家嫂一家大小

營業中

休息中

之前食過覺得很好，食物質素高，員工服務好，旺角同尖沙咀都食過，同朋友去食過幾次，亦推薦朋友去，可能太多客人慕名而至，服務態度一次比一次差，食物亦較以前遜色，不會再去，酒精飲品任飲限時及限量，感覺小家

之前喺網上面見到呢一間任食雞煲邊爐，仲有一架大船刺身影下相，今次就嚟試吓一嚟到呢，首先我哋就會食小食先啦，咁小食呢佢都有幾樣嘅仲可以任食嘅，有蝦多士啦，有沙律啦，仲有酸菜魚啦😂唔知點解酸菜魚都係小食啦好正之後我哋就食刺身啦，架大船呢五位或以上先有嘅咁嗰㗎船仔呢就會有埋蟹同埋鮑魚嘅，好似五人以下呢，係冇嘅，刺身呢就唔係任食，食一次呢就冇㗎喇之後我哋就會食雞煲雞煲就係任食嘅，個人認為佢呢間雞比較淡味，平時食開小辣嘅我呢，就叫咗中辣食完雞煲之後呢就會係打邊爐，嚟之前呢佢又WhatsApp我問問我要啲其他湯底嘅，咁我有要到一個花膠湯底（免費），同埋加錢要咗一個燕窩糖水咁樣嘅咁打邊爐呢，都係飲食啦其實都好飽㗎喇，佢會問你食豬定食牛先嘅，咁我就食牛先啦，個人認為佢呢度嘅肉類呢都唔錯嘅，丸呢就我冇再加，之後佢呢度呢都有啲雪條，我就鍾意食佢呢度嘅榴槤雪條，仲有番薯糖水呢一個呢就係我加咗$32嘅糖水，個人認為呢佢入邊嘅燉奶都幾好食嘅四百幾蚊一位已經可以食到你好飽㗎喇

呢間家嫂已經紅左一段時間，個個食過都讚不絕口🤓，於是今次揀左晚市時間去食，原來仲可以由6點食到11點，岩晒啲大胃王😍，而且食材眾多同好新鮮，座位都闊落，真係好岩一邊食一邊吹下水🤭嘅好地方係家嫂食野真係會飽到上心口🤣，外面有醬料吧，除咗既定嘅豉油、蔥、蒜、辣椒粒之外，仲有幾款自家調配嘅醬料，自己中意加咩就加咩；飲品方面，除咗一般汽水外，仲有好多款自家製飲品，推介竹蔗茅根同薏米水🩷，揀完醬料同野飲之後，正式火鍋嘅馬拉松開始🔥🔥❣️刺身船（不能refill)如果你夠多人嚟食，就可以有巨型嘅刺身船，配上乾冰打造出煙霧彌漫嘅效果，打卡一洗，刺身船上有生蠔、甜蝦、八爪魚、三文魚、帶子、鮑魚等嘅海鮮，亦都相當新鮮，但就唔推介食當中嘅凍蟹，味道有啲腥🥸❣️小食(無限refill)諗住開始火鍋，少年你太年輕了😆，仲有小食，當晚佢地提供左幾款小食，當中包括螺肉沙律、酸薑皮蛋、炸翠玉瓜、炸蝦多士同埋紅糖糍粑等，炸蝦多士同紅糖糍粑必食，新鮮熱辣炸起，仲可以無限任加，真係唔怕你食多，怕你食唔飽🤣🤣❣️雞煲（可以refill)仲有雞煲嘅環節，我地揀左小辣，辣度唔高，特別之處雞煲加上蜆，鮮味同惹味度大大提高，雞件都嫩滑，

