家上海 (形點 I)

營業中

休息中

食物保持，服務有禮👍再次食家上海，今次服務態度非常好，環境熱鬧！需然等得耐少少，但食物質素唔錯！小龍包:皮薄，多湯，唔易穿！讚👍鍋貼:爆汁，煎得夠香脆！讚👍生煎包:圓轆轆，飽滿，有肉汁，底下煎得夠！讚👍只係覺得嗰個醋比較酸！上海粗炒:保持到，係多左少少油，唔太影響五味醬拼盤，好食！直得推介大至上比上一次食好好多個人覺得餐前小食可以改進！店舖有少少熱，唔知係咪人多今次非常滿足，希望下一次可以做到咁好😸

這間上海餐廳服務好親切，令人感到賓至如歸。他們的野食菜餚味道絕佳，每一道菜都展現了獨特的風味和精心的烹調技巧。無論是口感還是味道，都讓人回味無窮。推薦給所有喜愛上海菜且追求高品質餐飲體驗的人們！這間上海餐廳的服務真是無可挑剔，始終保持著親切友好的態度，讓客人感到宾至如歸。而他們的野食菜餚更是讓人驚艷，每一道菜都展現了獨特的風味，新鮮的食材和精湛的烹飪技巧完美結合，帶來了絕妙的口感和豐富的味道。無論是視覺上的享受還是味蕾上的滿足，這裡都能給予你非凡的餐飲體驗。強烈推薦給所有追求品質的美食愛好者！

😉突然心血來潮想光顧家上海的下午茶，下午約2點幾到達取票，坐在店外等候可能是暑假和午飯時間關係，全場座無虛席，差不多等了25分鐘才入座🥢下午茶B餐$78，上海粗炒配雞絲粉皮👇🏼上海粗炒，夠味之餘不偏鹹，伴有菜類，冬菇條和肉絲👇🏼雞絲粉皮，一如以往好味，麻醬味濃，帶厚厚的花生香🥢下午茶E餐$78，嫩雞煨麵配紅蜇頭👇🏼嫩雞煨麵，大碗和料多，最喜歡有很多菜，但全部雞粒都是十分嚡的，該是雞胸肉👇🏼紅蜇頭，爽脆又夠醋味🫖茗茶每位$13，有加一服務費

上星期8號風球，三點幾走咗去YOHO家上海食飯，平時冇乜留意，原來家上海都有做下午茶餐😊六七十蚊有主食加小食，真係好抵，又坐得舒服，服務亦不錯☺️我食咗上海粗炒配小籠包，兩樣都係即叫即做，上枱熱辣辣🤣真係幾有驚喜，有機會下次都會再去。

今日happy Friday,約左朋友一齊食晚飯我地一行四人朋友帶埋佢既小朋友原本開心既星期五因為呢間餐廳而變到一肚氣🥲平時經過呢間分店都見佢企滿哂人今日難得早放左少少 早啲去拎飛等左唔算好耐就入座但門口負責派飛既職員全程都冇望過我咁濟有冇禮貌就唔洗多講啦呢間啲職員都出名唔係nice 算喇 有位就入座了一坐低 張檯仲係濕濕笠笠咁😨餐具都仲有啲油😨😨職員見到有朋友都冇主動問下洗唔洗bb chair帶完我地入座 問左要咩茶就走開左要我地再四圍搵人先拎到bb chair跟住到落單又係要四圍搵職員幫手當時有個男職員 疑似經理一開始望到我地 但居然扮睇唔到 另轉面😨😨我地知道佢係peak hours 但都唔洗咁樣掛究竟有幾唔想做嘢？之後我地再等左陣 都係冇人理 今次男職員再次同我地對上眼神終於肯過黎落單落單既時候 又係全程冇笑容態度冷淡 好似得罪左佢咁🥲到野食黎喇我地叫左幾樣野食有小籠包 醉雞 大排骨湯麵 蘿蔔絲酥餅等等野食水準就一般般啦 小籠包個皮好厚 好似食左啖粉落個口咁🤮整體黎講 野食都冇咩特別唔知點解咁多人排！ 員工態度又差 真係搵唔到原因再回頭幫襯冇下次😠😠

