好運點心專門店 (已結業)

一早諗住近近地買早餐食，見呢間點心鋪係正公司樓下都未試過，就試下喇~點知一朝早就俾個差印象人地 一去到只見到個姨姨拎住個電話系到一路傾，要大叫“唔該”先問你要咩，諗住叫叉燒腸+馬拉糕~ 2樣野都話賣哂 ok....改要糯米卷+帶子腸，又話無 ok...問佢有無粥，又話未有 之後叫我要蝦腸，燒賣， 叉燒包etc....我已經諗唔到想食咩，就求其要 蝦腸+燒賣。 又同我講“個蒸籠d水未熱，腸粉要等”，我問“等幾耐丫要?“，“大約3分鐘喇”，之後我一共等左15分鐘 完全浪費時間！！外賣發泡膠盒要$1，但姨姨完全無提我一個$1，仲要2樣野分2個盒裝俾我 服務欠佳！！講完廢話，到野食蟹子燒賣皇$18 - 一開盒，反轉哂 仲要濕立立，d皮一夾融哂咁款，餡係瘦肉加隻好細隻既蝦仔， d肉一舊舊又嚡口， 味道一般原隻鮮蝦腸$20 - 外表還可以喇，一食落口，d皮勁厚，同我食開既腸粉好大分別 蝦都係原隻既，不過應該係“那”到爽身，所以口感都麻麻總括: 食物只係一般，搵唔到野食先會去試，不過不失，但服務同食物準備就真係要改善，一早開鋪要咩無咩，叫人地點黎買野

唔信邪, 看了專家的食評, 仍要親身試一試.鳳爪排骨飯, 整整齊齊的兩件鳳爪, 無損無爛, 唔太差, 排骨幾件, 肥多瘦少, 肉質麻麻, 大少不一, 飲身如高手所言, 硬度十足, 但總好過濕濕軟淋淋.山竹牛肉球, 未見過賣相咁差既山竹牛肉, 大大件, 但唔係圓球形, 而係偏偏一堆, 食落又無牛肉味, 只咬了一、兩口便放棄了.可能年青人第一次做生意, 比個”可以”啦(本來應該是"喊臉"), 但奉勸一句: 生意唔易經營架, 做事唔好太求其, 比D熱誠, 希望下次來時可以改進啦

位處於黑布街小巷內的大隻佬豬手前陣子宣佈解甲歸田退隱江湖。現在原址取而代之的是一間專賣點心的小店。對於一向愛吃點心的我來講，吸引力實在是比豬手更為大 (說實話，自己也不下數度嚐過從前名震旺角的大隻佬豬手，水準只屬不過爾爾沒有甚麼特別好說)....但更可惜的是，現在這間點心小店的出品是更令人氣餒的....同樣是坐在擺於冷巷內的木摺椅上，嘆着一盅兩件本是甚具風味。不過若然食物能做得好一點的話，相信會更舒泰....好像眼前的每間點心店內必備的這盅鳳爪排骨飯。最大的問題便是那些半生未太熟透的米飯。咬入口是差不多能將牙弄崩....排骨甚是軟滑多汁似乎像是已可挽回一城的，但不幸地那甩皮甩骨未太完整再加上亦不夠入味的鳳爪，又將這品打進入一個深淵裡頭去....太硬的米飯夾硬吞下肚亦不是一件易事的....此時唯有猛下多點豉油進去，弄得濕濕哋希望有點幫助吧....每想來多一籠燒賣的，但師傅說還未準備好，接着問道要春蛋燒賣可以嗎 ? 這對我來說當然是一個更好的選擇啦....春蛋的味道基本上沒有問題，最大的缺點乃來自那既偏瘦而又嚡口欠肉汁的肉團....令人不禁搖頭...吃完兩道點心，本來肚子還有空間的，但看來