宜家家居餐廳及咖啡室

營業中

休息中

放假的Megabox人山人海，就連宜家傢俬的餐廳也不例外，排隊買小食也有幾十人在你前面！ 幸好職員的手腳很快，只用等一會去就可以了最後點了三隻雞翼、五粒肉丸及一個熱狗，一共$29大約是一個下午茶的價錢，勝在味道OK，方便快捷！肉丸都好 juicy，但是吃不出醬汁是什麼味道。雞翼沒有表面那麼乾身，咬開或內裏還是很嫩滑的。熱狗可以選擇加3種醬料，有芥末，茄汁，果醬等。個人覺得今天雞翼最出色，肉丸也不錯，以$7的價錢買熱狗其實還可以，相比起其他食物，熱狗比較乾身，只能說用來填飽肚子性價比很高。在人山人海的商場，有一間價錢便宜的餐廳小食，要等待的速度已經算很快了，很滿意。

以為臨近假期關係會少啲人啦，點知都係咁多人。不過唔緊要啦，好彩佢個復活節期間限定嘅嘢食仲有得食，不過似乎好多都賣晒啦，例如豬手同埋意粉。咁我唯有食另一個節日限定嘅嘢食就係呢薯仔沙律。同埋我今次行小食嘅時候，發現佢有呢個北歐薄麵包，梗係要試吓。唔知係唔係我唔識食呢？呢一個蜜糖火腿蛋薯仔沙律似乎冇乜蜜糖味🧐🧐🧐我唔知佢意思係個火腿叫乜同火腿？但係如果係因為加咗蜜糖而叫蜜糖火腿，咁我就覺得個沙律都冇乜蜜糖味啦。我唔太清楚，不過我諗應該唔使再另外加沙律嘅醬汁黎食呢一個沙律。如果係咁樣我就覺得呢一個沙律比較少醬汁，一黎有冇蜜糖，二黎有冇沙律醬，所以只可以乾爭爭咁食咗啲沙律菜。不過都有水準嘅個薯仔夠晒稔，配沙津非常好。而且個火腿夠味，美中不足係爭咗啲醬汁

大家平時同男女朋友放假時會做d咩架？我同男友除左會例行行街食飯睇戲外，都好鍾意一齊行Ikea 加食嘢。最喜歡行位於九龍灣Mega box既Ikea 夠大間，可以行好耐，行完又累又肚餓就係裡面食埋嘢，價錢十分相宜，雖然係度都試過伏嘢食，不過有時都會有驚喜，遇到就勁開心🥳！.今次我地就食左個勁勁勁好味又抵食既羊扒，性價比比喜馬拉雅山仲要高（好啦 係太誇張啦），只係想話真係喜出望外，𝕙𝕜$59 已經有三大件羊架 ，肉質好鮮嫩，羊味重但唔係騷味 😍😍 。下次一定再encore👍🏻👍🏻👍🏻👍🏻！！.肉丸我地每次都會叫，必食之選 ，配菜既薯蓉都好好味夠creamy。.今次第一次試既雞翼釀糯米飯就真係好麻麻，d飯係完全淋曬變成一pat嘢，完全無曬應有既煙韌口感，𝕙𝕜$16咁細隻雞翼都唔算平，味道仲要咁奇怪，有d失望。.大家如果已經厭倦普通睇戲食飯，不如試下Ikea式shopping and eating啦😂😂。

今次同朋友嚟到Mega box睇戲 身為一個窮學生 睇完梗係要去ikea食返個lunch☺️☺️☺️次次我都會叫肉丸意粉 但吾知由幾時開始就無左呢個咁便宜的選擇🤥🤥 於時我地就叫左肉丸另外再叫意粉😳肉丸配埋肉汁依舊好好味 但我中意都係配埋紅莓醬 撈埋甜甜酸酸 好fresh👅👅👅我地另外就加左炸薯條 價錢都好平 雖然係有d乾 但呢個價錢絕對收貨👍🏼推薦:⭐️⭐️⭐️

每次去宜家傢俬食飯都覺得好抵，叫到成枱都係餸都每人唔使$100！除咗必叫嘅肉丸，蔬菜薯餅同埋雞翼之外，今次試咗個新品辣肉腸意粉同埋龍蝦。龍蝦真係有少少唔抵，只係得一舊肉其他全部都係洋蔥。意粉就OK，味道唔會太酸而且有好多辣肉腸，亦都有好多芝士，不過芝士如果可以再用啲有拉斯效果就更正。

牛角包3元，很鬆軟，有焗爐可自助焗熱牛角包，抵食好味。早餐29元，漢堡扒煎蛋茄汁豆炸薯餅，咖啡任飲。漢堡扒較硬，煎蛋正常，茄汁豆好味，炸薯餅不脆。咖啡是即磨咖啡，很香濃，有花奶免費供應，咖啡飲完可以免費添飲，理論上飲幾多杯可以。咖啡單買只是3元，同樣地可以免費無限添飲。

