家上海 (形點 I)

營業中

休息中

第一次試家上海。5:15已派第一張飛，但冇入，至6:15再walk in ，啱啱最後兩三張吉枱，限時食90分鐘。餐牌很多選擇，今次選擇家上海的原因是有素食及植物肉款式，都有很多款式，啱晒同行食素的人。我們四人叫了四個麵加幾個餸，價錢視乎款式而定。不算便宜但也算值得。至於最不滿的便是冷氣，入口好少少，再入中間近廚房的幾張大枱好熱，多人枱食飯的要預咗不夠冷氣。我們四人是坐再入些的六人枱，𥚃面加了個移動冷氣，有人覺得可以，但我自己覺得還是熱，自備小風扇又好些。 整體來講不錯，下次會再幫襯，試其他款式。

家上海位於Yoho Mall 形點商場，主打上海菜，喺商場最旺食肆之一，經常要等位。星期一至星期五2-5pm設有六款下午茶套餐$7️⃣8️⃣免茶芥，但要加一未夠2pm門外已經有人排隊準備食下午茶😆🥢四喜烤麩上海風味，醬油偏甜。四喜烤麩要先炸再炆煮，工序頗為繁複，出街食就最好😆🥢排骨菜飯香脆炸豬排，外脆肉嫩，菜飯是炒過的小棠菜粒和米飯，充滿香氣，但比較油膩，不夠乾身。是日消費$8️⃣5️⃣已加一

家上海食物質素往往可保持水準。 今晚要讚一讚敬業樂業的經理/部長戴眼鏡先生。 好耐無感受到一間餐廳有誠意態度既員工。他真是以身作則。態度又好、成日周圍望下每張枱食客有冇特別需要。 埋單時，都會特登記一記你貴姓，再同你講拜拜。咁好既員工，公司唔該表揚下。 真心值得欣賞！

過往食雲吞雞都會有侍應幫忙分好，今日個侍應放低後就雙手放後企一旁，眼見滾緊既雲吞雞，咁惟有自己起身分…侍應見到當見唔到，之後行過見到我地添加，好似老師巡學生考試咁，其實，咁點解仲收我加一服務費？

六點半多拿飛等位, 大約等十張枱, 由於食飯限90分鐘, 所以都唔洗等太耐就有位, 入座後服務員問我哋要乜嘢茶, 有普洱鐵觀音香片龍井同人參烏龍, 我揀左人參烏龍, 茶都夠熱飲落有少少苦味😅, 等左一陣水晶肴肉送上, 有d醋可以点, 由於是冷盤, 所以食落幾舒服亦唔油😽 然後送來紫薯腿茸上湯白菜仔, 紫薯唔係好甜, 有d蒜子食落好香😋 白菜仔浸左d湯幾好味😍 然後送來蓮香蜜餞火方, 再送來宋嫂魚羹, 先食魚羹, 店員幫手分配, 食落夠熱, 有d木耳有d芫茜, 亦食到有d魚肉, 每啖都食到好足料, 食落有d似食緊碗仔翅同蛇羹😆 二個人每人可以有兩碗多少少👍🥰 然後食蓮香蜜餞火方, 個包好軟熟, 夾住入面的金華火腿好香好味亦唔油, 最後食雪菜黃魚煨麵反而有少少失望, 碗麵份量唔少, 食落幾香魚味👍🤩, 不過黃魚整得太細粒, 食落感覺無敢好🤔 如果魚大塊d會更好食, 之後埋單610元, 查實真係唔平🤣 中價位, 不過服務同地方係不錯😸

入元朗行街，試咗間上海菜非常好食。誠意推薦俾大家。我哋order咗🍵茶水💰13🥬前菜💰15🐥脆香樟茶鴨（半隻）💰178呢款菜以鴨為主角，外皮烤得金黃酥脆，一口咬落去，香氣四溢。脆皮之下嘅鴨肉肥美多汁，入口即化，真係好滋味。樟茶嘅獨特風味融入鴨肉入面，散發淡淡嘅木香，令味道更加豐富。🐥麻香雞絲粉皮💰68粉皮嘅質感軟滑，配以麻辣雞絲，味道豐富。啲雞絲鮮嫩多汁，夾雜住香辣麻醬，帶嚟一種辣而不燙嘅風味。食落去，辣味同麻味夾雜，令人上癮。加埋啲脆口嘅蔬菜同香菜，增添咗層次感同口感。🔥蓮香蜜餞火方（四件）💰138係一個非常特別嘅小吃。佢嘅外觀金黃酥脆，一口咬落去，層次感十足。蓮蓉嘅香甜味道同餞皮嘅鬆脆口感完美結合，令人愛不釋手。呢個小吃嘅特別之處喺於蓮香味道，帶嚟一種清新嘅蓮花香氣，令人感覺好舒服。而且佢唔會太甜，適合唔喜歡太甜食物嘅人享用。🍌高力豆沙香蕉(四件）💰60呢個絕對係一款口感豐富嘅點心。香蕉嘅甜味同高力豆沙嘅濃郁味道完美融合，帶嚟一種迷人嘅滋味。高力豆沙餡軟滑細膩，配合著軟熟嘅香蕉，每一口都帶來滿滿的滿足感。不論係蒸或者炸，高力豆沙香蕉都保持著其鮮美的口感。食落去，豆沙的香甜味道與香蕉

