好麵棧 (已結業)

聽講元朗開咗間車仔麵店，當然我就要嚟試下啦。嚟到呢度比我想像中寬敞好多，大部分仲要係卡位形式，坐得好舒服。睇下個餐牌先，有好多選擇，可以車仔麵形式咁叫，仲有太陽蛋系列同埋芝士撈麵。有張餐牌扮日本啲拉麵餐牌，而上面印嘅係配搭好嘅麵餐，好盞鬼。豬三寶配油麵腩汁，配料包括新鮮豬腸、豬紅、豬皮，呢個配搭啱晒我呢啲鍾意食豬內臟嘅朋友，而且三款餸都好出色，好好味。豬腸唔會煲得太韌，而且煮得耐好入湯味，而豬紅一食落口，陣味就散發出嚟好有後勁。豬皮就爽口彈牙。整體而言，成碗麵都誘人，會令人有慾望不斷翻兜。咖喱魷魚，塊塊都大大件，食落爽口，唔會韌到咬唔開。咖喱味好香，夠濃郁，所以魷魚好夠味。叫咗碟油菜可以揀菜，今次試咗腐乳通菜，炒得好夠鑊氣，而腐乳味香濃均勻，車仔麵店嚟講炒得好出色。

今日放平日就入元朗試吓我同事推介呢間新開嘅麵家 好麵棧😸😸話炸雞扒同車仔麵都好正！！😼😼 見到隔離枱叫雞扒飯 仲有隻蛋好似好吸引喎！不過今日都係想食車仔麵多啲搭巴士喺巴士總站一落車就係啦wo🙀 超方便！搭西鐵就可以喺朗屏落行過嚟 都OK近嘅 5至10分鐘😼我個同事推介我食個麻辣火雞腎😻 另外我仲叫咗幾個餸 豬紅 通菜 豬軟骨😻😻 一嚟到見到勁多餸啊😻😻 出面啲車仔麵通常你叫四餸嘅話 每個餸嘅份量其實係少咗嘅😹😹 但係佢呢度無wo 好足！😼火雞腎同豬紅都各有成六七粒 我食餸都食飽咁濟😽😽講返先 火雞腎又真係幾好味 麻辣醬汁夠晒辣😼 火雞腎冇異味又好爽口😼😼 而豬紅就梗係車仔麵嘅必選餸啦 通菜亦都好新鮮😸 不過麻辣湯底太濃 要隔一隔啲汁先好食 咁先至食得健康㗎嘛😸😸特飲奶茶紅豆冰都幾有趣wo😻😻 奶茶啲茶底好香濃 同奶嘅比例好平均😻😻 個底仲有好多紅豆煲到好淋😽 兩者又幾夾喎😸

呢間小店新開張，所以專程過嚟呢度試下。由朗屏西鐵站行過嚟好就近，沿住天橋行，一落就到。入到嚟環境好寬敞、整潔。望一望餐牌，內容好仔細，有自選嘅車仔麵，有配搭好嘅車仔麵，有太陽蛋系列大碗飯，仲有芝士撈丁，好夠選擇。八寶麵，好足料，入面有魚蛋、豬紅、豬皮、蘿蔔、雞翼尖、油菜、豆卜、紅腸，呢啲餸嘅配搭好match之餘仲款款都份量唔少，唔會因為多款而少量，而且味道都屬中上水準。當中我覺得最出色嘅係豬皮，食落好爽口，再配搭埋個湯底--牛腩汁，入晒味好滋味。其次，蘿蔔煲得夠腍已經夠晒。而魚蛋就當然係平時車仔麵必備細粒軟身個款。呢碗大碗足料都只係$52，認真推薦！炸豬扒，炸得好香口，而且肉質仲係好嫩滑，食落帶有椒鹽味，而且仲好貼心咁切開咗一件件，食得好方便。

清清地叫了3 餸, 蘿白, 生菜,  "厚冬菇":蘿白冇渣好食, 份量正常 - $8生菜冇特別, 得幾條 - $8河粉偏少 - $9最慶係咩 "厚冬菇", 唔厚仲要得半隻, 收我 10蚊......本身都係諗住佢新開一試, 都唔敢叫特別野, 點知咁樣樣, 冇下次

