安娣瑪萊

營業中

休息中

海港城嘅泰國菜「Auntie Malay 安娣瑪萊✨」同時可以享受美景及美食，餐廳面對維港景色，令人感覺舒暢，餐廳提供城泰式美食，當中二人餐性價比極高，只需$388已經包括前菜、湯品、主菜、甜品及飲品，豐富又美味。香茅椰糖烤全雞翼🍗✨ 燒得香脆嘅外皮，味道香濃十足，充滿肉汁，令人回味馬來沙嗲豬肉串🥓🔥 豬肉串經過醃製，味道濃郁，搭配特製花生醬，口感層次分明，肉質鮮嫩，好味肉骨茶🍲❤️ 湯底由多種香料熬製而成，味道濃郁，配上豐富嘅配料如豬骨同豆腐卜，食落暖心又暖胃 招牌海南雞飯🍚🍗 雞肉滑嫩，飯粒分明，搭配特製嘅醬汁，令整碗飯更加美味，香氣四溢，必試嘅經典菜式招牌火山排骨 🍖🌋 火山骨份量滿滿，排骨肉嫩，口感豐富森巴蝦仁通菜🍤🥬 新鮮嘅蝦仁搭配爽口嘅通菜，簡單又好味斑斕咖央多士🍞🍮 咖央多士配上斑斕醬，外脆內軟，味道香甜，完美為呢頓飯畫上句號Auntie Malay 真係一間唔可以錯過嘅餐廳，無論係美食定美景，都令人好滿足😋👍

同屋企人行尖沙咀海港城，諗起食貨閨蜜推介嘅呢間餐廳，於是我哋去食馬來西亞菜。香茅椰糖烤雞全翼 $22/1 隻大大隻嘅雞全翼，出邊有香烤嘅椰糖，入邊嘅雞肉好鮮嫩滑溜，非常之滋味！酸辣青檸汁蒸原隻釀魷魚 🦑 $188呢個特別嘅青檸汁，口感清新，魷魚🦑非常之惹味，不失為一個特別嘅小食！瑪萊肉骨茶 $158同一般肉骨茶唔同嘅地方係佢係可以有個爐喺度打邊爐，所以可以保存肉骨茶嘅熱度，食落口好舒服。椰香青咖喱 $98我哋揀咗咖喱雞肉串燒，雞肉都幾鮮嫩，而且青咖喱其實係唔辣嘅，而且好多椰子汁味道！森巴蝦仁通菜 $68呢個醬比較似XO辣醬，蝦仁大大隻，通菜幾新鮮，即叫即炒夠鑊氣！少爺海南雞 （半隻） $188會清雞湯湯同埋椰香雞飯，估唔到個雞湯有好多椰子汁非常之清甜，海南雞好鮮嫩同埋出色，特別喜歡佢嘅醬汁，非常之惹味！呢個甜品可以叫起！班蘭咖椰多士 $48綠色嘅斑蘭醬汁滿瀉而出，夾雜着薄片入口即溶嘅牛油，仲有非常鬆脆嘅多士，打卡靚之外都幾好食。ChaTraMue Collection 手標正宗泰式奶茶（凍） $35好濃郁嘅泰式茶香味道，沖咗鮮奶好滑溜！荔枝玫瑰梳打 $38賣相充滿粉紅色少女心有一塊塊玫

今日同朋友行海港城行到攰攰哋，經過安娣瑪萊見環境好舒適，餐牌價錢幾抵食，仲可以望海景，即入去試下。坐低睇餐牌真係花多眼亂，最後叫咗成枱嘢食，每樣都好有驚喜！豬肉串燒，呢度串燒係配左冬陰功醬，食落非常夾。豬肉燒得啱啱好，外皮微焦，咬落去juicy得嚟又帶少少炭香。個冬陰功醬好過癮，酸辣得嚟仲有啲香茅嘅香氣，同平時食開嘅沙嗲醬好唔同，好有泰國風味！🍗 椰糖燒雞翼雞翼燒到金黃色，面頭搽咗層椰糖，甜甜哋又帶少少焦香。咬落去皮脆肉嫩，仲有少少蜜糖嘅黏口感，好邪惡好正！招牌肉骨茶肉骨茶好足料，除咗必備嘅排骨，仲有五花腩、豆卜、枝竹同冬菇。個湯底藥材味濃得嚟好溫和，飲完成個人暖笠笠。特別鍾意啲五花腩，肥瘦均勻，煮到好淋好入味。豆卜索晒啲湯汁，一啖咬落去爆湯，正！招牌海南雞雞肉真係滑到不得了，雞皮仲保持到爽口。配嘅油飯好香，個雞湯清清哋，帶有椰子既香甜味，飲落好舒服。火山排骨視覺效果滿分！排骨煮得好入味，肉質鬆化。個湯底酸酸辣辣，越食越開胃，而配菜白蘿蔔紅蘿蔔勁入味，越食越辣，好過引。 上湯娃娃菜食咗咁多重口味嘢，呢個娃娃菜嚟得啱啱好。湯底用蝦米同肉末煮，鮮甜得嚟唔會太鹹，娃娃菜煮到剛剛好，仲保持到爽

