季季紅風味酒家

營業中

休息中

今次同公司同事飯聚當做節入屯門開餐 見藍地最出名係季季紅 當然試下隻有米豬 由於是做節食飯關係廢事諗食咩所以點左個10人套餐先黎個菜膽豬肺湯 清肺 止咳 下火湯 而湯渣見到有蝴蝶腩 我地太肚餓 所以連湯渣都清晒 呢類舊式湯特別好飲 好有家既感覺即烤有米豬 冇記錯係十幾周大乳豬仔 抬住原隻烤好既乳豬進場 我都不客氣 相機食先成隻烤豬切碎擺得靚靚豬形爬在飯面上 原來豬入面聞到碗飯 飯吸收晒隻烤豬既油香味 仲加左芋頭去炒 師傅切開一條條方便食用 隻豬無咩肥膏 有肉 有口感 咬落去唔會成口油 無肥膩感覺 之後叫小菜 西芹腰果蝦仁 西芹爽脆 腰果酥脆 蝦仁好新鮮

-因為我喺季季紅風味酒家買咗套票 （一套共3張）有優惠， 畀散賣嘅平好多。所以為返起來每隻有米豬都係五百蚊左右。 因為係take away 嘅關係，所以要預早一至兩日打定電話落訂。 會好窩心咁有個外賣袋包住，預埋把較剪畀大家剪。隻豬仔脹卜卜、好脆好脆！！ 剪開個肚喇！！ 入邊有好豐富嘅炒糯米。因為有乳豬嘅味包喺啲米入面， 超香吖 ~~ 一剪開乳豬仔嘅肚腩， 香味即時爆發曬出嚟呀！！超香！！__________地址：屯門藍地大街1號

前幾次係呢度買燒味外賣，都只係特別對佢既蔥油(咸到苦)作出意見。當然，作出咁多次意見後，依然係意見接受，態度照舊...但今次真係好無奈夾覺得離晒譜！ 離譜在都係叫返平時叫既叉雞飯，只係等既時候行開左去買其他野無望住佢斬姐，點知拎到返屋企開黎食時，我見到既係佢將一隻雞翼斬左開成六舊，我無睇錯～係一隻雞翼斬六舊，唔知係佢間鋪無曬雞，嗰隻係佢鋪頭既最後一隻定係我孤漏寡聞，如果咁樣做生意法，仲有邊個會去比錢去食！？

賣相個樣好得，但係......砂鍋鮑魚雞，ｄ雞仲係有冰鮮味，鮑魚無乜味！酥炸生蠔，侍應話ｄ蠔呢係由台山返黎，甘我諗相比起美國桶蠔真係細ｄ都ok，不過食落ｄ炸粉有件臭油味........梅菜扣肉，ｄ扣肉太厚又唔入味又咸，又硬，失敗！

由於好耐之前食過覺得相當唔錯，所以我們今日就特意去咗屯門藍地大街嘅「季季紅風味酒家」食晚飯！一開始我們當然叫咗呢度嘅招牌，原煲豬肺頂蝴蝶腩菜膽湯，但當時店員同我們講話啲湯已經賣晒，我們就諗著叫另一啲湯羹，點知隔咗唔夠一分鐘，另一個店員走出嚟同我們講話仲有湯，所以我們就叫咗嚟飲，點知一飲就覺得極之失望，因味道係淡而無味，感覺係唔夠數量，但為咗要賺多啲錢，所以就將剩返嗰煲「溝水」嚟賣多一煲，真係令到我們覺得非常失望同氣憤！枝竹烤原條鯉魚嘅鯉魚雖然都幾大條肥美，但味道係超級鹹，鹹到係完全無辦法食到！瑤柱勝瓜燜魚鰾一開始我們以為好似以前咁係用新鮮嘅魚鰾，但出嚟竟然變咗係炸過魚肚，而且有好濃烈嘅「油膱味」，真係超想嘔呀！本來已經食到成肚氣，諗著最尾食返碗糖水可以順返條氣，點知店員話要留返畀叫套餐嘅人客，我們唔係叫餐，所以無得食，另外坐喺我們隔離幾檯嘅人客都有問，店員都係話無，喺我們諗著以為真係無糖水食嗰陣，突然見到三至四個所謂係店內嘅高級職員攞咗共十碗糖水出嚟，大啖大啖咁食，其中一個仲要係一人食咗三至四碗，當時有好多檯曾經要求過要糖水嘅人客都見到，大家都感到極之氣憤！原來呢間酒家出品嘅糖水，唔係