朋友建議來這間打邊爐，約2星期前訂了枱，但要給$500訂金。我們超過5位，所以有上刺身船，按人頭每款一片。另有小食，之後上雞煲，不過不失。他們有自家製飲品，其他任飲，雪條任食。食完雞煲上火鍋，我地選了花膠湯，先飲碗湯再打邊爐，海鮮味道不錯，食完再添，肉丸味道也很好，唯一不滿是職員服務態度不大好，期間經常收碟上蝦殻是可以，但感覺唔禮貌，我地要拉開凳方便佢做野咁，整晚係唔止一次，有點煩厭。

同事升職飯揀咗黎家嫂慶祝 🥳🎉呢度食無限時任食雞煲火鍋放題🤪 啱晒吹住水黎食由於一行六人 所以同事一早就book定枱俾埋訂金 walk in機會微乎其微 🤏 🔹️刺身船 （一次）一坐低 乜都唔好理 刺身船駕到 🚢有十幾款刺身 三文魚 蝦 帶子 鮑魚‼️打卡位 🔹️小食蜆 蝦多士 炸茄子 牛肚等等6款小食個茄子好出色 花甲有啲酒味 🔹️雞煲 🐣終於到主菜 揀微辣 大家都留肚食火鍋 所以無再encore雞煲 雞嫩入味 🔹️火鍋我哋揀咗椰子雞湯底又有海鮮 又🐮🐷戰鬥力開始下降🔽 ‼️嘢飲 雪條 醬料喺自助區度隨便攞 🍦🍰‼️會有酒嘅餐茶 只會行3 round 大家把握機會 ✅適合一班人吹住水食✅環境相比其他雞煲餐廳乾淨企理✅friendly staff

平時去開柴灣家嫂食，今次就約埋住新界區嘅朋友，所以選擇咗尖沙咀，都係第一次試，個名唔知點解多咗一家大小幾個字，但係都一係咁好仲要多咗日本清酒揀，柴灣有嘅呢度都有，一樣係可以預留花膠湯打邊爐，一嚟就大家先飲返碗湯先個個都有讚無彈因為今次7個人隻刺身船一上已經非常震撼，不過今次無海膽但就有長腳蟹同藍鰭吞拿魚，仲有個麻醬螺肉嘅小食幾特別，因為係時令海鮮所以每次都會有啲唔同，唯一不變嘅就係每次都會飽到抱住個肚走

近來「家嫂」口碑載道，成私房化放題的龍頭。把魚生、雞煲和火鍋店合體，把私房和放題合體，把港日食店合體。私房化是由廚房發辦，家長話事，阿爺家嫂當家的作主，可隨時改菜單。食材貴價而性價比高，與日式放題的文化價值觀完全不同。中日式都是圍坐，圍村式，團聚感，部份是廚師發辦店。日式是你為主，店為你煮；中國家族式是店為主，店為你煮，你只需安享。 沒有菜單，沒有網點，沒有茶芥，沒有限時，沒有收費小碟。有親切的服務，有川粵小碟，有日式魚生，有川式雞煲，有粵式火鍋，有西洋酒。 建議攻略如下： 1️⃣同系4間，旺角最就腳，空間較狹，柴灣最還。最大應該是尖沙咀店。 須5位或以上，才可「上船」，6位或以上才可坐大檯，7至8位或以上才可坐「半房間」。謝絕1人，一家大小齊齊整整才開心。 2️⃣價格方面，中午最便宜，298元／位，11至4時。早鳥次之，5至7時348元。晚市每日均是428元。免切餅費和開瓶費。有加一。 3️⃣似深圳食店5時開始服務，可與部份先到的「家人」共渡happy hour。有小碟點心供應。我的食法是第一次六小碟齊上，再選合口味添加。如有款式不合，可即時退回。網評第一是蝦多士，添加件數由你決定 。一見傾心，

