宜家家居餐廳及咖啡室

營業中

休息中

今日同朋友來宜家購物，為節省時間，乾脆在這裡午餐。鱈魚柳伴闊條麵: 鱈魚柳外皮炸粉厚實，幸魚肉質地唔錯，闊條麵質微微靵口，可惜设醬汁太少。匈牙利燴雞意粉:     賣柤毫不吸引，雞肉稔且味道淡，意粉過熟，醬汁味道不突出。素菜丸: 咖喱味的素菜丸，味道—般，蔬菜味淡薄，磨菇汁滑帯菇香，伴隨之雜菜，稔而入味。各款食物整體只是微温，有點失望!

平民飯堂就係IKEA, 雖然打著北歐的旗號，但價格未有因此而提升，食物質素有了保証。之前去過瑞典，才發覺HK IKEA真係唔係流的，在瑞典最常見又出名的就係meatball和salmon。今日係沙田IKEA試下有幾北歐。蔬菜薯餅好食又健康，不用點sauce都很可口帶點crispy,但係salad唔係好fresh。Meatball 同我係瑞典食的有9成似，係度食只係$20，但係個度就$100。物超所值！最愛個紅苺醬，唔駛齋食肉咁dry。個 mesh potato and gravy 都好味。Honey sausages有驚喜，$10 三條，去邊度揾？！仲要堅好食，個皮又脆又甜，正！呢個係仲夏之美食，New menu, 炸魚都幾好，唔油利。fettuccine texture 幾厚，感覺幾fresh, 但係個汁真係少左D。整體唔係幾仲夏。Dessert係lemon tart, 有質素，好有fresh lemon味道，Good for summer!再試埋個organic drinks，個packing好得意，唔係好甜，但係味道一般。

每次黎都要等位，證明永遠都有咁多支持者。今次算好彩，等左十五分鐘就有位。 見到有烤全雞(期間限定)，差唔多每枱客人都有點，梗係要試下。 個賣相真係好吸引，排隊攞野食時話賣晒，要等十五分鐘先再出爐。 好吧，梗係要等。先黎個忌廉磨菇湯, 好CREAMY，味道好香濃，呢個湯唔係次次有，所以一有一定要嘆返碗。 第二，一定要點海蝦，唔知點解啲海蝦隻隻都有好多蝦子，特別正。買之前一定要睇佢有冇蝦子先好買，十次有九次都會隻隻有蝦子的，但間中會有一次係隻隻都冇蝦子，要睇下係咪正值繁殖期。仲有梗係最出名既瑞典肉丸，牛肉豬肉配搭比例啱啱好，每次都咁有水準。烤全雞等左十五分鐘就即係去買，價值$89，啱啱燒出黎，放喺面前，好香，啲肉汁出晒黎。 即刻切開......點知入面係血紅色!!!! 點食? 攞返出去換，個職員見到都即係換一隻新既俾我。呢隻冇問題，仲好JUICY，值得等既。最後兩個人都消滅唔晒啲食物，唯有攞走盒蝦咪浪費。滿足的一餐。

每次去完IKEA必定係度食埋個飯先走一黎平，二黎幾好味今次我地點左：瑞士肉丸，腸仔，薯格，兒童餐瑞士肉丸點評：肉丸不嬲係IKEA既名菜，個醬汁真係冇敵，而且肉丸口感好JUICY腸仔點評：普通煎腸仔，不過上枱既時候已經凍左，所以冇咁好味薯格點評：幾有質素，唔會痴埋一舊舊，口感都唔差，有脆有淋，點埋D蕃茄醬係幾野味，唔錯，兒童餐點評：今次兒童餐係食螺絲粉，唔夠淋我覺得，而且D醬汁都較少，其實個汁幾好味，不過就少左D，口感唔錯，唔會太DRY

由於家住沙田, 星期日好多時都會食過早餐先返教會, 而隊長好多時都會選擇去Ikea食早餐, 貪佢平囉, 廿幾蚊有個早餐, 包埋杯咖啡, 去邊到搵!?基本上, 佢既早餐有set或者散叫, 就算叫set都可以on top再加野食, 散叫都係由幾蚊到十幾蚊, 味道就一貫Ikea味道, 同埋都偏向清淡, 我通常食果個餐, 有雞扒+蛋+蕃茄+磨菇, 塊雞扒都好入味, 不過pet蛋可能未必人人鍾意, 佢係蒸左, 再撈散的, 唔係我地食開果種炒蛋, 味道係淡D. 如果唔想食西式, 仲有糯米雞比你揀, 無睇錯, 真係有糯米雞, 仲要廿幾蚊大大隻, 當飯食都仲得! 不過佢就蒸得太"林", 食落會覺得好糊口.廿幾蚊個早餐, 仲要咖啡有添飲, 真係無得輸!

