威記飯店 (已結業)

同朋友黎到油麻地咁當然要食煲仔飯啦!因為以前有個朋友住係廟街,所以我可以講成個廟街d食市我都食過晒.呢間d蠔餅最香口, 多唔多蠔就要睇彩數.3個人叫左排骨蠟腸同白鱔煲仔飯, 細蠔餅, 抄通菜.蠔餅 不過彩數麻麻上次都ok多今次就少...今次d飯岩岩好啦! 上次可能人多d飯太水.2個朋友都唔食飯焦真係岩晒!我食晒! 好在今次唔係濃晒,所以大多數飯焦都可以食! good!不過個通菜真係唔得. 都係叫返西蘭花好d.睇在蠔餅份上比個笑啦!

食煲仔飯好像是每年的一個習慣這次當然有叫了首先是北菇雞飯，雞都幾滑，飯好過之前另一個臘腸排骨飯，無試到的另外的小菜有蠔餅，比之前出色，主要是大分了，叫了兩個大的，果然唔失望，油不算太多，但是最炸粉多了點蝦醬通菜的菜有點太老了，但是都因為喜歡菜就食了不少金菇肥牛煲就麻麻地了，牛不多，整個煲太濕了豆腐火腩大鱔煲好味，d鱔幾鮮味，豆腐都大大塊，抵下有菜霸王雞一點都唔霸王，肥糕太多juju雞煲就正常，但是沒有了其他店有的雞腎賴尿蝦無肉，味不夠，幾差椒鹽豆腐就熱辣辣，外脆內軟的炸大腸都正常的

年寒地凍下，又是吃煲仔飯的好時刻，撞正過週末之下，有的是時間， 心思就放在棄權數載的廟街之下，去到後果然人頭湧湧，其中霸著數間舖位的「興記」，更出現要排隊等位的局面，不想付上那麼重的代價，見隔離的威記還有位，找到坐下便算。說真的，廟街的煲仔飯，除了標謗用炭火煲製外（說真只是部份工序），絕不是最高的水平，勝在那人頭湧湧的風情，來得這裡，除了煲仔飯外，其地道的炸蠔餅也是人氣之選，趁熱快吃，口感尚算香脆，入面蠔仔甚多，配合辣醬魚露同吃，當立雜小吃是不錯的，和正宗的潮式蛋烙是另一回事了。一煲臘腸雞飯，打開蓋後再淋了少許醬油焗多一會，以廿一元的價錢，自然不能期望太高。飯身尚算爽口，但飯香欠奉，東莞臘腸一條，只是二至三線的來貨，再加上無味雞件數件，除了一身火暖之外，吃得不甚滋味。價錢不貴，只是在口味和眼界擴闊之下，已尋不回當年的感覺。話說回來，有好事或抹黑之徒，說用到腳來洗米，這點倒值得商確，關於廟街出事的個案實在又不多，如對味道有要求的話，選擇也實在不少。

2009年10月30日，20:50南下極想吃煲仔飯，但被四季人龍嚇怕，興記亦一樣光境。便一試這邊緣小店，這店供應各式風味小炒和煲仔飯。要了白鱔飯，竟瞬間即到幸好豉椒白鱔夠香鮮，飯粒的口感比四季和興記差。但要讚的是那飯焦，極難對付。最終進茶水，才一親芳澤。齒香久久不散。總括來說是成正價比，笑臉不可少。

本人今晚與朋友Shopping後，途經廟街，因個Friend話去廟街吃煲仔飯，此店的位置較為開楊，所以就在此店吃晚餐╴order了滑雞飯及蠔餅(外賣)。D飯不久一分鐘便送出來，心想肯定預先整好的，沒有煲仔飯應有的飯焦的香味，蠔餅更差，粉漿太厚，好像把粉團放落口，一粒蠔也吃不到，雖然是廿蚊，但都不要太離譜，個豆辦醬仲差，鹹到死，食左無腎病都變有，此店應要學下咩叫低鹽新煮意。

