宜家家居餐廳及咖啡室

營業中

休息中

星期六嘅上晝，諗住去行吓宜家傢俬，未食早餐，本身諗住食熱狗，原來宜家傢俬有早餐嘅，所以就決定係餐廳食早餐喇～ 早餐食物選擇唔算多，我叫咗一個早餐精選，同埋一塊炸魚柳～ 早餐精選有半個番茄，一塊薯餅，一塊烤雞扒，炒蛋同煙肉～ 味道都唔錯，番茄有焗過，幾香，幾juicy, 薯餅都幾脆，炒蛋都算滑，煙肉都幾香脆，最好味係雞扒，外皮烤得幾香，肉仍然有肉汁～ $23好抵食，仲有杯嘢飲，仲可以無限refill～ 炸魚柳$8，又係好抵食～ 魚柳好香脆，肉質鬆化，有沙律醬可以配一齊食，好味～ 食飽又可以行街，真係假日好去處～

其實我來呢度係想食架下午茶架，但係啲Menu好似冇以前咁吸引。我淨係叫咗三文魚意粉食，女仔來講真係唔會食得晒，真係超級飽!食完之後晚餐都唔使食！佢味道方面我覺得冇以前兒童餐嘅意粉咁好食，以前兒童餐意粉份量比較少，而呢個意粉份量係比較多啲嘅，不過冇辦法真係麻麻地！我下次見到呢個餐係絕對唔會再叫～然之後喺雪櫃拎左支豆漿，呢支豆漿我反而覺得值得推薦！機身設計特別，唔算太甜，仲要係有機！鍾意飲豆漿嘅話記得拎支黎試吓啦！

成日都會去下ikea個餐廳食野，貪佢超平，野食又唔算差，間唔中仲會出新款。不過九龍灣嗰間就越來越多人食，而家次次去親都好難搵位。呢日趁閒日就早少少過去食，好彩去到咁岩就有枱食客走，即刻有位坐。今次餐牌有驚喜！竟然有我最愛的炸豬手！仲要超平，咁既價錢出面冇可能食到。豬手仲要好巨型多肉，又炸得好脆好香口！加埋伴菜，2個人食都食唔哂。另外小食拼盤都唔錯，又係好平，薯波同腸仔好好味，雞翼就普普通通。三文魚扁意粉就有少少失望，唔係太好味。

細細個就鍾意去宜家傢俬咖啡室到食野既我，長大後都唔例外，貪佢D野抵食又好味。今日要幫屋企添置傢俬，行完街買完野有D肚餓，剛好係晚飯時間，就打算去咖啡室到食晚餐。烤全雞伴雜菜配蒜蓉燒汁炸全雞伴雜菜配蒜蓉燒汁呢味菜係荃灣分店做緊開張優惠，但係可惜反應熱烈，每次去都未有幸試到，今次黎到九龍灣分店，終於俾我試到佢啦。一大隻全雞，加埋雜菜同蒜蓉燒汁，份量十足，烤雞呈金黃色，賣相相當吸引，雖然本身已經好夠味，不過點埋蒜蓉燒汁 ，味道更加好，以$89 呢個價錢黎講算幾抵食。三文魚忌廉汁意粉見到展示牌知道呢個意粉只係$19 之後都毫不猶豫地叫黎試，本身以為$19 一份咁平，都應該係一分錢一分貨。雖然因為店員一早夾定晒放左係吧檯到等客人拎而令到意粉唔夠熱，但係份量無論醬汁同意粉都非常十足，最值得一讚既係咁既價錢廚房都好細心地加上綠色既蔬菜去令碟意粉賣相更加吸引。雞肉丸配蒜蓉雜菜 雖然瑞典肉丸係宜家傢俬既招牌菜，但係唔食牛肉既我只可以揀雞肉丸。雞肉丸入口唔油，雖然比較乾身，但係加埋肉汁食，味道相當夾。除此之外，薯蓉亦都唔會有好大陣牛油味，值得一讚。楊枝甘露布丁楊枝甘露平時就食得多，但係楊枝甘露布丁 都係第

我一家人一齊去宜家買野～咁就順便去食埋野～我果日去到又無平時咁多人～我地大約叫左餐湯，兩個主食，一個意粉，一碗薯格，一杯汽水～最好食都係個薯格～另外個意粉都唔錯～仲做緊特價～只係需要$19蚊～真係好平～個味道都唔錯～返而個主食就差啲啦⋯個龍蝦又um 好似食緊橡筋⋯個個豬手都麻麻地⋯係有好多肉⋯又唔係話好難食喎⋯但唔會再叫黎食⋯個餐湯味道又比較淡⋯一般般啦⋯下次都係叫返啲普通啲既⋯唔洗叫啲咁貴既食物～返而平個的仲好食過啲貴個啲⋯

