妙語牽

營業中

休息中

本身諗住叫碗藥膳排骨湯面，以為正正常常。點知，聞落去係有香氣，但食落啲湯係完全無味，耐一刻懷疑自己係即時中左Covid ，失去左味覺；好難想像如果最初選配白飯會幾慘不忍睹。如果這叫特色，只能怪我唔識欣賞。

中午經過入去點左碗招牌藥膳豬肚雞湯麵，碗麵個湯底果然唔錯，飲得出好夠雞肉味同埋藥材味都好夾，飲落口幾舒服，而且份量也可以，有5件雞、豬肚雲耳黨參，，大大碗都幾抵食

第一次喺OpenRice 寫食評，真係唔寫唔安樂超級難食！見到佢環境好好睇睇，望到有幾款養生湯，咁啱經過就入去試下試咗個蒜香炒帶子西蘭花飯，諗住都實冇死啦掛，一嚟到就咁睇都正正常常一食嚿西蘭花，痴線，勁硬！係要用虎牙咬先咬得入，同埋完全冇炒過！係因為，點會有炒嘅嘢係碟上有豉油？根本就係白灼加垃圾豉油，再係咁意加幾滴油咁啲豉油係似茶樓白灼菜嗰啲hea嘅甜豉油！仲有，菜名話有蒜蓉，我半粒蒜都見唔到！食半啖已經好嬲，到試下啖椰子烏雞湯，…….我真係失望到冇嘢好講，得味精味同少少椰子味，一嚿螺片都冇，就係茶記嘅例水咁（但佢單售要$60😑😑😑）帶子，食落去又係腥食咗一兩啖，本身都唔想浪費食物，打算外賣帶返屋企自己再炒下佢，但再比自己試下第二嚿西蘭花，真係頂唔順草青味，嘔返哂出嚟然後就成碟放棄起身走人世紀級厭惡！係令人食到心情好差，咁就$80學咩人開餐廳？

本身諗住去格離食野點知要等位，無意中見到主打健康既藥膳豬肚雞湯面特價$49配花茶，加$20仲有無味精湯水，所以就試下。因為都晏食飯，好多湯都賣曬，最後試左店員推薦既湯水。店內人手唔夠，全部位置走曬都未執枱，店員都係見邊度有客人坐先執。食物整體都滿意，尤其係豬肚雞面算係好抵食，個藥膳湯底都算唔錯，我最後飲曬。加$20既湯有個鍋仔裝住保溫幾好，但淨湯無乜湯料（我果碗得幾片薑😅）因為蓋無隔熱一打開果下好燙手，大家打開時都記得要小心。

同事介紹，今天試新店 ...它門面光鮮，內部裝修簡， 但門面只有一職員，打單、收銀、派位一腳踢，不過卻高朋滿座，應該不錯吧。點了一個午市套餐，有“手撕沙薑雞”，加二十元可以點燉湯，我點了一個也很少喝的湯，“天麻川芎白芷魚頭湯”，還有菊花茶一杯，是否抵食，見仁見智。手撕雞，不是切出來的，真是跟住肉的紋理撕出來的，沙薑醬也不是隨便一勺倒下算數，是抓拌均勻過，才放在一塊生菜上上碟的，賣相 ok，味道當然也很好。至於那個魚頭湯，藥材味濃，也有湯渣，不過未見魚頭，有功效沒？不得而知，但味道還可以的。

大熱天時30 幾度去完德福工作，唞一唞氣，經過Eastmark, 便選了一間舒舒服服的餐廳休息一下，順便填肚。見這間餐廳裝修簡約，以白色和木色為主，充滿日式風格，座位寬闊，而且來到的時候已超過下午二時，人流較少。門口大大個牌日式咖喱配薯仔雞球，還包飯和養生茶，只是$49，價錢吸引。無想過價錢那麼便宜但份量原來都好多，雞件接近十嚿，咖喱汁味道香濃，而且一大碟，嫩滑鷄件入哂咖喱味。我一向不食得太辣，日式咖喱的調味辣中帶甜，十分適合我。此外，配以面層脆但內裏軟軟的薯仔，健康又有益的紅蘿蔔，覺得不錯👍🏻

放工都食過哩家幾,次,貪佢原味靚湯份量夠,服務員又細心. 依家夜晚仲有抵食推价套餐 $45+$20湯水, $65大大份好抵食! 我食過蟲草花豬頸肉炒淮山麵,，薑汁炒豚肉，宮廷鴨等等。。。飲過茶樹菇鯊魚骨湯,天麻川芎魚頭湯,椰子雪耳烏雞湯,都很不錯.絶對是健康飲食好選擇!!

