安平燒肉

營業中

休息中

好耐冇食呢間人氣台灣燒肉店 安平燒肉原來將軍澳Popcorn都開咗新分店環境舒適 座位好闊落 而且店員仲好友善！晚市燒肉吃到飽套餐分別有四款任飲任食120分鐘./ M5和牛餐 / $418總共有104款食品可以選擇 夠晒豐富仲有不停會轉換嘅期間限定食品添！套餐會額外送上每人兩件•嚴選牛舌芯入口軟嫩多汁 有嚼勁 高質！其他肉類方面就好推介澳洲M5和牛肩胛肉！牛味好濃厚 燒完之後鮮嫩多汁 油脂恰到好處.海鮮方面有大大隻爽彈虎蝦，鹽蒜燒生蠔，燒帆立貝，屏東燒魚腹，美乃滋章魚燒，絲瓜煮蜆，烤魚乾等等等等。我自己就最鍾意屏東燒魚腹，魚肉非常嫩滑，滿滿嘅魚油脂香！小吃方面有南部章魚卷，安平松露卷，士林小香腸，台灣小枕頭，奶油金菇，起司鵪鶉蛋。自助區都有好多選擇！可自製台式滷水飯，十多款新鮮蔬菜，少量涼菜選擇，真係好豐富。飲品方面，出邊有飲品櫃可以自己攞嚟飲，或者落單都有四款手調台式飲品。

💡抵食高質燒肉天氣咁凍，最岩就係食燒肉，暖一暖先。我同朋友都係食肉獸，安平燒肉就岩曬，任食，今次叫左澳洲M5和牛吃到飽套餐 $418，套餐一共104款，非常多選擇，每位贈送嚴選牛舌芯2件。🍽 牛肉🐂雖然係仼食放題，但肉質都有一定保證！選擇好多，澳洲M5和牛肩胛肉、安格斯牛小排、嚴選裙邊牛柳嚴選牛舌芯，推介澳洲澳洲M5和牛肩胛肉，色澤紅潤，紋理都好靚，肥瘦均勻厚薄適中，入口柔軟甘香。而嚴選裙邊牛柳肉味就較濃。🍽海鮮🐟海鮮選擇都好多，好新鮮，必叫虎蝦，大隻得黎夠彈牙，帆立貝夠飽滿，食落仲好爽口。🍽自助區出邊選擇有好多，蔬菜類多選擇，有秋葵， 粟米條，金菇 青椒，洋蔥，翠玉瓜，仲有大塊又香甜菠蘿！另外，值得推介櫻花蝦拌飯，食個陣可以mix埋滷肉汁同紫菜，味道好濃郁豐富。🍽飲品🧋除左本身出邊雪櫃有得拎之外，menu上另外有幾款可以選擇，有阿里山檸檬紅茶、冬瓜菜、百香果綠茶、火龍果冰茶。推介可以一試火龍果冰茶，飲落好清甜，好fresh。

🌟今日同朋友將軍澳Popcorn行街後搵食，搵到「安平燒肉」即上去睇吓，門口好新淨，店內好大座位好闊落。***** ***** ***** ***** ***** 餐牌有四個套餐選擇，另外外邊有自助吧沙律🥗、多款生菜、菇類豆類同埋粟米，仲有白飯、湯任添，最鍾意飲品櫃，有好多茶類選擇。最後我哋揀咗「澳洲M5和牛吃到飽套餐」安格斯牛小排嚴選裙邊牛柳嚴選牛舌心帆立貝爽滑虎蝦鹽燒生蠔🦪魚覆魚干食物非常豐富，我哋兩個女仔食唔到全部種類，因為實在太多選擇，整體嚟講，食材非常新鮮，我哋都好鍾意呢度環境，一定唔會再嚟。

呢幾日又涼返啲好想食燒肉呀！🤭揀咗間喺將軍澳popcorn新開嘅《安平燒肉》✨澳洲M5和牛吃到飽✨每款牛都叫咗啲嚟試，最鍾意安格斯牛小排，油花細緻，口感多汁鮮嫩，同埋澳洲M5和牛肩胛肉，肉味香濃，脂肪比例平均又夠肉汁，另外每人會送嚴選牛舌芯2件，好彈牙爽口 海鮮有牛油帆立貝、蝦🦐、鹽蒜燒生蠔🦪、多春魚…都好新鮮值得一提✨台灣小枕頭，好得意，本身係薄薄一片，燒起真係會變咗一個小枕頭😂原來係麻糬嚟，食落幾煙韌另外仲有雞泡魚乾同埋估唔到會有嘅豬肉乾可以燒，燒一燒就食得😋