平時坐巴士都會經過巴士總站！有日見到開左間新野！門口都好耀眼！見到餐廳叫（好麵棧）一心諗住都係得麵食！好好彩原來不是！是有飯食的😂太餓了..唔食飯唔得😂所以今日落車就去試！新開嘅裝修好乾淨！感覺好光猛！而且都幾闊落唔會太迫！用幾個大電視做餐牌掛在牆上！十分清晰👍🏻未食飯嘅關係所以就叫咗一碗巨大香脆雞扒大碗飯！另外再配了一杯菠蘿冰！都只係加＄3都幾抵😂等左唔使十分鐘大碗飯終於黎左啦！都真係幾大碗！香脆嘅炸雞扒唔會有厚厚的粉漿在外層！因為好怕食好多粉漿嘅炸物！熱辣辣真係大大塊！好細心的小店...已經幫我切好咗！食起來方便得多了！初初都好擔心太乾配白飯應該唔好送飯！好彩有得揀鮮茄肉醬汁或者咖喱汁！今次我就揀咗鮮茄肉醬汁！佢嘅鮮茄係多嗰啲肉醬嘅唔會有太多肉😂因為大大塊雞扒已經好多肉感覺會清新啲！仲有隻煎得好靚嘅太陽蛋！呢個組合係好夾嘅！而且份量真係好多！但我見+$15可以叫多個小食...心思思之下叫左份試下...炸豬扒！都不錯...唔會炸到很乾...但個人比較喜歡雞扒多d另外佢嘅特飲其實都有好多選擇！天氣咁熱所以叫咗菠蘿冰！嘢飲方面就冇乜特別因為都係罐頭菠蘿！不過勝在碎冰好多！唔會太甜同埋好消

平時日日返工都會喺呢個巴士站總站落車今日比我發現咗一間新開嘅餐廳一於今日就試吓佢-（好麵棧）入到去感覺好乾淨好企理👍🏻咁又係話晒新裝修新鋪😂但我對食物嘅要求點都係高過食裝修嘅😂一聽個名就覺得係食麵為主！咁你就大錯特錯啦😂佢呢度嘅餐牌我見到...大碗飯啊撈丁啊車仔麵各樣都有😂一場黎到咁就梗係試咗佢個面先啦😂叫左個招牌面....入邊有蘿蔔牛腩招牌魚蛋！蘿蔔真係超級淋甜😍而且佢哋嘅魚蛋係很重果皮味的這種！而且份量一啲都唔小👍🏻另外跟餐加＄15點了一份咖喱魷魚小食👍🏻味道唔太辣...而且爽口彈牙可一試😊飲品方面加＄3可以轉左特飲！試咗佢哋嘅鴛鴦紅豆冰！紅豆好淋甜有起沙的口感！鴛鴦就正常茶餐廳貨色！夾埋都幾有趣今餐嘅晚餐真係勁滿足食咁多嘢都係$6x又好食又飽價錢又唔貴下次一定會來先買佢嘅大碗飯！

今日中午返完母校探老師後就喺附近搵嘢食大熱天時...梗係要搵間冷氣充足嘅餐廳醫飽個肚！平時行過都唔見有呢間餐廳應該係新開嘅！對於炎炎的夏天來說冷氣真係好夠！見到隔離枱帶咗件炸豬扒外表好吸引於是我都點左一份無骨炸豬扒大碗飯脆卜卜勁香口！平時茶餐廳好多時啲炸豬都係炸定！所以好多時都會林晒！但係食得出佢係新鮮即炸嘅！所以先有呢個口感配上咖喱汁！味道唔太辣！所以好夾另外我哋仲點了牛三寶面！最鍾意佢d牛筋!好qq.... 牛筋炆得好彈牙...咬落口充滿骨膠原感！配上麻辣湯底真心好食！另外還點了一個小食沙嗲牛柏葉！佢嘅沙嗲汁簡直係精粹！佢唔係好重花生味嗰隻沙嗲！而係沙茶味比較重嗰種！個人比較喜歡後者！當我地食飽飽後...先發現佢地原來個炸雞扒都好吸引！我諗下次應該會嚟試埋！因為今次真係太飽喇😂😂😂