最近ikea出左肉丸10粒比多$1加多5粒既discount，咁岩係Mega Box行到攰，冇理由吾去湊下熱鬧一直都好鍾意Ikea既肉肉，都有成年冇黎過ikea食野，好滿足！！雖然今次肉丸乾左少少，可能因為做緊promo吾夠做啦，但配上我最鍾意既jam，係開心既再叫左個三文魚醬意粉，味道不過不失啦。Mega Box呢間Ikea勝在冇沙田個間咁爆棚，點都食都舒服好多另外，而家先知原來Ikea吾提供飲管，對用開飲管既人黎講應該係大災難，但我覺得呢個做法可以減少廢膠，好支持佢地咁做！

去宜家買東西，便順便在哪裏吃東西。宜家Cafe無論那家分店，都經常很多人。這裏也不例外，很不容易的找到了座位，自己清理抬面，自己取購食物，食完自己清理，一切都自便。煙肉芝士汁焗龍蝦配薯蓉芝士味不太濃，合我口味，加上煙肉咸咸香香的，不錯，唯龍蝦有一點腥味。如果薯蓉份量大點會飽肚點。小食拼盤有肉腸、雞翼、薯條、粟米等等。味道不錯。雜菜沙律這個只是$9，很抵吃，而且新鮮，但沙律醬只有一款千島醬。其他還另點了一份薯蓉，都只是$5，汽水$7可以無限添飲，怪不得長期都那麼多人了！

九龍灣 Megabox 這個 IKEA 對小朋友來説，尤如遊樂場，坐sofa都可以玩餐飽，睇完家俬去 IKEA cafe 醫肚，的確很方便。晚餐唔好遲過六點到，否則等枱同等買食物既時間係好長。招牌琠典肉丸一定少不了，香汁加提子醬，肉丸香甜可口，阿仔非常喜好，廿蚊10粒，價錢不錯。燒羊架也是不錯的選擇，香濃的燒鹽味，羊肉不騒，骨都想食埋，$58元四份都值另一碟非常熱門就是煙肉芝士汁焗龍蝦，賣相非常吸引，可惜味道不是想像中好，大大隻🦐殻，只有一小塊蝦肉，主要得一些碎煙肉伴芝士汁，＄63元一份來説，不覺得好。香炸雞金黃雞翼賣相同味道都一般，＄4元一隻🐔翼可接受。三文魚忌廉汁意大利粉最飽肚，忌廉醬很heavy，$33元一份，那就OK吧。還有pack好了的煙燻三文魚沙律，＄39元一份，三文魚連菜一同食，都OK啦。整體不過不失，難説是上佳食品，但也不會大失所望。帶往小朋友係IKEA shopping 完，然後係 cafe 食一餐，再玩埋兒童樂園，都算係簡單又有益的活動。

好耐冇食ikea啦 今次難得同朋友係ikea聚餐不過今次係我第一次黎九龍灣分店 估唔到會咁大 咁多位坐雖然係午飯時段一點幾到 但都幾乎唔洗排隊 又好易搵到位坐但menu已經有啲野唔同左 冇得單點雞翼就唯有叫小食拼盤($39)啦 雞翼 腸仔 薯角粟米全部都好有水準 又點左每次必點既鎮店之寶瑞典肉丸配薯泥 啖啖肉 加上特製醬汁和果醬 係我既至愛薯泥都一樣好香薯仔味 又好滑 薯格都一樣好食 唔會勁乾 又有薯仔味 加上茄醬真係絕配可惜今次冇得再單點意粉 但最後都食得好飽 好滿足

呢一日同男朋友到九龍灣Mega Box行街，行到三點幾先肚餓就去左IKEA CAFE 食「午餐」。估唔到三點幾呢個時間仍有好多人食嘢同休息，環境好似food court咁。食得太開心所以唔記得影相，但又好想係度同大家分享下個體驗。我地都叫左芝士汁龍蝦扁意粉($59)，另外叫左盒凍蝦($29)，招牌小吃肉丸配薯蓉($2x)同加7元一杯任斟既飲品杯。呢度係自助形式買嘢食既，啲嘢食放曬出黎，排隊去拎自己想食既嘢再去比錢。我怕肥所以份意粉叫佢唔好落咁多芝士汁，好彩出黎個效果都唔會無味唔好食；意粉唔係太熱但都幾彈牙，嗰半隻龍蝦睇落去幾大隻，但原來無乜肉食，係美中不足之處，不過都幾有蝦味既。凍蝦想像唔到咁有鮮味，仲有少少蝦膏，配檸檬汁已經好好味。肉丸其實好一般，唔明點解係招牌小食；仲有少少薯蓉配磨菇汁就正常。男朋友飲左少少檸茶話麻麻地；後來我地都沖左咖啡飲，覺得都唔錯─我其實一向好少飲咖啡架，係近呢幾個月先開始飲下。臨走前要自己將食完既嘢放返係收集架度既。今日呢餐都食得幾開心、幾甜蜜既！

