好煮意

營業中

休息中

隔了一段時間再訪上水，樂見餐飲食店餐林立，對街坊街里老說，絕對是有口福了！在云云店家中，今日挑選了新煮意，一於來一場色香味俱全的藥膳之旅～店鋪位於大街，空間寬敞裝修簡約舒適。甫進門，一陣陣藥膳味清香直撲鼻，為良好用餐體驗拉開帷幕。店鋪採用QR點餐，菜單頗豐富，自助看圖識字，三兩下就點了招牌藥膳醉雞湯米線、白灼鵝腸、醉雞翼尖，方便快捷。與同行朋友說著說著，鵝腸先上，賣相唔錯，入口爽脆，加上淋上辣椒豉油，鋪底芽菜將鮮味辣味盡吸，整體過癮，當然亦不忘要手機打卡！正當忙著碌手機之際，頓時被藥膳醉雞米線芳郁醇香所吸引，米線份量慷慨，我們點菜時又特別點了加酒、加了一份韭菜，與本身已經豐富濃郁的雞湯、木耳、紅棗等配料縱橫交錯，味道立即昇華。雞肉肥瘦適中，入口嫩滑，雞味香濃，再呷一口熱湯，送上一口米線，感覺實在溫暖幸福！而友人點的醉雞翼尖確實是好主意，亦為這次體驗完美作結！招牌藥膳醉雞湯麵 $55醉雞翼尖 $18白灼爽脆鵝腸 $58

早排去左北區過周末，幾個月無黎總有新目光吸引眼球就好似馬會道的好煮意，由小鋪搬大鋪，去到時連八達通機都未安裝好，不過無影響黎食好西的客人，即使到late tea time 仍然客似雲來。-特別係佢地嘅招牌藥膳醉雞湯米線，成碗湯米線雞件分量多 仲有大量配菜食得出湯底醉雞湯雞味十足，雞件大隻又嫰滑，當然仲有啖啖 藥膳湯味， 大大粒紅棗就喺眼前趁住由夏入秋的節氣， 的確要適時進補。除咗 雞件米線仲有其他配菜可以加添魚肉春捲彈牙有魚肉香鴨血夠嫩滑-仲有手工韭菜豬肉餃，咬落啖啖 豬肉同韭菜嘅香味最後叫多杯柑桔蜜，濃郁得黎超滿足。

藥膳醉雞相信唔少上水嘅街坊都好熟悉嫁啦。作為上水街坊今日襯WFH，專登行過嚟馬會道新鋪呢邊再試試佢暖下個身。新鋪環境更闊落舒服，坐得舒服自然食得更爽。除咗招牌嘅藥膳醉雞湯面外，店舖其實仲有唔少湯底選擇（鮮雞、喇沙同酸辣等等）招牌藥膳醉雞🐓湯面（米線）一上枱已經聞到好香花雕酒味，即刻飲一啖湯底（順囗鮮甜、酒香味濃）。個胃即刻暖笠笠。雞件份量都幾大，雞肉亦嫩口。記得點埋個辣醬油一齊食呀！配料仲有唔少雲耳都幾入味。如果想食到雞脾位亦都可以加$10轉。鮮雞🐓湯面（米線） 三餸起如果唔太好陣酒味亦都可以選擇鮮雞湯底。湯底純鮮雞味，可以按自己喜好去簡想食嘅配料（車仔面嘅模式）。今次試咗佢嘅手工韮菜豬肉餃🐖，牛腩🐂同豬大腸。特別推介手工餃，粒粒都包滿足料。可以點佢個辣醬油外，仲可以試吓佢個自制辣椒油🌶（入面加咗蒜蓉粒，惹味！）行為過嚟上水嘅大家可以bookmark 去試吓啦，支持下特式米線😉。記得睇清楚個地址呀👍🏼。

做女人真係好忙🤣要護理皮膚又要調理身體年紀漸長🫣我好注重養生而食療嘅效果真係好好㗎👏🏻👏🏻「好煮意」嘅藥膳醉雞湯米線真材實料呢款招牌菜式嘅藥膳湯底不得了🤤有當歸、紅棗、木耳等等配埋好香嘅花雕酒味，真係食完暖笠笠雞肉嫩滑，酒味香濃好入味‼️木耳好爽口👏🏻👏🏻麵食可轉米粉、河粉、油麵等飲品我揀咗凍洛神花蜜跟餐+$10店員服務很好👍🏻見到我入店時曬到出晒汗🫣問我飲品要唔要多冰❤️真係好貼心除咗藥膳湯底，另有鮮雞、喇沙同酸辣口味仲有好多配料揀㗎‼️一定有嘢啱食👏🏻👏🏻