老友相聚,四個人叫了:煎蠔餅(大)$40 - 即叫即煎,新鮮滾熱辣,脆而不油,水準中上.椒鹽賴尿蝦$40 - 蝦太細隻,又無膏,差小少.豉椒炒蜆$40 - 用沙白蜆,幾大碟,上兩層的完全沒有沙,但有四份一沒熟,未開口.炒田螺$22 - 預製貨色,田螺有味,但稍"un",要很用牙力咀嚼.(炒蜆和炒田螺都是一樣:廚房即炒$40,預製翻熱$22.)蒜茸菜芯$22 - 菜不新鮮,有老菜葉冇摘,食落有渣.田雞粥$18 - 幾隻田雞腿,一人一碗夠分有餘.排骨煲仔飯$18 - 即叫即到,即是預製定,飯焦夠,但很濃.整個飯可以接受.啤酒兩枝$30埋單$230,如此價錢有一粥,一飯,五款小菜,和兩枝啤酒,還苛求甚麼!?服務算殷勤,但有投訴(賴尿蝦碟碟不同大小),侍應阿姐就極力說公平.還有就是往洗手間要往6,7個鋪位外之生記(同一老板)極不方便.

先辛萬苦先可以係openrice搵到呢間飯店，原來佢好評太少，沉左底。原因應該係依家既後生一輩(亦都係會上openrice既一輩) 已經唔識 / 唔知咩係香港風味，所以佢既好評咁少，又或者，被呢間飯店既阿姐誤導，因為，我坐左成晚，都聽到阿姐講:「18蚊有飯食，18蚊大大煲，18蚊煲仔飯」，所以被呢一句吸引左黎食野既都會以為佢既招牌菜係煲仔飯，其實，我細細個，阿爸第一次帶我去廟街食飯就係食呢間，果陣係未有煲仔飯賣咖，可能係佢附近果間煲仔飯太出名，又多人排隊，佢地就有樣學樣啦。又講左一大推廢話... 入返正題先... 既然，「重點不在煲仔飯」，我地叫左豉椒炒蜆，白灼東風螺，椒鹽瀨尿蝦三味，再總共飲左三支藍妹。埋單$170，超值!!豉椒炒蜆 ($22)，初初見佢唔係即炒，只係係門口隻大鑊度"畢"起，以為佢放左咁耐，會唔熱唔好食啦，點知，一開始食就一發不可收拾，唔知點解停唔到口，佢細既都大大碟，保証殼同蜆肉比例平均，唔會殼多過肉，最緊要係佢唔會勁辣，唔會辣到食唔到蜆味，佢個汁同蜆肉味好夾，蜆出奇地新鮮，有蜆味，正!!白灼東風螺，因為已經有兩樣辣野，所以避過"辣酒"煮，阿姐推介了白灼，白灼果然原

幾年前...剛同男友拍拖時~大家係學生~食的都係平嘢~唔查覺18-21蚊一個煲仔飯係平嘢出嚟做嘢~成日周圍食嘢~發現~要20蚊有個有水準的飯~真係唔易今次可以話係特登行去食的冬天~滿座~坐在門口第一枱~反而很好呀~唔太迫~叫了2個煲仔飯~一個細蠔餅~$20細蠔餅~3分鐘唔洗就到~今次好似少左蠔~但味道依然~個醬又真係好味~細蠔餅~好快俾我地2個清左了~等等等...先有窩蛋牛肉煲仔飯出嚟男友唔食生嘢的~佢先拎左一碗~~我先落蛋同豉油可能太多人用太猛的火煲...飯焦多的話~本身我好喜歡的但飯焦真係焦左...就唔多好了但飯都仲係濕得似乎煲得太急第二煲~臘腸雞飯到左我食左2啖有臘腸~d飯真係甜d呢一煲~亦冇咁焦不過飯焦食得多~會胃痛呢....都係食少少好了~~哈哈廟街~係風味來的而且~好平~不過~今次~真係蠔餅好味過煲仔飯好多呢~~~~~~~~~~~~偶然一之~真好~

又要去bc睇戲，成絛廟街咁多煲仔飯，都唔記得呢間有冇食過。二話不說叫左︰排骨雞飯+北菇雞飯(各$25)，再每人叫一罐汽水，$31位都可以食得好飽。食煲仔飯最重要個豉油好食，而佢個豉油都算ok，甜味再多d仲好。煲仔飯既雞肉都幾滑喇! 搭檯個阿姐話佢食煲仔飯唔落豉油，咁返屋企整都得喇!去廟街食野衛生情況係比較差，但係有風味就要將就下喇!

