家上海 (奧海城三期)

營業中

休息中

實在是一個超級無服務能力的餐廳！話說我一家大細5位（一個人2歲小朋友，一個八個月）walk in 奧運三期的家上海，由於臨時決定除外吃飯，我無make booking. 我7點拿號碼，前面只有一位等候！ 我地一直等等等…..等到前面的終於入去了！再等等！ 7點等到8點， 仲沒到我地！問題是，一直有其他5位的入去開餐！ 我地終於唔耐煩了，去問前台幾時到我地！冷漠無情地回答「定位優先」！ 真是火都來，如果你地無本事forecast 客量、你做booking客就好啦，為何仲要前台開號？ 人地730pm booking你就唔理walk-in 客，有咁的道理？如果太多booking你唔識得如何安排walk in 客的，就唔該你停咗前台叫號！前台等候的也是人！打多個電話的人難道就飛天？ 我覺得真是生意好到做懵了！ 不推薦 - 服務能力和態度都有問題！

終於明白為何一期另一間上海菜沒有了以前門前若市的盛況，還以為疫情少了人外出用膳；原來人潮只是往三期流。此間上海菜，只有一個字可取：脆。脆煎三寶包括：第一位香，脆，甜，感覺不油但知道多食無益；又希望可以有如炸魚皮的小食包，隨時隨地想食便食。第二位曾經在台灣六合夜市食過，現在未能外遊，一食也可止渴。底層香脆，外皮不算厚，有肉汁；不過也有不少肥豬肉。第三位同樣有肉汁，同樣也不少肥豬肉😂，低層同樣也是香脆的。但由於體積大，感覺也油膩一點。其他食物就比較普通：雪菜不辣，麵質口感適中，湯也有味，黃魚份量算是不多不少吧。好耐未遇過一碗又辣又酸，這碗都是只辣不酸。羊肉無羶味，不算嫩，幾油膩。果然沒有脆煎二字，就真是軟淋淋。😅在上海已食過一次，用飲管飲完湯，再食包。打開有不少蟹皇，但湯有點鯹。魚湯麵反而不鯹，蟹皇鯹從何來🧐。

以為<<桂花拉糕(四件)>>($38)係桂花糕d friend~以為係凍啦~以為係啫喱狀啦~點知原來又係熱食嘅!而且夾佢嘅時候，佢會黏住隻碟㗎!!! 要俾少少力!!!🥢咬落有少少似新年食嗰啲年糕咁~~煙煙韌韌甜甜哋~加埋桂花醬…係一個好有魅力嘅特式甜品糕點👏🏻

專登黎試下呢個中式tea平日都比預期中多人座位都算寬敞既唔會好迫先黎前菜拼盤有青瓜....燻旦....醉雞....鎮江骨(仲有個唔記得個名)青瓜正常燻旦算幾好食呀個旦黃流流地心醉雞幾入味呀鎮江排骨就反而酸左少少之後有得揀牛肉麵或者雪菜肉絲麵我地揀左各一個雪菜肉絲麵湯底幾濃郁份量都唔小牛肉麵湯都一樣濃郁牛肉質感正常再之後就點心拼盤有小籠包小籠包都有肉汁唔會過份油呢個ok蘿蔔酥其實都唔差的蘿蔔絲熱辣辣美中不足係有少少芫茜我自己唔鍾意咋仲有個好似芹菜餃好重芹菜味我覺得都可以的流沙包就表現最差一d都唔流心呀原全凝固左呀

父親節, 妹妹係家上海訂咗枱慶祝.上網睇吓份 menu, 愈睇愈開心, 因為太多心水菜式!結果因為太多心水菜式, 紅燒肉, 紅燒元蹄, 手抓餅, 醃篤鮮.... 都要放棄.點咗五福拼盤, 清炒河蝦仁, 城皇廟蟹皇翅, 蟹皇大湯包, 金牌小籠包, 松鼠桂魚, 雞汁蘿蔔, 蘿蔔絲酥餅, 脆皮雞, 豆沙鍋餅 芒果沙冰.另外蔥油餅, 牛肉餅同鍋貼打包外賣.其中有幾款菜式印象深刻!清炒河蝦仁 : 份量偏少, 但蝦肉極彈牙!城皇廟蟹皇翅 : 蟹味濃郁但魚翅份量..... 都係唔夠.松鼠桂魚 : 魚肉外脆內軟, 加上甜酸汁極之惹味, 而且無魚骨, 可以放心食!雞汁蘿蔔 : 失望, 外相一流! 雞汁極之濃郁惹味, 但蘿蔔食到最後有少少苦澀味.脆皮雞 : 係最失望菜式, 肉質比較乾身唔夠juicy, 只睇外表估計煮得過火了!蔥油餅 : 太單薄! 似手抓餅!牛肉餅 : 內餡雖然充足, 牛肉 juicy 有少少爆汁效果, 但每一個餅 size 唔算好大, 一碟得3個, 唔夠喉囉.....芒果沙冰：係全場最驚喜，味道夠濃郁，比起D甜品屋嘅芒果沙冰更濃，超正！講味道, 有滿意有唔合格, 講份量, 好明顯好多都不