又係年尾食團年飯 ，迎接新一年緊係要好意頭，於是同事就提起季季紅嘅有米乳香豬 。雖然屯門市、荃灣、沙田都有分店，不過要食最靚，就一定要去最隔涉藍地呢間。由於有米豬數量有限，所以一定要訂枱時留定。雖然即叫即燒要等成25分鐘，但成班同事吹吓水咁，好快就有得食。原隻BB豬好夠份量賣相好靚夠光澤皮脆肉嫩唔過韌，肥瘦適中，食落唔會成口油，然後發現就算怕肥嘅女同事們…食多幾舊都唔驚喎至於有米 ，裏面其實係芋頭蛋炒飯，炒得乾身，粒粒分明，加上乳豬喺燒嘅時候豬油慢慢滲入，更加突出炒飯香。

由於呢間元祖店的地址係咁多間中，最唔就腳的一間，位於屯門藍地。所以遲遲都未有機會去試，於是襯 2018元旦，就一家大細過去試試吧。我之前食過屯門店，荃灣店，及奧海城店（呢間已結業）之前幾間的感覺都係很一般的，同普通酒樓供應的出品沒有很大分別，所以停左一段時間幫襯。幸好“藍地”元祖店取回不少分數。要留意返，呢間似乎係以供應極早茶為主，晏左去（e.g.11:30後）會有好多點心都已經逐步暫停供應，例如叉燒腸，蒸飯等等，會出現“呢樣無果樣無”的情況，之後當然係準備夜市了。特別介紹返，我今日仲叫左“陳皮鴨腿湯飯”，好有兒時味道，湯底清甜不油膩（只係飯太多，下次要少飯）

今年8月生日的家人，新曆舊曆的加起來共有五人之多，慶生飯選擇一併慶祝，來個大熱鬧。經過一輪 篩選，中菜是定案，最後決定到屯門藍地大街，主打有米豬和風味小菜的酒家 - 季季紅。 酒家總店位於兩層高的平房內，老遠也看到鎂光燈映照的招牌菜，以及那若大的霓虹招牌，相信於市區較難找到這種風味吧。大門入口兩側一如其他酒家，一邊是掛著明爐燒味，而另一邊則是游水海鮮。內在環境除了紅色牆身跟硬件裝飾稍為添點氣氛外，基本上與普通的酒家格局無異。 週末晚的顧客挺多幾乎滿座，幸好早已訂檯，安排坐到樓上去，矮狹的樓底令食客的談話聲甚為吵耳，趟若喜歡熱鬧的，應該不會太介意這種喊破喉嚨的氛圍吧。 餐牌方面，多得實在有點眼花撩亂，看、選也要點時間，幾乎說得出的菜式也有於菜單上: 小炒、佐酒小食、海鮮、雞鴨、家常小菜，既有清淡亦有濃味，選擇夠多元化，價錢不貴而且不收加一。 跟普通的中菜酒樓一樣，有茶水前菜的收費: 酸菜 $5碟，茶介每位$6。等齊人、等上菜之時，小碟酸菜當然是大家滿足口慾的對像。 有米豬 $660每次到季季紅吃晚飯，定必要點上甚有喜慶風彩的全隻有米豬(其實之前又稱蝦禾米乳豬、生日豬等)

事關公司同事好想食，今年中秋提早做節入屯門開餐，會一會隻有米豬 由於是做節食飯關係廢事諗食咩所以點左個12人套餐 先黎個菜膽豬肺湯 清肺止咳 超正下火湯渣見到真系有蝴蝶腩去煲架，我地連湯渣都清晒碟 坊間新派餐館通常都系煲杏汁豬肺湯，少數煲呢類舊式湯，好有家既感覺 現烤有米豬 紅卜卜乳豬仔進場 姐姐抬住原隻烤好既乳豬進場，邊行邊叫嚷著相機食先，(一放底) 我地即時籠友上身咁樣系咁影呀~影呀~ 影完姐姐拎返入廚房切件 一個華麗轉身後， 炒飯鋪底，而成隻烤豬切碎擺得靚靚豬形爬在飯面上，造型超搞笑 先講講炒飯底，乾身唔油，但亦聞到碗飯吸收晒隻烤豬既油香味，仲加左少許芋頭碎去炒 perfect 而隻烤豬師傅將其切開一條條方便進食，最最最緊要系隻豬無咩肥膏，咬落去唔會成口油，完全無肥膩既感覺 西芹腰果蝦仁 可用3個脆來形容就是。。西芹爽脆 腰果酥脆 蝦仁鮮脆 蒜蓉粉絲蒸元貝 完全唔新鮮 差~差~差~ 清蒸雙喜沙巴魚 還可以 蒸得唔太老 季季紅貴妃雞 肉質都好嫩滑 加點一條油泡筍殼魚 外皮脆卜卜 魚肉嫩囗 好味 不過一定要襯熱食，凍左有d腥整體來講，成個餐系OK既。份量足，只系海鮮個PART