日日行過都見到有人排隊，難得今日見到唔洗排，入去試吓先。坐位闊落，可能過咗繁忙時段，因為我2點先去，唔多人，所以佢俾咗張4人枱我。叫咗壼龍井，不過不失。好食，味道啱啱好，滿滿嘅膠原蛋白。呢個第一次見，有啲似生煎包同小籠包嘅混合版，又幾特別，皮唔厚，入面啲湯好滿，粒粒漲卜卜，咬落去個底又有啲脆，好食！手掌咁大隻，佢會俾支飲筒你，飲咗啲湯先，入面啲湯唔係好油嗰啲，係真係湯，仲要好鮮甜，有驚喜。呢個完全唔得，好油又冇味，食咗2啖已經唔想食。啱啱炸起，好熱好脆，但個皮太厚。整體來講都算扺食，唔貴，下次可以試吓其他嘢。

肉絲兩面黄Deep-fried Noodles Topped with Shredded Pork請問設計菜式嗰個係咪唔知咩叫『兩面黃』？定印錯MENU？『兩面黃』同『肉絲炒麵』唔同㗎喎食兩面黃係用浙醋，黑蚊蚊嗰隻。。你給我紅醋應該點砂糖食糖呢？溶咗入個麵度？無分件上，得隻叉比我，教我點分呢？哈，食肉絲炒麵又真係唔使用叉金牌小籠包Signature Steamed Xiao Long Bao一夾，穿底心諗：可能係我唔識揸筷子，所以夾得衰到爸爸(全世界揸筷子最叻嘅人）一夾又穿。。。呢個小籠包個皮，唔係淨係粒椗椗個位厚係全個包皮都一樣咁厚但一掂就穿汁，有肉既鹹味，唔清甜，有脂肪凝塊🫥薑絲，6條都冇，亦冇同個醋分開上准揚韭黃軟兜Stewed Eels with Chives面頭pat蒜泥已經好錯 ！！呢個菜係要用蒜泥，但是係用蒜泥去爆香黃鱔唔！係！放！喺！面！真正做得好嘅鱔，係會食到魚味🐟#魚有魚味#呢句嘢唔係廢因為真係好難做到#韭菜芽菜多過鱔肉

都算係哩間嘢嘅熟客啦 平時行開yoho唔知食乜都會揀哩度 因為d嘢比較適合一家大細 又多數時候唔使等位琴日四大四小係四點二十分入座 被告知話四點半前要入曬單 我哋都話OK 因為係下午茶時段 所以都明白 但係突然又有服務員話：你哋最遲五點半就要離座喔 因為我哋結束下午茶 。 我哋表示明白但都同佢講 我哋會繼續落單晚餐嘅嘢 咁佢就話ok啦！點知過多五分鐘之後有另一個姐姐過來問：你哋唸住坐到幾點啊 ？？？？我哋晚餐要另外收茶位費～其實另收我都理解接受因為兩個時段嘅電腦系統會唔同，但我不解嘅係我點樣同你講我需要食到幾點？同樣道理 你可以保證比我你幾點上曬嘢食嗎？姐姐：我哋哩張台六點會有客訂？？我真係o曬嘴 我哋4:20 入來 你哋不停過來講哩樣講果樣 所以我哋4:37都未落單食物 跟住又話5:30必須離場 因為六點有人客？其實 一開始如果唔歡迎咁多小朋友入來嘅話 係可以係門口就話 無位或者其他原因但當我哋已經抹好台 （d枱癡粒粒 餐具都好油）入座你先來穩各種理由唔比我哋享用係非常離譜！仲要中間換左幾個服務員過來講各種理由 ！d食物又唔係好食 點解夠膽d服務都咁差 ？？

