客泉軒

營業中

休息中

前所未有的差，叫左幾個餸外賣：涼瓜菜圃煎蛋，客家釀豆腐，胡椒豬肚白果雞湯，金銀蛋浸時菜，豆豉蒸鱔，最後埋單$636。完全係失望，釀豆腐同煎蛋煎過龍，變咗非洲餸。剩係得個苦字又冇味。蒸鱔叫完，老闆娘話買咗一條收$350，都算，可能係大家溝通上出問題，我地照要一條。點知條鱔切到濕濕碎碎，骨頭仲多個魚肉。唔計頭尾，總共有八件骨，4個人，一個3-4片好薄概肉（打邊爐嗰啲）🙄嚴重懷疑被打斧頭。菜同湯不過不失，不過偏鹹。食完之後，大家都超口渴，唔知係咪落咗味精。

一個人的浪漫，揼完骨走去叫左個梅菜扣肉飯，等左半個鐘，隔離枱遲過我來三餸一湯都到齊了，問佢我個梅菜扣肉飯呢？佢話講咗俾我聽冇，但我冇聽到囉白等半個鐘，都算！就帶叫左個煎雜魚，煎蠔仔餅，點知再中伏一次，大家題圖吧！我反覆問咗佢三次佢都話佢哋嘅煎豪餅係咁樣嘅，我亦都無謂同佢嘈比多幾十蚊，但真係笑咗出嚟囉！真心覺得好差嘅餐廳，以後一定唔會再去，仲想叫佢回水阿姐話話呢碟係煎豪餅，全香港只此一家煎雜魚，唔係鮮味係鯹味

今晚有客家好友陪食客家菜！秋冬天必到嘅住家食肆！黃酒雞更是秋冬季不可不食！冇味精！街坊價平靚正！推薦！👍🏻👍🏻😘今晚菜單：黃酒雞 （每次老板娘見到我、都會主動波同廚房打招呼、特別版多薑多酒 😆）✅✅✅酸菜豬肉 （不過不失！豬肉乾咗D、可能肉質因為唔夠肥）客家釀豆腐 （也是必點以一道菜式）✅✅✅蒸釀苦瓜 (賣相有心思、全汁原味燉等出嚟嘅湯水好清甜）小炒王 ✅✅✅蒜炒油麥菜✅✅砵仔飯✅✅✅

住家feel, 顧名思義係無味精之餘亦係隨心和隨意一點, 比較容易有漏單情況, 太趕時間就難滿足了. 哈!哈! 雖然我去三次漏了兩次單, 但佢地有認真幫我跟進番, 睇在佢無味精份上我暫時接受到.炒粉絲跟砵仔飯粉絲係有d鑊氣架, 魷魚干和芽菜跟粉絲都很夾, 不咸不淡, 味道適宜. 砵仔飯, 有飯味, 軟硬適中.蒸鯇魚跟砵仔飯忘記影相, 鯇魚極有住家feel, 豉油及梅菜也不太咸, 好啱口味.