前菜已經好吸引任叫任食，皮蛋，夠爽脆，仲有蜆，花生基本嘢。蝦多士食完再叫時，姐姐提我地唔好叫咁多蝦多士，唔係一陣食唔到其他嘢。個多士唔油，炸到啱啱好。仲有矮瓜。。。。總之前菜飽你一半。魚生拼盤，因為我地一行7 人，成隻船上，感覺超夢幻。魚生都有象拔蚌，飽魚，最愛嘅鮮美帶子....呢個係無得追力嘅蒸扇貝。打邊爐之前，有個雞煲，可選辣度。個雞煲幾惹味，直接加水打邊爐都得，不過唔係嘅。主角海鮮打邊爐黎啦！總類煩多，自己睇相。而下圖海鮮同肉類可以任點任食嘅。仲要有飽魚，食左3隻以上。肉類無食，所以唔知新唔新鮮，靭唔靭，但海鮮夠新鮮，蝦夠大隻。有個牌，好似偷偷放在冷柜咁，寫住可以叫即制飲品，有咸檸七，桃味汽水等。無理由唔叫啫。雖然加左價，要330埋單一位，不過海鮮狂迷就一個價可以滿足你大部份需要了。

朋友生日，泥呢度食，真係會飽到爆炸成張台咁大既刺身船，跟住又有任食雞煲，任食海鮮，忘記左提，大量前菜都係任叫，但建議大家唔好叫，因為唔好浪費個肚既位置。😂質素泥講，任食既話，全部野都算係質素高，海鮮刺身，好好就唔夠膽講，但任食食到呢d貨，仲要收呢個價，認真夠晒抵食。個人建議大家skip左個雞煲，雞煲認為算係最普通，所以直接跳過食海鮮更好。酒水仲要任飲，甜品都有幾款雪條，4百幾蚊一個人頭埋單唯一唔好既係佢地d員工，趕客咁，仲要串客🤨

家嫂一家大細真係無得輸的海鮮放題！ 今次第2次來了！ 上次2人來食唔到刺身船，總是有種遺憾！ 我話過下次黎一定要5人或以上黎。 今次我終於集齊6人黎食啦！ 真係無失望！ 人均：$428加一 (我見有人post $388, 我估係平日。 我地係星期日食)時間：17:00-22:00 （幾時入座都一樣價錢）無限時架！ 呢個係我其中一個鐘意佢既地方！ 一班人打邊爐如果有限時就好唔盡興啦！ 呢度你想吹幾耐都得。 ^^呢度有專lift 上黎架..一坐店員就介紹今晚點食法，好有禮。 服務好！ 店員知我要等其他家人，就話幫我先上幾碟小食，食住等。 小食可任叫的。 個人至愛皮蛋, 有少少花椒味但唔辣，炸蝦多士、炸黑糖都好好味。 但真係食唔到多。 因為仲有後面海量既野要食。 好！ 人齊啦！ 我最期待的主角出場啦！ 要2人先枱到出黎既刺身船！ 家人個個都「嘩嘩」聲！ 唔打咭又點得呢？ D 刺身又新鮮、賣相又靚！ 真係影相都有排影。 成盒海膽配埋盒紫菜俾你！ 有3隻凍蟹 、3隻鮑魚 (鮑魚煮得剛剛好)。 當然唔少得刺身啦！ 包括帆立貝、甜蝦、八爪魚、三文魚、北寄貝、仲有一碟唔知咩名既魚。 刺身船內既食物就無