良心養生藥膳店降臨九龍灣💛同層還有木衛二定位相近，但這裏的湯特別之處是有加不少藥材去搭配，令每道菜和湯都有強身健體之用。 扶手電梯一上左邊就是藥膳店，設計輕逸平實，以白色和淺綠色為主🟢加上木餐桌。餐廳一邊放了自家冷泡茶和茶包，可以買回辦公室淺嚐。用mon去顯示餐牌🖥有6款餸，包括傳統中菜、冷麵和沙律等，配有白飯和暖的菊花茶。不過重點當然是加$20的是日4款湯品🤩 🥗鮮蝦藜麥雜菜沙律 $48 要減肥所以選了沙律，除了很多菜外，亦有算爽彈的鮮蝦和營養十足的蛋，和風汁是另上😋酸甜開胃的感覺不錯。 牛大力土茯苓粉葛袪濕湯 跟餐+$20很有反差地吃了沙律後再用袪濕湯補回元氣🤣土茯苓比較突出，不過整體也是容易入口，輕輕咀嚼材料後有甘味，清熱利濕解毒一流 🦆淮山蓮偶配宮廷養生鴨 $58名字不錯但賣相有點頹，蓮偶和淮山頗爽口，鴨肉有點咀嚼感，還有幾條菜是意外的纖維補充🥬 天麻川芎白芷魚頭湯 跟餐+$20賣相更不討好的一味湯，不過飲落後很順喉，功效有行氣活血，加強心肺功能，對於疫情期間每天戴口罩尤其有用😷 .🍝中華冷麵 $56源起自日本，大多是色彩繽紛，因為有甘荀蛋絲青瓜等材料，這裏有點變種，用上了冬菇

平日5點幾到，叫左個椰子螺頭烏雞湯，店員一開始話賣晒，之後又話入去問下，出嚟又話有。我一打開⋯盅湯好濁，D湯料竟然係個烏雞頭同雞腳，加一細片椰子咁大把，湯係完全冇味的！見人地D食評話好足料，仲話有一大片螺頭，唔係呀嘛？你賣哂咪照直話冇，唔好咁寒酸溝水得唔得，仲好意思放個雞頭入去⋯本身想搵個店員，但counter長期冇人，even我買湯時都企左幾分鐘。唯一要讚嘅係環境幾好，為左等人由5:30坐到差唔多7點，一個客都冇$60⋯一定一定唔會有下次

同同事食晏搵唔到位見呢間好似新開又有位就試下落單收銀有禮貌但野食就伏首先要自己拎餐都唔緊要個飯同餸明顯係預製送到鋪頭用微波爐加熱都算仲要係底熱面唔熱嘅我當你新開時間預得唔好早左加熱等埋個湯出所以其他野食攤凍左少少但有同事冇叫湯d野食都係凍嘅真係解釋唔到最過份係幾個人過嚟食最尾份餐係其他人食晒都仲未出到要催兩次留意返呢份餐係冇加湯的另外就係千祈唔好畀上面d相呃到上菜係餸用隻有耳杯裝住上，外加白飯一碟午市12點半入場都有位總有原因🙂

九龍灣是我以前上班的地方，對它很多回憶，但當時未有這間養生湯小店，如果當時已有，我會日日午餐過嚟幫襯啦！我今日到這間新開的餐廳🍴：「妙語牽 」，主打藥膳湯品，小妹最愛飲靚湯！身為湯痴的我，絕對飲得出這間餐廳是用心煲出像老媽子煲湯🍲的感覺呀！我自己特別推介套餐選擇的：淮山蓮藕配宮廷養生鴨， 配上天麻川弓白芷魚頭湯，隨餐附送雪菊美顏排毒茶！ 真材實料，用靚料煮出新鮮好味😋店內還有面膜發售，下次過嚟看看啦！妙語牽 地址：九龍灣常悅道21號 Eastmark 1樓9鋪 Hong Kong

平時出街食野都唔太健康，呢日同朋友去左九龍灣呢間主打健康藥膳既新餐廳食dinner。餐廳既環境幾好。睇睇餐牌，見到有幾款好健康既飯，仲有好養生既湯！我地一人點左一個飯，再加20蚊加配湯。我點左准山蓮藕配宮廷養生鴨，鴨煮得好入味，口感亦都好好，再加埋准山、蓮藕同埋菜心，有肉有菜，營養均衡。另外加配左椰子雪耳響螺烏雞湯，雞湯好清甜，感覺好補身。朋友點左蟲草花雞髀菇蒸烏雞，雞肉都幾嫩滑。湯就加配左天麻川芎白芷魚頭湯。Like fb/ig 仲有佢地研發既草本面膜送啊！😍

