影片
點解咁多白衣天使經過的呢既？非常癢眼吸睛，每次都要霸頭位食飯望街，更醒神醒腦開胃。煎雞扒，油潤雞皮滑一滑，甘甜的鳳脂，嫩一嫩滴汁雞肉彈一彈，薑蔥醃味暖入心頭。富來炒飯，爽嫩菜粒，嚥韌鬆軟香甜叉燒粒，咸香火腿片，街坊住家的炒功與味道，飯粒飽滿乾爽不濕不油香噴噴，炒蛋飯搭多舊靚雞扒肉更加美麗絕倫。瑞士雞翼，真的嗎？只覺得係糖醋排骨的味道，瘦猛猛乾鞋不肥美的皮與肉。煎蛋叉燒飯炒底，已經不是當年美味的黯然銷魂飯，大失所望﹗平庸的叉燒，瘦硬無汁，少少甜有豬肉香。煎蛋幾乎全熟，幸好還有一絲蛋汁依個撈飯一流，但炒飯質量偏低。老闆娘有誠意地炒底都加入生菜絲，最敝我最討厭生菜絲炒飯，生菜出水使到炒飯濕爛不乾爽，而且有著帶腥草澀味，如果換成菜莖粒就會加好。鍋氣及味道已被生菜絲完全破壞，試試辣椒油能否力挽狂瀾﹗只係普通的咸咸桂林辣椒油，失敗﹗漢堡扒焗豆火腿奄列，略咸油潤滴汁漢堡扒，味道十足豬柳一樣。茄汁豆只有一羹，攝牙罅都唔夠。火腿奄列，即叫即做聞得到的蛋香，熱烘烘入口蛋汁滑溜火腿咸香，全身暖笠笠。沙嗲牛肉出前一丁，使我懷念的古祖味沙嗲汁，似曾相識的味道，兒時在那裏品嚐過呢？美味濃郁襯托著鮮牛嫩嫩蠻喜歡。出前一丁住家味道表露無遺，煮理得宜滾熱辣濕潤掛湯，滑嘟嘟大啖大啖地吸啜，心情舒暢。沙嗲汁雞扒豬扒，肥美多汁嬌嫩輕醃清新雞扒食得過﹗有骨豬扒鬆化嚥韌帶豬肉甜，沙嗲汁花生甜味突出可口討人喜歡。甜豉油火腿煎雙蛋飯，煎過的火腿格外香濃，搭蛋夾埋腿送飯，純樸美妙。甜豉油火腿煎雙蛋沙嗲雞扒豬扒飯，大大舊彈滑厚身雞扒連飯塞入；大大塊嚼勁焦香豬扒連飯塞入，同樣無比吸引，食唔停口﹗荷包蛋嫩滑蛋白，如果煎到焦脆會更香口，煎蛋充滿甜滑蛋漿，刺穿撈飯那有得輸﹗白飯只得1粒星，勁濕勁爛黏住我的嘴，食感十分差，扣晒分咯。我要沙嗲汁鴛鴦扒飯加火腿煎雙蛋，但老闆娘改為甜豉油火腿煎雙蛋飯加沙嗲汁鴛鴦扒，價錢較平嗎？甜豉油撈沙嗲汁？標準價$75大元。豬軟骨，鬆化的質地，甜甜酸酸的味道，軟骨卜卜脆，醬汁完全滲入豬肉中，送炒飯一流，淨食有點漏。欖菜肉鬆炒飯，炒得乾爽香噴噴，咸欖肉開胃醒腦，肉鬆彈彈味淡。豬軟骨欖菜肉鬆炒飯，兩者一淡一濃相撞得十分精彩和味，濃濃糖醋味搭著咸欖菜別有翻風味，更美味更繽紛。菜甫火腿粒炒蛋煎雞扒飯，意想不到喜出望外，好味到不行了，好好好味道！老闆娘表示請耐心等候，慢工出細貨 15 分鐘先有得食，售價 $68 蚊物超所值。肥美嫩滑滴汁煎雞扒，雞皮微脆帶黏，厚厚白肉彈彈，醃味得宜吸引神秘，使得我舔舔脷。