定食8 (已結業)

繼爭鮮後又一平民日式餐廳。因爲係爭鮮收到單張覺得幾新鮮，所以同男朋友去試下。好似super sandwiches咁，買完飛等佢拎俾你。飯湯就自己出去任裝，個人覺得幾新穎。男朋友叫左個魚生丼，我叫左個鯖魚定食。一個定食就係咁。其實無咩特別，真係似食緊爭鮮，只係唔同左形式。d味道都似爭鮮。不過咁樣計返，價錢好似平少少。唯一就係覺得個湯幾濃味不過總括黎講，我都係比較喜歡爭鮮

餐廳名叫“定食8”，意思姐係有8款定食提供選擇，另外仲有多款小食，餐牌簡簡單單~定食附餐: 漬物、茶碗蒸、味噌湯、甜點~另外有自助區，無限供應白飯、味噌湯、麥茶，自己拿碗出去裝~呢間餐廳有個噱頭，如果餐點15分鐘未送達，會贈免費餐券1張，所以基本上食物都可以好快送上黎~見到好多人叫呢個海鮮丼，好豐富，抵食之選~蒸蛋好滑，入面有菇片和白果~甜品係牛奶布丁，入口即融，好甜~牛排味道吾錯，不過有少少羶味，而白飯上面有黑芝麻裝飾~味噌湯幾清淡，吾會太咸~小食叫左個沙律，幾好味~總括而言，食物係抵食嘅，味道亦吾錯，而且上餐速度快~

定食8與爭鮮同屬一集團,來自台灣,有刺生飯,烏冬,天婦羅.....選擇蠻多幾個月前初初開張時,星期六日晚市要輪候成個鐘先有位,而我返工喺附近,食早飯12點前到來,就唔洗等位 今日點咗好邪惡嘅流心芝士吉烈豬排定食,非常豐富除主菜吉豬外,有支豆,蒸蛋,菜絲,味噌湯,還有牛奶布丁夾起件吉豬,芝士從中流出,吉烈香脆,豬排鬆化,沾上酸酸甜甜的sauce(其實配柚子沙律醋都好好食),唔會覺得腻,送飯食真係一流味噌湯鮮甜,有好多三文魚,滑豆腐,海帶,好足料,絕冇欺場,而且可以任refill添 蒸蛋好滑,有雞肉,冬菇,白果.....細細杯內有甘多料,誠意製作 支豆不過不失 牛奶布丁加上少許焦糖,甜甜哋為整個午餐畫上完美句号 設有自助區,麥茶自取;菜絲沙律連柚子醋,味噌湯,海帶,白飯都可在此refill,包你食到飽

話說次次行過都好多人排隊去食所以搵左一日平日夜晚去試大約7點幾左右到， 排左唔夠15mins就有位坐定定係位 tick 好要食咩之後要先到門口俾錢食物會係15mins內送到 否則食物是免費叫左一大堆食物， 十分鐘唔洗就到哂檯面刺身飯比我想像好 三文魚 希靈魚都幾好其他刺身就冇咩鮮味，但醋飯係凍呢點要讚 睇返價錢 質素絕對算中上燒魷魚好好食， 比好多中價日本店還要好醬油唔會太厚味 加埋青檸更好 魷魚亦爽口芒果沙律幾特別 份量適中 有粒粒芒果之外都落左少少芒果醬 成個配搭幾match另外 叫左個刺身 都算唔錯 不過隻蝦就一般般 可以唔叫叫佢既定食 重會有毛豆 醃蘿蔔 麵豉湯 甜品 送埋， 個甜品都幾好食 中意食奶類同滑滑地甜品既女仔應該會喜歡茶 飯 味增湯都可無限添架非常岩我呢啲大食顧客PS 如果各位係叫魚生飯既， 自助區會有醬油可以落落醋飯， 落左會再好食啲 大家可以試試

其實好早已經知有呢間餐廳既存在，不過因為見一開實在太多人排隊，放棄試既諗頭。不過今日行得過黎都成兩點幾，雖然仲有幾個人排隊等候中，但人龍明顯比之前少左一大截，於是排埋一份，點知等左五分鐘到已經入得。坐底先拎張類似order 紙，揀完就可以去counter 俾錢，呢度好自助，自己拎水，唔夠飯同湯都可以食完後岀去拎。仲有原來避過15分鐘送餐會free張coupon 俾你下次食，唔知有冇人有收過coupon呢？叫左炸蝦天婦羅套餐，超大的一份套餐！有四大隻大炸蝦，仲有lady finger同矮瓜天婦羅，蝦好大隻，長過我隻手！雖然炸粉唔算好薄，但都可以接受，另外炸得好脆，唔會過油。套餐中的黃色的好似甜品的東西原來係蒸蛋，蒸蛋好滑且有落菌去蒸，令蒸蛋有少少菌味。而奶白色上面有一點啡色的係奶凍，er...小弟有D失望，因為佢個奶凍係似練奶，唔係我杯茶。

mikiki 都有唔少餐廳，但價錢普遍都唔平。而最抵食就似乎係呢間定食8星期五 GE 晚上，店外排長龍。可能因為限食一小時， 排左幾個字就有位。 店內全部套餐都只售$48 又主菜又湯又蒸蛋又開胃小食，極豐富！店內除左幾個主食, 仲有一D小食供應, 價錢亦好親民.門口寫道，點完菜之後15分鐘內未送餐黎，就原銀奉還～的確，10分鐘後菜就到了^^我叫左個魚生飯，用料好豐富, 包含不同的魚生:希靈魚, 三文魚, 帶子, 熟蝦等..用料十分新鮮。另外，蒸蛋都好出色，十分滑溜。 場內仲有麥茶同味增湯供應，可以自己去針～大家都食得好開心，侍應們都好親切有禮，好好笑容，希望快 d 有機會再黎食^^