呢間好似好多年前，在這個商場新開時，就已經喺度，估唔到隔咗咁多年，冇10年都8年，它竟然屹立至今，相信一定有返咁上下功夫。未睇埋單幾錢之前，有好多味餸你一路食都覺得好正，不過買單發現都要千幾接近$2000 ，九個人吃，三個家庭，即是每個大人要差不多$300人頭費用， 確實不便宜。呢個腌篤鮮湯，就真係鹹咗啲，先唔論佢有冇味精，始終因為底下那些是金華鹹火腿，另外有些豬腩肉，加了些白竹，因此湯底味道難免還是有點鹹，大人喝都還可以，細蚊仔飲的話，好像太鹹太濃，不過味道還是可以接受的。花雕豬手、鮑魚，鮑魚細細塊，彈牙得來相當入味；豬手亦都入味，骨膠原補充，彈牙得來有肉，質素一流。蜜汁火方，我之前可能只見過這個字眼，從來未試過，原來是一個好像台式刈包，中間夾一層不算太鹹的中華火腿，然之後旁邊有一大碗蓮子煮成的蜜糖汁，通常這些汁都不會太過濃甜，但是這個包浸在帶甜味的蜜糖裏邊，帶點蓮香亦都帶點兒香氣，味道新穎。淋子雞，雞肉夠滑，不會顯得太過老，味道帶點煙燻，帶點豉油雞的香氣，雖然不算太大，但亦都不算太差。煎小籠包亦都是另一驚喜之作，外皮非常薄身，放在煎鑊之上，原來內裏爆汁，肉質非常多，不會比普通小籠包

家上海晚市長期好多人幫襯今次趁晏晝食個下午茶🥢下午茶餐A薺菜肉絲炒年糕朋友食完個擔擔麵，我個炒年糕先到，等左咁耐，以為係熱辣辣炒出嚟，但係原來係暖，而且肉絲少得可憐，味道比偏淡👎🏻清滋小排骨有5粒糖醋骨，甜酸汁味道幾好，作為冷盤幾開胃🥢下午茶套餐D上海擔擔麵🍜新鮮熱辣湯底有花生醬味，正常水準金牌小籠包四件小籠包裏便好多湯汁，最好食💰埋單$171

好耐冇食過上海菜 朋友話呢間餐廳又平又抵所以搵日同屋企人試下小籠包 正常小籠包 包簿 多汁水獅子頭 有兩粒好大粒嘅肉丸 啲汁都幾好味 松子魚 勁好食 一定要試 酸酸甜甜 好開胃 魚炸得好脆又冇骨黃金蝦球 呢個味道一般 太油蝦蟹炒飯 蝦嘅數量唔多蟹肉都冇一條 不過飯都幾好食嘅火腿津白 不過不失豆沙鍋餅 新鮮煎炸 好好味 推介！服務態度好 建議晚飯時段要book枱 一到1830就開始要排隊 今次用openrice book枱好方便 仲可以揀圓枱或梳化位

今日再次光顧你家上海，晚飯4位！照樣叫返小龍包，鍋貼，生煎包，牛肉餅，上海粗炒，還有幾個冷盆食物小龍包：多湯，皮薄，肉鮮！又比讚你😋👍鍋貼：爆汁，脆底，飽滿！又比讚你👍生煎包：夠熱，夠香，圓圓轆轆！美觀👏牛肉餅:第一次叫，原來都幾好食，又一樣爆汁！唔錯👍上海粗炒:今次比上次改善左，冇咁油！有進步冷盆:美觀，味好，用心👏蜜汁火方：包皮夠鬆，入面火腿夠蜜餞，加上一片脆薄皮，感覺好好食😋今次返嚟元朗食覺得比大圍嗰次好食好多，食物方面有啲差距！媽咪話都係呢度好食得多，需然要排好耐，但我哋都覺得值得去等，唯一挑剔係前菜小食！都係冇進步過！服務態度算係好，不過建議執好張枱先叫客人入座！無謂要客人企係度等侍應員執好張枱,令人覺得好趕時間！