今次朋友生日要攪攪新意思，因為通常唔係打邊爐，西餐就係放題，諗左好耐，終於都諗到，不如今次就食有米豬啦，因為一直聽人講，好好食架，一定要試，所以今次就去呢一間，預早book左枱同豬😂，去到就入得啦，環境可以既，舊試茶樓咁，服務都可以，有米豬，真係好鬼大隻😂，d飯加左芋頭一齊炒，好好味，但略嫌隻豬太肥😂多到根本都食唔哂🤦🏻‍♀️，仲叫左一隻雞，但我想講，隻雞係完全食唔到，好靱，其他餸都係一般般，但唯獨隻豬真係好食，可以一試，我比4星，只係比隻豬😝溫馨提示，訂豬果時可以要求瘦啲😂😂

早前有親戚係內地黎香港，為左幫佢地洗塵，屋企人㨂左間有乳豬飯食嘅酒樓，小妹咁大個人都係第一次食全乳豬飯，聽講味道唔錯，真係未出發先興奮。餐廳位於屯門藍地，去到見到話係全港唯一石爐金豬，感覺應該幾好食。聽屋企人講呢隻豬好受歡迎，要預訂先有得食。係食之前，侍應會抬隻完整嘅豬出黎俾人影下相，厄下like先，之後先切件上。乳豬入面釀左d炒飯，我夾起乳豬件同d飯一齊食，乳豬皮好脆，但稍嫌多左d油，炒飯反而好好食，吸收晒乳豬嘅精華，好入味香口，不過兩樣一齊食感覺幾邪惡。我地仲叫左其他菜式。首推龍躉兩食，我地㨂左蒜蓉蒸同炒西蘭花。d龍躉塊食落好彈牙，又幼嫩。跟住就係黃金蝦，甘香嘅蛋黃沙包住隻大蝦，一啖咬落去，蝦殻好脆，蝦肉彈牙。連平時出街唔食蝦嘅我都食左兩隻。不過我對於呢個醉雞有點失望，因為肉質好硬身，又唔夠滑。呢個菜乾豬肺湯好足料，食得出好甜。

之前已聽過季季紅出名有米豬，係剛啱啱燒起嘅乳豬裏面放着一啲臘肉炒飯，好香，好惹味。飯粒粒分明，冇記錯仲有一些芋頭粒。乳豬外皮鬆脆，點上特製嘅乳豬醬，非常好味。不過其他餸菜就普普通通，但個有米豬就值得一試。

一家人一早訂左位...叫左隻豬..仲要有米ge..去到坐左陣就有得食...熱辣辣..香噴噴~上左隻豬之後店員會問我地影唔影相...影完就幫我地切開佢.嘩...入口脆卜卜..唔同平時果d硬骨骨ge脆.呢個脆係好鬆化.好香口~隻豬有d肥.但唔肥應該唔好味...飯溶入左豬油..更為香口..一家四口淨係叫隻豬都好飽飽洛~有機會真係要再黎食下~

🐷假日出外與友人飯聚慶生，友人愛吃壽包，即刻諗到去季季紅。季季紅分店有多間，最有風味的必是藍地總店。溫馨提示，乳豬飯是最搶手的，如要品嚐，記得訂位前預訂。 除了為乳豬慕名而來，白菜豬肺湯依然是我的最愛，一大煲足夠四人份量，濃味又不油膩，最適合我這種沒有時間煲湯的人。白菜豬肺湯，不太油膩金銀旦波菜，清清地燒肉併燒鵝，燒肉皮脆卜卜帶子桂花蚌西蘭花砵仔焗蠔，蠔比想像中大隻今晚主角，壽包，熱騰騰的總括來說，一家大小，家庭聚餐，飯聚慶生又想到新界走走，這裡是不錯的選擇，經濟之選。

作為家父飯堂，佢自己黎得多時，同朋友食飯好多時都會黎，今日個飯局佢又揀左黎呢度... .佢分兩個時段，約左食早段，6:15就坐低左～ 其他座位都已經坐滿七八成....大家都冇特別食物唔食，咁東道主就拍版揀餸～ .首先係例湯（一開始冇影到相）係豬肺頂蝴蝶腩燉菜膽湯～ 成煲瓦煲上，飲到最尾都仲暖暖的， $68真係抵飲。.金豬燒腩～ 夠咸香，但略嫌個皮唔夠鬆化。.海皇什菜煲：足料～.大勝雞，熟度啱啱好，古式做法，但略嫌有一點點鹹～.椒絲腐乳通菜炒牛肉～ 足料，唔會話得一塊牛肉。.冰梅醬烤骨～ 味道可以，但今次炸得過火.... 減分..仲有叫左香煎蓮藕餅，亦係本人覺得最好食嘅一個餸... 但唔記得左影相.甜品係壽包～ 好味，皮薄蓮蓉靚～ 唔會太多蛋黃（利申：本人不喜歡蛋黃）.家父話而家水準已經差左，我覺得除左鹹左少少之外都ok 嘅～ .