同女友行完IKEA 點都要幫襯一下~叫左肉丸 煙三文魚意粉 SALAD肉丸一如既往又平又抵食 又多汁 撈埋果醬食有種特別既咸味 不過意粉就DRY左少少 勁快就食晒煙三文魚 SALAD就普通啦等位等左勁耐 可能因為佢價錢合理 勁多人幫襯唔錯 

-和女朋友駕車經過沙田 心血來潮說不如這天晚餐就到宜家傢俬吃隨便添置家品於是我們又回到這個我們第一次出外吃飯的地方啦-這天是星期六 未到達我們已預計到會很多人果然 一到達餐廳範圍 人頭湧湧呢不過很幸運 身旁就有張二人枱離開 嘻嘻在這裡吃飯 是沒有服務的這也是為甚麼這裡的食物能保持低價-這天我不是太餓於是食物都是女朋友點的凍蝦 $29這是我們每次必點的 雖然只是$29但小小的蝦身很彈牙而且我們特別喜歡吃蝦頭的位置 別看它蝦身小小的 蝦頭是有膏的肉丸 15粒 $30 這是另一個基乎每枱也是一定會點的菜meatball本身就是一種大人小朋友也喜歡的食物 配上肉汁 果jam和薯蓉 混在一起吃 你是不會吃得出$2一粒的味道三文魚配薯格 $49老實說$49的三文魚扒 你實在沒有辦法要求些甚麼 三文魚感覺煎得有點乾 其實最美味的三文魚扒是那種油脂豐腴的幸好配上的醬汁夠多這是帳單上最貴的一道菜卻是最能吃得出廉價味道的菜雞翼4隻 $16這雞翼實在是沒有甚麼可點評的 很是普通但相比起大部分餐店相同的質素 也許已經標上$40-50的價錢蔬菜薯餅2pcs $15大愛這個簡單又美味的蔬菜餅一口吃下去 是西蘭花香

這個肉丸，又平又抵食，只係＄20就有10粒，D肉新鮮有口感，個薯又好食，D汁剛剛好，賣相都OK。這個係＄69餐，其中有LEE個勁差的粉，可以差到得7成熟，一口都不夠食！係我老公夾硬食！D肉仲衰，硬硬硬，都不知邊個煮的！賣相又差，又等等，排隊買又耐，等位又耐！好食都算，而家排咁耐又不好食真係可憐！這個雞翼就幾好，好彩都仲有雞翼同肉丸好食，＄4一隻算係咁啦，炸得剛剛好，夠熟又味。環境真的一般，我寧願出面食！坐得好D又不用俾人眼望望，最慘係食完後回家肚痛....

反到黎香 好耐無寫食評琴晚就放工 渣車入沙田ikea眾所周知 ikea既食物出名平靚正琴晚去到都好彩時間尚早一到就搵到位 拿拿聲出去買野食先呢個簡直係ikea既標誌食物肉丸加埋 berry sauce 無得輸不過講真 以前未轉既肉丸好食d每次必食既甜蝦仔 又平又鮮甜其實我好鍾意食雞奕 不過今次個雞奕炸到有點乾薯餅 食得出佢既牛油香到三文魚薯格三文魚有d失望 直情乾到散禁制值得一讚個汁好好食希望ikea一直keep得住水準同價錢仲有 希望場入面既人都乾淨少少 比反些小手尾執反個台面

