宜家家居餐廳及咖啡室

營業中

休息中

之幾日放假同男友去左沙田行下街，去到宜家傢私見到有好多野食，價錢又平，今日既午餐就試你啦每樣都好吸引，熱狗+1杯汽水先10蚊😳瑞典肉丸又係必食！個醬汁真係無得輸！跟住行到去堂食區，一路行一路選擇你想食嘅野放上餐車到，最尾去結賬就得啦！快D搵位開餐先2個人叫左咁多野食😂😂食完飽到行五動！宜家傢私真係一個開餐好地方！

芝士焗龍蝦意粉，冰凍龍蝦完全無味，雪藏貨再烚到淡如水，肉質霉腍無鮮味，味道陰沉，蝦膏帶腥。碎濕濕意粉，微暖滲著倒汗水，有色但無味，淡得出奇，唯有撈茄汁食，真係無幾可要出動到茄汁食意粉架 ﹗豆角爽嫩多汁，菜甜味宜人，good 喎。炸雞中翼，外暖內凍，外有味內無味，炸到乾爭爭，咬開半點肉汁也沒有，差差差。瑞典肉丸併新薯，炸完縮水極咸肉丸，似趙緊皮一樣，裡面空盪盪，新薯爽口不錯。No No No，比三個撈您 ﹗極劣出品快餐店，就連大家樂、大快活都更加好！龍蝦、雞翼、肉丸都超級難食，最好食係烚豆角囉！地方淺窄，檯椅放得密麻麻，通道非當細小，而且有大量 BB 車、強國自由拖夾就更加迫迫夾夾，坐得非常唔舒服。環境非常嘈炒，救命 ﹗朋友仔見我上晒火，所以吩咐我乖乖地坐係度，佢去排隊買野食返黎啦。

今日同我家男神去ikea食個豐富既午餐呢到系自助形式，先拎托盤，亦可以使用手推餐車，然後挑選食物，再去收銀處俾錢。最經典瑞典肉丸($20/8粒)+奶油味濃又creamy既薯蓉，再配上紅苺醬同蘑菇汁。蔬菜薯餅($15/2件)西蘭花同薯仔混合，口感豐富，味道清新。雞翼($16/4隻)雞翼炸得香口惹味。煙三文魚沙律($33)兩大塊煙三文魚配上沙律菜，再加上香草醬。德國腸配薯仔酸菜德國腸份量好多，味道帶點胡椒微辣，酸菜味道夠酸。藍苺紅苺芝士餅($19)藍苺醬酸酸甜甜中和芝士餅既甜度，略嫌紅苺醬部分過酸。是次消費$15x，兩個人食到捧住個肚走，抵食又好味食完記得要將餐盤放去收集處。

去親宜家就一定要去食野啦，點可以唔食呀。其實任拎唔嬲啦，D野食真係好抵食！！呢個拼盤好似新架， 幾好食一定一定要食既肉丸，佢真係好食到癲！佢個汁同果醬點解可以夾到咁架呢？仲記得以前呢佢排得好靚同埋多籽到爆炸，不過依家咁都好食！i love ikea! 地方都無得話好好坐架啦，不過係真係抵食好食咁解！

今日見去開沙田~就去ikea食下早餐先~我叫左呢個set 26蚊都ok啊~有餅乾，磨菇，薯餅，炒蛋，煙肉，雞扒，仲有咖啡任飲~餅乾都ok既半軟既~磨菇都香~薯餅差少少好硬~炒蛋都ok既~不過26蚊都抵食就係d食野唔算熱既~

一早睇FB知道過年期間有豬手食，急不及待係年初一就去食酥炸咸豬手配薯仔酸椰菜 $59嘩嘩嘩，出面德國餐廳食至少要$200，依家咁大隻豬手都只係$59，真係好抵食，仲要質素唔差。咸豬手外皮炸到好脆，不過幾韌難咬開，豬肉微咸。酸椰菜同薯仔份量都好多，簡直物超所值。雞翼 $29/8隻雞翼好抵食，炸得適中，唔會太乾同太柴。肉丸 $20肉丸我麻麻，反而薯蓉好好味，入口即融藍莓紅莓芝士蛋糕 $19芝士蛋糕偏軟身，唔會太甜過年仲好少人，完全唔洗等位

雖然這個咖啡廳每分每刻都非常擠擁而且好多時候都很難找個位置坐下，但是我還是超級喜歡放學後或者是放假的時候到這裡用膳。我會建議不要在rush hours來這裡用膳，因為你需要花很長的時間才能等到位子坐下用膳，雖然ikea現在已經加多了不少的地方給大家吃飯，但是位子還是長期不夠。而我每次去的話必點的肯定是它的肉丸。 雖然有時候會點其他的東西，像是沙拉、芝士蛋糕、一份等等的東西，但是我覺得最好吃的還是肉丸。到外國（多倫多）之後才發現其實外國的ikea整體而言都是必香港的貴，所以如果我回到香港的ikea的話肯定會吃更多更多的肉丸。

Ikea絕對係中大學生，最鍾意幫親嘅餐廳之一。一嚟因為近Cu，二嚟食物都算好味。西冷扒就一如既往地好味，Juicy💦新出嘅 芝士龍蝦麵 就一般般啦。D寬麵冇乜味道，又DryDry地。

