媽媽象泰菜屋

營業中

休息中

荃豐連環幾個小商場，一個接一個，小店多羅羅，久唔久又發現新嘢，最近路過才知舊店轉左手，這個舖位，記憶中已轉左手幾次，幾次都是泰國小店外賣，每次都是不同的泰味，今次店名”媽媽泰” ，相信是泰國媽媽的味道吧！這裡有個小妹比較地道，說得一口流利廣東話，吃過一次中午，今次決定試試晚餐。店舖門前有一個大牌，寫著外賣熱線，由於想拎海鮮過來加工，所以如果預早安排，可以預先致電通知。今次筆者就安排了花甲和蝦，任由泰媽媽主理。泰式炒花甲~九層㙮、香茅、洋蔥，配搭相當惹味，和啤酒簡直是最佳拍擋，醬汁香而不辣，就啱晒好似筆者不嗜辣之人士，最後筆者將所有配菜吃掉得一乾二淨。泰媽媽蝦蝦笑~依個是筆者加工海鮮，任由泰媽媽處置，所以這道菜色，就是筆者替這菜式命名，因為任由㕑子作主，加入南薑、香茅，檸檬葉，簡單的焯法，伴上泰式辣醬汁，就是吃得原本的鮮味 ，簡單又好吃。柚子沙律~吃泰菜，筆者喜歡點柚子沙律多過炒什菜，筆者覺得更柚子更能去除油膩感。另外還有木瓜沙律，好辣之人會喜歡。泰式燒馬友~燒魚系列，當晚有幾個選擇:烏頭、倉魚、馬友，最後筆者選了馬友。食店有一個燒爐，所以每每燒魚需時，要比多少少時間等候，但也值得，因為

支持本地小店&正宗泰國人主理食店🤫見午餐幾抵食，所以叫咗個香葉肉碎煎蛋飯外賣，點知做嘢忙遲咗要等到晚餐先食得，點知叮返熱都仲係超好食！好香香葉味配埋辣肉碎加飯食真係一流，另外之前都試過食海南雞飯同青咖喱雞肉飯都係超級好味！因為我怕辣🫣所以專登叫泰媽媽幫我整少辣，食得好惹味又好味，喺香港食到咁正宗嘅泰菜超開心🥰超級推薦，大家要去試吓，可能夏天坐出邊就會比較熱，可以問吓泰媽媽叫佢開啲枱喺入邊就會食得舒服啲啦～十卜十卜

我好鍾意食泰國菜，成日都搵唔到啱心水嘅餐廳，要知道而家啲泰國餐廳周街都係，好多成碟嘢要成百蚊咁貴！仲要啲嘢食又唔得！😤最近終於搵到一間隱世小店，間嘢價錢好合理！啲餸全部都幾抵食，仲要啲味道超正宗！🤤最抵讚係我叫外賣嗰陣真係好快有得攞，啲餸仲要好好包裝，就算嗌咗好多嘢都冇漏汁！個老細仲要好nice！🙌真心覺得呢間嘢值得大家試下，間嘢真係好正！我諗住搵日約埋班fd一齊去食，等佢哋都知道呢間平靚正嘅餐廳！！feel到老闆好有heart！希望餐廳堅持做到落去！

泰菜小店，打風搵野食無意中見到，見佢餐牌有一樣「事頭婆幫我諗食咩飯」咁得意，就試一試。叫左3樣野食：1. 「事頭婆幫我諗食咩飯」我估係次次唔同，今次嚟嘅係泰式豬頸肉飯，頸頸肉數量多，肉質新鮮，厚薄適中，味道幾好，咸甜適中，仲有d豆角一齊炒，送飯一流，盲盒期待值同味道成正比。2. 「泰式炒飯」揀左雞肉，冇雪味，又唔會完全冇味，肉質軟嫩，飯炒得乾身，調味適中，好食。3. 「船麵」揀左牛肉，有牛丸、肥牛、牛腩、炸豬皮，牛丸肉味濃，好好味，有驚喜。湯底夠晒濃，略嫌就咁飲湯咸啲咁dur dur，但配麵食係冇咩問題，唔會覺得過咸，而且味度好，我都仲係忍唔住飲多幾啖湯。三樣野食都對辦，相信其他野食都唔差。除左事頭婆飯有噱頭外，menu仲有其他得意野，呢d小店買少見少，值得繼續支持。