家家泰國菜館 (已結業)

悠悠閒閒走到河畔花園，看看除了叉燒大王、九份十份，還有什麼新知。👀看到這間網上都見到的泰式餐廳，本身看餐牌看見有咖喱覺得幾吸引，不過到現場，看看這天的午餐，一係就青咖喱配烏冬，一係就紅咖喱配牛肉，都不太合心水結果就選了炒飯，因為炒飯配豬頸肉，選擇飲珍多冰不用加錢。炒飯還算有輕微鑊氣，不算太過涼，溫度算是夠熱，而且份量夠多，但是其他配料就比較少，只有雜菜粒即是粟米、青豆、蘿蔔，當中的豬頸肉，份量亦都偏少，雖然不是只有幾粒，但它本身已經切得非常細粒，如果將豬頸肉拼湊起來，相信可能連四片豬頸肉的份量都沒有。珍多冰的綠色嗰條份量也不太少，味道帶點甜味，但看完有點兒口鞋鞋。相比起非常之求其的那些港式茶餐廳，這邊落單， 20秒就端來一碟炒飯，它的溫度算是帶點熱，但站立於泰式餐廳的角度，鑊氣仍是欠奉而且，泰式炒飯給我的感覺，應該會有點提子粒以及肉鬆，相反這裏有兩種配料都欠奉。餐廳在疫情第三波準備再次崛起，又或是第四波將近降臨的時候，亦都沒有為食客量度體溫，而且，我一人坐在四人餐桌，對面有人搭桌，亦都沒有使用擋隔膠板，好像衛生意識不算太好🤷🏾‍♂️😷…查看更多

和好友吃泰國菜，由於是泰國人經營的，味道相當正宗，有至愛的馬拉盞炒通菜，當然很能下飯喇！😋😋😋小食拼盆也非常好味，如果拼盆有埋牛油雞翼就勁正喇！ 😘😘😘…查看更多

呢一間泰國菜我不嬲都好鍾意食嘅，所以今日呢又嚟到呢度食佢嘅午餐啦！我平時最鍾意食嘅就係佢嘅無骨豬手飯，因為呢佢唔單止好足料，佢嘅味道醬汁我都好鍾意，最好呢就係食豬手唔使食骨，方便又好味，啖啖肉！今次呢就推介左友人食呢一個無骨豬手飯，佢都話真係好好食！因為呢我實在食咗太多次無骨豬手飯啊，所以呢今次我就試咗個冬陰功湯可，呢一間餐廳嘅冬陰功湯河味道呢都非常之唔錯，酸酸辣辣咁樣，非常之開胃！而我最欣賞嘅呢就係佢午市套餐係免費跟特飲嘅，有唔同嘅特飲揀我今次呢就揀咗青檸梳打，呢一個價錢配埋嘢飲我覺得真係算係唔錯㗎啦！…查看更多

I really like Thailand food but it's not easy to find a vegetarian Thailand food.I was order a vegetable fries rice. The fries rice  was not too oily and the taste is great.Also,the  shopkeepers were polite.…查看更多

其實朋友一路都同我講，河畔花園呢度有一間泰國菜好好味，不過始終呢度唔係中心，一直醒唔起呢度，亦都唔會專登嚟呢度，近日因為出去市中心有啲困難，所以轉移其他屋苑度食晚飯，諗一諗，附近河畔花園聽聞有一間泰國菜，於是上個禮拜特登揸車去睇一睇。行過，當時7:00 ，仲有一張四人枱，二話不說衝入去啦，簡單地點左幾個泰國菜必點嘅菜式，一食落口，掂啦，就係泰國味，再望一望啲員工，泰國人，一定正宗，炒河粉超級好味，推介！泰式雞腳都非常之唔錯，唯獨是個咖喱牛腩，本人覺得比較遜色一點！…查看更多