係海港城海運大廈行街，行過見到呢間餐廳幾吸引，就入去試下，果然充滿驚喜。餐廳環境設計充滿馬來風情，座位十分闊落，我地坐嘅位仲要望到海景，真係好驚喜。入座坐低後，即刻送上一壺熱茶同餐前脆口蝦片。香茅椰糖烤雞全翼（2隻）兩隻大大隻嘅雞翼烤至金黃色，外皮香脆，肉質鮮嫩多汁，仲帶有淡淡嘅焦糖香茅香味，十分滋味。瑪萊沙嗲（3串豬）串燒我地揀左豬肉，燒到啱啱好，完全唔會好柴，配埋個醬一齊食，甜甜辣辣，十分惹味。瑪萊肉骨茶用煲仔上枱嘅肉骨茶十分正宗，用個爐熱住，唔怕凍曬，十分貼心。呢間餐廳嘅肉骨茶係純正馬來西亞派，湯底顏色較濃較深，藥材香味更為濃郁，慢慢滲出濃郁而不苦澀嘅藥材味道。看似細細一煲嘅肉骨茶，卻十分足料，除了有排骨外，仲有腩肉、冬菇、豆卜、枝竹，應該像我見多最足料嘅肉骨茶。招牌海南雞飯（例牌）配清雞湯招牌海南雞飯嘅雞肉已經拆骨，皮靚肉質嫩滑，啖啖肉，配有三樣調味料（薑末、辣椒醬、黑醬油），配油飯一流。油飯粒粒分明，但又唔會好油膩，配埋碗清雞湯，清甜好飲，配搭得啱啱好。招牌火山排骨香港比較少見嘅火山排骨呢度都有得食，一樣有個爐熱住，一共有三條嘅大排骨，有芫荽同蘿蔔搭配，份量十分足夠。排骨肉質

早排去海港城行街，晚餐就揀咗bookmark咗好耐嘅馬來西亞茶食，被安排坐窗口有得睇埋維港景好正點咗2杯特飲，羅漢果龍眼冰好清潤唔會太甜，朋友杯青檸梳打酸咪咪好醒胃先嚟香茅椰糖烤雞全翼，一見到咁大隻開心，2隻雞翼都烤到金黃色，，食落香口惹味，仲有點香茅椰糖香味到呢到必食招牌海南雞飯，一食雞件就食到廚師功夫，雞肉浸得勁嫰滑，而且好夠雞肉香，配埋油飯好足肉骨茶朋友大讚好正，藥材味恰到好處湯、入面有大大舊又好肉嘅排骨，另外仲有枝竹冬菇，近排又涼涼地，飲番碗肉骨茶真係好暖胃食馬拉菜緊係要食串燒啦，瑪萊沙嗲點咗豬串燒，豬肉香嫩又有香濃沙嗲味道，我覺得唔洗點跟上嘅牆汁都已經好好食牛筋牛肋肉係用上椰香黃咖哩，兩者都做得好嫩腍，咖喱走清香路線唔會好辣，而重點係香口薄餅點上黃咖哩汁，另外娃娃菜係上湯肉碎蝦米去浸煮，食咗咁多肉來個鮮甜蔬菜做個平衡呢到嘅斑蘭咖央多士真係必點之一，用佢嚟當甜品真係一流，多士烘得香口脆身，中間夾埋清香斑蘭醬，甜度適中，整餐飯好圓滿