上週日和家人們晚餐，第一次來，聽講好好食，但感受到十分差的服務，食到一肚氣！食物一般，待應，經理服務態度好差，限時個半鐘，食到一肚氣，一個鐘未夠就不停追埋單，不停來執嘢收嘢，叫你食埋嘢執枱，點解會有咁服務態度？一定不會再幫襯😤😤

今次嗌咗好多嘢食，同埋整體都好高質，值得一讚係環境舒服同埋員工都好nice，今次成個用餐體驗都好滿足🥰一開始先上茶($13/per person)建議清清地嘅可以開一壺人蔘烏龍，我覺得好清香同幾回甘👍🏼酥炸椒鹽一口臭豆腐 ($68)呢度嘅臭豆腐唔會好似街邊嘅濕淋淋，而係酥炸到外表薄脆焦黃，然後自己點醬汁，咬落去內裏軟嫩，食到微微發酵嘅味道。在座有位同行友人本身唔食臭豆腐，都讚呢度既好味，仲要擺盤都好靚呀😳大上海牛肉餅 ($48/3件)外皮酥脆，估唔到咬落去咁爆汁。脆煎灌湯小籠包🤩 ($63/6件)呢個超級推薦，都係第一次食煎過既小籠包。外皮薄得黎個底勁香脆，小籠包入面都勁多汁，熱辣辣，肉餡同湯汁都無敵好食！金牌小籠包 ($54/6件)一樣係皮薄餡靚，夾起上黎都聚手(pic 5)，湯汁多得黎皮控制得啱啱好唔會穿，係高質嘅小籠包，不過都係覺得上面脆煎既太驚艷🙈蜜汁脆鱔 ($90)夠脆得黎蜜汁夠，唔腥，冇骨！茶香油爆蝦 ($88)蝦殼酥脆，咬薄本身啲蝦仔都幾飽滿，夠鮮。招牌糯米炒青蟹 ($438)大大隻蟹真係好正！糯米飯炒得好好，咬落係有啲咬口，唔會過濕，最重要係完全吸收晒蟹嘅鮮味，蟹都好新

上星期五一行四人去咗食，因為當日早上才決定去，所以冇得訂座，唯有Walk in。大約6:45到達，但係已經好多人喺埋度排緊等緊枱，咁我哋都照攞飛，等咗大約30分鐘就被安排入座（算OK啦星期五）老實講，今次嚟嘅主要原因係因為上次同朋友食晏晝嘅時候餐廳送咗coupon俾我哋（食$300減$100 ），所以今次約多兩個朋友一齊過嚟食。食物方面其實係唔錯嘅，個人覺得佢比坊間其他上海菜算是中上，而且價錢都算合理今次我哋叫咗以下嘅食物：上海小籠包醉雞砂鍋雲吞雞毛豆百葉蟹粉蝦仁小黃魚三條上海粗炒到甜品嘅時候，因為有女士想食酒釀湯圓，店員話會幫我哋安排不另外收費(抵讚👍)到差唔多埋單嘅時候，我哋叫店員攞張單俾我哋睇，睇吓可以用到幾多張coupon，而當日嘅經理（阿傑）亦非常有耐性及建議我哋可以叫多少少再用多一張coupon，變相我哋可以食多少少野但係再優惠左今時今日呢一種以客為先嘅服務態度，本人覺得非常值得表揚

之前食過元朗店幾好食, 原來奧海城都有, 今日同朋友黎試左幾個招牌菜同春夏時令推介, GOOD 喎！涼拌手撕鹹雞海蜇 – 又香又滑, 鹹度剛剛好. 不過前菜黎講好大碟, $180 前菜算貴, 但經理話係用足足半隻雞黎整的, 如果咁大碟當主菜食又唔貴喎.紫菜花甲湯 – 好鮮甜, 不過經理話今日無花甲, 所以轉左沙白蜆, 我鍾意食花甲多D. 湯內有大量粉絲, 可以慳返唔洗叫粉麵.龍井炒河蝦仁 – 起初以為呢道菜應該好清淡, 原來好濃味, 油左小小, 扣分雞汁雲腿冬瓜甫 – 非常好, 勁大碟, 好清新, 好啱呢個季節食, 個雞汁一D都唔膩, 好似濃濃的清雞湯, 撈飯一流.脆煎灌湯小籠包 – 個包底煎到脆脆, 好香口, 勁多肉汁, 皮薄餡靚, 超正.高力豆沙香蕉 – 上檯熱辣辣, 漲卜卜, 甜度適中.總括黎講除左河蝦仁之外, 其他全部都好好食.

