家嫂一家大小

營業中

休息中

我哋一行四個人嚟，但結果刺身每款只有三件。且我哋到來時已經八點幾，食得唔算多。無餐牌，職員又唔主動問我哋食咩。要我哋不斷重複問，白酒都要狂師追先有。最後連糖水問都話無得提供，以後唔會幫襯。價錢唔平，品種唔算多。

臨近年尾，就梗係特別多飯局🥳 呢晚 #小秘書 就約咗班同事嚟到「家嫂一家大小」食 #團年飯，一於不飽無歸🤭呢日係我第二次嚟到幫襯 #家嫂，一如以往，#任飲任食嘅 #飲品 同 #食物 都真係多到暈🤤 #養生茶 係我每次嚟到必飲嘅，可惜呢日佢哋嘅 #紅棗桂圓茶 缺貨，唯有改下口味，全晚 #檸檬薏米水 放題🤭 趁早到未齊人，我哋先嚟一輪 #小食，特式 #皮蛋 配 #黃蘿蔔 做點綴、仲有 #混醬螺肉 都係我最鍾意嘅🥰 不過千祈唔好食得太多，因為好戲在後頭🤭齊人之後，超過一米長嘅 #刺身船 送到我哋面前，齋係造型就已經要比滿分🥰 肥嘟嘟嘅 #帶子，大大隻嘅 #冰鎭鮑魚 … 非常吸晴🤤 瘋狂打卡之後，#雞煲 就已經嚟到我哋面前，或者我哋只係要求BB辣，所以味道只係普普通通，不過勝在大件夾抵食🤭 唔好諗以為去到呢度菜已經係尾聲，#火鍋放題 先至係重點😄 超豐富嘅 #海鮮 #火鍋料 陸續上枱，#魚蝦蟹 呢啲只係基本，仲有 #廣島蠔、#聖子… 啱哂我呢個 #海鮮控 🤤 不過前菜實在食得太開心，居然唔記得留力😵‍💫 所以都只可以輕輕試吓就算🤭 唯有下次連午餐都唔好食，食返夠本啦😝🤣🤣

某日自己行過見到呢間野，再加上朋友推薦，決定等老友生日黎試一試。我地約左6:30pm，呢間野只做一round，其實可以由5:00pm坐到10:00pm，食足5個鐘都得，一開始既刺身船，雖然預每樣人頭一片，但都有成10款8款刺身，用料冇馬虎，刺身新鮮冇腥味，正！小食蝦多士細細件，唔錯唔錯。佢個麻薯仲正，啲黑糖係包左喺麻薯個芯度，好味！雞煲，不過不失，好彩我地醒目，雞煲食到一半叫換細碟，上打邊爐，花膠湯底，飲曬啲湯就打邊爐，即時暖一暖，打邊爐啲料係任食既，7:30pm可以叫埋飽魚同肉蟹，紅白酒任飲，一路傾計坐到10點，好友傾計好地方，大力推薦！仲有，佢呢度有好多打邊爐用既醬料，好多款...仲有好多養生茶，真係唔錯！

2小時食確實太趕，臨時講每位加多$50元都唔肯，訂位時又講得唔清晰！下次唔會再食。食物都係一般，青菜葉已經凍熟咗，刺身好睇又唔夠食，又唔係放題又唔自助，寧願比多啲少少錢可以食過痛快！

呢間平日夜晚都爆場，大約四百蚊一次過食哂刺身，雞煲同打邊爐，最岩成班人食飯一次過滿足哂幾個願望。餐廳服務上菜速度快，跟單好貼👏職員會安排好哂上菜次序，一坐底無耐即刻上幾款餐小食，可以食住等未到嘅朋友，唔夠又可以即刻再落單，職員都會睇住你叫左咩有咩未到，幫你追單。同時，睇住食野速度黎上食物，跟得好足。👍🏻餐廳環境冷氣夠涼，唔會焗😌餐廳裝修幾新，多卡位，全場食雞煲同打邊爐都唔會覺得焗，冷氣好夠，空氣流通。而且有間房仔，成班朋友大聲啲都唔驚嘈親隔離。🥳餐廳食物性價比高，多款式😋一坐底會上餐前小食，魚生船，雞煲，打邊爐同糖水。基本上職員會睇住你進度都幫你落order ，佢仲緊張過你😆 飲品都有好多種類，有幾款自家制，例如蔗水，桂圓茶，蘋果雪梨茶等等。。。唔岩飲仲有汽水同紙包飲品。。。🦐 蝦多士 餐前小食一定會再encore ，個炸粉唔厚，真係食到蝦而唔係麵粉同包。🐟 魚生船雖然係放題，但魚生質素同款式都無hea ，仲要成個賣相都好岩打卡，架船係成張枱咁長。除左三文魚，帶子，鯛魚外，竟然有蠔，鮑魚同蟹，呢度都值回票價。🐔 雞煲 味道唔錯，除左有雞同豬皮仲有卜卜蜆。唔夠食仲可以加雞。🍲 花膠雞湯