🌟🍴 【尖沙咀 •安娣瑪萊 】 🍴🌟 📍 (尖沙咀)尖沙咀廣東道3-27號海港城海運大廈地下G16號舖🍖🥟🍟🥚🍰🍲🍇 • 🥪🍓🍤🍪🍜🍡🍹 脆蝦片 🦐🍘香脆可口，蝦味濃郁，開胃必備！😋👍香茅椰糖烤雞全翼 🍗🌿🥥香茅香氣撲鼻，椰糖甜而不膩，雞翼烤得 juicy 又入味！🔥❤️瑪萊沙嗲（3串） 🍢🌶️肉質嫩滑，沙嗲醬濃香微辣，三串剛剛好解饞！🥜👌瑪萊肉骨茶 🍖🥣湯頭濃郁，藥材味香，肉骨軟爛又暖胃，超滿足！😍🍲招牌海南雞飯（例牌）配清雞湯 🍚🐔🥄雞肉滑嫩，飯油香撲鼻，清湯簡單卻鮮甜，經典美味！🌟🥰椰香青咖喱配豬頸肉 🥥🌶️🍖青咖喱濃郁帶點辣，椰香迷人，豬頸肉軟嫩多汁，太好吃了！🤤✨上湯蝦米肉末浸娃娃菜 🦐🥬🍲上湯鮮美，蝦米提味，娃娃菜吸收湯汁超嫩，家常卻驚艷！😊👏原個椰皇海燕椰子雪糕 🥥🍦椰子清新，海燕窩口感獨特，甜而不膩，超級清涼！❄️😎手標牌正宗泰式奶 🧋🇹🇭濃郁奶香，甜度剛好，喝下去滿滿泰國風情！🥛💖鮮鳳梨泰式冰茶 🍍🧊🍵鳳梨酸甜清新，冰茶解渴又爽口，夏日必喝！🌞🥤🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️

最近喺海港城行完街，發掘咗間主打馬來西亞菜嘅餐廳—Auntie Malay，除咗食到充滿地道風情嘅菜式，餐廳仲有超靚嘅海景添😌椰糖燒雞翼：外皮燒得焦脆，帶有椰糖嘅香甜，肉質鮮嫩多汁！馬來沙嗲豬肉串：一碟有三串，可以揀要豬肉/雞肉。豬肉串燒得啱啱好，點埋花生醬，味道濃郁👍🏻招牌肉骨茶：藥材味香濃，排骨燉到好淋，暖胃又滿足。招牌海南雞：必食！雞肉超滑嫩，啖啖肉，配埋雞湯同油飯，好正！椰香黃咖喱牛肋肉：咖喱香濃帶椰奶嘅甜香，牛肋肉夠哂腍，配埋酥餅，點住咖喱食，簡直係絕配。上湯蝦米肉末浸娃娃菜：娃娃菜吸晒蝦米同肉末嘅精華，清爽又入味。斑蘭咖央多士：外皮脆口，斑蘭內餡香甜，食得好滋味！飲品羅漢果龍眼冰同埋話梅蜂蜜梳打都值得試下～

.香港🇭🇰都有高質新派馬拉菜🇲🇾 在海港城海運大廈望👀住迷人的夜景海景真係食咩都好味😋.🌟椰糖燒雞翼 (2隻)好味😋 $20/隻其實幾抵因為好大隻 啖啖肉用椰糖有點特別 甜度啱啱好.🌟馬來沙嗲串燒雞 🍡🍢燒完熱辣辣🔥 雞香滑軟腍淋上沙嗲汁好好味.🌟招牌肉骨茶☕️ 有香濃的中藥味 仲有好多五花腩好🈵足好補身.🌟招牌海南雞 (配雞湯及油飯各一碗)🐔 海南雞去哂 好嫩滑加埋油飯好好味.🌟椰香黃咖喱牛肋肉 (配酥餅一客)🍛 牛肋肉炆得好Lum加上濃郁的黃咖喱🍛配飯好夾.🌟上湯蝦米肉末浸娃娃菜🌟斑蘭咖央多士.好多選擇又樣樣都好味海港城又方便絕對可以encore

最近去咗Auntie MALAY 安娣瑪萊覓食，一踏入餐廳，就感受到一種輕鬆愉快嘅氛圍。餐廳設計充滿馬來風情，營造出溫暖而親切嘅感覺，令人感到十分舒適。佢哋嘅菜式幾吸引我，同朋友點返幾道菜試下先。椰糖燒雞翼雞翼燒得好香，椰糖帶嚟香甜味，咬落仲有肉汁，整體味道唔錯。馬來沙嗲雞肉串醬汁微微辣，香料同甜味出啲，雞肉好入味唔柴。招牌肉骨茶湯底濃郁藥材味幾出，肉嘅份量好多呢！招牌海南雞雞肉好滑嫩，配埋雞湯同油飯好滿足。椰香黃咖喱牛肋肉煮得好好，牛肋肉幾腍嫩，黃咖喱配白飯或者酥餅都好正。上湯蝦米肉末浸娃娃菜食落幾清爽，啱啱好可以平衡其他重口味嘅菜式。飲品方面，我點咗青檸梳打，清新解渴酸酸甜甜，非常爽。朋友點咗菠蘿熱情果沙冰，果味幾突出，好冰涼。當日仲見到餐廳一周年優惠可以加一蚊換購斑蘭咖央多士，當然要換返份嚟食。多士烘得好薄脆，內餡凍凍嘅斑蘭咖央醬，香滑濃郁嘅味道，好推介。整體食物質素唔錯，下次可以再嚟試下其他菜式。

