宇治園 (已結業)

召喚一眾抹茶控！收到風傳說中既日本茶室殺到黎海港城，呢間老字號來自於大阪心齋橋既「宇治園」係當地已經接近有150年歷史，以煎茶、焙茶、抹茶做招牌，作為抹茶粉絲一定有殺錯無放過。而尖沙咀分店設有Café茶座，環境就似足日本座園咁，好有Feel！茶座旁邊仲有個小型外賣部，專賣抹茶雪糕同埋飲品！👇▪ 抹茶脆脆冰 - $70▫ 脆脆冰賣相一絕，先餵飽左部相機，原來佢係由白玉、紅豆、抹茶軟雪糕呢個華麗組合組成，雪糕用到既係北海道牛乳整成，而抹茶就係用石臼磨出黎既碾茶。茶味濃郁唔在講，仲有少少回甘味道。雪糕口感細膩，配合白玉既煙韌口感同埋紅豆既微甜蜜感覺，層次感豐富！▪ 宇治金時抹茶刨冰 - $78▫ 再黎就係雪白既刨冰表面上沾滿抹茶粉，附上一小酌既抹茶蜜、紅豆蓉、白玉丸子，外表就夠哂靚仔啦！成座冰山咁，有返咁上下份量，兩條友先食得哂。落埋抹茶蜜令整體增加濃甜度，食到最尾都唔怕佢冰溶哂而變淡。作為冰怪既朋友們呢個重點推薦呀！ ▪ 日本腐皮生茶麵 - $78 ▫ 為左照顧唔同香港人口味，店鋪除左甜仲有好多飽肚鹹食，好似以「生茶麵」為例，麵條選用京都出產既抹茶製成，口感好特別，麵質食落有種輕輕淡淡茶香

本身係去左美麗華去到竟然無啦啦裝修一天無開？？！所以就過左來雖然茶味略欠濃厚不過都唔錯之前去宇治冇見過佢既店原來佢係宇治搬左去大阪不過我地去左大阪咁多次都未去總店tim下次有時間去試下先得茶芥一人$10比起美麗華就唔值了不過比起酒樓就梗係抵啦哈哈茶唔夠香唔夠濃厚 呢個真係南部鐵器？好似我屋企個個仲好小小😅綠茶雪糕ok生茶jelly如果可以再濃點就好焙茶雪糕唔錯成個芭菲杯 滑 香 脆 既味道同口感都配合得好好撅餅賣晒好傷心...整體好味的😁👍🏻

第一次去食呢間（宇治園），都有驚喜。成間鋪都好有特色，作為綠茶控，佢地既綠茶產品有一定水準。叫左兩樣野，一個雜錦拼盤同邪惡窩夫。吳食綠茶雪糕都可以食牛奶雪糕（超滑），老少咸宜。邪惡窩夫好好味，同朱古力好夾，重點係綠茶雪糕，綠茶味好濃，下次再試要試杷夫。

雖然鋪頭係位於尖沙咀港威商場 但是自成一角嘅佢令人感覺去到好似真係嚟咗日本咁堂食係需要每人加$10茶位費 店員態度都唔錯即使飲晒一壼茶都會主動同你加水朋友叫咗個抹茶脆脆冰$70抹茶唔算話係好苦嗰隻幾易入口 配埋紅豆同埋白玉 食落去感覺好滿足另外亦都再叫咗一個宇治金時焙茶刨冰 $78🍧焙茶相較抹茶茶味係會比較濃 如果唔落抹茶蜜的話的確係會比較苦 加咗就會好入口好多 刨冰亦都會配上紅豆以及白玉 天氣炎熱嘅時候食 感覺會好清涼

過江龍抹茶店🍵—😋抹茶芭菲抹茶雪糕好滑，上面仲有抹茶粉，甜度適中，兩粒白玉好QQ, 梗係唔少得同抹茶絕配嘅紅豆，抹茶芭菲性價比好高！😋蕨餅蕨餅有三款味同三款醬，個人認為抹茶和焙茶茶味有點兒太重，唔加醬會帶澀。最中意黃豆粉加黑糖醬。—

次次行海港城都行到好攰，人勁多，商場又大，好似行極都行唔完咁。想搵間餐廳食下嘢，度度都有人排隊，於是見到呢間宇治園在商場的一角，獨有一番寧靜和悠閒的味道，便行入去稍作休息。入到去就有茶飲。（要收茶位費$10一人）我地兩個人叫咗一個鹿兒島產黑豚肉生茶麵同蕨餅。（每位客人最低消費一項食物或飲品）【鹿兒島產黑豚肉生茶麵】：麵係綠色嘅，黑豚肉無咩特別，肉質有少少鞋，湯底幾鮮甜。（評分：5/10）【蕨餅】上台就覺得好靚，有三款唔同味嘅蕨餅同三款醬，個人認為最喜歡嘅就係綠茶味嘅，幾香。D醬我就覺得太甜，我都係直接食，無點醬。口感幾似糯米糍，但又偏軟身。總括而言呢，間小店係幾好坐嘅，蕨餅都值得一試。如果行商場行攰咗，或者係綠茶控嘅話可以去試下。

