蛋香味，只有麵粉味道。亦無彈牙口感，腍劈劈。另外，勁孤寒，比得兩滴蠔油，真係得兩滴架乍，無誇張，而且又無加腩汁添味，整個麵勁淡，唔知食緊咩。牛什係蚊得好入味仲有啲偏咸，口感又乾且又硬，完全無炆腍架，差差差 ﹗如果唔係富善唯一粥粉麵店，鬼幫襯佢呀 ﹗

我地都係見呢間餐廳無人等位,又0係凍凍地又肚餓的情況之下..入黎呢道取暖吧..咁我都明白點解呢間餐廳係無人等位lor.....共6個set lunch,還是揀呢款吧....其他果d選擇較為港式+中式..一般般...我地唔係坐卡位,但都尚闊落的~但chair好細張...坐得唔算好舒服,加上放個「背郎」也較為麻煩..唉~算啦,,都係放返0係地面吧.... waiter無禮貌!我地一叫佢埋黎寫單,佢送我地1個字「講!!」....我點個set lunch 洋蔥豬扒拼帶子飯 $30,,我朋友問豬扒係煎定係炸...佢話「都係煎or炸掛...」.......勁敷衍的回答..........佢仲要問返我地呢d客囉.... 飲品熱檸水快上菜的,賣相還好~用lipton隻碟幾sharp另外,我見到food menu有細細張label寫住「以下各種食品另需加1元」........即係全部食物加晒價,但又唔願意印過另1份新的menu..真係好【求其】..... 等左7min左右,碟 洋蔥豬扒拼帶子飯 到喇,都有幾大個飯球,有2粒炸帶子,2塊豬扒,但唔算大塊,但係我地食豬扒需要切的麻...點知連把餐刀都唔俾

如無記錯依間食肆都係富善紮根左十幾廿年，由最初細細間賣粥粉麵，到依家轉營為茶餐廳，不過唔記得有無改過名，近年仲裝修過添。咁多年一直同金源及樓上大家樂抗戰，以前係富善除左大排檔冬菇亭外，就只得一間金源做獨市茶餐廳生意。富園一直表現平平，由出品到服務都強差人意，侍應都還免強可接受，但特別係做收銀啲人，黑口黑面，怎至乎擺出一副唔憂做既姿態，惡劣嗅串 ~ 所以連我阿媽都話如無必要都唔會黎依度幫襯 ﹗今日原本應承左朋友到魚排游水、BBQ，點知個朋友以無心情為理由將活動取消。咁好啦，我接佢個波轉搞舂坎角游水 BBQ 啦，可能時間太少，最終都搞唔成。但我都已經出左門口喇，唉 ~ 咁食啲野先返屋企啦，經過富園。間中係無選擇情況下都會係度買個潮洲粉麵返屋企食既，堂食真係咁多年五次都無 ~ 咁坐底求其食個麵餐，快快醫肚就算喇。太陽蛋火腿，都係咁上下啦，無意見。但如果肯將火腿掉去扒爐大火乾煎五秒，會更香口同乾身。太陽蛋要煎到蛋白微脆先會散發蛋香，入口先會香口，味道更多層次。就算係咁簡單既火腿蛋，都可以好有要求，都可以煮到五星級酒店水準咁出色，只要您係有用心做，唔係馬馬虎虎，求其了事。雞扒即食麵，雞扒貪快，成

星期六下午, 我和男朋友打算去大埔公園走走. 到達富善商場, 我們不想吃麥記, 所以便入了這間茶餐廳.那時是2時25分, 侍應說已可以order 2時30分才有的下午茶餐, 好~ 先送來的是兩杯飲品, 約10分鐘後男朋友的餐就送到. 可是我的星洲炒米還未到來. 再等了一會, 我們便催單了, 因為男朋友發現隔一會侍應就會拿兩碟茶餐出來, 估計廚房是等齊數張單才開始做菜, 而且侍應出菜不算很密. 催單後明顯侍應們只是聽了就算, 完全沒有任何行動!結我我們共催了3, 4 次單, 最後等了35 分鍾才送來一碟星洲炒米, 而我那杯熱奶茶旱已變成凍奶茶. 星洲炒米是熱的, 可是一咬下去就滿口都是粉, 它有顏色但就沒有味道, 而且米粉很乾, 它應該是我吃過最差的星洲炒米!!!. 餐廳環境不算清潔, 而且有一點兒奇怪的味道~只此一次...