招牌肉骨茶醬油味好濃郁 裡面材料都好入味入口嗰陣藥材味唔會太搶 餐前飲啖都幾開胃馬來沙嗲串燒(豬)🐷肉質好冧唔駛好用力就咬得開 個醬汁帶有香料味 食落好fresh一啲都唔覺油膩招牌海南雞有齊三種醬汁夠哂正宗雞件滑嫩juicy 飯係有味雞油飯，成件事夾哂椰香黃咖喱牛肋肉🐮係星馬風味嘅咖喱 入口香甜而帶有好重椰奶味令人唔覺意食多左好多 牛筋肉煮到好冧又入味配埋薄餅食無得輸啊上湯蝦米肉末浸娃娃菜係我最喜愛嘅娃娃菜用上湯煮到入哂味,入口即溶帶有少少蝦米香味，係正嘅斑蘭咖央多士斑蘭咖央醬香味好濃得黎又唔算太甜配埋烘到鬆化嘅多士外脆內軟當甜品食簡直一流熱情果沙冰有少少似泰式沙冰成杯打到好smooth入口超順唔會有冰粒水果味好重，啱哂配合星馬菜嘅濃味風格 食住嘢飲啖好fresh👍👍話梅蜂蜜梳打酸酸甜甜好開胃又潤喉，岩晒食完串燒驚熱氣嘅我

今次想同大家介紹一間鋪面唔大，但有落地玻璃可以睇海景嘅餐廳。呢度食物質素平均好高，價錢亦都唔貴。瑪萊肉骨茶呢碗肉骨茶有好多料，豬骨同五花腩都好足！除咗有沙參同玉竹等中藥嘅甘香，仲帶有少少微微嘅辛辣味。泰式滷水豬手隻豬手大過我隻手，經過長時間炆煮，皮薄得好似入口即化，滷水汁完全入咗肉心，真係好味！香茅燒豬頸肉呢個豬頸肉比拼盤嗰個薄好多，但食落去仍然好開胃，口感冇咁油，仲加咗酸汁，真係好合味。椰香黃咖喱牛筋牛肋肉椰香味濃，咖喱同炆到超軟嘅牛筋腩一齊食，絕配嘅香味道好正！招牌大蝦雞絲喇沙呢個喇沙湯底濃得滯，湯要濃到可以掛到粉上面，佢哋用米線加米粉代替麵條，味道依然好豐富，椰香四溢！

餐廳明亮光猛，餐牌係介乎傳統星馬菜但又有少少新意思。入座先附上一籃蝦片，都幾有welcoming 嘅感覺。不過蝦片就唔算非常脆，覺得有少少腍腍地。 香茅椰糖烤雞全翼 見係 Openrice熱門菜式，就試吓。食唔到名字上嘅椰糖味或者蜜糖味，亦都冇咩香茅味。但係就以一隻燒雞翼嚟講，味道係唔錯嘅，烤得幾香幾夠味。👌🏼泰式豬肉船麵湯底味道好濃郁，係符合預期中船麵嗰種非常濃郁厚重嘅味道同口感，帶非常非常輕微嘅酸同埋辣。不過材料味道就麻麻，豬肉丸冇咩味，豬肉片都係硬硬實實，冇咩好食。👌🏼椰香大蝦冬蔭功 味道濃郁，頗酸頗辣，屬於重口味嘅冬蔭功。入邊有兩隻開咗邊嘅大蝦，材料都算豐富。👌🏼海南雞煲仔飯 頗有新意嘅組合。味道方面，海南雞就係正正常常。煲仔飯好夠熱有飯焦。整體味道唔算驚喜，符合預期嘅正常水平。👌🏼上湯時菜正常味道。💯 班蘭咖椰多士 呢個咖椰多士非常正！！整得好有水準，係全餐最最滿意。睇相嘅賣相已經好想食，嚟到都冇令人失望。麵包烤得非常薄脆，咖椰醬亦都好香滑，味道不輸於喺吉隆坡食到嘅正宗咖椰多士。係香港可以食到咁地道嘅水準，讚！

