影片
以上資料只供參考, 請與餐廳確認詳情
夜晚口淡淡，就落咗去廟街想食煲仔飯。但係見到興記門口條人龍，即刻打消念頭。見到對面呢間豬骨粥未試過，就索性走入去試下。裝修設計有啲時間痕跡，有啲舊，但都企理。朋友話應該係之前在館執咗，開返呢間粥舖。招牌主打食豬骨粥！咁當然就係要食豬骨粥。餐牌選擇唔算多，點咗一個炒河和蘿蔔糕。蘿蔔糕一大嚿上枱，淋滿豉油，朋友好鍾意食，話好好食。炒河則普普通通。但個豬骨粥真係驚艷！粥底綿密，又有咸香！除左豬骨入面仲有大大粒蠔豉。真係好好食！我會因為呢碗粥而專登返去食！埋單讚碗粥好食，老闆仲好好人，專登畢啲粥俾我睇佢真係真材實料。唔怪得知咁多人外賣呢碗豬骨粥，絕對有原因👍🏻
繼續閱讀