宜家家居餐廳及咖啡室

營業中

休息中

行完ikea 好肚餓，同埋一直想試佢個豬手同羊架位就等左陣但要搭枱，同埋座位都有啲迫，但人多都冇辦法，加上都係速食就將就下。酥炸咸豬手 $ 63為左佢而嚟試，個賣相同份量係真心掂嘅，63蚊街市都未必得不過食落味道就有啲失望，個蒜蓉汁以為會濃味，結果係偏淡口嘅，而且有啲膩嘅感覺話明酥炸，咁口感方面又真係酥脆嘅，肉都嫩口，但真係食唔到有咩味道。食到一半已經有啲唔想食落去，因為好大份。反而佢個薯仔同炸洋蔥更出色，薯仔方面味濃同濕潤，味道係口腔last得好持久只可以話期待過高，唔係差但稱唔上好食。香烤燒羊架 $ 59同樣都係大大份，賣相唔錯，呢款嘅汁就比較好啲。醬汁係燒汁，配羊架我覺得都幾夾，可能本身羊肉味較濃如果怕羊酥味嘅人，呢個就未必啱食了，因為羊酥味就較濃，我自己就接受到嘅。肉質方面一樣都係唔會鞋口，不過就唔算好香。呢碟有小蕃茄跟，可以配埋肉食，咁就唔會咁易有飽濟嘅感覺。同樣地我認為薯蓉較出色，好creamy。總結，CP值高，但味道就有啲普通啦，唔算差嘅，經過嘅朋友一試無妨。

去荃灣shopping洗左一大筆，想平平地食個lunch又唔一定得連鎖快餐店揀嘅。去荃灣宜家家居就有又平又好食嘅餐廳。宜家家居餐廳好似canteen形式，先取後付。冷盤小食，飲品，醬料同餐具可以自己拎，熱食就即叫再由員工取出。揀好後再去cashier付款。呢到必食肉丸，22蚊有10粒肉丸加薯蓉，依家做緊推廣仲會送多5粒肉丸，非常抵食。優惠只係去到月尾咋！芝士煙肉薄餅，大大塊都只係36蚊。雖然唔係厚底薄餅不過都好好食。

估唔到宜家家居嘅野食依然咁平而且佢嘅熱狗肉丸依然keep到水準不過今次想推介嘅係原來宜家家居出左伯爵茶味軟雪糕 五蚊杯 好抵食 呢個價錢黎講 冇咩好挑剔 伯爵茶味都幾真 唔算好甜 行過見到冇人排隊可以一試

如果你問我，去Ikea定去旺角果啲19 樓上cafe食野🙃我緊係會揀Ikea啲19樓上cafe多數都又貴又難食Ikea平之餘，又多選擇最緊要係質素唔會差！車阿媽去Ikea買野買之前就唔諗咁多直接喺Ikea食埋先個人覺得作個羊架係咁多種肉入面最好食厚肉又大件，3支骨加薯容$100都唔洗啲樓上cafe起碼都鑿你2舊水仲要冇咁大件Ikea真係冇得輸連啲冷盤都唔差個煙三文魚比得想像中好食啲薯格都脆唔會好似肯x基咁林過屎😂阿媽叫左個甜品黎試，都話唔錯佢話好似係Apple crumble tart幾脆口，唔會太甜想Ikea快啲好似外國咁，可以俾寵物一齊入去明明有賣寵物用品但唔俾帶寵物，真係好搞笑

專登去荃灣宜家，貪佢夠大同舒服，一心想揀下sofa ，終於比我搵到啱心水嘅經過6/f cafe ，feel 到口乾腳仔軟，見裡面人少少，不如坐低飲杯野抖抖啦第一次試佢朱古力鬆餅 ~ 外面有朱古力粒，冇期望就有驚喜，諗住一般嘅朱古力鬆餅，點知一啖，意料之外濃濃朱古力味，仲有少少流心，旦糕咬口軟香暖，價錢$10，下次會再Encore

