好運來餐廳 (已結業)

呢間茶餐廳其實都幾隱蔽,  基本上係上環果面沿干諾道西慢慢行過來,  經過海安, 鳳城同德勝小廚就到,  係一幢商業大廈商場內, 行過左亦唔會覺, 又或者d客人已經入左去以上路過的餐廳,  但當然佢亦有熟客, 否則難以營運...從門面同內部環境而睇, 唔會對呢間餐廳的食物同服務有咩期望,  而早餐只有幾個選擇, 我都求其選擇左單併三文治+熱奶茶,  賣$22係非常合理熱奶茶先送上, 用的係比較少見的膠杯, 味道正常, 蛋治亦幾分鐘後送上, 麵包用上薄身的, 尚算軟熟, 雞蛋的份量唔算多, 但炒得亦算滑溜, 唔會太稀, 水準以上, 唔似坊間好多茶記一片薄薄的蛋餅咁,  呢度的蛋治合格有餘! 真係算係平凡中有驚喜! 上環區的hidden gem!! 

上環區好少地方食個飯連野飲都只係$30，可能因為咁，近來每次去好運來都人頭湧湧！我地3個人去，因為好多人，店員叫熟客掉位讓位，以咁細地方嚟計，等5分鐘左右就有位已經算快！可能因為做熟客生意，老闆店員同ｄ客都好熟，聽到老闆原來叫『波仔』！地方細細，計埋老闆有3-4個店員，一直密密手執枱、落單、送餐同事叫左鴨腿湯飯，原盅上，另加一大碗飯，平！好味！西餐，一塊扒再配餐肉/蛋/腸(其中兩樣)，好抵食！老闆波仔之後得閑ｄ仲坐低同ｄ食客傾吓笑吓，仲有位四眼肥仔店員好熱情招呼食客！唯一係地方可以再企理ｄ！收銀位貼左ｄ好似老闆個樣的公仔！

今天早上來了吃早餐。A餐有雞絲磨菇通粉、火腿奄列、半份三文治和熱奶茶一杯，都只是$18，服務快之餘，水準也不錯，通粉湯沒有味精，奄列有很多火腿，奶茶也不錯。絕不欺場。早餐份量不少，吃完真的可以飽到中午，非常適合我。怪不得即使位置不太理想，早餐時段仍然有這麼多人幫襯，尤其是男顧客。旁邊OL更要求少些通粉，避免浪費。

所有飯市套餐一早煮定,一殼飯,一殼配料,上. 擺明車馬係港式快餐，廿幾三十蚊一個餐,有餐湯,有熱飲,有主食.因此不少人都因為快靚正而光顧.今日我都食左個快靚正午餐, 就係秘制豬軟骨飯連凍檸茶, 共銀29元.個碟飯最得我歡心的就係豬軟骨, 因為可以連骨咬, 又淋又有趙口.....真係好好味吖

餐廳質素太差了, 我們等落單, 等執位已經足足等10分鐘, 服務員, 簡直無服務啦!!食物簡直一般快餐店的食品, 參差不齊, 完全沒水準可言, 沙爹嘔, 一pat 野, 無香味, 好難食架

我今朝返工專程去"好運來"食個早餐，因為一個無雨落的清晨，加一個有深度的早餐，就係今日好運來的好開始 這間店的最吸引我的地方就係尼碗沙嗲牛肉丁麵喇...因為師父每朝煮新鮮的沙嗲牛肉加麻佢哋係用真正的"出前一丁"去煮,... 加麻真係完美!! 個餐仲可以配多兩款餸加麻熱飲都係19蚊....好抵!! 諗起都好想明早再去食過!!唔知師父係用咩秘方去煮, 有機會真係要去偷下師......hoohoo