世界盃點可以唔睇呀？一場走左去元朗Jason度打樹晏啲睇波，點知去到佢樓下未返...唯有一支公去食碗麵先！宜家真係好，6點半天都未黑～去左間部新開既，因為見門口就新開有9折XD，叫左秘製豬軟骨芝士撈丁、紅豆冰同油菜！紅豆冰同油菜跟餐叫都有得平。芝士撈丁好好味，芝士份量岩岩好，質地有啲似Cream咁，好滑，豬軟骨都好軟林，肉同骨既分怖好平均，撈左公仔麵又唔會太膩。紅豆冰加$2就有啦！最後因為太耐無食菜，叫左碟油菜，$12對於宜家既物價黎講都算平，生菜黎既，無乜油，蠔油又夠，味道幾好！

呢間位於朗屏巴士總站附近的車仔麵店, 在新開張期間提供了 9折優惠，就同同事食下啦!!我叫左個豬大腸+豬軟骨+油麵+清湯的車仔麵食.先講講豬大腸, 份量夠多, 不過豬腸內側可以清洗耐DD.因為入面D肥到爆既肥膏好大陣腥臭味, 同埋口感好肥膩, 唔好味.而豬軟骨煮既時間唔夠, D軟骨咬下去是”格格”聲, 老娘唔夠牙力食呢~!至於油麵就正正常常, 不過不失, 不過湯底真係冇味!!似係用清水煮…食完碗麵成嘴都係油, 不過間店新開張..未訂到紙巾, 冇得抺嘴同事A叫左雞翼車仔麵, 得兩隻雞翼.同事B叫左雞扒蛋飯餐, 本身隻蛋係半生熟, 同事B鐘意食全熟, 侍應都肯換比佢, 服務態度值得加分.但OVERALL都係難食

元朗開左新麵店，依家食有折，所以就試下luuuu😛😛菜單上有好多選擇！😉雞扒芝士撈丁碗麵啱啱拎到黎嘅時候已經聞到好香嘅芝士味，一食落口就更加強烈，加埋芝士本身嘅鹹味，配合埋出前一丁係天衣無縫，非常之好食。😍塊雞扒整得幾香口，襯托到本來嘅雞味，由於醃料用得唔多，所以唔會喧賓奪主。成碗麵都好好食！🤓炸豬扒幼麵炸豬扒又真係炸得幾好，份量多，又香又脆，價錢亦平。可惜湯底真係一般，而且比較淡而無味🤔麵身較乾，人見人智🤓油菜一碟正常菜一碟，份量都足。食多啲菜身體先好嘛，加$12就有一碟。椰汁紅豆冰椰汁味香濃😍夏天飲特別消署😛sorry太好飲，飲左一半先影相🙈埋單算平，可惜服務一般，仲落錯單兩次🙄🙄但整體都唔錯，芝士撈丁可以再戰！😍

同同事lunch去試公司附近新開既好麵棧，試業期間仲要有全單9折。菜單大概係咁，午市有飯有麵揀，同事叫左巨大香脆雞扒大碗飯，堅係大碗，連埋野飲9折左都係41，認真抵食。黎到先知係生蛋，同事唔食生蛋，要求煎返熟佢，員工態度都唔錯，係有立即更進返。菜莆幾好食，唔多辣甜甜地。我叫左佢地既秘製辣汁（中辣）都幾辣下，唔食得好辣既叫小辣好喇～陳皮魚蛋唔知係咪因爲就咁烚定煮得太耐，無咩味道🤔 連埋飲品9折左都係32，算係咁。