我女友係個百份百綠茶控！ 黎緊同佢去日本京阪，佢負責搵野食，十日有九日都會去食綠茶甜品😅。 早兩日行海港城，見到依間宇治園！ 女友即時心心眼😍，好醒目既我知佢實話想試😌。 距離睇戲仲有少少時間，一於外賣杯綠茶芭菲俾佢過下口癮，信用卡付款仲有9折！ -葉子🍃形狀既曲奇餅幾香脆； 綠茶雪糕好甘香，茶味比奶味重。質感滑溜又唔算偏甜；配料有紅豆、煙韌丸子、脆脆等 食落口感有層次！ 女友食完心情靚靚，大熱天時都唔會發火啦🤗

在海港城見到這一間宇治抹茶甜品店，即刻入去試一試先！除咗甜品亦都有麵食！不過今次我哋都係入內試甜品！我們點了抹茶芭菲（$88）和三色蛋卷，分別有抹茶、培茶和芝麻味蛋卷！三款味道都不錯，個人喜歡培茶味蛋卷！每人茶位$10！培茶好好飲！茶壺亦好有日本風格！

作為一個焙茶控，行街路過雪糕店見到有焙茶雪糕都會忍唔住試下😂今次路過宇治園，見佢有個牌寫住日本食材認證，對佢有少許期望，結果…焙茶味欠奉，奶味重過焙茶味🤦🏻‍♀️但我想要嘅係焙茶雪糕，唔係奶味雪糕囉🤦🏻‍♀️唯一可以讚嘅係雪糕質地好滑😅雪糕底有幾片餅，本身應該係茶味嘅，但少少都食唔出有茶味，淨係得甜味🤦🏻‍♀️總括嚟講👎🏼失望🤦🏻‍♀️仲有職員態度非常…差👎🏼我order焙茶雪糕，佢俾牛奶雪糕俾我，整錯咗唔緊要，一句唔好意思都無唔緊要，但唔好黑我面好嘛？！

由細到大都對綠茶係0興趣，個時唔明點解啲女仔咁鐘意綠茶呢樣野。但當我係前年去過一次中村藤吉係宇治既本店後，徹底改變左我對綠茶既睇法，甚至令我既甜品口味轉變埋。有日行開海港城見到宇治園，就諗住試下搵唔搵得返個味道...綠茶味係有，雪糕都夠滑，只係佢無左個種茶香味。佢都係同係香港食到一般綠茶雪糕咁，濃濃綠茶粉開既雪糕味但無茶香味。不過，有得食一食頂一頂條癮都好過成日心思思呀係咪？ （講講下又好想即刻買機票飛去京都食呀！嗚呀！）

其實想食呢間好耐，但冇乜機會去，終於今日同朋友搵地方kill time果陣，就去咗呢度食Tea啦！我呢個抹茶控喺門口見到Menu果陣，一定係睇抹茶食品啦，本來想叫芭菲，但最後都叫咗另一樣嘢：抹茶脆脆杯我個人覺得個紅豆比雪糕更出色😬😬要等12-20分鐘，但味道不俗，只係年糕賣相有啲唔討好食抹茶食品，當然要飲抺茶啦！總合嚟講，我覺得「十」字果間好似抹茶味濃啲，但我相信有啲抹茶控不喜歡太濃味道，就可選擇這間！

不知不覺，高質些的軟雪糕一個都大約$40起步，消費很高，但又如果我仔真係想食，我又會順灘買，真矛盾！The Club冇百幾分31/3到期，所以我用250 club points兌換咗一個焙茶脆食！原來要成$55！不過造型整齊美觀，雪糕質重而滑，焙茶冇綠茶咁重帶苦，啱我！再加塊樹葉型餅，食完都好飽又満足！$55一個軟雪糕夠我食個午餐，有緣再吃

早年旅行是時即興地到過宇治，都幾鍾意當地那種寧靜悠閒，自始對宇治綠茶產品有一份情意結，但香港的價錢及環境，總是讓我卻步。是日假期，加上天氣轉熱，就寵自己一下，經過就毫不猶豫咁點了抹茶芭菲！$68，憑某一款個用卡有九折，叫做幫補一下啦！最頂的餅乾香翠，綠茶雪糕味道濃厚，中間的綠茶啫喱亦增添口感，紅豆好大粒，不會過甜，作為下午茶非常適合！😋😋沒有選擇堂食，因為假期唔想被人限住我地每人最少要食啲咩，最少食幾多咁，雖然企住食，但太好味，好快就食完了！

在海港城行街，看到這間像是高級的抹茶雪糕店便試一試，點了焙茶脆，$55都覺得貴，但是一接上手，看到那樹葉形的曲奇，很美喔！味道也很好，鬆脆，很香抹茶味，甜度適中，很可口。雪糕的抹茶味也十分濃郁，奶味很濃很香，也很夠凍，一流😋

海港城太大行到攰又未夠鐘食飯就揀咗間甜品坐但堂食貴過外賣嗌咗兩杯脆脆杯一杯抹茶一杯培茶好味就好味雪糕不外乎香滑濃但日式抹茶店喺香港已經開到成行成市其實每一間嘅味道 賣相 價錢 乃至鋪頭裝修 差別真係唔太大就睇吓抹茶呢個市場飽和得快啲定珍珠奶茶快啲