今晚在將軍澳吃晚飯。牛大人太多人排隊，轉戰這家燒肉店。我們點了M5和牛餐。可以免費有一客嚴選牛舌芯。這家餐廳的自助區提供了非常豐富的選擇，而且相對健康。他們有各種沙拉和沙拉醬，非常適合我這位注重健康的食客。此外，還有許多配料可供選擇，如起司鵪鶉蛋、花枝、蔬菜甜不辣、士林小香腸、紫薯、奶油金菇、洋蔥、秋葵、翠玉瓜、玉米筍、小蕃茄、南瓜、菠蘿、粟米、香菇和青椒等。除了燒肉，他們還提供其他美味的菜品。其中安平蝦拌飯以櫻花蝦、香蔥和海苔為特色，這道菜帶來了豐富的海鮮風味和口感。屏東燒魚腹則展現了魚肉的鮮美和獨特的燒烤風味。豬大腸和安格斯牛小排都煮得剛好，口感嫩滑，肉質鮮美。澳洲M5和牛肩胛肉則是高品質的牛肉，每一口都帶來濃郁的肉汁和口感。即食滷水涼拌鴨舌是一道獨特的菜品，帶有滷水和涼拌的風味，非常適合作為開胃菜品。最後是乳酪雪糕，你可以自由添加各種配料。這個結束的甜點選擇為用餐體驗增添了一絲樂趣。

安平燒肉應該冇人唔識😆今次去將軍澳未諗到食咩所以食下台式燒肉吃到飽，都係揀咗澳洲和牛套餐$368，入座每人仲送兩條牛舌芯👅呢個set有好多選擇，除咗所有牛之外，海鮮豬肉，雞肉等等都可以任食🤤仲有好多台式小食！下面介紹嘅都係我哋好鍾意嘅肉款：三角牛肩肉最薄嘅一款牛，油脂感比較重，入口即溶澳洲M5和牛安格斯牛小排呢兩款牛嘅油脂分布平均，牛味濃郁口感軟腍美國SRF極黑牛比較瘦嘅一款牛，但都唔會韌食落好腍，牛味香濃原住民鹽燒肉配埋佢嘅醬汁燒出嚟好香好重鹽燒香，係偏肥嘅五花肉🐖個人覺得佢哋嘅台式小食都好高質，有鹽酥雞、澎湖花枝排、櫻花蝦乾半手工麵、安平炸柯卷，好似台式夜市嘅小食咁出面仲有飯，蔬菜丸類等等可以自取，選擇豐富～最後仲有軟雪糕可以任食😋

之前一直都想幫襯，31／1就去食午餐，喺門口睇啲套餐價錢，個店員話有兩款貴啲嘅餐9折，咁我哋諗住試吓啦，店員話要食120分鐘嘅先有9折，諗住唔緊要啦，咪慢慢燒囉點知坐低後就嚟同我哋講要做會員先有折，咪同佢講個店員冇提過會員先有先後3人走嚟“要”我哋做會員，一個比一個態度差，仲要明明自己員工冇講，連“唔好意思”都冇我哋最後決定唔做會員唔拎佢嘅折。食物水準好一般，埋單$700，咁嘅服務咁嘅食物質素，好唔值！一定唔會再幫襯

12月31一早book了夜晚9點30去食，點知我哋喺個商場迷路，揾路已經揾了20分鐘，到9點35都未揾到安平喺邊，就打算打電話問下路，估唔到真係有職員聽電話，聽電話個個職員好有耐心，慢慢教我哋點行，終於揾到路橋安平，上到去個職員話辛苦我哋，畀張靚檯我哋，個下真係覺得好warm去到食野個part，嚟幫我哋收嘢個啲職員都好有禮貌，會問我哋仲需唔需要先收，因為自己之前都翻過牛大人都知道翻咁多個鐘會好攰，冇乜精神去同客人溝通，而且，我同另一半成日去觀塘，旺角食牛大人同安平，最有禮貌都係呢間，十分感謝你哋🙇‍♀️另外講下啲食物先，金針菇比其他分店嚟講，牛油落得重手咗小小，鵪鶉蛋都有小小苦，肉類方面整體嚟講比較出色，會再次幫襯！

牛肉的質素好一般，切得好溥好細件，地方好大，但坐唔滿，寫就好多樣野食，其實除肉外，其他選擇亦唔多，無前菜揀，有台式炸野，主食只有白飯，人哋任食有冷面、辛辣面果D呢度都無，甜品只有乳奶雪糕，總結係啱食嘅野好少，無酒牌，另外，冷氣好凍，新開張都無乜人，cp值好低，兩個人食$670唔值，星期五、六、日每位加$20。一次就夠. 唔好食，都無心機影相。

啲肉幾靚都沒用，肉切得好薄好細，薄到燒燒下反兩面時會夾爛咗。根本燒二十塊也不如其他的真正韓燒，怪不得88折也沒好生意，完全不用等位，直入就有位，內裡整個廳也沒開。另外，外面餐牌有90分鐘，120分鐘，去到才話因為週末，只有120分鐘。所謂保証食得飽，其實是真的食不飽。兩位連88折共消費了$565元，八達通機未安裝好喎。其實在將軍澳想找一間真正的韓燒真係好難，下下都要出旺角，佐敦。觀塘那間衛生問題也不能去。

晚市五點才開始營業，可能因為19:30前離座有折扣優惠，約下午4:45已經開始見到排隊，我這天是星期六晚上所以都好多人初嘗台式燒烤，見香港有三間分店點了安格斯嫩牛餐 19:30前離座$258 抵👍🏻自己scan QRcode網上落單反而要讚賞吓飲品非常多，除了網站四款特色手搖飲品，出面自助雪櫃仲有四種款式茶推薦金沙苦瓜+拌麵，好食👍🏻