娜多歐陸餐廳 (已結業)

自從，將軍澳多左好多豪宅附近食肆都變得昂貴好多連鎖式貴野將軍澳廣場的食肆價錢相對合理d因此明明係將軍澳中心見客都特登行過黎將軍澳廣場食飯坐低叫左午市套餐，叫左雞翼鴨胸滑蛋蕃茄湯螺絲粉（$52）還有其他，例如吉列豬扒，牛扒，豬頸肉，選擇都算多另可加$18小食見餐廳都推介蕃茄湯，抱有頗高期望滑蛋幾好，但個蕃茄湯偏酸螺絲粉份量夠女仔食，男仔恐怕唔夠雞翼一般鴨胸都幾厚切順帶一提，這邊服務熊度一般整體黎講，都乎合西式快餐水平不過好似加左價，冇之前禁抵食

年幾無嚟呢間餐廳，水準都係差唔多，價錢大眾化，假期客人都幾多，出餐都好快，可能我哋嚟嗰陣啱啱午巿開始，四位都唔使等位。我哋叫咗一個二人餐，一個小食，兩個套餐，質素都可以，個人認為卡邦尼意粉同美式炸雞最好味。午餐餐牌食物無湯，價錢平$10。美式炸雞，熱辣辣，炸得啱啱好，雞肉一啲都唔鞋，而且好抵。愛爾蘭芝味醬瘋薯，比較薄同乾，都唔錯。特濃忌廉芝士汁卡邦尼意粉，個汁幾重料，夠濃，又好味。芝士達人薄餅，餅底對我嚟講太乾，芝士亦唔多。白汁菠菜芝士吉列魚柳飯，都可以，無驚喜。娜多雜扒配薯菜，有雞扒，煙肉，法蘭克福腸，煙肉，味道一般，薯菜好似炸咗好耐，唔熱仲軟淋，蕃茄係生嘅加少少溶咗嘅芝士喺上面，豬扒最好，唔會醃到無晒豬嘅質感，但又唔會鞋同韌。

Boxing Day行開將軍澳唔知食咩好，想平平地食吓意粉同pizza🍕，就去La Dolce Italiana 睇吓多唔多人啦，點知唔駛等位即入。今日Boxing Day 依然有平日嘅二人餐，當然亦有聖誕節日餐啦⋯⋯我揀咗平日嘅二人餐🤭二人餐好抵食，基本唔加其他嘢只係$138，另要加一。餐湯加$3就有啦，不過不失呀⋯⋯抵🤪香辣鷄翼原先係唔辣嘅，要辣可以加泰式辣醬，咁都幾好呀，唔好辣嘅朋友可以唔辣，食辣嘅可以辣...得咗😄意粉話特濃，但係冇咩味，卡邦尼味係唔夠嘅，基本比較淡口😌煙三文魚🍕唔算大件，但夠食嘅，夠脆。凍檸茶茶底都唔錯👌，凍飲加$3環境都企理乾淨☺️埋單$161，以哩個價又坐得舒服，唔錯㗎！

嗌左個二人餐，估唔到份量都幾多😍😍😍😍二人餐(午餐) $138薄餅 芝士達人薄餅🧀🍕焗飯/意粉 菠菜忌廉汁芝士焗魚柳飯🥘小食 煙肉沙律🥓🥗餐飲x2☕️▪️份量多，食物質素唔錯，不過冇乜驚喜。Pizza餅底有彈性，煙煙韌韌係唔錯既🤙🏽但味道真係normal😂 蕃茄味蓋過左芝士味🤕但魚柳炸得好香脆，亦好juicy‼️😍但飯底就淋左啲沙徤正正常常😂😂😂😂😂蔬果都新鮮既！🤙🏽🤙🏽

十年都唔會入黎將軍澳，估唔到有咁多野食，經過將軍澳廣場見到這間餐廳不太多人排隊，望一望個餐牌竟然不算太貴，二人餐只是$138，就拎飛，等左大約十分鐘就有位，內裡裝修簡約，檯與檯之間不算太迫，我覺得很合適一大班朋友聚會，又不會太嘈，二人竟然給了一張四人檯，很闊落，值得一讚。美式炸雞 - 夠熱，沙拉醬汁正焗豬扒飯 - 略微沒有味，淡了點，豬扒落了香矛，怪怪的Pizza - 不過不失總結：西餐來說這價錢算是很底食，但侍應應該要主動一點，二人餐要分食落檯連分食碟都唔比。