家上海是少數於香港覺得不錯的上海菜記得初時覺得食物味道不錯亦可親看師傅製作包點即使平日都大排長龍更別說假日今次再訪 星期一晚亦是等約一小時可惜大部分食物水準都下降了-小籠包皮略厚 但味道不錯 湯汁充足煎小籠包剛上桌便看見有一個穿了並且與另一顆黏在一起湯汁令其餘所有小籠包都黏底了因此整盤小籠包全都不能完整夾起亦沒有湯生煎包每個個頭十分大內裡沒有湯汁 內餡味道與小籠包一樣厚如饅頭的外表..可以忽略不試擔擔麵味道不錯 麻醬味不會過重不過加辣只是加辣椒油並沒有辣味建議原味

家上海 Modern Shanghai 📍元朗元龍街9號形點 I L1樓1058號舖佛誕假期我陪屋企人去YOHO逛下，行到中午時分就去咗排隊食呢間食過一次嘅上海菜。等咗大約半個鐘左右，終於安排咗我哋坐喺窗邊嘅位置，當日好大太陽，藍天白雲，景觀都唔錯，好愜意。上一次食係下午茶時段，今次撞正紅日無套餐優惠，我哋喺主餐牌揀咗啲嘢食。因為係連鎖店，所食物質素一定有保證，但呢度嘅茶葉唔太得，鐵觀音味淡，無茶香。 💰$80蘇式燻魚 🐟同我食過嘅上海燻魚唔同，無論魚肉嘅質感定味道都好唔同。呢種蘇式燻魚外面裹咗一層酸酸甜甜嘅醬汁，非常醒胃。魚肉無骨而且炸得酥脆，可以好放心咁大啖食。魚肉滑嫩無腥味，同外層嘅口感形成強烈對比。因為味道好易入口，相信小朋友或唔鍾意食魚嘅人都會較易接受。 💰$54金牌小籠包 🥟小籠包唔算爆多汁，但肉汁香濃，皮亦唔會過粉過厚，味道不過不失，無留下特別嘅印象。 💰$68大排湯麵 🍜呢款大排湯麵我之前已經食過一次，算係比較抵食嘅麵食之一。大排同上次食一樣咁厚身脆口，外皮炸得金金黃黃，睇到都食指大動。湯麵嘅麵質細滑，湯底滿滿菜香味，清清哋同較油嘅大排一齊食啱啱好！ 💰$88肉絲兩面黃

—— ˗ˋˏ ♡ ˎˊ˗ —— ˗ˋˏ ♡ ˎˊ˗ —— ˗ˋˏ ♡ ˎˊ˗ ——💀碗筷杯勺全是油淋淋💀仲痴住上手既飯粒—— ˗ˋˏ ♡ ˎˊ˗ —— ˗ˋˏ ♡ ˎˊ˗ —— ˗ˋˏ ♡ ˎˊ˗ ——🪬金牌小籠包💀一夾，穿底😨💀唔係淨係粒椗椗個位厚，係全個包皮都一樣咁厚 !! 但一拎就穿💀汁，肉既鹹味，唔清甜，有脂肪凝漿🥴💀薑絲，6條，無同個醋分開上—— ˗ˋˏ ♡ ˎˊ˗ —— ˗ˋˏ ♡ ˎˊ˗ —— ˗ˋˏ ♡ ˎˊ˗ ——🪬銀絲卷（炸）🫧包芯：厚密、唔乾、有韌度-💀目測得 2層，無該有的絲絲分明💀一挾，裏面的包一條條粗條碎跌出來😵‍💫包、皮完全分離💀未吃過咁呢hea 的銀絲卷😮‍💨除咗有煉奶跟包，唔知邊度似炸銀絲卷💀$30，我唔會想食到平時＄3就食到的饅頭—— ˗ˋˏ ♡ ˎˊ˗ —— ˗ˋˏ ♡ ˎˊ˗ —— ˗ˋˏ ♡ ˎˊ˗ ——🪬蘿蔔絲酥餅🫧咬到有厚度的蘿蔔絲🫧個 paste 鹹甜平均-💀巨厚的餅皮！！連男士都做唔到一啖一口💀完全不油酥，做唔到入口即溶💀勁多芝麻，但完全咬唔出香味🤷🏿‍♀️—— ˗ˋˏ ♡ ˎˊ˗ —— ˗ˋˏ ♡ ˎˊ˗ —— ˗ˋˏ ♡ ˎˊ˗ ——