路經沙田河畔， 圍著不少食肆，揀了這家泰國餐廳，人少少唔洗等位，坐低點了金邊粉．三色冰．豬頸肉，食物質數唔錯，煮房好快手，落單唔洗3分鐘就有食物上枱。唔知係咪臨近收舖，一邊食一邊流汗...熱到呢，空調冷氣要加強一點會更完美。…查看更多

今天是端午節，我家小朋友嚷著要去看看龍舟，之後我們行到這間位於河畔花園的泰國菜。想不到假日話可以吃到特惠的午餐 ，我們點了青咖哩炒烏冬和 無骨海南雞飯。 餐廳裏 幾乎所有人 枱上 都有一碟 無骨海南雞飯。這個青咖哩炒烏冬，味道很特別，真的有點辣 ，正好為悶熱的天氣帶來一點刺激。 再來一個無骨海南雞飯，這個海南雞飯， 有兩種醬料 ，雞肉嫩滑.飲品方面, 叫了青檸梳打, 原來不是用新鮮的青檸, 只是梳打味的飲料 下次不會再叫了。 另外一個珍多冰ok好飲。…查看更多

我每星期六日都會係河畔花園返工，所以今次試下呢餐泰國餐廳！比起同區，價錢算平，又包一杯泰式飲品！每次中午時段餐牌都有少少唔同，今次我就叫咗青咖喱豬肉配飯🙈對於唔食得辣嘅我來講呢個都算叫做bb辣！又開胃🤤大家如果想食海南雞飯就要早d去，因為好快就賣晒！又或者可以問事頭婆拎個電話，下次可以叫佢留畀你的，如果你食飯時間太晏的話🙈😂😂😂飲品有，三色冰椰汁冰珍多冰泰式奶茶泰式檸檬茶之類等等。不過茶類都一樣好快賣晒的，所以今次我就叫咗個椰汁冰，整體評分來講都可以話有8.5分以上的🤤🤤🤤值得推介！…查看更多

今日下午，朋友過來開枱，開枱前當然要醫飽個肚。她想吃海南雞，所以我就帶她去泰式餐廳吃午飯。午餐有好幾款，朋友都是想吃泰式海南雞飯。五分鐘左右，海南雞已送上，還跟一碗冬瓜湯。飯是黃油飯，入口非常香。這裡的海南雞是無骨的，海南雞配上泰辣醬，少少辣，好好味。飲品是熱泰式奶茶，味道跟港式奶茶不一樣。港式奶茶的茶比較濃味，有時會有點苦。而泰式茶一點也不苦，咪道很香，不錯。朋友說這裡的午餐很好，她很喜歡，她說下次來我這裡要再去。…查看更多

泰國餐廳有泰國人，感覺都好似去咗泰國咁。午餐食咗個「蟹膏炒飯」，炒飯粒粒分明，蟹膏味好濃郁，加上海鮮一起炒，很好味！還有特色泰國飲品，三色冰，椰汁底，初夏去飲番杯，都覺得爽一爽！…查看更多

今次同朋友一行六人嚟到呢間係沙田附近嘅泰國菜，點左小食併盤，串燒，通菜，波蘿海鮮炒飯，蟹肉海鮮炒飯，燒豬頸肉，生菜包，值得一提既係雖然兩個都係炒飯，但蟹肉炒飯食到蟹肉同鮮味，同波蘿海邊炒飯完全唔同，令到個海鮮炒飯有啲失色，生菜包好好味，份量都多，可以一試，個併盤同通菜就普通，唔算好出色，正常水準，另外值得一提係個串燒，雞肉好juicy,火喉唔錯，配埋沙嗲醬好惹味，價錢唔算貴，都正正常常，質素都幾穩定，但餐牌唔見有生蝦，如果有就好啦！…查看更多