新鮮出爐焦香金黃熱辣辣炒嫩蛋，火腿咸滑、菜甫咸爽，齊齊躺在甜豉油撈飯再搭舊雞扒一次過塞晒入口，那種滿足感非筆墨可以形容，十分幸福啊﹗我要比10粒星。煎豬扒芙蓉蛋飯，豬扒泛著鮮檸檬味，肉味甜美、肉質鬆化，略咸了一點點。芙蓉蛋只有紅腸火腿，因為我唔食蔥唔食芽菜旳，是關受不了她們的青草腥味。即叫即做新鮮熱辣辣香噴噴，甜豉油炒蛋撈飯千年絕配當然好味道，無機會挑剔！酸菜魚湯米線，魚柳無骨滑溜溜，豆卜鬆軟吸汁味道一流攞滿分。雖然賣相顏色單調，平實而美妙，合我心意。濃酸不辣，味道濃郁醒胃，最敝米線散碎短戚戚，美中不足扣掉不少分數，整碗拿起灌落肚，全部湯飲掉一滴不漏﹗喇沙汁水魷蘿蔔豬紅，水魷有渣既？豬紅只有滾水味，不嫩不滑。蘿蔔夠腍微甜不酸，平凡普通。紅燒牛肉，老闆娘推介就試您一試。外暖內冷的牛腩，鬆軟帶甜還可以。太陽蛋飯，太陽蛋撈飯最穩陣，加點紅燒牛腩汁提味，比較可口。豬手撈粗麵，忘記了依度係食車仔麵，唔係潮州粉麵檔呢﹗豬手骨杉杉只得層皮，無麵香味平價粗麵硬掘掘無彈性，桂林辣椒油咸咸的帶微辣，總好過食無味粗麵呢！腩汁通菜，翠綠勁爽甜多汁，意料之外有驚喜，色香味爆燈。牛腩牛肚牛腸豆卜辛辣麵，牛肚牛腸勁羶帶酸，牛腩瘦猛猛鬆化乾乾唔難食，最好味豆腐卜索晒辣湯。辛辣麵要煮耐少少的呢，依家艾丹提緊緊熟有點韌啊﹗
繼續閱讀
記得細個喺對面補英文 miss喺到請我吃個咸牛肉蛋治好好味～大個咗黎親都係食叉燒蛋（可揀炒蛋煎蛋）飯～ 或者洋䓤叉燒粒炒蛋飯 $50然後就必加沙爹汁 仲要多沙爹汁雖然好肥但配埋一齊食係大滿足。佢啲叉燒唔同平時食果種但都好味但最近好似冇之前咁好食（第一次吃果陣係邊位滿佈蜜汁又lone lone地）不過都好味的！佢啲羅白牛腩都好味但唔好太早就黎 因為羅白唔夠淋～想清淡吃個紫菜泡飯都ok但我逢親黎到都係會揀叉燒蛋：P太和想吃個快餐必到之處
繼續閱讀
好多年早餐都係呢度食最近裝修左 鋪面雖然變左但人情味不變 叫左個早餐 漢堡扒雙蛋配多士物超所值 水準keep到 另外仲有杯凍奶茶 茶味夠濃 又唔會太甜疫情下 小店好難做呢間繼續頂到咁耐 就知佢咩料👍
繼續閱讀
今晚一個人去啲間餐廳食飯，佢個自家製叉燒，簡直好食到飛起。再配埋咖喱汁，真係非常惹味。佢個咖喱汁又香，又好食，撈飯一流。以前食過去蘿蔔牛腩飯，超級入味。佢輸在位置唔好，裝修又唔高級。其實味道絕對一流，飲品又沖得一流。以前仲有愛心涼茶飲，非常清熱。以前個老闆娘唔見咗，肥女廚師都唔見埋。變咗又阿叔打理，改左叫做「女煑角」，但一個女人都唔見。不如改做阿叔私房叉燒好過。希望佢繼續有得喺度，佢啲飯真係好好味！
繼續閱讀