宜家家居餐廳及咖啡室

營業中

休息中

碰巧彈性上班，有時間到荃灣8咪半嘅7樓~宜家傢俬嘆吓早餐。頗多選擇，有中式嘅糯米雞，也少不了西式健康烚蛋、炒蛋、麵包、肉腸、火腿配茄汁焗豆，還有著名的瑞典肉丸配茄蓉蜆殼粉。最正係免費任添的優質的咖啡而且價廉物美，值得推薦

星期六早上到宜家閒逛，出發前先醫肚去美食站買啲小吃先～～可能時間尚早，人流不是很多，可以長驅直入見識過繁忙時間真的會打晒蛇餅享用食物的位置也不太多人這店已非常寬敞（比起銅鑼灣）由於會吃午餐，所以點了應該唔咁heavy的素菜丸盛惠$9/5粒用紙盒盛上，輔有木叉怕熱的朋友要小心，紙盒不耐熱要在用餐區搵位立食先得除了素菜丸還配有蕃茄汁是比較稀的，不是傑“tart tart“的醬汁有蕃茄粒，洋蔥粒和羅勒葉，所以吃落會有明顯香草的味道講返主腳，粒素菜丸大小比四海魚蛋大少少咬開是薯蓉的質感，是有咖哩味的薯蓉，配埋羅勒，感覺有印度咖哩風味就是好多香料集大成的印度咖哩咁內有青豆，粟米，少少紅色，唔知係紅椒定甘筍（但又唔係好吃的出是哪一款），是關羅勒同咖哩已佔了不少味覺吃到底見有少少辣油，為咖哩味加多了一些層次

Ikea餐廳無係港島開分店，對一啲想食Ikea嘅港島人真係又愛又恨，今日適逢去開荃灣，終於有機會食了！小食拼盤啱曬啲有選擇困難症嘅人🤣有薯格，粟米，雞翼。薯格好好味！早知叫多一份剩薯格！

今日同事帶我嚟，話呢度有早餐食，我話已經食咗，佢話就不如飲杯咖啡，估唔到$3有交易，仲可以免費refill, 天呀！地方又坐得舒服，自助形式，朋友則點了烚蛋$3，烤雞扒$7，茄汁焗豆$2和一杯咖啡$3（朋友早餐共＄15），無敵！

我好鐘意睇傢俬,如果放假冇乜野做,我都會約朋友行宜家傢俬,今日約左朋友來荃灣分店,打算食完先行,順便可以消化下!!這裡不嬲都好多人等位,好好彩朋友眼明手快,見到有人準備走立即企定定係度,所以我們只需等3分鐘就有位了!!我們心中已經知道食咩,因為每次來都係食個幾樣,不過間唔中會有d限定食物出現,賣左一排就無左,所以我們都會拎來試下,我們決定好食咩就推車仔排隊攞野食啦!今次都拎左幾多野食,但都只係用左百幾蚊,晚餐算幾抵食!<肉丸配薯蓉,忌廉汁,紅果子醬 > 肉丸係宜家的招牌菜式,口感彈牙,將忌廉汁和紅果子醬同薯蓉一齊食好好味! 2種味道好夾,經常都會叫人倒多點汁和醬比我,每次都會整碟醬食哂!!<小食拼盤> 拼盤有雞翼,薯塊,腸仔和粟米!!雞翼炸到又黑又乾,仲有點咸!薯塊唔係好脆,炸得比較油!腸仔個皮好硬,硬到我覺得食左落肚應該都消化唔到!粟米好甜好味道!始終粟米無可能做得難食!<蝦串伴闊條麵> 蝦好大粒,煮得好入味,可能太過入味,所以有點咸,闊條麵煮得好淋,每條麵都又長又闊,口感不錯!醬汁配搭得很好,味道幾好!<雞脾> 幸好雞

約左朋友仔傾計，佢就當ikea係飯堂，咁我就一於以生命試菜la。以填肚心態去點餐是可以的，但像我不斷嘗偏門食物的話就幾危險。前菜帶子沙律，份量足，醬汁好像只有沙律醬，帶子有啲霉，叫普通沙律已可。主菜雪魚枊意粉，填肚ok，味道一般。香草雞脾味道幾好，少少乾。蔥油肉餡餅。。。食落以放耐了的生煎包，不推薦。海蝦pancake，完全不知自己叫了什麼，食了什麼，只感到好似無吃過蝦，又幾唔好食。歐洲有汽果汁。。。以為自己飲藥水，幾種味都有藥水味道。其實幾抵玩，多款食物都係$150兩人份量。