IKEA 自選早餐 ($19)炒雜菌 $5炒蛋 $5紐倫堡豬肉腸 $6 兩條Good morning ☀️返學天地堂就搭車去IKEA 食早餐， 二三十蚊就可以好豐富😜有好多款幾蚊幾蚊俾我仼揀💁🏻都真係幾扺👍🏻個人覺得炒雜菌同薯餅幾得👄炒雜菌幾香牛油味，而且菇幾爽口~薯餅炸得好脆👅而炒蛋同腸就麻麻啦🍳炒蛋太濕，有d似溝左水💦水蛋味😂腸仔口感太腍👎🏻冇乜味不過咁平係咁上下啦~仲有好多其他材料俾你揀🤗cp值高呀😎

呢度食物美味而且價錢實惠，假日黎到人流較多，需要等位約10分鐘。香烤三文魚柳 $49三文魚烤得唔錯，肉質結實，下面既烤雜菜粒粒米好有北歐風味，似係蒠米既口感，少少煙韌幾得意。蔬菜薯餅2件 $15鐘意食薯仔既我我每次黎都會點呢個～佢除左有薯絲之外仲混合左蔬菜同淡淡既芝士，點埋茄汁/芥辣好美味～芝士焗龍蝦 $59意粉煮得太耐輕微糊口，芝士焗龍蝦啖啖肉，仲有啲蘑菇，以呢個價錢黎講算抵食既煙燻蜜糖腸 $10有微甜蜜糖味，還可以。瑞典肉丸10粒 $20宜家傢俬既經典味道，肉丸混合左牛肉及豬肉，除左薯蓉外仲可以揀烚薯仔。肉丸配上忌廉汁同果醬特別得黎又好夾。香脆薯格 $13好受歡迎既食品之一～香口野係特別吸引

IKEA 不嬲都出名平, 吸引左唔少朋友仔去食放假行下街, 見肚餓入去食下, 年尾洗費大, 係時候食返D慳皮之選雖然平, 但宜家餐廳質素不嬲都唔差十蚊二條腸, 三十幾蚊八隻雞翼, 響邊搵?腸仔好食在用蜜糖烤過, 食落帶少少甜, 去除肉既膩感肉丸係最有名, 肉味濃郁, 醬汁特別, 仲有埋勁滑薯蓉雞翼雖然唔係話大隻, 但份量搭夠雞翼用油炸, 但油份唔會話勁高, 而且雞肉都好滑好香, 表面仲脆卜卜添接骨木花茶不得不推介, 8蚊細細包但好好飲, 酸酸甜甜... IKEA 雖然係自助形式, 但真係好抵食

我鐘意黎IKEA食早餐，食物美味，價格相宜又可以自由配搭。早餐精選 $26有雞扒、煙肉、薯餅、炒雜菌、麵包、炒蛋連咖啡或茶。飲品係無限添飲既每樣食身都做得好好，麵包係比較特別既瑞典式包，有啲似食中東菜果種pita bread既感覺。炒蛋 $5幾滑，又係IKEA獨有既味道。瑞典肉丸貝殼粉 $9貝殼粉煮到al dente～茄湯夠開胃提子鬆餅 $5鬆餅我鐘意切開一半再烘熱佢黎食，外層少少脆又暖暖地，好食好多！炸魚柳 $8著餅 $3炸物唔會油林林，點茄汁同芥末，好味～

食咗個唔係好飽嘅午餐覺得有啲肚餓想買啲小食食第一時間諗到來呢度因為呢度堪稱係價廉物美價錢平之餘而且食物水準都幾高絕對係窮人恩物今次我就點左＄9嘅肉丸一共有五粒肉丸會配個gravy sauce味道有啲似蘑菇汁另外會加紅莓醬汁入面真係有一粒粒嘅紅莓肉甜甜咁好得意啲肉丸肉質唔會硬同埋有香草味道加埋啲醬汁一齊食好好味！

如果係沙田又諗唔起食咩，呢度係一個唔錯既選擇！大型餐牌係餐廳外面，又或者你邊排隊等食物可以邊抬頭望呢度既形式係先取食物，然後到收銀處付款。如果你需要熱飲，收銀會比個杯你。汽水可以refill佢地最近裝修左，仲增設企位。有好有壞吧！All Time Favorite , 瑞典肉丸薯蓉。 有蘑菇醬汁同果醬起初食既時候都好接受唔到又咸又甜：P但係呢個係特色之一！食下食下又會覺得幾match~大家有機會試埋佢早餐吧～佢地係逐樣食材計，咁樣都只不過係廿幾蚊！食完記得自己將食物盆放去收集處啊～

想慳錢又想食得好？IKEA 絕對是我和男朋友的首選。先來個前菜粟米，小小一份！粟米也尚算甜的，對於不愛吃白飯的人來說，也是一個好選擇！之後我們點了男友最愛的雞翼，味道還可以，但略嫌size 有點細，吃完會有點不夠喉！另外當然不少得他們的招牌肉丸及特製醬汁，兩者配合得天衣無縫！這個味道是宜傢獨有的，每次來也是必點的！最後怕男友肚餓，所以叫多了一個千層麵！千層麵相對來說有點遜色，可能由於已放置了一段時間才上枱，不太夠熱，而且外層而不在香脆了..或許加多一點芝士，可以令整體感覺更好！