家上海，顧名思義，吃有家感覺嘅上海菜。第一次來，試吓餐廳自己金牌推介：首先，來一籠 金牌小籠包（六件），如圖☝🏼，皮超薄，一啖放入口，豬肉加上湯，熱辣辣，小心燙口😽豬肉新鮮，上湯甜美，令我食唔停口。跟住，係一客炸醬拉麵，湯同麵料分開上，有啲似撈麵，同一般炸醬「湯」麵的賣相唔同。個人喜歡呢款，因為見到好多炸醬😽😽，味道不咸不淡，豆味濃郁👍🏼最後，來一碗 金牌大排湯麵，「大排」係酥炸豬扒，份量好多又Juice😻，見到碗湯麵唔係剩係得蔥花，有幾條翠綠白菜，感覺上餐廳關心 食客均衡嘅飲食😻，湯底同炸醬麵湯底一樣，覺得似雞湯熬出的上湯。拉麵真係好好食，全人手打造，有個玻璃廚房俾你見到廚師們喺裏面做麵條。我一定會再來😽😽😽

天冷叫外卖🥡見到一人餐HKD138而家有七五折就決定試下～十五分鐘已經可以拎到，仲用保溫袋裝我們點了紅燒獅子頭餐同埋回鍋肉餐，獅子頭肉嫩好多汁夾飯好好食，份量以上海菜來講都不算少，雞絲粉皮等小食也都好食，套餐配埋酸辣湯暖笠笠好滿足，可惜豆漿就係便利店產品，總體而言呢個價都算ok

是一個加班工作後的晚上，放工回家，來到奧海城三期，決定在這兒的四間中西食肆中揀一間合心意的，與太太共晉晚餐。因為用匯豐信用卡結帳有買一送一的吸引優惠的緣故，所以在四間食肆中，最後揀了這間「家上海」，一試它的「佛跳牆海皇宴」。前菜「淮安四小碟」包括「四喜烤麩」、「花雕醉轉彎」、「涼拌陳醋海蜇頭」和「鎮江冰官肴蹄」四款前菜。這四款前菜，份量不多，不能飽嚼，只可淺嚐，味道中規中矩，鹹、甜、酸俱備，是過得去的，但未算出色。這套餐的重點「鮑魚花膠佛跳牆」緊接四小碟送上。這足料佛跳牆集鮑魚、花膠、海參、瑤柱、精肉、雞腳等食材於一身，味道濃郁可口，與「皇仁舊生會」的超班佛跳牆相比，雖仍有一段距離，仍是好味之作。「乾燒蝦球配鍋巴」挺好味道，口感爽彈的乾燒蝦球在酸甜開胃，且帶微辣的調味茨汁加持下，美味可喜，配以脆卜卜的鍋巴，讓人不禁想多來一件。「薺菜年糕燴桂花魚片」也好吃。年糕軟糯而有彈力，魚片雖不夠嫩滑，但這菜的茨汁味道調較得宜，仍能成功地讓這道菜成為令人喜歡的菜式。製作需時，等待了好一段時間才上桌，賣相不錯的主食「濃湯魚翅撈飯」味道也好。本非特別的蛋炒飯，伴以圍繞四周的魚翅茨湯後，變得濕潤好味。來到

第一次食晚餐，碗碟很乾淨，望落放心；食物有一定水準，好味；特別想讚下侍應服務細心，高敏感度，望下你嘅眼神，很像了解你的需要，用心服務，一流！整潔10分食物10分服務100分

散步经常路过的一家上海菜，终于有机会来尝试！会回顾～现在是在室外就餐的好季节，餐厅提供了小蜡烛提供光亮衬托氛围最喜欢的是蟹黄大汤包 - $40很满足 - 汤足馅大皮薄~墙裂推荐草头圈子，即红烧大肠，没有异味，大肠内脂肪保留比较多，吃久了会比较腻蟹粉豆腐中规中矩，但胜在清淡健康。第二次再来的时候点了蟹粉虾仁。蟹粉虾仁无论味道还是蟹粉含量都更胜一筹锅贴皮厚馅实很有嚼劲，表皮一点点油Mocktail非常清爽，绿茶沙冰看起来就比较罪恶了哈哈哈，红豆很多哦

我同男朋友都好中意食上海菜, 但其實上海菜真的一D都唔平呀!奧海城附近有幾間上海野, 如果以商場入面又坐得舒服,價錢都接受到既,就真係要嚴選呢間新開一段時間既家上海!我地其實都好中意金滿庭。 不過家上海開左之後, 就過左檔啦。始終價錢係親民些少既。紅燒東坡肉 - 有D失望呀。睇個色水都知道同想像中既傳統東坡肉有D出入。男朋友形容個汁係叉燒包個汁小籠包 - 皮薄餡靚呀。入面D肉汁好JUICY。如果多D薑絲同醋就好啦鍋貼 - 皮脆+JUICY, 同小籠包一樣100分呀!炒年糕-略嫌差咁D雪菜味/鹹味。同埋再加少少油/ 煙UN 應該會正D!四季豆 - 正常, 沒有太大驚喜。送飯一流。呢度既人蔘烏龍茶好好飲~ 成日都有回甘既味道。呢間店既下午茶好抵食。人均應該$50搞得掂,晚市始終有D貴。下次黎食下午茶, 滿足下我好想食小籠包既心先