嚟到餐廳唔想諗，見到menu最面頭係二人餐，就揀咗呢個先嚟嘅係小食：美式炸雞配千島醬啲炸雞都幾大粒嘅，新鮮炸好算係幾香脆，入面嘅雞肉夠雪白，點埋千島醬幾夾黑椒汁鮮蘆筍焗豬頸肉飯鮮蘆筍其實得一條，切開嘅，相反入面嘅豬頸肉反而幾多黑椒汁嘅濃厚度啱啱好，加埋芝士配飯食一流豬頸肉唔太油膩，用蘆筍中和，呢個配搭幾清新pizza我哋揀咗夏威夷有莎樂美，普通香腸，但食唔到有德國腸啲菠蘿粒細到差啲睇唔到，分分鐘食咗落肚都唔知pizza toppings份量較少，食落唔夠味，如果落多啲配料/調味更佳整體嚟講嘢食都幾好食，特別係個焗飯，不過pizza就麻麻，唔推介

叫咗兩份晚餐，一份豬頸肉蕃茄湯及咖哩雞扒飯，意粉味道還可以，但湯底都係用蕃茄膏做， $56 碟飯咖喱味道算農，但個白飯就半熟，所以白飯好難食，份量太少，塊雞扒得3分一咁多，如果份量有得多些就會好 d

星期六中午時間去食，見到人都多，所以試下佢有個二人餐menu，有pizza，意粉/飯，小食，包埋兩杯飲品，$138，好似幾抵咁，所以叫左二人餐試下點知食物質素真係好唔掂，真係食茶餐廳好過焗豬扒飯豬扒得薄薄既一塊菠蘿，蕃茄明顯求其加上去，無焗過飯焗到又乾又硬夏威夷至尊薄餅比起pizza hut都爭勁勁遠，仲差過面包鋪既pizza包，但都好食過佢既焗豬扒飯意式雞翼其實雞翼都好難唔好食，但佢炸到油到爆，勁厚既一層油飲品叫左熱咖啡，差過快餐店既即磨咖啡總括黎講，無下次。

今天和媽媽來吃下午茶。下午茶餐價錢很便宜。另外也點了pizza.首先來的是番茄湯火腿絲螺絲粉，味道還可以，不過番茄湯如果再多點番茄，再酸少少應該會更好吃。跟餐配了扒芝士火腿三文治，芝士很香滑，三文治的包是用穀麥包，較有營養，食落口感也不錯。餐飲選了熱奶茶，不過沒什麼特別。另外點了夏威夷至尊薄餅，裡面有香腸，火腿，菠蘿和芝士。芝士幾香滑，幾好食，菠蘿是用新鮮菠蘿，不是罐頭那種，挺好吃，不過就是菠蘿放得太少了，令到整個pizza主要都是咸味。埋單2個人吃才92元，不用加一，非常抵食。

將軍澳食肆多，但價格普遍較高，這間餐廳價格實惠之餘，食物質素不錯，環境也舒適。這次點了一個蕃茄滑蛋濃湯螺絲粉配黑椒香草雞扒($48)，和一個小食：美式肉醬芝士焗薯皮($18)。螺絲粉湯底蕃茄味濃郁不油膩，味道微酸帶甜，口感順滑不澀，滑蛋份量大而且十分嫩滑。雞扒皮脆肉嫩，黑椒味香濃惹味，又不會過辣，味道適中。美式肉醬芝士焗薯皮的蕃茄肉醬酸甜開胃，肉碎鹹而香，芝士焗後金黃香脆，芝士味香濃不膩，薯角外脆內軟，兩者搭配一起真令人吃不停。