肉丸配薯蓉，肉丸好香，味唔會咸，咬落有口感，唔會一咬就爛曬，醬汁好creamy，再配埋個果醬，甜甜地，好味！肉丸係呢到出名食物, 每次都必食！我地仲叫左個燒全雞，唔算好大隻，不過兩個人食就剛剛好，雞皮上有點香草味，雞不肥，雞胸部分都算滑，用刀叉都唔難處理，好易拆到肉出黎，陪埋個黑椒蒜蓉汁，好match啊！

ikea對我來說，就是一種說不出的感覺，永遠來到，就有快樂的感覺。餐廳的食物種類不多，但價錢相宜，兩個人可以叫得像自助餐一樣，可樂又可以不斷地加，像小孩一樣的快樂。我們叫了不用考慮的肉丸，肉丸是經典款，加上士多啤梨醬，就是這樣的滋味，讓人難忘，即使買回家自己弄，也感覺不同，事實上，肉丸肉味淺，肉質也說不上豐富，但那孩童感覺，就是令人一叫再叫。然後加了四隻雞亦，雞亦較小隻，顏色像避風塘，而味道像椒鹽，不會太咸，也不會過度煎炸，不錯加上主菜三文魚芝士配薯格，薯格不夠新鮮，有點硬了，但帶有辣味而且薯泥飽滿，較為飽肚三文魚過熟，乾身，但加有芝士醬，整個味道大大提升，芝士味道偏酸，但正因如此，完全不膩，反而讓人吃得清爽。蔬菜薯餅，算是較心理上健康的菜式，每一囗也有波菜，薯泥，利用煎的方式吸引人，令你產生在錯覺上吃了好多好多蔬菜的感覺，但味道較為單一，可增加調味。磨菇白汁濃湯，濃湯的質地厚實，味道清新，不會太膩口，但口感不足，材料十分小，有種既偷工減料，但又能作為一個不會搶去主角角色的好配角的感覺。最後當選到甜點，朱古力脆皮蛋糕，面層的朱古力脆皮加上了花生，一口吃下，中間是一点忌廉，餅底，蛋糕較薄

人人到宜家家私都會食熱狗的 我都不例外一上手都是熱的是剛適合入口的味道但覺得配合$7的size而且可以叫到2個熱狗的包是嘉頓麵包的入口都很鬆軟及很輕身的沒有那種重麵粉味所以都不錯而腸仔方面一條都很長的都會超出麵包的長度而且味道不會過分鹹或甜再配合番茄及溫和芥茉醬令口感再加一點刺激

新口味鱈魚 一開始以為入面是很浮及薄的但拿到上手後發現物超所值因為都幾大片及幾厚而且炸得剛剛好不會太濃及食到有喉嚨痛既感覺而且會配埋沙律醬所以另外酸酸甜甜的感覺而且都算幾多魚肉同埋有少少皮但魚味都重的而且可以食到淡淡魚肉又有少少實所以其實都幾飽的鱈魚的size都超出個盒仔所以其實幾抵食

小時候,最喜歡跟朋友一起到IKEA吃東西,特別喜歡吃肉丸,因為真的非常美味又便宜但2016年的今天,質素真的差了很多肉丸薯蓉,肉丸已經不像從前一樣彈牙有質感而且有肉味,今天的雖然不難吃,但較硬,不再彈牙.而且肉味不再明顯,不點上汁是不好吃的薯蓉十分普通,也是沒有醬汁會不好吃紅莓乳酪雪糕,反而有驚喜,乳酪雪糕相當滑溜,而且酸甜得宜.紅莓味亦相當濃郁,出色的甜品,一杯只是8元只能說是有期待的失望了,沒期望的反而有驚喜

幾年前黎呢到食，D食物真係又抵食又好味，大約半年前黎食時，食物稍微退步，今日黎食時，真係想用「難食」呢2個字黎形容呀。蕃茄三文魚長通粉 + 炒什菌: 首先，蕃茄三文魚長通粉裡面真係唔覺有三文魚，就算真係俾佢打碎左，肉眼都應該見到少少哇，無囉，都算啦，我當食蕃茄長通粉啦，不過，你唔俾熱野我食你都俾D暖暖地我既好嗎，而唔係俾D凍冰冰既野我食囉。炒什菌方面味道都算正常，好簡單咁用左鹽同黑椒去調味，但係食左一啖凍既意粉後，真係食咩都無味啦。煙肉三文魚柳卷: 三文魚柳好鹹，薯格亦都係凍既，真係食到唔想食。食完呢餐飯之後真係對呢間咖啡室非常失望呀。