位於海港城海運大廈，位置方便。雖有餐前小食及茶芥，但整體性價比不錯，全因環境舒適，服務殷勤，加上食品優質，單價亦不算貴。香茅椰糖烤雞全翼 $20/隻火喉控制得好好均勻受熱，椰糖為醃味增加層次，由頭到尾都金黃焦香，亦好有馬來西亞風味瑪萊沙嗲豬肉3串 $58豬肉串粗身多肉，上碟熱辣辣，紅色醬汁鹹辣平衡，同時突出沙嗲濃香瑪萊肉骨茶 $158 原煲上仲有個爐熱住，慢慢飲都唔怕凍晒，入面有腩片同肋骨，豆卜同腐竹都索晒藥材湯味，真材實料好清甜。加$50仲可以無限添飲，不過我哋想試多啲款，加上人數唔多就飲一煲足夠。招牌海南雞飯 $98首先一讚跟餐雞湯勁鮮甜零味精。雞肉無骨嫩滑，油飯粒粒分明油香十足。椰香黃咖喱牛筋牛肋肉 $148馬來西亞咖喱嘅椰香味真係特別重，甜甜地唔會太辣，老少咸宜，牛筋牛肋肉煲得軟腍印度薄餅 $32咖喱配上酥餅係天作之合，酥脆可口唔油膩上湯浸時菜 $58揀咗娃娃菜，有好多蝦米肉碎好鮮甜，上湯都係飲得嘅質素，娃娃菜份量好多都夠三至四人食，性價比好高班蘭咖椰多士 $48咖椰加咗班蘭顏色翠綠，唧花有心思打卡一流，食落幼滑濃郁，薄薄一層牛油已經足夠邪惡，加上樂趣多士，一口咬落淡淡滿足手標

喺海港城食嘢，最重要係搵間望到超靚海景嘅餐廳。所以我提早半個月就提早訂位，務求有靚靚窗邊位。「Auntie Malay 安娣瑪萊」喺我心目中都係香港最好食嘅馬來西亞菜。我最愛佢無骨海南雞。雞肉係喺香港食到數一數二嘅嫩滑。油飯吸晒雞油、雞湯，真係香到不得了。馬來沙嗲又係超正。肉質好腍，而且香茅嘅味道滲晒入去。鐘意香口啲要試椰糖燒雞翼 ，雞皮好香脆。招牌肉骨茶藥膳味道好濃，有排骨又有五花腩，夠晒正宗。椰香黃咖喱牛肋肉口味香甜，椰香濃郁。牛肋肉好軟熟，仲有唔少牛筋。想營養均衡啲，嗌咗個上湯蝦米肉末浸娃娃菜。上湯好清甜，娃娃菜仲煮到好腍。壓軸係斑蘭咖央多士，斑蘭咖央加牛油嗰種好味真係超誇張。記得試埋充滿大馬風味嘅特飲。我哋嗌咗怡保白咖啡、班蘭紅豆冰。班蘭紅豆冰味道好清香！

初十約出嚟團拜，今次去海港城地下個層食泰菜。兩個朋友嚟過話唔錯，佢地預早book 好枱。正正喺賣波鞋果條電梯落，都好易搵。今晚6:45嚟到，都算多人等位。餐前小吃係蝦片，我地點咗四人套餐，朋友係會員所以套餐會員價係$780，原價大既9xx. 不過做會員好簡單，dl 個app 就係會員。套餐每項食物二選一，我地點咗烤雞翼、青咖喱、船麵、海南雞飯、冬陰功、上湯浸時菜、斑斕㗎椰多士、四杯飲杯。上菜速度唔錯，唔駛等太耐。最正嘅係 「香茅椰糖烤雞全翼」 ，本身對烤雞翼無期望，最怕係又乾又硬凍冰冰。點出喜出望外！香茅椰糖配搭好香，燒雞翼火侯剛剛好，令到每啖肉咬落去都好嫩滑，仲要有汁滲出嚟。雞翼唔肥唔油，似乎用心挑選亦烤得勁好食。真心推介一定要點！第二樣驚喜「泰式豬肉船麵」，好鍾意船麵個湯底香濃但唔杰身。船麵配搭一少碟油炸鬼，配料份量好足，配菜係通菜同芽菜。分四碗，每碗都分到均勻。其次出色係「招牌海南雞」跟四碗油飯。半隻海南雞，完全唔肥，唔會油淋淋。肉質嫩滑，送飯唔覺唔覺食咗半碗。（再撈吓青咖哩送飯）。好在有條菜心清清地！ 「上湯浸時菜」菜心唔老又清甜。老實講，又飯又麵又餸，加上份量唔少，個餐五個人