晚上六點幾黎到ikea, 因為未肚餓所以行下舖頭入面，之後行到去左個snack bar 食熱狗同新出嗰個大吉嶺雪糕，熱狗冇食幾年，味道同當年差不多，個新雪糕有茶味，亦唔算太甜，幾好食。行左陣睇下野再繼續食，七點十五分黎到都已經好多人，冇咩吉位，我地唔太肚餓，所以只係叫左4樣野 。首先係呢碟焗辣肉腸，香腸，巴馬臣芝士長通粉， $43大大碟，每碟都有兩塊香腸同數塊salami, 味道都唔錯，抵食次次黎ikea 都會叫肉丸，以前不嬲都覺得好一般，冇咩特別， 但配上紅莓醬就即刻fresh 好多之後係糯米雞翼，大大隻，味道都不錯, 食左都有少少飽。最後食埋個朱古力muffin 做甜品，muffin 入面有幾多朱古力醬, 所以個muffin 都偏濕，味道都ok 。ikea 雖然唔會比到咩驚喜，但都唔會有咩驚嚇，穩穩陣陣咁。

黎到九龍灣一定要去ikea食我最愛的肉丸$20有10粒，真係好味又抵食，不過今次個薯蓉就麻麻地。主食我地就叫左個長通粉，通粉偏淋，啲香腸都好咸。隻雞翼幾香，入面的糯米都好多，成隻雞翼脹卜卜，食完一隻已經好飽。甜品就叫左個朱古力鬆餅同新出的大吉嶺紅茶雪糕。鬆餅偏淋身，中間有榛子醬，但就好甜。雪糕的茶味都算重，但都係甜左少少。

每次行宜家，就算唔肚餓都必定會食個熱狗加汽水餐，雖然個包及條腸仔既size略細，但$10的售價嚮其他地方已經冇可能搵到，而且醬汁任落、紙巾任用，汽水仲要係無限添，只能講「抵到爛」。

黎宜家傢俬食嘢最開心就梗係可以食到又平又有外國特色嘅嘢食啦！我每一次嚟到都要睇佢啲mon轉黎轉去顯示睇下有啲乜嘢嘢食，但係其實我發現係排隊尾嗰度有一個大啲嘅牌寫住今日有咩嘢食，咁下次就唔使喺度傻更更等佢啲牌轉來轉去啦。😎今次就揀咗一個蝦串伴闊條麵同埋瑞典肉丸五粒。其實如果肉丸來講喺樓下小食站買會平啲，不過就冇薯蓉，所以都係算數啦，喺返呢一度買，食薯蓉都飽嘅😇唔使我多講呢度嘅肉丸有幾好食應該大家都知，就算唔係呢度食，買佢啲肉丸返嚟屋企自己整，個味道都喺度㗎，不過當然落埋佢啲醬會好味啲，所以喺佢呢度食就正好多啦😚至於個闊條麵我鍾意佢個面夠彈牙加埋啲醬汁真係一流😍但係個蝦串就略嫌相比之下遜色左少少因為唔係好夠味😕

個人覺得三文魚麻麻哋🤔🤔 醬同埋魚本身偏鹹🤢 食落唔夾 如果貴啲但係有埋意粉 就感覺完整啲 淨係食魚就有啲單調 又或者三文魚可以煎下佢 咁會好食d另外嗌咗肉丸 呢個永遠都係必食同招牌菜🤩 不過依家就冇咗嗰隻酸酸地嘅醬😢

必食推介肉丸 又抵又好食我買埋一包80 粒番屋企慢慢食雞翼又係正 香口 脆卜卜蔬菜薯餅 又係要食又健康 外脆內軟不過呢間無薯條 咁就食薯角薯角配腸腸出去再食個雪糕同爆谷 好滿足呀 😍😍抵食 又可以拍拖之選❤️

最近出咗新大吉嶺茶雪糕，鍾意食ikea雪糕既我一定要試下啦 ，試咗覺得佢隻味有啲似以前伯爵茶味，都係咁好食呀另外試埋佢個脆辣雞槌，第一隻係勁好食，肉juicy,味又香，但係唔知點解第二第三隻好似有啲乾，可能擺耐咗，但係十幾蚊食到三個雞髀都ok抵既

多是到宜家家居食午餐及晚餐，但早餐還是第一次瑞典式的早餐會是怎樣？原來都有四款選擇，$19 / $23 / $26 / $29，而且全包咖啡/汽水，還要任fill，算是很平民化。我選了$29的牛肉漢堡餐，有煎蛋、茄汁豆、薯餅，牛肉漢堡非常有厚度，而且肉味濃，配是燒汁，味道不錯 ; 但煎蛋就實在太失望，表面上是靚仔，但蛋黃也熟得超硬.. 好難食而咖啡是冷是暖，要奶與否都自行調配，又方便又不受束縛但要注意，11am就會變午餐，可以要食就襯早

每次都唔小心叫到成枱都係因為每樣野感覺都好食想每樣試啲最衰今次得2個人食唔曬sosad必叫嘅有西冷牛扒 蝦 同肉丸蝦真心好好食 不過次次黎都發現佢份量又少左😔西冷牛扒就唔係成日有但係一有就係必叫架!肉質好嫩 又唔會過生