好耐都冇食IKEA得閑入荃灣 食咗好耐冇食過嘅IKEA叫咗好多嘢食 今次都有啲驚喜首先叫隻大大隻豬手估唔到真係咁大隻，但大隻得嚟又唔貴大隻到兩個人都食唔哂除咗份量之外，佢嘅味道都係令我驚喜嘅地方自己都去過慕尼黑食過正宗嘅德國豬手，呢個無論係豬手嘅份量、烤嘅脆度、配菜都完全還原到德國口味，真係出色，值得一試一人一碗湯粟米忌廉湯，普通，但好飲，自己鍾意裝幾多就裝幾多龍蝦湯，好飲過金拱門，入面真係有龍蝦肉，之前嚟IKEA成日都冇哂，今次終於飲到小龍蝦闊條麵飽肚之最，小龍蝦肉好味，美中不足係個汁唔夠濃味同唔夠多，唔夠用嚟送麵但整體都係唔錯嘅小食拼盤一如以往嘅水準，最鍾意佢個蜜糖脆皮腸，脆得嚟入面嘅蜜汁真係惹味，出面比較少見薯格都係我最鍾意嘅，每次嚟都必嗌兩個人諗唔到食咩，又想抵食，嚟IKEA都係唔錯嘅選擇

岩岩開始拍拖，好中意去《宜家》食大餐，又平又多選擇！食完又可以行下睇下D傢俬，幻想未來自己都有個家😃 雖然到依家都未有自己既小天地🤣 小食拼盤 （$43）- 有雞翼，腸，薯格和粟米，小朋友最岩。瑞典肉丸 （$33/15粒）- 《宜家》必食！葡撻 （$3）- 個酥皮好脆，不過個蛋漿吾好味，可惜。穀飼西冷牛扒 （$73）- 大大塊好味，最岩食肉獸，仲配上黑松露薯蓉，性價比高。凍蝦盤 （$29）- 每次都食，雖然好細隻，但係D肉質係爽口。加埋無限添飲汽水（$7）埋單$200有找，飽飽 ☺️

IKEA餐廳，大家一定唔會陌生，最出名嘅就係佢嘅肉丸，今日獨食，點左肉丸，兩塊蔬菜薯餅，同埋一支奇異果汁。我覺得佢嘅蔬菜薯餅是我食過咁多薯餅之中最好食嘅，因為佢有奶油味，而佢調味嘅各種配料份量比例非常好，令我有不停想食的感覺，而這個餐廳的價錢非常大眾化。

睇fb知道IKEA應端午節出左隻IKEA蛋黃肉丸糭，仲要16/6係荃灣店首先開賣，點知去到問左話未返貨😱😱😱心情即刻down曬😞😞臨走時眼尾‘稍’到個藍色嘅物體望真d原來係瑞士卷，藍襯黃又幾養眼🥰🥰，反正一場黎到試試吧🙂🙂搵資料原來6/6係瑞典國慶，所以用瑞典國旗🇸🇪藍+黃色黎做左個甜品黎慶祝，都幾有心思☺️☺️味覺正正常常，藍色就色素野冇味，黃色蛋味幾重，甜甜地都幾扎實😌😌但搞笑地唔知係咪黃+藍變綠～食到中間有d變左綠色視覺上好似廚房洗碗嘅百潔布🧼🤣🤣仲有食完後嘴巴條‘利’會變藍色😰😰，間唔中食一次開心下就算啦😀😀P.S走時又比我見到d野（下一篇）😆😆

大約晚上七點半到ikea ，好多人都已經食緊晚餐，大約搵左位十分鐘。叫左4個野食，唔錯唔錯。平價之選。黎到ikea 緊係要嗌肉丸啦！嗌左個沙律，不過不失。青醬牛油果帆立貝意粉略厭淡左小小，不過都易入口番茄好好食，魚都係淡小小平價之選。

之前係樓下3樓食過小食 感覺都不錯 聽朋友講樓上7樓有多啲野食 仲有得坐底食 咁就諗住試試 見都有好多選擇 有小食 牛扒 燒春雞 意粉 仲有端午節限定既蛋黃肉丸種 個人幾中意食 所以特登入黎試試同朋友星期二下午大約6點到左 去到都唔算多人 仲有位 唔會話爆晒要等位先有 之前試過爆到都廢事等位咁就同朋友share食 叫左塊西冷扒 烤雞 蛋黃肉丸棕同埋兩杯野飲先講野食先 塊西冷扒賣相唔錯 叫個陣我唔太中意個汁 所以分開上 我切開一半時 都幾易切 感覺應該唔會太韌 但食落原來都幾韌下 好鞋下 問埋朋友話掂埋汁食都係好鞋 感覺麻麻地 不過63蚊係咁上下啦 唔會要求佢好完美 烤雞賣相睇落麻麻 同幅圖唔太似 諗住雞皮係會有啲香草咁 好似煎香左咁 但完全係唔同 但食落又唔錯喎 好食過塊西冷扒 正正常常咁 味道不錯最後就係原隻蛋黃肉丸棕$39蚊隻 當初睇到都會諗會唔會有伏 點知係冇既 都幾大隻 兩個人食一人一半岩岩好 棕入面有3粒肉丸 有一個好大既蛋黃 仲有一粒冬菇同有啲瘦肉 食落唔錯 同平時食開既棕差唔多 兩個人share食呢3樣野 再飲埋杯野岩岩好夠飽 兩個人加埋都係食左$160蚊左右

