學利 (興華廣場) (已結業)

放假近近地同屋企人落學利食飯，天氣凍突然醒起個一人火煱，好耐之前食過個蕃茄湯配生麵好正嫁。學利起正興華商場下層角落，位置比較隱蔽，但勝在人流唔多，唔使等位，又無快餐店咁局促。老人要有米落肚，叫左兩個飯試下。✨日式豬軟骨飯（$49): 其實同日式就無咩關係，不過味道唔錯，d 肉好腍，但骨位就係食落爽口，大大件都有三舊。✨五香牛腩飯（$47): 呢個汁好惹味，我鍾意。牛腩牛筋夠晒腍同入味，鋪底仲有生菜，個汁撈飯超正。豬軟骨同牛腩比，我會㨂牛腩！一人火鍋出場，$70~不過唔包野飲。跟餐有一份菜，墨魚滑同兩款配料。 ✨墨魚滑唔錯幾彈口，特級魚蛋同水餃每款有三粒都算抵食。魚蛋係腍身得黎帶點彈口，大大粒脹卜卜，水餃亦足料味道唔錯。個蕃茄湯好濃蕃茄味，索晒落d 配料到，完全夠味唔使點豉油。其實佢呢個湯應該係平時常餐果個蕃茄薯仔湯黎，見佢有薯仔粒，紅蘿蔔，洋蔥等等，鍾意蕃茄可以試下。✨肥牛一份有3塊，雪花分佈都算均勻，yummy!✨未食過薯粉又試下先，滑嘟嘟又帶點煙韌，索晒蕃茄湯味，不過我都係覺得生麵好食d😜。三個人埋單每人大約60蚊，仲加左兩杯紅豆冰，唔收加一，柴灣區經濟抵食之選。不過之前試過粉麵

第一次同人講電話講到咁火,話說今日突然好想食學利個撈魚皮就坐車去買啦,叫左個麻辣撈魚皮架牛腩米線羅走,跟手坐的士返去慢慢睇電視食,返屋企點知打開個撈魚皮無汁既,得D 幾舊乾既魚皮,蔥同花生.OH NO...為左魚皮特登去買...結果無得食(因為無味的),跟住我就打番電話去學利同呀姐講佢講果D 係豉油你自己加番落去就OK,講多兩句就話一係你落黎羅番D 豉油,或者之後你再黎換其他野,仲話入左機無得退錢,話無辦法架啦.係咁架。重點係佢個態度真係好黑人憎我話我要坐車黎買,一心就諗住食依撈魚皮(其實我聽到佢叫我自己落去羅豉油我已經憤怒了),叫我得閒下次落去。其實你依家賣出去既野有問題我要退錢係好正常架喎,(依家食唔到所以我想退)呀姐仲同我講如果你去買衫都無得退錢啦!我即刻同佢講我賣衫既如果真係我地件貨有問題個客一定要退錢我一定退到比佢。咁佢個態度KEEP住差,仲係咁炮轟我唔比我講野,咁我就同佢講不如咁啦,我未食過D 野,依家羅番個撈魚皮同牛腩米線黎換個新架啦,我話我換得個撈魚皮,咁D米線都發漲晒啦,點知呀姐一下就講,無架喎!你依家黎我都只係會換個撈魚皮比你(我就係要一齊食我先羅晒落黎依家換)..

剛經過見到發現原來學利有一人火鍋，所以便試試。環境好，冷氣夠，坐位舒適，服務態度非常之有禮貌。我們兩個人叫左兩個套餐。第一份，肥牛都唔差，古法魚蛋夠彈牙，鳳城水餃都好好食，蟹籽墨魚滑正，娃娃菜，栗米，河粉。莞茜皮蛋湯底，夠足料第二個就是肥牛就唔知點解走左樣，比較韌，最慘連賣相都唔同左，有點怪。墨魚丸都好食，魚皮餃，都係蟹籽墨魚滑，生菜，河粉，個麻辣湯底都好正這個套餐價錢都算可以，份量都夠飽，不過如果要再增加就貴左點。而且加飲品又不太特價，但食火鍋無理由飲水，所以都要加錢飲不過火鍋品質不錯，我也會再去食，而且都比一些連鎖快餐店好食，所以都值得嘗試