今日同屋企人收工後黎到元朗家上海食午餐，呢到不嬲都多人排隊，所以平時都懶得排。今次叫左金牌小籠包、蔥油雞、豆腐及排骨湯麵。我覺得最出色係豆腐，非常嫩滑，唔會太咸。雞亦煮得十分滑，而排骨炸得幾酥脆，肉質唔錯。

這間家上海都食過好多次，價錢唔算貴，味道唔錯，但係水準真係有啲飄忽。但係今次真係令我嚇咗一跳😳，從未試過小籠飽一夾就穿，飽內嘅湯汁同肉都冇鮮味。再嚟每次都會點選嘅年糕海中蝦，發現當中有一隻蝦居然冇咗蝦頭，食咗咁多次，今次都係第一次，心裏想食少隻蝦頭都冇所謂啦，點知出事，六隻蝦有五隻都係唔新鮮😭。其實之前試過佢嘅蔥油雞，完全冇雞味，生煎包裏面居然冇湯汁等等，都算！今次連最愛嘅年糕海中蝦都出事，真係徹底失望👎🏻

平時屋企好少食大閘蟹，今次見到家上海有大閘蟹餐，就一於試下🦀～～～～～～～～～～～～～～～～～～～～～～～～《淮安蟹粉三絲翅》呢個羹好足料，就咁望都有好多金黃色嘅蟹膏粒係裡面，每一啖都好有滿足感😋《江南四式拼盤》頭盤就包咗豬頭肉、花雕醉蝦 、四喜烤麩同燻蛋🥚食落就正正常常，味道都OK《清蒸大閘蟹》食完頭盤就到我地全晚最期待嘅大閘蟹！侍應一早預備晒拆蟹工具俾我哋，隻蟹一嚟到就可以開始🍽️兩隻蟹，一隻公一隻乸🦀蟹乸啲膏好香，不過唔算好多。蟹公就多肉啲。每人交換半隻就啱啱好😍《蟹粉水晶獅子頭》呢碟菜一如既往有勁多蟹膏！不過見到個獅子頭裡面係粉紅色嘅都有啲擔心唔熟🙈不過侍應有解釋到水晶獅子頭係粉色嘅，同平時嘅紅燒獅子頭唔同。碟餸下面有個蠟燭半煮住，食落都好熱，就無咁擔心😌《麻辣蟹粉香酥竹炭豆腐》大閘蟹屬性寒涼，食到一半都覺得凍凍地，有道麻辣菜式就啱啱好😉《家上海蟹粉拌麵》呢個都係成個蟹宴嘅重點之一😍蟹粉夠多，拌麵夠彈牙，就咁撈埋一齊食都食唔停口😋《夠薑湯丸》最後食返碗薑汁湯圓暖身就啱啱好🫚～～～～～～～～～～～～～～～～～～～～～～～～總括嚟講，如果想食蟹又唔想喺屋企煮，食呢個餐就真係一次過滿足

家上海係位於元朗Yoho mall. 元朗西鐵站可以到達，好方便。家上海喺Yoho mall係其中一間好受歡迎嘅食肆。晚市多數都要等位。咁多人去呢度食，就係因為好味👍我自己好鍾意食呢度嘅小籠包，脆鱔。。今次叫埋蟹粉小籠包，但係我都係覺得原味好味D😋餐廳裝修有些懷舊感覺，主要是深啡色。坐位舒服。門口有透明玻璃，可以望到廚師喺廚房入面搓小籠包皮，同埋整其他食物的過程。呢度好適合一家大小去用膳，因為可以叫多D食物，試到多D唔同嘅嘢食。

每一次同朋友去如果喺晚市繁忙嘅時間都要等枱等好耐好耐嘅一間上海菜🫠但係至於點解等咁耐門口依然滿滿嘅人龍去排隊呢當然有佢出色嘅地方👍每次去必點嘅生煎小籠包唔係生煎包 係小籠包x3重要嘅嘢講三次🤣🤣💕💕💕👍並唔係每一間上海菜館都會有嘅菜式咬開嘅時候大家小心 食到對方成面都係 小籠包嘅熱辣辣湯汁🤣🤣一開頭唔識嘢就試過一次🫠佢真係好食過蒸嘅小籠包 十分之驚喜個底係脆卜卜鐵板上 🤣👍💕淨係影相都加曬分 不過都係嗰句大家小心睇熱雲吞雞湯都好正店會幫你 分湯然後拎隻雞去剪碎曬起肉中意仲可以叫店員再畀埋豉油你食 佢哋服務態度都好好🤣🫠👍