雖然呢排天氣好熱🥵，但無損我哋繼續打邊爐嘅興致，以前一路食開尖沙咀旺角不同嘅火鍋店，到發現有「家嫂」呢間火鍋店已經不時登門造訪，雖然貴少少，但整體上都覺得算抵食，加上旺角又有食開嘅淥鼎記嘅質素開始下降，見而家訂位容易咗，咁又食一次喇！家嫂一向都有頭盤小食（酸薑皮蛋、蝦多士、水煮魚都幾好食）、到刺身拼盤（好新鮮）、再嚟雞煲（個雞煲就較為一般般😏，可以唔駛食哂），咁上下就要留一留肚喇～ 到揀湯底嘅時候，本來揀咗個花膠湯底，後來有位侍應話有款新嘅冬瓜盅湯底，問我哋試唔試吓，我心諗冬瓜消暑都好喎，跟住叫咗嚟試！佢哋仲好好咁不停問個新出湯底好唔好食，我哋真心都覺得唔錯！值得推介！👍🏻到海鮮拼盤，有好多嘢食呀！有鮑魚、貴妃蚌（好味😋）、蟹🦀、蝦🦐、蠔🦪、蜆仔，都叫做好新鮮，而且可以不停refill！搞到我哋都掛住食海鮮而忘記去食肥牛🤣～ 最後，我再叫咗個椰皇，非常完滿！（其實啲丸呀菜呀都食唔哂）😃批評容易讚賞難。點解我今次都想讚一讚家嫂呢？可能真係因為其他火鍋店質素開始下降，例如前菜、任叫食材選擇少咗，員工服務差咗啦，而家嫂叫做keep住個質素，雖然埋單差唔多要400幾500一個，同埋醬料區地下有

傳說~家嫂好正,好食,终於提早半個月訂座,訂5位,因為5位才有刺身船打卡！！！伏伏伏,第一次食侍應話要近佢流程食,頭盤小食,皮蛋,花生,酸菜魚.味道一般！！刺身船,係靚但每人每樣得一件,味道一般,到雞煲....超唔掂..任何一間雞煲好過佢,咸極咸！！至於海鮮都係一般！！！大蜆全是沙,鱔~係切都一條條骨都未起好,完全冇驚喜~不會有下次！！

今日成班同事約埋去打邊爐，某個同事食過所以帶我哋嚟試下。呢個任飲任食火鍋性價比超值，真係好推薦。我哋6:30 就到咗餐廳，人未到齊前，餐廳會有5款小食，比我哋食住先，有蝦多士、皮蛋、花生、紅糖茲粑等。就算係餐前小食，家嫂都唔會馬虎。齊晒所有人之後，首先會有一隻超大的刺生盛宴船出現，呢隻船超誇張，第一次見，好驚喜。刺生非常新鮮鮮甜，而且份量足夠每個人都食到。另外我哋額外加咗2隻象拔蚌，都唔錯。之後食完刺生就會上雞煲，可以無限加雞岩哂大胃友。最後就係重點食火鍋，主要有海鮮，肥牛，豚肉，基本上火鍋必有的食物都有，超多選擇。而且仲係任食。仲有自制嘅足料飲品，超多選擇。

抵食之選，兩個鐘無停過的，仲要唔重樣，而且質素唔差。岩一大班人/家庭聚餐都好好👍🏻連海鮮都可以refill ，真係估唔到。建議食三個鐘，兩個鐘太快，食唔切，有啲趕。三個鐘可以慢慢食又吹下水。嘢飲都幾特別。又可以叫佢整特飲，唔錯。六人坐到大枱，食嘢都方便。首先上刺身船，影相打卡一流，質素都ok, 有海膽，估佢唔到。凍蟹就一般啦。刺身船就無得再加嘅。之後轉雞煲，最欣賞有豬皮，吸曬味，好食過啲雞。我地無再加雞，轉打邊爐啦。海鮮盤都ok, 食完仲可以加，唔錯。中間仲有啲小食，質素都唔差，蝦多士好食。

尋日7點一去到，就先上好多唔同款既小食，有蝦多士，蜆，皮旦之類。我同我3個兄弟梗係留肚之後魚生，雞煲，海鮮邊爐啦。不過蜆既小食真係唔差，可以食多2轉，魚生都係ok,不過雞煲就一般，太多下欄位。食完雞煲就入正題海鮮邊爐，d海鮮幾正，算好新鮮。d豬肉都唔差，叫左成2份。不過加左頭2轉海鮮之後，就會比d急涷海鮮。不過邊爐真係唔差，係d手打丸真心削d,唔係好新鮮。最黎食埋雪條就收工。最後真心貴妃蚌最正。😽