細蠔餅 - 煎得剛剛好，唔會燶，好味!!! $20 好抵食~炒田螺 - 雖然$20碟唔貴，但係唔多掂!!!! 又唔熱，又勁多沙，唔好食~膶腸滑雞煲仔飯 - 失望，因為啲飯好濕，似蒸飯。條膶腸就好食，不過未至於會有汁滲到入啲飯。

廟街食野with 同學共三人是但搵左間黎食叫左o係廟街必食ge蠔餅,仲有窩旦牛肉飯,炒蜆,金菇肥牛煲蠔餅--小弟覺得係短街較好的一 檔 因為這檔炸得最鬆脆的 窩旦牛肉飯--配料唔差 薑,牛肉,旦,豉油 很喜歡這個組合 只係個飯太濕了 炒蜆--唔多掂,蜆肉唔實唔鮮甜,少個汁炒到幾好食都冇用 金菇肥牛煲--很好,味道又唔差,份量大,夾極都有肥牛! d肥牛又唔太薄 (有d地方ge肥牛太薄冇牛味) 是全晚第2好的菜埋單每人$40 抵到爛 諗起學校附近 $40 冇咩好食.........之後去松記食糖水!!!!!

去得廟街想搵d有風味既店，邊間人多就去邊間見多人到要係街坐，就入去試下先!入到去...好有60/70年代feel見門口有兩獲風味小菜 - 田螺 / 炒蜆，就試下啦~結果係~~好入味!"保"仔飯只係18蚊!抵到爛!味道亦不過不失!蠔餅熱烘烘~d蠔又大大粒有口感!

之前黎廟街食唔到煲仔飯, 有D可惜~ 今次再去~~叫左個 “白鱔煲仔飯”, 仲有蠔餅~~兩樣都好快黎~~蠔餅係即叫即整~~熱辣辣~~好好味~~煲仔飯等左3分即到~~顯然唔係即叫即整~~不過一樣熱辣辣!我想就好似去麥記食漢堡包一樣~~你ORDER漢堡包麥記通常唔係即刻叫廚房整一個俾你既~~不過都係一樣熱辣辣~~係幾分鐘前整好既~~可見賣煲仔飯都有管理學問~~

日期：二零零八年六月五日時間：晚上八時地點：威記飯店人物：我、他食物：窩蛋牛肉煲仔飯、椒鹽鮮魷、蠔餅、椒絲腐乳通菜廟街是遊客必去之地，也記錄著香港點點的回憶。廟街有不少歌廳和買賣攤檔，更少不了中式菜館，以售賣小炒和煲仔飯為主，三五知己置身於難能可貴的廟街風情，吃一口熱騰騰的煲仔飯，再來兩支「藍妹」，真是人生難得幾回醉。廟街的菜館吃的是環境和風情，食物的味道往往差強人意。窩蛋牛肉煲仔飯雖不至驚為天人，但至少不缺香脆的飯焦，佐以醬油同吃，也是風味獨特。椒鹽鮮魷、蠔餅都不算特別出色，蠔少而味不鮮，椒鹽鮮魷也不香不脆，而椒絲腐乳通菜好不大碟，用料十足，可惜油亮非常，合二人之力也不能吃光。菜館阿姐很落力的分配座位，把客人帶到不同的鋪位，並強調都是「一樣的」，的確，就如「波鞋街」一樣，無論你逛多久，光顧的都是同一個老闆。事實上，在沒有競爭，或相對少競爭的地方，菜館的質素自然不甚了了。可是，這麼一個地方，嚐的不是食物本身的味道，而是食物記錄的歷史風味，還是會再去，只因為我是個地道香港人，我愛這個記錄著當年香港風情的小地方，更愛置物於廟街的感覺和味道。

想試下廟街風味是旦入左間叫左炸蠔仔餅, 蒜蓉炒菜心, 炒蜆蠔仔餅熱辣辣脆脆地幾好味呀=)不過又真係有D油既, 叫埋一支青島啤酒送黎食,種感覺很好=) ..仲有D類似燒汁既野點黎食, 不錯呀!炒蜆就差左D..我無食開都覺得炒得唔多好味!(好明顯我食野唔算嫌尖架啦..)有沙既, 仲有一兩隻未開殼= =都唔算十分入味~~~仲有個菜心都炒得唔錯既可以啦唔會特別印象深刻囉雖然油, 但我真係幾中意食個蠔餅其實我覺得D煲仔飯20蚊個真係好抵可惜果日我同朋友唔想食飯無叫到一支BEER$20價錢尚可啦? 無食開呢D真係唔知..一好味, 一唔多好味,一正常... 算係咁啦