身為元朗人，知道呢頭開左新餐廳當然要身先士卒試下呢日就同朋友黎到呢間主打"巨大香脆雞扒"既餐廳食lunch，差唔多兩點去到餐廳已經坐滿人～叫得好麵棧當然係賣粉麵為主，但餐牌既芝士撈丁同大碗飯都好吸引，四十零蚊包野飲，特飲都只係加$2巨大香脆雞扒太陽蛋大碗飯配咖哩薯仔汁份量如其名，午餐黎講絕對抵食咖哩薯仔汁澆滿大半碗飯，毫不吝惜，而且配料豐富，薯仔有七八舊太陽蛋生熟程度岩岩好，一切開蛋液一瀉而出，岩哂用黎撈飯，增添濕潤既口感。雞扒預先切件，方便食用，份量同飯量成正比，外皮煎得好香脆，但同時保留到肉質嫩滑，唔會overcook到好鞋身。秘製豬軟骨芝士撈丁芝士份量好多，夠撈哂成個出前一丁有突。豬軟骨炆得好入味，肉質軟嫩，醬汁鹹度恰到好處，平衡返味道令芝士食落不至於太膩。椰汁紅豆冰紅豆多，佔左三份一杯，岩哂中意食紅豆既我對平時剩飲水同茶既我黎講略嫌甜左少少，應該有浸糖水，但朋友話好好飲。價錢、份量、質素綜合黎講性價比極高，落元朗食野又多一個好選擇啦

今日收工超級肚餓，路過一條食街，見到一間新店開業的店鋪(好麵棧)，在做全單九折優惠。這店主要推介是炸雞排，在餐牌上看見有大碗飯的套餐，所以就嘗試一下，看看是否真的會飯多！就叫了一個番茄肉醬炸雞扒飯，咖喱薯仔炸豬扒飯，冷熱飲品都是跟餐送，是免費的，再加了一碟油菜！番茄炸雞扒飯的雞扒炸得不會乾身有油膩感，外脆內嫩，十分有口感，一食便會愛上！比其他街邊的連鎖店好食得多！番茄醬濃度適中，與雞扒十分配合！加上肉醬，令人一試回味！而咖喱薯仔炸豬扒飯，咖喱的感覺就像日本咖喱一樣。而炸豬扒去除多餘油脂並把肉筋切斷，易於咀嚼，吃起來口感比較鬆軟好入口，油炸之後 ，肉也不會緊縮，酥脆厚實！飯內還有很多薯仔的配料！而油菜都很新鮮，通菜配上腐乳，十分美味！整體上，店員十分親切友善，環境和座位十分舒服。食物的價錢都很便宜，現在還有9折的優惠，大家可以去嘗試一下！

面食以及配料选择多、汤底轻重口味任君选、份量多，午餐最佳选择；店铺靠近巴士站、地点绝佳、非常方便、环境卫生好，再加上等餐时间非常短，满意度满满👍🏼绝对会再次光顾，好吃的车仔面！

放假出街食餐晏仔有時都要二百零蚊先落到樓，一D都唔經濟，所以有時我都寧願平平地去麵店、茶記搞掂就算。呢間好麵棧質素唔錯，位於元朗廣場後面，巴士線總站旁邊，都幾方便，容易搵。茶餐廳格局，有D卡位，可以容納到好多人。午飯時候來到有唔少人，睇唔出係新餐廳，應該都唔錯。坐低二話不說，俾呢個撈丁吸引左。巨大香脆雞扒撈丁點左撈丁，仲要配巨大香脆雞扒，夠吸引了吧。價錢係41蚊，都抵食啦，仲可以跟餐配杯椰汁紅豆冰都係3蚊，又係超抵食個麵好大碗，來到時佈滿芝士汁，份量不少，本來以為會漏，但幸好佢個醬唔會好杰好黏身，所以一D唔漏，仲好快俾我KO左。雞扒好大塊，方便食用已經切開左一塊塊，約莫有五、六件。雞扒香煎，又唔會話好熱氣一個人食足夠有餘，真心抵食。手掌無骨炸豬扒豬扒即炸，所以來到時熱辣辣，加上豬扒本身有醃過，所以已經入味，而且未算油膩，真係唔錯喎，我同朋友share食。咖喱魷魚至於魷魚，份量都唔少喇，而家買魷魚都唔平。咖喱汁係好懷舊果隻，港式咖喱，味道濃郁，亦都唔貴椰汁紅豆冰紅豆夠綿，亦都冇死甜，加3蚊都抵。結合價錢同食物質素，個人認為一定會回訪，尤其糧尾時。