元朗家上海日日排長星期一放假同爸爸媽媽， 到元朗家上海午餐。 一到店舖門口 ，午膳時間又係要排隊🤭 平日都係咁多人。 真係冇辦法這是老爸指定食堂。爸爸最愛上海粗炒 話夠入味喎， 而且色澤好靚， 唔會太油膩， 做得唔錯其他上海店冇去咁乾爽炒得。媽媽與我最愛小籠包，一籠有六件份量都大👍🏻 每次到場必點。 小籠包我會成隻放落口， 溫度剛剛好不會太熱， 咬落去湯汁爆滿全個口， 好有幸福的感覺， 食一隻係絕對唔夠喉，因為馬上我就會夾第二隻放落個口度 ， 好好味一定要點值得推介。而另一個主菜就係沙鍋雲吞雞煲，首先係要介紹佢個湯，超好飲， 湯味濃郁而且唔會太鹹， 餛飩份量足夠皮薄餡靚， 雞肉嫩滑不用點豉油也十分夠味， 這道菜值100分， 又可以飲湯湯料又夠多值回票價。最後甜品係豆沙鍋貼， 甜而不膩， 唔 錯大家可以一試。溫馨提示 ， 如果星期六日或公眾假期到此晚善，大家要早啲啦因為真係好多人排隊㗎。 這證明又經濟又好味，值得推介。👍🏼👍🏼

屋企人生日，揀左呢間位於Yoho 的上海菜餐廳慶祝。前一個星期訂位，剩翻六點鐘時間有位，平日都相當滿場。當日四個人安排左坐係卡位都幾舒服。先黎一個蜜汁脆鱔，第一次食入口味道似酸甜骨，咬落口感偏乾身，無骨。擔擔麵湯底好濃，辣度大約譚仔五小辣，花生味都平衡幾好。味道正常勝在價錢不貴。小籠包個皮比較簿，容易漏汁夾的時候要小心D。鑊仔生煎包熱辣辣，人口香脆，皮不厚，勝過一般包點店。高力豆沙新鮮，面頭糖霜令到賣相昇華，入面紅豆分量Ok 不太甜。

復活節假期去行商場，唔知係米好多人都外遊左，成個假期啲商場都比平時小人，平時見到呢間上海野大排長龍，今日人比較小，就試下等位，等左半個鐘就有位啦。叫左幾樣野食都滿意，首先酸辣湯麵，唔會太辣，麵身比較幼，其實我中意食粗小小，不過呢隻都好味小籠包，皮薄多汁，比想像中好，同埋都算大粒，餐廳有透明玻璃見到啲師傅係度包，密密包都冇停手，每枱客都有叫一籠生煎包，有4粒大大粒，好多粒，同埋都好多肉，食完都好飽，鐵板夠哂熱，放左一陣仲好熱牛肉餅，都好多汁，個皮硬啲，因為佢好似蔥油餅啲皮咁最後仲叫左排骨麵，排骨同個湯底都好味，不過掛住食冇影相，總括泥講食物都算夠份量，食左咁多野345蚊都唔算貴，可以再泥

同屋企人近近地揀左yoho入面呢間食意想不到有驚喜3個人叫左個二人餐，有肉有魚，每道菜都唔同風味唔會食厭🤭驚唔夠食另外再加左蟹肉炒飯，最後staff教路 本身個餐比較濃味 蟹肉炒飯又係相對重味，下次可以叫個啖味d嘅食物唔會搶左原本食物嘅味道～好欣賞炸黃花魚，炸到穌脆連骨都食埋咁濟😆另外要讚下個東坡肉，有咬口得黎又唔膩，食過翻尋味🤭🤭女士怕肥都忍唔住食多左幾舊最後飽到捧住個肚走🤣🤣上菜速度快，味道都唔錯，可以翻啅👍🏻