媽咪雞蛋仔 (已結業)

哩間雞蛋仔原來喺深水埗開左間，喺正囍囍斜對面，本身唸住試下原味，但聽到前面嗰個幾個都叫芝士，咁就叫左芝士味雞蛋仔，收銀推左個鮮榨檸茶比我試下，好啦唸唸下都叫左，仲可以減$4, 無啦啦洗左$42,😱😱， 比完錢都有D肉赤，人多，要等10分鐘，攞到手熱，快快脆脆影相先，個型都幾靚，望落去都見到芝士，側邊又有D溶溶地既芝士，食落好脆身，好香芝士味，每粒都有芝士，好包滿，但又唔覺得好漏。加埋杯檸茶，好refreshing, 杯野細細杯，好就好在佢無冰，否則都唔使有幾多啖，但杯野有檸檬溶，酸酸甜甜可以解番芝士，就係咁唔覺唔覺就食晒，有下次

去完西九龍食野，行行下，見到連續三年米芝連的媽咪雞蛋仔，口痕又想試下🤤🤤🤤🤤一般的價位都是$30左右，佢仲有飲品，大概$25左右，飲品有點嫌貴，又是介口唔飲凍飲，所以最後都係買雞蛋🥚仔食。佢有好多款口味，個個都好似好吸引咁🤤🤤最後苦惱一陣，揀左黃金雞蛋仔！$30！！價錢係雞蛋仔黎講係偏貴，但都試下，等左大概8分鐘左右，就有喇！一拎起就好香既雞蛋仔味！仲有蛋黃香！！食落口，每個雞蛋仔都有蛋黃碎，唔怪之得咁香喇！真係幾好味！入口唔會太肥既感覺，香之餘，雞蛋仔都脆既👍🏽👍🏽👍🏽👍🏽推薦呀！

食完個午餐唔夠喉，係深水埗覓食見到媽咪雞蛋仔既分店，問落先知佢岩岩開左一個月左右，就一於試下呢間分店水準如何～我嗌左個新款：黃金雞蛋仔，用蛋黃做主要既味道，比其他款都會貴少少～ 之前靜係聽過朋友話個間低調高手雞蛋仔都出左呢款，等我試埋個間就可以比拼下呢款好似要等耐啲，大概八、九分鐘就有。望落真係比平時既雞蛋仔再黃啲橙啲，聞落就好香咸蛋黃味。不過咬落外層唔係好脆，而個心就真係見到咸蛋黃係入面，食落粒粒都好夠味！舖頭對出有個大垃圾桶，專俾媽咪雞蛋仔既人掉垃圾，不過講真都無乜人會即場企係到食哂先走既🤣

我諗要係香港揀一樣最有特色嘅食物 其中一樣一定係雞蛋仔啦 因為好似係香港嘅雞蛋仔先整得好食 前有試過係英國都有買過黎食 係因為home sick🤣但係都食唔返香港嗰種味道而媽咪雞蛋仔一定係雞蛋仔界別之首今日經過深水埗 先見到原來深水埗都開咗媽咪雞蛋仔 好似franchise 左之後就周圍都有🤣🤣今次就買咗黃金雞蛋仔 黃金雞蛋仔其實就係鹹蛋黃 食落去感覺有啲似流沙包 同埋嗰啲奶黃月餅咁但係就有種外脆內軟的感覺 咬開咗之後就會發現有啲鹹蛋黃粒係入邊 而且佢仲keep到一半空氣一半麵粉嘅狀態 所以就算去到分店都可以食到一樣嘅味😛

今晚行過深水埗成11點，見到呢間未收工就試下啦，見到好多人叫香蕉朱古力，我本身好鐘意食香蕉，但我唔想淋晒一pat野咁，唯有口多多問下個店員，佢話真係用香蕉放入去，唔係粉漿來，咁就試下叫個香蕉朱古力雞蛋仔試下，外脆內軟好食呀！真係幾好食渦，望落好似唔覺有香蕉，但咬開就見到有喇，加埋朱古力岩晒宵夜做甜品，唔怪得咁夜都咁多人叫啦，值得推介，店員推介我飲鮮榨檸檬茶，不過我之前去左７仔買野飲，為有下次試啦！

深水埗開左間新雞蛋仔，之前喺網上見到有人介紹過紫薯雞蛋仔，之前去過尖沙咀，太多人無機會，深水埗哩頭平既雞蛋仔店有，但好似無咩好味道既雞蛋仔，行開就試下，本身想試下其他味，但太多選擇最後唸住都係先叫原味, 唔算太多人，大約等左8分鐘，拿上手仲熱辣辣，不過可能因為太脆，影相嗰時已經比我整爛左，哈哈，我本身唔鐘意食入面空嗰D, 鐘意食粒粒飽滿既，佢做到，食落入面軟林林，外面脆, $16太貴，下次可以比多少少錢試下其他味

深水埗福榮街新開了媽咪雞蛋仔 ，之前已經想食很久，但自從拿了米芝蓮後，人龍太長次次都沒有時間排隊。 見新開張不用排隊，立即買幾款試下！紫薯番薯雞蛋仔（$28） 超推薦，每粒都有紫薯加番薯，既有紫薯香，又食到番薯甜。平時單食紫薯可能會覺漏濟，但加了番薯反而起到中和作用，兩者非常配合。 可惜紫薯番薯口味是期間限定，去到3月尾就完，想試就要快了。黃金雞蛋仔（$30） 另一媽咪雞蛋仔獨創口味，主角是鹹蛋黃！不得不讚餡料確實足料飽滿，每啖都有甘香蛋黃，鹹香十足，不過開頭不太脆口，店員聽到之後就主動表示可吹至脆口，服務很好！麻辣肉鬆雞蛋仔（$25） 這款只有幾間分店有售，朋友見配搭新奇又買了一底試下，可選辣度：大中小辣BB辣，我選了小辣，但仍然好辣呀！肉鬆原來和雞蛋仔都一樣配合，每粒都塞滿餡料，口感豐富。現在買仼何食物都可以-$4配飲品，貪得意買了紫薯牛乳。飲品有濃郁的紫薯天然香甜，甜度剛好，而且還有紫薯蓉，加添口感！

深水埗新開分店，未有open rice , 我搵最近果間！叫左「店長推薦」既抹茶紅豆，一接上手，凍既！咁我等左成三個字為乜！心中已諗除非佢好食到曉飛，如果唔係凍既雞蛋仔唔會好食。結果如想像中失望，只係賣派頭。入手份量比一般雞蛋仔重一倍，但調味不佳只是途添罪受。脆度可以，但抹茶粉不知是品種還是沒搞暈，上下兩部分不同味道和濃度。紅豆偏硬，沒有和抹茶味道合上。米芝連⋯⋯都係唔好信鬼佬對甜品的味覺為佳。另外服務店員的態度是非常之好。