最近其中一套喜歡睇的節目，就係「空肚講宵夜」。其中一集就係講呢間主打藥膳的新餐廳，所以呢晚跟老公湊完仔之後，揼完骨就去醫吓肚。只要沿著扶手電梯上，就會見到特別有一間特別白特別光猛的餐廳。雖然座位唔算好多，不過空間感充足，前台和牆上都放有兩款由台灣製的中藥面膜。看看前台上面的餐牌，選擇不算少。一個套餐有湯有飯有嘢飲，而且湯係養生湯而不是味精湯，價格可算吸引。所以我們每人都點了一個套餐。椰子雪耳響螺烏雞湯一打開蓋，陣陣椰子味滲出來，真係好香。湯好足料，味道夠濃而不油，響螺和烏雞煲得好腍。牛大力土伏苓粉葛祛濕湯深紅色的湯，好濃的藥材味，牛大力和粉葛咬落夠腍又夠入味，好快就飲完了。蘿蔔炆牛腩望落碟牛腩，以為好細碟，起初諗住未必夠飽。蘿蔔好腍，索晒不少牛腩汁的味道。而牛腩很軟滑，牛味好出，好有住家菜 feel。淮山蓮藕配宮廷養生鴨無諗過鴨可以煮得一點也不韌，不過我哋唔食皮，塊皮都好容易去。蓮藕咬落好爽口，加埋個汁幾惹味的。我們一邊食，一邊喝著 養顏雪菊花茶 和 鮮榨蘋果雪梨汁，原來都可以幾飽架～

今日又出咗去九龍灣同fd行街，咁岩朋友都鐘意養生，佢就推介左依開係eastmark新開嘅餐廳！餐廳都有上過viutv做節目，睇到佢哋養生個餐單都幾吸引，仲可以跟餐加購埋藥膳湯😙我就試左個淮山蓮藕配宮廷養生鴨 ($58)再跟餐要個椰子雪耳響螺烏雞湯($20)，我自己本身就好鍾意食淮山同埋鴨，今次佢哋依個鴨就係將淮山煮溶咗之後加埋落去一齊煮嘅養生鴨，佢哋嘅調味方法都係絕對冇味精同埋落雞粉，但係我都食得出個鴨非常入味，而且我食啲淮山都煮到好林，令我感到驚喜嘅係蓮藕，蓮藕都好入味好甜！椰子雪耳響螺烏雞湯都成日飲嘅，由於佢哋真係冇落味精同埋雞粉飲，同喺出面買嗰啲即飲湯包都好唔同，飲慣重口味嘅你可能會覺得有少少淡味，但係講得係養生湯，咁就梗係健康啲嘅口味☺️但係都飲得出好香椰子味當然仲有淡淡的烏雞香味朋友就點左個瑤柱蛋白飯 ($56) 跟餐加咗個湯天麻川芎白芷魚頭湯 ($20)，瑤柱蛋白飯睇落都好吸引，我覺得係平時唔食開藥膳嘅好選擇，他的蛋白炒飯都份量適中，而且有其他蔬菜，都係非常健康，如果又想食炒飯又想食淡口味一啲嘅就可以試吓👍🏻👍🏻天麻川芎白芷魚頭湯都係真材實料嘅，見到有好多湯渣係底，佢哋嘅湯都

在九龍灣享樂買完麵包，上了樓上逛逛。碰見一間曾經TV 有介紹過嘅養生湯水店，今日既然行到攰攰哋，咁不如坐低涼下冷氣，飲啖湯補一補。佢哋主打冇味精，冇雞粉，剛剛開業一個月。椰子雪耳響螺烏雞湯 $60雞湯底，有幾片椰子及響螺片，一隻烏雞腳，仲有少少雪耳，可惜冇咩椰子味，少少過咸，但飲完感覺舒服及確實有點黏口，應該係真材實料冇味精。門口有個凍飲櫃有雪菊茶，豆漿及羅漢果夏枯草茶。買咗支雪菊，好有菊花味，但沒有甜味，解渴。，店內仲有台灣製造的茶面膜。地方乾淨，舒服寬躺，款式選擇不多，要好D生意，老闆要再想想辦法啦。