安利魚蛋粉 (已結業)

自從成日睇openrice之後, 我有好多食店都想試下. 今日就試下安利既撈粗...因為東大街好似有成3間安利, 所以搵左一間最近既入去買外賣. 叫左個切腩撈粗($22+$1)老實$22一碗唔算平, 仲要我見到佢俾d腩肉我係2小小塊再切小小小塊...最後連最後一小小小小塊都唔俾埋我...好似小氣d..d腩肉就真係幾淋, 不過我覺得有好多地方都可以做到啦. 撈面....佢真係可以做到每條面都沾有豉油, 不過我就覺得好似無咩味道, 無咩特別啦....可能我唔太識欣賞.

i live in shau kei wan 5 years,湯底+麵+魚旦配合得極好, 如果剩食魚旦就隔離王林記好Ｄ...但王林記湯底同麵就唔得.........

素知這店在筲箕灣區頗具名氣, 我和老婆今天也成了慕名而來的座上客. 時間太概下午一時半, 等了五分鐘左右便有位, 雖坐得較迫, 但還可以接受. 招呼相當親切, 唔會一副出左名就唔休做咁o既款, 值得一讚.兩人分別叫了切腩河和魚蛋米, 切腩較韌, 但肉味濃郁, 湯底滲出了淡淡的牛肉香, 好味! 河粉接近透明,相當滑口. 魚蛋就比預期失望, 但請不要誤會, 質素絕對是中上, 有魚味而且彈牙, 但就是欠缺了一份驚喜, 可能期望太高了. 另值得一讚的是辣椒油, 香辣兼備.埋單$19 + $16, 尚算物有所值.

由細食到大~舊安記以前就真係好好味,不過e+冇以前咁好,同埋真係比一般貴小小~隔離o個間安躬利大排擋就食過一次(魚蛋河),咸左d~都係舊好食d~不過其實王林記係好d嫁!!!o係安利新鋪隔離之麻,安利未起佢已經o係度~!有d名人都去食or訪問ge~~

A.L　最後一天，當然要試試這間，無話可說－「抵佢發」片頭爽腩撈粗－撈粗反而是搶鏡，汁料均分佈於麵上，真的好味過公仔麵。片頭不是全部，只有一件，但剩食魚片，略嫌多些味精；爽腩，真的爽而有膠質，有些肥膏，懶理甚麼脂肪、膽固醇，難道零食唔肥？咁你又食calbxe？「我常在這街角上　守侯凝望　我懷著滿腔渴望　盼與你作心的探訪　步伐或會很匆忙　仍願意繼續回望...」已達標

聽個朋友話好正,味去試囉.同"蝦子餅"一齊去,2個人都叫魚旦粉,一碟油菜同2杯凍奶茶,魚旦係幾彈,不過就冇乜味,淡"卯卯",湯底又唔係好鮮味.油菜平凡不過,凍奶茶亦無驚喜(同大家樂差不多),噤就成70幾80蚊,重要等一陣又坐得好鬼死迫先至唔抵嘛,真失望.

安利大排檔買咖啡-正！本身星期二+三常常去筲箕灣一間愛美酷剪髮,但其筲簊灣有幾間安利,不過我只可以去安利大排檔買咖啡,好好味,個粗撈就一般,但是個湯幾多味精......,我最近係度睇食評話安利新店+舊店太過多味精,大家要留意下,服務一般而言, 太過等等等等等一路等等等<<<<<<<<<<<<<<>

星期六叫左個爽腩粗撈拎走(本身係叫爽腩坑腩各半，不過佢話只可以揀一樣，所以都係叫返爽腩)，果然塊塊都係爽腩，好好味！個粗撈就一般，覺得麵質硬身左少少。但個湯幾好飲，味唔淡又唔覺多味精！其實筲簊灣有幾間安利，大家去要留意下邊間。圖果間係舊店，而筲簊灣官小對開附近果間係新店，仲有一間係寫"安利大排檔"，我多數去舊店/ 新店，無試過安利大排檔，最近係度睇食評話係兩兄弟分開做我先知。所以，大家攪清楚去邊間啦。

夏天時去過安利大排檔，今天來這店比較一下。其實上一次是想來這店，但多人排隊便過對面鋪。一個人是很容易有位的呢，我一拿了飛便可直入。招牌切腩片頭撈粗($25) - 片頭只有一角其餘的是魚片(有少許搵笨之嫌)，味道略鹹而魚味不濃。切腩很瘦，本以為會很，食到牙較都軟，但居然瘦而不好有肉味又不羶。撈麵豉油好香，味道和份量適中，每條麵都沾到醬油但又不過多。相比下安利大排檔的撈麵就太鹹且有很多醬油剩餘在碗底。麵質很爽很有咬口，沒有鹼水味，十分不錯。但很奇怪，小頭吃完這些港式彈牙麵很易會胃痛！附的湯很好味，不像下了味精，我把湯都喝光了，之後可又不會口渴！見鄰座的男士叫了某部位的腩(不知是崩沙還是爽腩)，有條花膠狀白色筋黏著每塊腩肉，好像很肥美，下次也要試點。

安利的魚片頭的確唔錯, 不過我就覺得咸左少少。今次想分享係安利的鮮油多士。本來怕肥都敢食, 但人人都order一份, 唔食好似對自己唔住, 最多之後去跑步補數。另外招呼並沒有因為人客多而唔好, 個個都對客人有禮貌, 值得一讚。

呢度d片頭切腩撈粗的確係掂, 但係食碗粉要至少30元埋單, 未免有點過份, 完全食水深, 食過一次就算

之前都聽過呢間, d人話好好味, 又話d明星成日黎外賣, 所以就黎試下.叫左人人都話最出名既切腩片頭撈粗, 一食落口就覺得好咸, 之後個亞姐話下次可以叫少豉油.炸魚皮: 比起其他潮州鋪算係麻麻地可能太高期望, 所以有少少失望啦~

喱度真係好日都唔尼,咁o岩行完"龍脊",坐van仔就到,久仰大名,所以就算排長龍都要食.叫碗魚旦河,魚旦河有魚旦四粒及魚片三塊,其中一塊仲係魚片頭,真係超正,既有魚味,又有o個種炸香左o既味道.魚旦又係一流,爽口度適中,既唔會太彈牙又唔會太諗.湯底極鮮甜,全部飲晒.個人覺得比"謝記"還要好(可能"謝記"食得太多,哈哈).

本人認為lei間g e野食普普通通..只係出名..所以先有咁多人去食

又到這裡午膳，叫了：切腩片頭豉油撈粗－先上湯來，嚐了一口；初初好似有Ｄ咸，但嗒真其實係充滿牛肉肉味。跟住個麵，咬了一口牛腩，切腩雖然廋，但肉質完全唔，少少鬆軟又有口感；在口中咀嚼了一會，牛肉鮮味籠罩了整個口腔。片頭一貫好味彈牙，可惜只得一細塊，其他都係魚片。麵身仍然好咬口，加埋豉油香味真係無得彈。油菜－Ｄ芥蘭真係一般，最後悔就係唔記得叫佢走蠔油，事關呢到蠔油真係麻麻。呢到Ｄ牛腩真係好野，值得一再捧場。