第一次嚟荃灣宜家傢俬餐廳～餐廳環境不是太大～～但座位舒適！！晚上七點多到餐廳～人已經很多了～😀餐廳採用自助形式～ 環境企理乾淨！😁羊架超級抵食～ 夠曬juicy～也沒有很大的蘇味🤭🤭牛扒稍微薄了一點～如果厚啲就更加好啦！小食拼盤很豐富～雞翼薯格亦都炸得好脆！！芝士薄餅好多芝士味道濃郁👍👍甜品有蘋果批～超多蘋果皮亦很酥脆只賣13蚊好抵呀！！！睇完傢俬過嚟坐下食下～帶小朋友都好開心～～！！價錢十分便宜下次有機會都會再嚟！！

宜家家居餐廳食物質素唔錯，款式多又好抵食好多人都知，但最吸引我係貼心嘅餐廳有個室内遊戲室。好似今次我哋4個帶住3個小朋友去完愉景新城玩完後想休息吓食個下午茶，小朋友當然仲想再玩，而且佢哋食嘢唔多亦唔會有耐性坐太耐。呢度好好，可以登記少少資料，小朋友食完嘢就可以喺預訂時間玩30分鐘，裏面設施簡單安全，大人唔需要陪住，可以安心食嘢再接返小朋友，大人小朋友都開心，另外飲品亦可以無限自助任飲。小食拼盤，薯格都幾新鮮，無炸過龍變硬脆，腸仔雞翼都幾好。唔夠再叫多個香脆薯格。蔥肉餡餅，皮薄餡多脹卜卜，放到最後先食都無乾同硬，都唔錯。好似係夏威夷Pizza，呢個太乾。瑞典肉丸，叫咗兩份，唔會乾爭爭，大人少朋友都鐘意食，差唔多每枱都見到。釀雞翼，糯米可以軟少少會好啲，都可以。燒豬脾，可以無特別。蜜糖烤雞腿，夠味又香，好味。芝士焗開邊龍蝦配扁意粉，汁夠多又唔貴，抵食。燒特級西冷，見到朋友點咗後見到又大塊又厚，顏色吸引，我又忍唔住買多份，不過我嗰份薄好多，人手切無計，肉質係嫩嘅，味道都幾好。仲有呢度係自助形式，所以食完後要清枱，眼見所有食客都好自律。

掛住肉丸，所以走去食ikea啦😬😬😬宜家傢私肉丸真係必食，每次我都要食10粒加好多紅果醬🤣🤣呢間餐廳係Ikea既最高層，今晚我地大概7點9去到，好多人丫。我地都搵左15分鐘先位，之後就出去排隊買野食。。。。原來想食西冷，點知已經無哂啦，可能太受歡迎啦，所以最後點左呢幾樣👇🏻👇🏻肉丸：一如既往既好好食，連舊薯泥都係好正，切開一半沾醬真係好正！菠菜薯餅：呢個都係好好食，素食泥咖。個味道調得好好，夠清新。。千層面：賣相吾差，但食落有點伏。底果塊千層面都未熟，係硬既。另外個汁都吾太好味，較差。。。偶然食下都幾好，不過龍頭個員工姐姐西哂面，態度有點差，但後面肉丸姐姐就勁nice,好好笑容，要讚下😬。

因為男朋友要增磅，我要減肥，所以我地要搵間大家都岩食嘅餐廳真係唔容易。沙律、肉就一定要有，睇下仲有冇d 自己鍾意嘅野食。要就黎就去都幾麻煩。就係呢個時候，我地經過愉景新城，去到隔離有個商場叫八米半。見到有ikea 家品部同埋餐廳，睇左店鋪周圍嘅食品介紹同埋餐牌，覺得都有好多野岩食喎。香草三文魚沙律有3片煙三文魚，同埋少量菜，仲有一塊檸檬，加左檸檬汁，食落好fresh同埋無左三文魚嘅醒味8隻炸雞奕 $29好香，好入味，我食唔停，食左6隻6月新款，肉醬千層麵，好多醬汁，同埋份量不多，同人share 可以叫多幾個其他小食豬肋骨配蕃薯薯條，肋骨嘅肉量少，2啖就食完😂😂忌廉蘑菇湯菇味濃郁