一次過有齊魚生船、鷄煲加打邊爐真的超滿足呀❤️一去到坐低，已經好快奉上好多小食，蝦多士，酸菜魚、螺肉、皮蛋同各式各樣的炸物。酸菜魚好好味，有好多酸菜、是開胃的前菜💕之後到上魚生船、真的😍😍眼，有好多刺身： 蝦、三文魚、油甘魚、帶子、北寄貝、鮑魚、蟹、最驚喜的連海膽都有、真的好正💕到食雞煲，入面有蜆同好多芫荽。我們叫了小辣配上他們獨特的醬汁、已經覺得鷄同蜆肉好入味，而且肉質仲好鮮嫩！其實食到呢刻也飽到7成了😅。要留肚打邊爐啦！跟住到打邊爐，又係有好多海鮮、大小聖子、蠔、蝦、蜆、魷魚….還有其他食物，炸魚皮，牛肉，餃子、丸子、菜。不過由於太飽，我都冇吃過丸和餃子。總括來說海鮮、刺身好新鮮、啱晒我海鮮腔💕而且服務好好！我已經期待下一餐了。

📍家嫂一家大小 (尖沙咀)尖沙咀堪富利士道8號格蘭中心3樓未食過尖沙咀呢間家嫂，一路好想試，所以早2星期就book位，比起旺角舖，TST確係寬躺好多👏👏我地一行8人，仲未俾左間房我地坐👍🏻👍🏻坐低後，例牌有職員送上👉🏾小食，蝦多士依然出色，皮蛋都好食😋之後上👉🏾刺身船，人頭件上，唔使爭，今次竟然有生蠔🦪😱好好味呀，又鮮甜👏👏d帶子又大隻，好出色👍🏻之後仲有👉🏾雞煲（唔夠濃味）再開始👉🏾打邊爐，打邊爐多數食海鮮款，有好多選擇，美中不足係d牛上得慢左，不後人多都明白既！最後個個食到捧住個肚走😆

今日部門丫姐拉大隊請食飯，我們一行九人點了這間餐廳的午市套餐，每人$188，已包茶芥及加一。套餐有：茶(金駿眉/八寶花茶)2選1 ~ 前者茶味略濃帶甘，後者清淡而甜。視乎個人口味。輕食海膽八爪魚 ~ 海膽無腥味，八爪魚易咬雞汁粉藕 ~ 雞汁鮮甜不太咸，粉藕好粉，好食湯生拆黑羊肉花膠羹 ~ 我食了一啖， 覺得好騷，可能因為有羊皮，不過利申我唔食羊肉， 可能喜歡食羊肉嘅會鍾意。海產寬粉蒸帆元貝 ~ 蒸得剛好，好鮮甜好味點心脆皮牛腩拉腸粉 ~ 腸粉包住脆網再包住牛腩，所以口感是外軟內脆，還保留了牛腩肉汁香味蘿蔔絲春卷 ~ 口感香脆，但味道不過不失。生拆蟹粉小籠包 ~ 賣相吸引!皮薄有湯汁，可惜蟹粉味欠奉立鱗鮮魚燒 ~ 熱辣辣好香，魚鱗炸到脆卜卜，魚肉結實，好好味鮮蝦帶子餃 ~ 鮮美，好食主食鮑魚艇皇粥 ~ 口感綿密，足料甜品鮮果豆腐奶凍 ~ 不太甜，味道中規中矩。套餐款式多，味道不錯，抵食

今日老闆生日喎我Tony哥一定搞聚會啦 一行6人book咗尖沙咀家嫂再食 7:30入坐 侍應招呼很好又問大家飲紅白酒？先上小食 我最like佢個蝦多士真係好食 不過提一提大家千萬勿食大飽 因為仲有刺身船雞煲任食 sea food又任你食⋯⋯真係唔知食得邊樣冴唔太多說 佢哋食物新鮮好味$388 一個人 加10%服務費

頭盤小食約6款可任食，人齊後，就會上刺身船，刺身款式每人一件，三文魚，蝦，鮑魚，八爪魚，帶子，魚，花蟹，之後會上雞煲，味道一般，調味料唔夠，無麻無辣，雞肉可無限加，最後上火鍋湯底 ，配料所有款式直接上枱一次，需要可要求再加，配料非常小，亦都冇餐牌列出配料種類，小食種類。海鮮方面有有蝦 ，鮑魚，蜆，急凍蠔，魷魚圈，蟹，細聖子，大蟶子，海鮮一般，紅白酒分四個時段推車仔出行一圈，飲品有一些自家涼茶，有汽水，茶

