影片
咁大個女未食過咁難食嘅生菜魚肉，一擺落口係淋到飛起，唔知點形容，完全冇平時正常生菜魚肉嗰種煙靭大牙，佢係淋到好似變壞咗、糜爛、未煮熟咁樣嘅生菜魚肉。呢本嘢$20 ，真係$5都比多佢。完全食唔到，直接掉咗落垃圾桶。個腸粉啲醬勁稀，好似溝咗水咁，仲要個腸粉係一早已經入晒盒，啲腸粉嘅表面係肝硬化，完全唔夠醬汁，勁難食。完全唔明白一啲咁普通嘅香港小食，點解佢哋可以整到咁難食，然後呢間舖頭仲可以生存咁耐，我真係完全唔了解，我以後都唔會食。
繼續閱讀
今日係運動場做完運動，行行吓就嚟咗呢度。呢度嘅menu話俾我聽，你哋諗到嘅小食佢都有，由煎釀三寶去到粉麵飯雞蛋仔糯米雞糖水豆腐花都有，唔係間間小食店都有咁多種類架。我太肚餓，所以叫左$30煎釀三寶再加$12牛肉球。煎釀三寶$30有16件，可以要求佢翻炸。個薯餅同蟹柳最好味🥰 牛肉球就大大粒咁，都幾吸引，加埋喼汁食一流😋
繼續閱讀