去黃大仙探完朋友，就同老公去MIKIKI行街~行行下肚餓喎，岩岩係一田隔離，見到爭鮮新開既定食店(後尾先知唔係新開^^) 就排隊試下啦~ 因為星期六關係，我排左一個鐘先有位..我見D 3,4人枱一定要人齊先入得，半數人到左都唔得…一坐低我同老公不約而同一齊嗌「豪華海景丼」^^一個SET $48，包左個飯，甜品，枝豆，蒸蛋，湯，抵到喊呀!!!白飯同湯仲可以無限加! 我先食個蒸蛋，個蛋好滑，質感係鬆鬆散散咁，入口就融，但我覺得美中不足係入面有荀…第一唔係個個都食荀啦，第二加左荀個味怪怪地。跟住到個湯，個湯係麵豉湯，但係佢唔似一般沖粉加水既麵豉湯，佢係用三文魚煲架! 所以個湯入面有好多三文魚，好好味!佢既優點係佢一D都唔腥，反而仲有甜味!!!一般我飲既都係麵豉愈多,味道會愈鹹，但係呢個唔錯! 但出面任裝既麵豉湯係無咁好飲架喎XD 我都唔明~主菜黎啦!個「豪華海景丼」正呀，可以集平時爭鮮買既刺身於一身!三文魚色水幾靚，唔算肥美，我厭佢唔夠厚身(48蚊想要幾厚身??) 劍魚味道甘甜鮮美，聞起上黎仲有一陣新鮮魚香味，放入口既時侯覺得好滑。$48黎講真係無得輸呀!下次一定會再ENCORE!

專登打番個post讚下同話下佢地先，間嘢開左一段時間，keep住多人，有次遲左食飯見冇人等就入去食喇，門口點餐比錢，食物再送上，湯，飯，前菜任食，啱曬男同事，茶自己(針)，所有嘢都好自助，係咁嘅環境都只係得一樣嘢可以做，就係等食，佢地店話遲過15mins免費，原來係比卷你下次唔洗錢食講番第一天，呀姐都幾冇禮貌咁話，等等啦，一陣比卷你囉，okok，咁我地都係問姐姐送餐遲左係咪免費咁問左一句姐，唔洗咁嘅，不過可能間餐廳過份開, 明明話加10%service fee, 我明白架, 好多餐廳有冇service都會收, 但其實D姐姐只係拎個餐出黎, 咁不如食客自己拎番啦service fee都唔洗比, 重點係張單明明係打HKD4.8, 但點解最後加我5蚊呢!!!!!既然免費，我地就好順理成章咁再黎食喇，我地叫左cheese豬排，同炸蝦天fu羅，估唔到佢地炸物係咁新鮮wo，即炸feel勁hot勁脆，真係好好食，cheese豬排更唔簡單，係芝心架！！！！！好正，芝士咸度剛好豬肉嫩嫩，而且保留肉汁一d都唔乾，炸漿平均唔油，水準唔錯同事點嘅天fu羅都係好新鮮，脆脆就梗架喇，條蝦仲好大隻，同爽爽，真係好四

起台灣食過尼間定食8因為價錢便宜又可以無限添湯添飯所以令我印度深刻知道香港開左第一間定食8當然要黎食翻一次拉！$48定食 茶 麵豉湯 菜絲 飯 任添雖然我食量不大食五到幾多但我覺得尼個價錢有甘多野食真係算幾好尼款定食有三條炸蝦 一茄子 兩秋葵炸蝦每條都係大大條 仲有汁點 未計味道已覺滿足跟餐仲有麵豉湯 枝豆 甜品 蒸蛋起外面食日本料理 $48尼個價錢無可能會有甘多野食跟味道雖然不算太出色 但勝在抵食推薦麵豉湯 可以起自助區任加海帶芽湯裡面仲好足料 帶好多三文魚 表示非常滿足另外燒魷魚同明太子雞翼每款$20推薦燒魷魚 份量多 而且燒得夠香起其他地方用幾十蚊先食到既野尼度$20就食到希望定食8可以開多幾間分店 對於只會坐地鐵的我 新蒲崗實在太遠太不方便！

每每經過呢到都見好多人排隊，今日就同友人黎食下啦😝😝原來呢到入座後要先出去買餐，等餐到，有需要自己出去添飯等。我食既 豪華魚生飯($48)好足料下!樣樣都有兩片，都好新鮮👍枝豆原來都唔錯，全部俾我清曬👍👍蒸蛋有荀，不是我杯茶，但都滑既!湯，冇咩特別。牛奶凍，味道唔錯，唔會太甜，但好水下!但48加一都好抵啦!朋友既 西冷牛($48)!佢話都唔錯，我就未有食到🙊🙊我地追加左醬燒魷魚($20)味道唔錯，唔會太硬，好有口感!總括黎講，真係好抵食，仲食到我地好飽好飽!