由住在上水的大學同學推介由細食到大的一間麵店，因為我真的很喜歡醉雞有關的美食，又適逢這店最近搬到新鋪，大學同學帶我來試一試。裝修明亮有格調，有點像置身Cafe的感覺。招牌藥膳醉雞湯米線(轉雞髀+$10) $65 雞髀肉相當滑溜能大件，藥材味較為單調而酒香濃郁，米線份量相當多。淨手工韭菜豬肉餃 $42 每隻餃子都包得飽滿，有開時非常多肉汁，韭菜和豬肉的比例很平衡。醉蛋$12蛋黃流心，酒味濃郁，香料味較淡一點。瑞士雞翼4隻 $19不會過甜滑過鹹，麻油香味一流。凍菠蘿青檸蜜+$10青檸梳打（無糖）+$10

上次去過買外賣，體驗不好，唯有比藉口話佢可能較擅長藥膳雞，而車仔麵不是他們強項...原址改了名以為執左笠，點知行過條街見到同一個名，原來細舖搬大舖，再試下係咪堅中伏。新舖好闊落，比舊舖好好多，QR自己手機落單，叫左藥膳雞河粉，十分鐘後上枱，味道還可以，有酒香，55蚊算正常啦。間野人手明顯唔夠，水吧收錢招呼都係同一個阿姐，出餐都係比較慢，旺場就危矣，整體合格，但又不致去到必食咁誇囉。

細舖轉大舖，品質keep得到水準，環境比以往更舒適，由人手揸筆寫食咩，轉左手機落單更企理😄由以往至今，我每次黎到都淨係食招牌藥膳醉雞湯面，雞件沾上新鮮辣椒豉油很惹味，食極唔厭👍🏻 之前在上水返工，試過1星期今3次，而家起碼都要隔一個星期食1次！我鍾意加炸魚皮、午餐肉、魚皮餃，浸在湯中更加香！連湯飲晒冇味噌，唔會飲完口喝！唔係死甜果種，係慳濃香藥膳果種👍🏻😄😋食完有暖身感，秋冬更必食👍🏻😄正呀！ 聞到好香，口水都流！

以前呢間嘅醉雞麵一直都係我飯堂🥹晚市嘅醉雞煲亦都超正🤤夜晚行過總會飄住陣陣酒香🤤搬離北區後好耐冇食🥹🥹🥹近來發現佢終！！於！！搬出大街😍一定要番黎支持下～$55招牌藥膳醉雞湯飯🍚以前食親都係米線底，今日肚餓轉飯底變湯飯食🤤🤤🤤藥膳湯底超濃酒香🤤醉雞肉嫩鮮甜，煮得剛好熟透👍🏻雞骨充滿肉汁🤤🤤滲入淡淡酒香💯沾上辣椒豉油又係另一種風味☺️$35黃金炸骨魚皮🦴炸骨魚皮唔係度飯有😋即叫即炸，熱辣辣脆卜卜👍🏻又香又脆🤤唔會油膩🤤🤤$19瑞士雞翼🐥雞翼大大隻好靚仔🤙🏻雞肉醃得入味😋😋😋其實有睇訪問嘅應該都知呢間先係上水始祖👍🏻 由同區醉雞麵舖未開嘅時候已經食緊☺️☺️相比起另一間醉雞麵，好煮意嘅醉雞更添一份酒香🤤🤤🤤

🤩上水這間醉香撲鼻的餐廳在中午時份把我吸引過去，除了香氣，店中裝潢更像小清新的咖啡店，坐位闊落、舒適。若然你是藥膳愛好者，這裡想必適合一群養生關注組組員共聚午餐，從一碗麵線開始調理身子～ 📍#dia_上水/ 食物 Food /☆ 招牌藥膳醉雞湯麵🐔 $65～- 轉雞脾- 粉絲底藥膳醉雞湯底固然是足料，喝下去便被那濃烈酒香充斥口腔。可能轉成了雞脾肉，即使長時間浸泡過酒的雞肉，肉質依舊嫩滑👍🏼過往亦少有將醉雞湯配粉絲底，原來這個意外的配搭帶來的衝擊很大，粉絲可謂將雞湯全部精華都吸了！☆ 醒胃酸辣湯麵🌶 $57～- 米線底- 秘制腩肉片- 鹵水豬肚- 魚腐- 響鈴有時候難免食慾不振，吃些酸酸辣辣的最開胃。這個酸辣湯米線的酸味比較重，確是有些可惜。豬肚、響鈴、魚腐頗入味的，而魚腐甚有驚喜，全都大大件～唯獨腩肉片太硬，令整碗湯麵吃下去時口感差別很大，是敗筆之處。☆ 凍柚子梳打 $28～☆ 凍百香果梳打 $28～大熱天走兩步都會汗流浹背，這兩杯飲品絕對令人透心涼🤩柚子梳打的柚子味重，而且甜度適中，不俗不俗！最喜歡百香果梳打咬到許多熱情果籽，粒粒在口中爆開的口感無比過癮🥳這一杯夏天的特飲，新鮮且不太