真係勁難得，平常去邊都帶住仔仔。本來今日都有預仔仔一齊晚飯的，但朋友話想買衫，咁就安排仔仔去婆婆家好了；因為朋友買衫，仔仔點都會悶既，唔同陪我買衫，睇下我既又睇下佢既。不過朋友因為忽然要OT，少左好多時間揀食乜同行街呢。最後當然又係搵間唔駛點等，好快有位既餐廳啦。娜多，以前我家樓下都有一般般啦，但點都比泰巷好食岩口味（泰巷同娜多同麻酸樂都係同一個集團啦）。滿座，但只係等一張枱，所以等。大約5-10分鐘左右就可以入座啦。2個人坐4座卡位呢真係揀得岩，坐得舒服。係等既期間同朋友已經揀好左食乜啦。落完單，好快就有飲品啦，凍檸茶，不過飲品黎左之後，就等左勁耐先有野食囉。我估通粉果D應該唔駛點整，係2個吉列所以要等咁耐。依個蕃茄螺絲粉個湯又真係幾好味，朋友完全食晒，一滴都冇淨。吉列魚柳同豬扒，冇乜唔妥，香口野，實好味嘛。如果咁都整得唔好味，間餐廳都真係摺得啦。一個餐先58蚊加凍飲再加埋一先67蚊。係香港黎講一個Dinner咁既價錢，抵啦，食個麥記都起碼30蚊啦，重要自己拎自己搵位。依度有人服務喎。會唔會再去呢，講真，雖然唔差，但又真係未必...因為又真係有好多其他好食的，依間可能只係下次諗唔到食

TKO 區食肆選擇多，但如果要選擇價格實惠、地方舒適的西餐廳比較少！我喜歡這裡，晚餐多款式，適合不同人士，尤其是小朋友，通常會食Pizza 🍕晚餐只是五十幾至六十幾，已經有湯+主菜+Drink🍵☕️（快餐店的價錢也差不多，但要自己排隊去買票、取餐）！放工咁疲勞，當然希望有送餐服務！是日餐湯🥣是周打魚湯，份量適中，味道也不錯！其中一份晚餐是磨菇燒汁焗板煎雞扒飯，看似size很少，其實十分足夠而且多汁，雞肉又嫩滑另一份晚餐是吃西冷薄牛扒配白汁碎蛋沙律及意式麵包，份量比想像中少，而配菜不太吸引，幸好牛扒尚不錯！

星期六下晝嘅時候，我同女朋友喺附近嘅圖書館睇書，睇到大概三點鐘嘅時候就搵吓附近有冇好嘢食。見到呢間餐廳裝修都唔錯，又唔使排隊，所以就入咗去食個下午茶。入到去嘅時候，食物嘅選擇其實都好大路，都係得個幾種下午茶嘅選擇。因為我哋都唔算係太肚餓，所以就揀咗公司三文治，可以share嚟食，同埋叫左一杯熱華田飲。可能因為下午茶唔算太多人嘅關係，所以送菜時間都非常之快，食物質素都係咁上下，正正常常嘅一個公司三文治，價錢就大概40幾蚊左右，都算正常嘅。

今日又去到將軍澳娜多餐廳食下午茶，平時夜晚都好多人排隊，唯獨今日啲冇乜人排隊，於是就入去食啦❤️佢嘅下午茶選擇都幾多，而且價錢都非常公道。我哋叫咗個＄46嘅公司三文治，由於都幾大份嘅關係我哋兩個人share一份。首先佢嘅薯條都非常值得一讚，三文治嘅份量就比預期中少，每件三文治都相對比較細份，但餡料都好足夠。但麵包皮就略嫌硬左少少，同埋上菜嘅時候唔夠熱，好似凍左咁。但整體而言都幾好坐，環境唔錯，所以不過不失吧！

將軍澳商場越來越多餐廳，但最弊係間間價錢都好貴，閑閑地都要過百蚊一餐。有時想食個下午茶，平平地都唔知去邊。最近經過見到間餐廳成日都好多人排隊，裝修都幾企理，於是就去試吓啦。 睇吓個餐牌都覺得價錢非常吸引， ＄40左右就有個下午茶，選擇都好多。同男朋友叫咗個pizza ,同埋叫咗一份迷你burger。迷你burger上菜嘅時候真係非常驚喜，首先賣相已經好靚。而且有三個迷你burger，每個口味都唔同，一次過滿足三個願望，味道亦都非常好，再送埋餐飲，實在非常滿意。Pizza就中規中矩，分量同味道都唔錯。總括而言，性價比高，食物質素高，以後一定會再來！