依間真心抵食仲洗加一平到...但服務真係欠佳要靠自己...經過二次都要排隊 就算係平日都要等九點三十幾分就準備關門 吾入客要去真係要早d 同要等好耐下環境好細 位同位之間好密 肥d真係會好難行一入到去就有餐紙自己落單 但係無人會話你知 要出出面收銀俾錢先跟住d餐具係枱個櫃度 如果無人提真係吾知茶同飯都可以無限加 我覺湯吾多好飲 吾好加保證食到飽 甘既價錢係抵食既

為爭鮮餐飲食品牌旗下專門店的定食8，一直是Mikiki商場的人龍小店，不論食客或是排隊的人數也長期遠比鄰近的餐廳多。定食8的陳設與本地的一般壽司吧相若，整體的裝潢以黑色為主調，每張餐桌個別有射燈映照著，環境不至太昏暗，座位亦算寬廣，予人舒適之感。雖然可想像店子的食物屬爭鮮貨色的質素，但小弟也決定一試其味道。是日於午餐時分光顧，餐廳備有八款指定定食供選擇，各包括前菜、主食、米飯、味噌湯和甜品，均一索價 $48 蚊另收取加一。由於小弟為「魚生控」，所以二話不說便點選了豪華海景丼定食──即雜錦刺身飯。定食的賣相頗為吸引討好，置頂鋪上蟹籽，刺身類型亦包羅萬有，包括三文魚、甜蝦、帶子、希靈魚和帆立貝。平心而論，刺身質素只屬中等，雖談不上為肥美，但至少吃得出是新鮮的，肉質也算柔軟，具淡淡的魚脂香，亦不帶冰雪或海水的味道，與醬料配合非常得宜，再配以微酸的醋飯佐食，令人會心微笑。味噌湯充滿驚喜，材料包括白蘿白片、豆腐、海帶，更有三文魚，味道鮮甜，不夠喉還可以到自助區續碗呢！隨餐附送的前菜枝豆和蒸蛋也不過不失。蒸蛋口感幼滑，清淡的味道帶有少許蛋味；但餡料十足，內有白果、筍片、菇片和蝦肉，口感豐富。最後的

星期四2人行，夜晚6:30左右到，要排隊，等左5分鐘，問有冇2位，真好彩，得我地係2位，入得，入到去覺得好迫，諗住叫野食，原來要出去收銀比錢先，奇怪，叫左海鮮丼，壽司喬麥麵，加一客魷魚筒，要加一128，野食黎到，主菜無特別，呢個價錢都係比d平價料，最好味居然係個甜品，牛奶布丁，可以比美酒店果d，其他例如魷魚筒都好好食，仲有七味粉點，幾特別，個蒸蛋好滑，其他不過不失，仲要飯，湯都係任拎，不過要自己出去拎，同埋成日無哂都無侍應fulfill，要客人提佢地先fill，但都好有禮貌，仲有，用餐只有60分鐘，比較趕，無論如何，值得推薦

Sushi Express is a place that I love to go to for it gives me the joy of eating at a conveyor belt sushi bar and that everything is $8 per plate and of very decent quality. Recently Sushi Express has expanded to serving Japanese meal sets all costing $48. The place is called 定食8 (English name: Teishoku 8). Much like Sushi Express, it's a for quick eating and getting out. You have a time limit of 100 minutes. Quite a lot of time as food is served very fast.Menu is in English and Chinese. All sets

位於譽港灣的mikiki.食肆的更新速度快。今次見了有人龍小店。便一試其味道。位置在於一田超市附近，門口較為開放式。點餐後需要購票再結帳才可以送餐。這個過程有點奇怪，應該是為了節雀人手的原固。餐牌的設施其實很簡單，有8款定食。每款都是均一價48蚊再加一。當中套餐的米飯，味噌湯和茶都是無料任加的。此為海鮮飯的定食，其實是一份魚生飯定食。可見有三文魚，甜蝦，帶子，希靈魚，蟹子等。份量以48蚊來說是物超所值。新鮮度雖不是鮮活刺身，但沒有平價魚生的冰雪味。加上有佐飯的枝豆，蒸蛋。此定食的性價比可算是日本定食中較高。岩鹽牛扒定食。牛扒的size 和份量是剛剛夠1人使用。牛扒的厚度略嫌不夠，烹調有點過熟。唯呈粉紅色的岩鹽味道不錯，可以大大提昇牛肉的味道。芝士豬扒定食。對比之前的定食，吉列豬扒的脆漿處理可有大進步空間。未能做到外脆，內多汁的地步。豬扒的芝士餡料未可以拉絲。但總括這店而言，平民化的價錢可以原諒其不足之地方。