尖沙咀地段，餐廳座位闊落，坐得舒服。飲品非常特別，真材實料～有蘋果雪梨，竹蔗茅根，桂圓紅棗。。。。等等。每一杯入面都會見材料。一開始會上小食，今次小食有酸菜魚，皮蛋，炸茄子，蝦多士，糍粑，可以不停加。職員會問人齊未，人齊後就會上極有睇頭既魚生船。大人食得好滋味，不過小朋友暫時除左蝦多士外，暫時其他都都唔係好岩食，最後餐廳可提供白飯，魚生飯後就到雞煲，因為有小朋友就食唔辣既，當然第二轉一定要食返辣鷄煲😋😋之後就到火鍋時間，我地選咗花膠湯底，超正超濃，飲完湯就叫職員加水食火鍋，有海鮮，牛，丸。今次糖水係蕃薯糖水，如果唔岩食，可以食雪條。地點，環境，職員都滿分。不過如果可以為小朋友準備炒飯或炒麵，相信家長們就可以食得更開心舒服。

海鮮唔新鮮，由頭到尾再可加的食物一，沒一樣可重食，菜只得三款，生菜，油麥菜，娃娃菜，食物款料少， 沒有任何餐牌可供應給你從食的資料 無下次，第一次食放題會唔飽，去過一次就知中伏，

呢間嘢真心黐線！你可以由五點食到10點，一次過滿足你三個願望，刺身雞煲海鮮打邊爐！CP值爆曬燈👆🏻六款任食小食😼一坐低有六款小食任叫，當中比較推薦個蜆肉同螺肉，不過小心唔好食咁飽！好戲在後頭👆🏻刺身船😻非常吸晴巨型刺身船！有長腳蟹，帶子，八爪魚，大海老等等，仲有半碟鯛魚！樣樣都新鮮好味！👆🏻雞煲（冇影到）😼雞煲嘅雞肉都OK！唔好整到好硬好乾，仲有唔同辣度俾你揀，食完唔夠仲可以炸雞👆🏻養生湯底 &任加海鮮😻是日揀咗個花膠養生湯底，唔覺得似味精湯，另外海鮮都好新鮮，蟹唔係普通嘅花蟹，只係大大隻嘅膏蟹，仲要每樣海鮮都可以追加！👆🏻果茶 / 紅白酒任飲 & 糖水/雪條任食😼值得一題佢好多唔同款嘅果茶可以揀，而且會有架車仔推紅白酒出嚟任飲，不過我已經飽到飲唔到酒，同埋最後會送埋糖水，出邊亦有個雪條櫃，有榴槤味雪條擇👆🏻象拔蚌刺身😻另外我仲加咗佢，即切即食真係鮮到爆，一d都唔腥！...💸.消費. $487（每人）🈵.回頭率. 9.5/ 10📸.打卡率. 6.0/10

這間公司立場很堅定，沒有依政府規定接納符合疫苗通行證之客人，政府沒有要求藍碼，店舖卻強加要求。然而口口聲聲說要依政府要求，客人已出示安心出行及醫健通，但店員不接受，還一直要求將電子針卡安裝至安心出行內。經理也講明沒有電子針卡就必須離場，因為公司規定一定要藍碼才可進入食肆，即使落了訂金也不能退回(參考門口相片)，擺明趕客。他們很好笑的，說投訴也不緊要，公司規定是一定要有藍碼才可進入食肆，但政府大樓也不需要藍碼也可以出入啊，是不懂法例嗎？還是這間食肆比政府大樓還要大？

呢間餐廳除咗火鍋雞煲刺身放題出名之外，原來佢仲有午市精緻套餐， 啱曬啲唔想食放題又可以慢慢歎精緻套餐嘅朋友午市套餐每位＄188已包加一及茶芥🤩茶品：陳皮普洱、八寶花茶🍵我哋兩個人所以叫齊兩款茶試下，普洱有淡淡嘅陳皮果香味滲出，唔錯；八寶花茶有清淡嘅花香味，叫齊兩款茶加埋有個燭臺，打卡都開心🤩🤩輕食：酸菜魚、雞絲粉皮🥢酸菜魚湯頭酸酸麻麻，不過唔算好辣，魚肉偏淋身，豬紅爽口，酸菜爽脆冇渣🥢雞絲粉皮雞絲質地正常，粉皮爽口好味，芝麻醬汁香濃而且帶點酸酸地好醒胃，整體好味🤩湯品：生拆黑草羊肉花膠羹🥄湯羹非常足料，當然有羊肉🐏、花膠絲、冬菇絲及木耳絲，湯羹冇羊騷味，不過如果連羊肉一齊食的話就有少少羊騷味，我個人尚可接受🤩蔬菜：香蔥油菜苗🥢菜苗嫩口冇渣，豉油有香蔥味🤩手藝：脆皮牛腩拉腸粉、蘿蔔絲春捲、生拆蟹粉小籠包、鮮蝦帶子餃、立麟鮮魚燒🥢脆皮牛腩拉腸粉總共有四嚿，兩嚿係牛腩位，兩嚿係筋腩位，牛腩位比較硬及冇咁入味，但係筋腩位就比較有口感、好趙頭及比較入味，腸粉皮滑溜🥢蘿蔔絲春捲炸皮淋身😅，蘿蔔絲冇蘿蔔味🥢生拆蟹粉小籠包小籠包豬肉餡料太濃味，可能因為太濃味嘅關係，食唔到有蟹粉在內，呢個有啲失望🥢鮮蝦