難得今個星期六不用上班，就與媽咪來個短聚，行行公園，散散步，很快便過了一個悠閒的早上👍已多次光顧學利，仍能保持一貫水準鳳城水餃河粉 - 水餃算大粒，新鮮至專三寶河 - 有白魚蛋，橄欖形炸魚蛋，魚片等等，夠爽夠彈牙這2碗粉的湯夠熱，夠鮮甜，我估計是魚湯吧，若果湯的份量多一點會好些，因我一邊吃粉，一邊飲湯，湯很快給我喝完🙈另一精萃是蔥及蒜頭, 蔥是我的大愛，超新鮮，咬下時發出"爽爽"聲，好吃😋蒜頭炸得金金黃黃的😎有沒有人像我一樣這麼的重口味，要多蔥多蒜🙊還希望多湯😹

受他的招牌吸引便試下，第一次光顧這間粉麵店。我叫了牛肚河，賣相混亂，牛肚排列不均勻，牛腩湯沒有牛腩花椒八角味。河粉又幼又唔滑，像自己買的金邊粉，份量很多但很難食唔會再試～餐廳衛生情況欠佳

會主動幫忙而且非常的有禮貌服務一流而且店內的環境整潔空間大唔錯既一家餐廳價錢都唔係太貴打過一次邊勞70蚊左右食物質素都唔差低消費可以諗諗佢不過D芝心丸就麻麻地 唔建議揀呢樣食

星期二的中午餐，我地想食得清淡，雖說食得是福，但畢竟最近都食得頗油膩，加上近日很少去學利，於是那天便決定到這兒用膳。 雖說不想太油膩， 但我又拿不定主意，於是就點了招牌的炸墨魚丸河，並配了熱檸水。等了不久，炸墨魚丸河很快就新鮮的送上，我很欣賞炸墨魚丸和湯河是分開上的，這樣炸墨魚丸便不會因浸在湯內而變得唔脆，炸墨魚丸的份量十足，亦配上醬汁，醬汁的味道是甜甜的，配上炸墨魚丸，令其沒有想像中甘油膩， 而墨魚丸本身亦很新鮮彈牙， 沒有因炸過而奪走墨魚丸鮮味， 味道很好， 亦令原本平淡的湯河增添了不少色彩，湯河則是清湯底，配以蔥花和香蒜， 令河粉更香滑，湯河本身較淡，略嫌太淡，但是本身想食清淡點，故整體而言算是不俗，價錢亦很合理。

因為趕住去青年廣場睇表演，得半個鐘可以食晚餐，所以是但係附近搵食，見到呢間有麻辣火鍋好吸引，就食佢啦！湯底叫左小辣，都算幾易入口，又麻又辣幾好，不過食到後尾個湯大滾，就會開始辣到噴火。火鍋跟米線、牛肉、水魷魚、墨魚滑，用料算多同新鮮，特別係牛肉唔錯，唔會出哂血水，入口有肉味，埋單60蚊左右，抵食。

今日第一日去做yoga，又諗唔到食d咩~同男友黎呢間食個下午茶先出去~入到去都唔算太多人~男友叫左個奶油定唔知煉奶既西多士，好好味，可能個人都鐘意食甜野~我就叫左個鮮蝦雲吞河粉，個湯底好淡，好似冇味咁。。。，不過不失啦~

近年於香港新興的活動相信是行山了，一個有益身心，而又不需花費很多的活動，在社交媒體上難免會看到朋友們的相關分享照，於是自己也要參加一份。而運動過後的最佳活動當然就是吃啦，因為真的勞動過，所以吃得多一點心不會有罪惡感吧！而因時間關係，這次選擇了美味的下午茶餐。先來的厚多士很吸引，除了多士夠厚外，也有厚厚的牛油，味道很豐富。而多士脆得來也很鬆軟，很好。配上的火腿奄列也很足料，蛋味也很十足，只是略為油了少許。最後的紅豆冰尤其重要，這裡的紅豆冰不會太甜，紅豆也夠沙，最重要是服務夠好，在剛剛攪拌好之後，喝了一兩口便發覺冰塊不夠，口感不夠清涼，便要求加多一點冰塊。侍應二話不說便把冰塊加上，感覺尤如有一杯全新的紅豆冰一樣，感覺份外喜悅。