◾Fettuccine w/ Shrimps Skewers & Mushrooms in Cream Cheese Sauce🦐🍝🧀◾.Ikea restaurant would always be the best place for cheap meals. Pretty sure no one would disagree on this.😂😂.Anyway, what I ordered here is a plate of fettuccine, covered with cream cheese sauce, with mushrooms and sliced avocado.🍄🥑 What catches my eyes was the shrimp skewer!🤤🦐 Not gonna lie, the shrimps were pretty good, juicy and tender, and quite an amount of shrimps on the plate though.🤩But for the fettuccine itself, it was

第一次嚟荃灣嘅ikea食飯，因為地方夠大唔使等好耐就已經有位... 叫咗一個雞胸肉藜麥沙律，開邊龍蝦配意粉(芝士汁)，同埋蘋果批... 雞胸肉好淋，藜麥就夠咬口，加埋沙律醬，喺咁熱嘅天氣下食覺得好清新！蘋果批個味同麥當勞嘅蘋果批其實有啲似(笑)，只係個批皮唔同，14蚊咁大件嚟講係非常之抵食！反而比較失色嘅係開邊龍蝦，個芝士汁本身唔夠鹹，令到個意粉冇乜味... 食得出龍蝦係雪藏貨... 雖然未至於去到霉，不過啲肉唔夠實，但係已六十幾蚊呢個價錢都算係咁... 總括嚟講都值得一試嘅。

今日同bb去愉景新城玩 行過見到宜家傢俬個招牌 就走咗上去食不過講真佢個位喺十幾樓都唔係好方便搵咗成十分鐘先知道要係宜家傢俬嘅扶手電梯行好幾層先至會見到 餐廳出面有個小朋友嘅bb playroom 如果實在唔得手可以登記放bb喺嗰度不過因為我哋有帶埋姐姐所以就冇用佢哋嘅服務 可以見到有幾個廚房仔同埋小小車車可以玩講番餐廳佢成L字型 前面呢就係買嘢食嘅 後面呢打橫就係坐嘅地方感覺都幾闊落 我哋嗌咗十粒肉丸 味道同其他宜家傢俬嘅冇乜分別不過相對就整得淋啲 如果再有咬口啲會比較好 嗌咗蔬菜薯餅畀bb食 佢好開胃兩舊都食曬問佢佢就同我講好香potato我仲叫咗一個扒同埋一個三文魚魚好香香草味煎到啱啱好熟 都幾大舊 個rib就好好食整得又入味又淋又有bbq味最好食呢就係番薯薯條 炸得勁脆 但係都仲保持到佢嘅蕃薯味 可惜份量唔多 宜家傢俬對小朋友好好 會提供埋餐具 甚至口水肩畀小朋友 所以好適合一家大細嚟㗎

宜家家居餐廳出名超值抵食，諗住朝早去會無咩人，點知都係人山人海有沙律、小食、套餐、甜品，款式唔算好多，但確係平！最平2蚊食到焗豆！粉麵都係十幾蚊！抵食！自備食物盒，每張單仲可以慳1蚊！買野食都有流程，先自取托盤，同職員講要食咩，之後付款，同平時先付款後取餐調轉。職員做野好快手，雖然好多人點餐，仍然保持笑容。叫左6蚊雞肉薯仔粒同4蚊班戟，夾埋都係10蚊！！雞肉薯仔粒偏鹹，班戟鬆軟微甜，甘既價錢都算合格，下次試其他。

去開荃灣宜家傢俬逛逛看看，自然少不了買個熱狗吃，因為實在太抵食了。  試問除了宜家以外，哪裡還有$7一個熱狗，而熱狗腸又長又好吃?所以每次無論人龍是長是短，都係要排隊買一個。熱狗以外，還有很多小食選擇，肉丸、雞腿、腸仔、薯餅、雪糕......任君選擇。熱狗熱暖軟熟，腸仔脆皮有肉香，一定要加茄汁同芥醬先至好食，真係抵食過街坊餅店！熱狗以外，今次還買了豆腐花口味的軟雪糕。  軟雪糕表面灑了少量黃糖 (食豆腐花那種)，食落真的好像在吃凍豆花，好可以encore。