未食過咁難食既野 d雞好似用尼煲完湯d湯渣咁 完全唔淋 雞皮好似仲多過雞肉 份量少 間鋪明明唔full但要等半個鐘先食到 趕到食5分鐘就要走 酒味濃到好似飲緊火酒咁 店員態度亦都好差，問佢可唔可以睇下落單黑口黑面咁，好差既經驗！！

📍好煮意📍💡上水上水都有幾間食醉雞既店，今日行過見到佢新開張，入面環境闊落仲有兩層，裝修又幾靚，又見隔離排長龍就決定入去試下佢既藥膳醉雞米先🙉估唔到咁方便有得用QR code落單Tim 🐥招牌藥膳醉雞米線($55)藥膳米線真係大大碗好足料，唔係講笑真係上枱已經陣陣藥材味，雞份量好多有6.7舊，好似食極都有，雞肉嫩滑，每碗都有幾粒甜甜地既紅棗，忍唔住飲多兩啖湯有酒香味。係我諗緊食乜隔離枱都有提我唔好叫咁多，米線雞份量都好多，果然係真🐥醉香豬手($68)一碟豬手有5舊，酒味濃帶小小甜🐥郊外油菜($18)🐥醉蛋($12)酒完全滲入蛋入面#上水 #上水美食 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare #好煮意#foodiesinternationalchat #globaleats #indiandailybread

之前疫情食依間好煮意時多數外賣🥡見啱啱舖新裝修內裏光猛，餐桌距離好闊落，一於坐低慢慢嘆💕🐔招牌醉雞藥膳湯麵（ 轉雞髀）最鍾意食佢地嘅招牌藥膳雞湯米，木耳紅棗足料之餘，湯底好入味淡淡酒香又唔會太濃，轉咗雞髀肉，肉質非常滑，配埋辣豉油先係重點，好味😍🍜新加坡喇沙湯麵另加餸有鹵水豬大腸， 牛腩豆卜，蘿蔔喇沙湯底有少少微辣，鹵水豬大腸炆得好淋冇肥肉，牛腩好入味大概有四至五塊份量十足鍾意食辣既我又點會錯過自家制既辣椒醬🌶️蒜蓉粒加辣椒調味醬，好味跟餐每杯飲品+10🥤凍百香果茶🥤凍柚子蜜🌟除咗中午點粉麵餐夜晚仲可以打邊爐🌟新裝修坐得好舒服🌟全自助手機點餐非常方便

大熱天時口淡淡 諗住去食一碗粉 冇以前咁好食係真 但係都叫不過不失啦 但等候時間較長 勝在配料種類繁多但同鳳鳴居已經冇得比 舊舖嗰陣時個湯真係好食啲唔知係咪搬咗新舖換咗新人嘅問題樓面都唔係好熟手 出餐有啲混亂

搬鋪前 經常吃 酒味濃是優點搬鋪後真的超級差勁落單40分鐘 然後才跟你說麵賣完了 轉別的吧但新坐下的3分鐘已經煮好了廚房亂得發抖….真的不會再來了鳳嗚居完全比下去了然後搬鋪前 雞沒有乾乾的感覺現在感覺是打邊鑪 雞煮了4小時 沒水份的感覺木耳 以前應該有下湯煮一煮 吸味道現在明顯是廚房散時間 滾水煮熟 掉面 完全沒吸味道唯一能讚的就是拼盤很入味 豬粉腸 牛肚等等都超級入味但想一想你們是 醉雞湯成名的連雞湯酒醉味也減輕了 怎麼攪太差了

未試過食雞煲湯底同雞分開叫，我當有人唔想食雞只食湯底，咁我就叫醉雞湯底，之後叫份大雞，黎到得半隻雞，兩舊幾水食醉雞但得半隻，大佬唔駛食水咁深，個湯底無酒味，咁再叫碟大手切肥牛，得大十塊左右，收268蚊，仲要賣相差到，兩樣嘢加埋成6舊水，唔係比唔起錢，係完全唔值，因為諗住普通打邊爐都唔會影相，呢間嘢貼錢比我都唔會再食，食完仲要過隔離買外賣返屋企食。。。。。。。。。。。。。。。。。。。😤😤😤😤😤😠😠😠😠😠