早餐A (HKD$24)扎肉米線味道一般, 湯較淡, 扎肉該經過味精處理, 米線夠滑牛油方包, 香腸, 午餐肉, 熱奶茶味道一般(跟一般街外的沒有分別), 感覺有些單調, 但自行一拼混合在扎肉米線一起吃, 會令米線有更多食料的感覺 (自得其樂)牛油方包如果是暖的會更有口味, 現在吃凍得來帶點乾熱奶茶味道OK, 帶點甘味, 夠熱, 但不尚算突出

今日同老公行下.. 睇下有咩好野食啦咁見到學利... 上次其實食過個一人火煱..係OK既..咁我唸入面既野唔會差得去邊啦好啦..入到去..其實D waiter同waitess冇咩問題.. 態度ok咁叫左2個常餐..一個雞中翼撈麵加喱汁另一個係雞扒加喱汁撈麵仲有多士同奄列同野飲tim..好啦.. 等左一陣.. 黎啦d野食..嗯?? 點解隻雞翼.. 一隻有芝麻係完整一隻雞中翼..另一隻... 變左種?? 得半隻?? 睇上去... 俾人食左一半??之後問個waitess....waitess: 係咁嫁.. 隻雞翼係咁嫁老公: 下? 得半隻?你同我問下之後個waitess 拎左隻雞翼入去..居然出黎個答案話.. 係咁嫁佢地話.. 入面全部雞翼都係得半隻.. 無全隻.!!!.之後我地心唸... 咁另一隻有芝麻係完整一隻雞中翼係咩黎?搞左一輪.. 見到d廚房人都好唔服氣最後都係俾番隻完整既雞中翼..but.. 凍既? 但佢既凍唔係放左係度好耐唔食果隻凍..佢係係雪櫃雪完就咁拎出黎俾我食果隻凍!!!!!!!!點做生意嫁? 之後同個waitess 講番件事.. 個經理都話唔好意思..仲話再送多隻俾我地

外賣了牛筋丸 & 古法炸魚角各4 兩 @$19 ($76/斤) 回家煮..牛筋丸普通SIZE, 大約有8 顆, 牛味雖然有, 但不及王林記好吃..亦不覺有混入果皮..炸魚角(約9 顆), 呈半3 角型..魚味OK, 算彈牙..2 者都是咸味濃了點..一般啦..

至尊三宝薯粉$41連熱飲 ... 魚味的確如其他食家所講咁輕, 不過質地就不是凍肉鋪賣的魚蛋般有混入水楊酸, 所以不會有咬落「嗦嗦」聲的質感。 魚片切得薄片, 無口感；炸過的三角形魚蛋就幾香口及有嚼勁的外皮, 幼身薯粉煮得剛好, 有彈性, 湯似乎有落味精。$41真係幾貴, 難怪環境清靜。

點解個標題係咁？因為小弟呢篇劣作係集合我幾次嘥錢經歷而嘔心瀝血寫成，係小弟特登去試食該店而肯定的『成果』。為咩？唔知喎，可能畀啲所謂食家及飲食雜誌揾笨得太多，希望其他人要信自己味覺啩首先成間鋪頗寬敞企理，表面嘅衛生程度頗佳，一讚打開餐牌選擇都好多，但價錢算貴，好食都無所謂，可惜事與願違個餐牌好巴閉，第一頁就有大大幅肥佬食神合照及大大隻字『食神推介』，係真唔係呀？！1)首先個湯底淡戌戌嘅，唔係魚湯，似豬骨湯；不過真係食唔出係咩湯，好嘢，另外杯茶走就OK啦，茶唔夠香個『食神推介』魚蛋實在唔明有幾好食幾馳名...係咸咸哋、彈彈哋但無咩魚味，但質感好假。我敢講喺街市賣嘅味精魚蛋都好食過佢，再敢講係全店最差嘅食品之一2)相比啲牛筋丸就好啲，起碼有淡淡牛肉味及果皮香，可算啱啱合格3)5月1日下午茶，凍檸茶毫無茶味，淡如水，差4)湯依然淡茂茂，連辣椒油都只係死辣，一啲都唔香，雲吞第一只食落頗香大地魚及芝蔴味，唔錯喎，好味吖但唔知點解，食到第三只時，啲大地魚及芝蔴香味已淡哂；不過一定好食過啲所謂馳名魚蛋囉