家家泰國點解會去食：2018-11-26 搬完屋夜夜地，超肚餓，快啲搵野食。食我最鍾意嘅泰國菜。呢間啲staff 係真。泰國人。食物新鮮程度：⭐⭐⭐⭐泰國小食拼盤：新鮮炸出黎架，熱到噴煙。炸蝦餅同春卷都好脆，魚餅少少辣，好惹味。雞、豬串燒：雞肉同豬肉就唔夠入味，但都幾淋嘅。點埋醬都ok。泰式炒金邊粉：面頭有花生碎，加埋檸檬汁，酸酸甜甜。金邊粉好煙韌彈牙。椰青：唔知點解有少少「膠味」🤣耐得滯？太熟？不過呢啲係要開左先知嘅...食物合適溫度：⭐⭐⭐⭐好熱好新鮮，小心辣嘴。食物驚喜程度：⭐⭐⭐個春卷唔知咩涵呢？好好味喔！—————————————————服務員態度：⭐⭐⭐⭐好友善，好勤力，仲會教你講泰文添。食得好開心。—————————————————最重要系。。。我會唔會再去？重遊指數：⭐⭐⭐⭐⭐…查看更多

星期六不用上班，一醒來就是十一點，平時是會煮飯的，但這樣遲起床，所以就去家附近吃午飯吧。家附近有間正宗的泰國菜館，無論廚師還是侍應，都是泰國人，所以非常值得去。門口擺設已有兩隻泰國公仔，餐廳不大不小，坐落都闊落，環境好乾淨，好舒適，就像他們文化一樣，其實泰國人是很愛整潔的。午飯時間會有一些套餐，一個主食包一杯泰式飲品，最值得令人留意，是價錢很實惠，49蚊就可以吃到正宗的泰國餐，在街外不好吃的港式茶餐廳也是這個價錢，而且還有很多油，衛生環境也不像這樣。我點了泰式海南雞飯，而飲品是泰式奶茶。五分鐘左右，海南雞就已經送上，還有一碗冬瓜湯。海南雞是無骨的，滑滑的，不韌，容易咬開，而且是黃油飯，食落去很香，飯亦煮得剛剛好，不會太硬，將海南雞再拈一點泰式的辣醬，真是有一番泰國風味。這個是泰式奶茶，茶胆是用泰國茶，是正宗的泰國奶茶，入口香濃奶滑，甜度亦剛剛好。餐牌上有其他午餐，有一些都很吸引，下次一定要再來試試。…查看更多

已經唔係第一次黎呢間餐廳食泰國菜，之前都幾多人排隊，但今次唔洗等位!今次點左鮮蝦柚子沙，黃咖哩雞肉配白飯，沙嗲串燒雞同豬各三串!第一碟黎竟然係串燒，沙嗲汁好香濃，肉質不會太硬太鞋，軟硬剛好，而且份量都唔係好細串!之後食沙律，雖然蝦得三隻，但係柚子，腰果同炸椰絲好足，汁我地要求少辣，所以味道剛好，不錯哩!最後食咖哩雞肉反而有點失望，薯仔雖然好淋，但完全無味，雞肉唔多但都係無味，咖哩汁係好多但感覺似溝左水咁無椰或咖哩味!點左三款合共260，其實唔算好抵食，但食物算不差哩!…查看更多

都幾鐘意食呢間泰國野，所以寫下。似由泰國人主理，因為D侍應全部都似泰國華僑，講D唔太準的廣東話。而且餐牌選擇多，舖仔細細似家庭式，有種 warm 的感覺。很受街坊歡迎。椰青夠凍，都清甜既。但肉唔夠嫰唔係太好食。小食魚餅，熱辣辣好多香料味，幾好食架。豬肉生菜包，肉粒炒得夠乾身，香口酸酸地同埋唔辣架，鐘意辣的請自行要求加辣。生菜乾淨，而且好多，好夠包。咸魚椰菜苗，對比之下唔算十分大碟，不過都炒得唔錯，咸咸地好爽脆。最後是原個椰子焗飯，有D海鮮咁。份量超多，而且偏甜。頭一碗幾好味，但之後再食就好膩了。所以建議多人分享先好叫，小食多滋味。…查看更多