IKEA餐廳初初開業極難搵位因為價錢非常親民，食物又不算差，而且又衛生吸引不少年輕人光顧現在比較容易找到位置瑞典肉丸配薯蓉、忌廉汁及紅果子醬宜家聖物，必點之選有些人喜歡到會買急凍包裝肉丸好味的地方是肉味重，不太乾身醬汁又開胃，薯蓉也變得不單調小食拼盤煙燻蜜糖腸4件、脆炸黃金雞翼4件、香脆薯格及甜粟米選擇困難症必點可惜整體炸物炸得比較乾身，口味不佳香烤三文魚柳以海鹽及簡單調味帶出三文魚的天然魚油香適合喜歡簡易的，又健康燒荷蘭牛仔柳一分錢一分貨牛仔柳的牛味較淡，肉質較韌蘑菇忌廉汁意粉意粉的份量很多，可惜配料不多單靠大量忌廉汁襯托

今日出黎荃灣行到8咪半，當然唔少得行港人最愛大型家品店IKEA啦睇完唔同款色既傢俬，肚仔餓我去到小食部覓食玉桂卷+熱黑咖啡☕️$10呢個經典套餐由細食到大，我依然鍾情於佢香濃既玉桂醬味，味道唔會太甜，次次食完都齒頰留香，加埋一杯醒神黑咖啡，簡單係一個refreshing tea time 呢個價錢簡直係cp值爆燈

IKEA喺荃灣開咗咁耐終於可以食到佢嘅餐廳上到最高嗰層就會搵到我哋今次食咗瑞典肉丸，小食拼盤同埋牛肉意粉仲食咗個甜品法式蘋果批瑞典肉丸係IKEA嘅王牌產品佢本身配左薯蓉同埋忌廉汁喺上面跟住呢就要自己再去加酸酸甜甜嘅紅果子醬呢個配搭呢簡直就係可以作為一個頭盤牛肉意粉亦都值得一讚 意粉有口感，加上佢嘅意式辣醬同埋配上香蒜顯得意粉嘅口感更好！至於法式蘋果批佢真係好貼心咁一早放喺凍櫃包上保鮮紙啦！衛生程度非常之好 ，果批有動濃郁嘅玉桂味🥰不過呢個蘋果批唔能夠切得太細塊因為好容易就會散😏

個日同朋友行荃灣 又想食平野 我就唸起ikea 所以晚餐我地就去左ikea食啦🤣🤣凍蝦盤 $29之前一路未食過 但朋友話好食 之後荃灣開左我就試食過都覺得好食 😋個日費是同朋友爭 😂所以得地一人一個凍蝦盤 😛唔洗爭 大部分蝦都好食 鮮甜既😌但有啲會黑黑地 個啲唔新鮮既我地就無食到啦～ 🤓隻蝦配個個酸酸地既醬真係好開胃 唸起都想再去食🤤佢好平而且蝦又多🤭香草腌三文魚沙律 $33係正常沙律 菜都新鮮 幾脆 係煙三文魚加小小香草味 😋香草三文魚 $25同上面味道一樣 只係無左沙律😆兒童套餐 $16呢個套餐我覺得係最抵 又有肉丸、粟米，薯蓉。 樣樣野食都正常發揮 所以好抵食！👍🏻👍🏻👍🏻小食拼盤 $43有雞翼，腸仔，薯格。個人覺得食翻兒童套餐好啲 個雞翼炸得好乾 🙅🏻‍♀️腸仔正常 薯格都ok。👌🏼蔬菜薯餅 $18每次黎都會食 覺得幾好食 😂又好似算健康 起碼覺得自己食左小小菜😂安慰下自己 😝有小小蔬菜味 唔中意食菜既人要留意翻。😉裏面應該係攪碎左既西蘭花加薯蓉😂雞脾（唔記得價錢）見到就拎埋 點知都係食唔曬。。。 個雞脾都幾大隻 😨而且食落唔老幾嫰 應該係蜜汁加bbq醬燒既 個汁都唔錯👍🏻