陪男朋友看傢具，下雨天走到mega box逛逛。一般來說每次也至少在ikea買frozen yogurt或熱狗之類的小吃。這次就選擇在這裡晚餐，由於接近晚餐時間，有點多人，很多一家大細，找位子花了點時間，也是一眼關七的考驗，也要仔細分析哪枱快要離開(好啦離題了)反正就等了一會，然後幸運地有位子。我點了肉丸加薯蓉，男朋友是牛魔王點了牛排，也自行加點了水果盒❤️肉丸滿滿被醬料包圍，還有jam，看着就讓人滿足。水果盒像是中學飯盒一樣，看着好像不夠飽，但其實已很足夠。如果追求可以坐下來聊天，大概要在早餐時間吧，太多人站在旁邊也不好意思覇佔位子太久，但想簡單吃一餐，還是不錯的選擇。

行商場緊系會攰，仲要行咁大間傢具店，緊系要食野啦，見到menu d野咁平，條隊又咁長，緊系要試下啦，特別系夠平牙！我就食左肉丸同雞翼，冇食到個d三文魚個d，因為本身都吾食個d，但估吾到咁平都幾好食

放假冇野好做, 同男朋友黎到MEGA BOX行街睇戲每次黎MEGA BOX都會好自然黎IKEA行下, 食個LUNCH先再去睇戲本身想食肉丸, 冇諗過肉丸原來係配一大舊薯容最近減緊肥所以都比較少出去食飯, 而且食澱粉質都少左見到個薯容都已經有D飽飽地肉丸一如以往都係配上佢地呢度既汁同紅莓醬, 味道都ok不過個人略為覺得肉丸冇以前咁好食小食併盤咩都有, 雞翼都係每次黎到必食, 咸咸香香幾入味而且外層乾身但入面都仲好juicy不得不提係呢個小食併盤果幾條腸仔, 原來係脆皮腸, 味道都幾好嫁!!! 好新鮮d肉唔會好干同死實實凍蝦杯永遠都係男朋友黎到必叫必食, 每次都有佢呢款凍蝦係IKEA小食店果度都有一包包買, 不過每次都係呢度食冇試過買返屋企雖然凍蝦係死左不過味道依然鮮甜可口可能因為係海蝦關係吧所以先有呢個口感吧! 肉質唔係好林, 個人覺得都唔錯的不過蝦既size都比較細隻, 所以食極好似都好似冇咩野zip牙隙如果凍蝦可以大隻返d就更好了!

相信IKEA大家都不陌生，一間賣傢私家飾既店都有餐廳，等大家購物既同時又唔會餓襯，真貼心黎到哩到一定要點既就緊係肉丸～有三款選擇，可以揀5、10、15粒，每份肉丸都配有薯蓉、醬汁同果醬，小編就好鐘意個哩個組合，酸酸甜甜好開胃，又中和到肉丸本身既味唔會太單調比個小貼士大家～如果同小編一樣大食，可以叫兩份5粒肉丸～因為都係$20，同一份10粒既價錢一樣，但有多一個薯蓉至於雞翼方面，今次外皮都算脆，而且肉質唔會太乾～對超鐘意食雞翼既小編黎講，10分有9分～如果再熱d會再好食d最後講下飲品，左邊個包味道清新，小編覺得唔會太甜，岩曬食完雞翼同肉丸之後飲返啖，過下啲油膩既感覺～右邊粉紅色既，因為叫左兒童餐所以附送一包飲品。味道方面完全不能接受，有啲似藥水味，而且太甜，小編不太推薦總結黎講IKEA餐廳價錢都算親民，食物款式都唔少，味道中上，小編多數會自己叫一份肉丸，再同朋友叫啲小食分享～

IKEA 平價脆皮豬手$68豬手比我隻手還要大, 份量十足, 建議2人享用! 豬皮炸至香脆, 肉質尚算幼嫩, 但不夠入味, 味道偏淡, 伴上酸椰菜及薯仔, 吃多會膩! 性價比算高啊!!rating:6.5/10