好旺角麵家 (已搬遷) 新店位置

玩到半夜三更好肚餓, 老友話要食個夜粥, 即刻諗起去呢度, 半夜兩點幾依舊坐到八成滿, 果然無改錯名, 好旺角, 勁旺啊!!!!本來想叫雲吞, 但見佢生滾粥咁吸引, 叫左個豬潤粥$23食, 話咁快有得食, 果真熱辣生滾, 粥底好綿, 米粒大大粒睇得見, 豬潤四大片, 片片爽滑味夾鮮, 唔....真係好正, 個啖粥好濃豬潤味, 好正啊!!!!朋友叫左個蠔豉皮蛋粥$26, 呢個係咪生滾就有懷疑, 因為粥底比較稀, 同埋個粥味比較行........蠔豉好多但細隻, 煮得過左少少時間有d硬, 都係豬潤粥正得多.而家真係好難有呢d咁舊式風味的粥店, 下次要去食下雲吞同腩汁芥蘭先!!!

望森林, 大海,問小朋友, 什麼顏色?綠色, 藍色.答對! 但再看清楚, 全都是一樣的綠色嗎?不是, 實情是有淺有深.那是層次.味度也一樣, 甜酸苦辣, 不是平面, 不是一色一樣.一種菜式, 有一種味度, 尚且需要層次.要是多過一種味度, 層次更形重要.牆上掛著懷舊膠牌－－巧製: 色香味正宗京都炸醬麵.端上桌, 色, 濃稠; 香, 略淡; 味呢?入口, 甜, 一秒兩秒三秒, 漸漸, 變辣!由甜漸變辣, 享受了兩種層次的味覺經歷,兩種味度恰如其分, 各司其事, 驚喜驚喜.再試麵, 名不虛傳, 爽, 打破以往吃粗麵如嚼橡皮圈的陰影.好旺角, 好望角, 味覺航道中的據點.

此店之腩汁出色,但個人嫌牛腩太"" 同"鞋",點牛筋較佳.牛筋雲吞撈(多腩汁)係我至愛,另油菜確條條揀手,佐以鼓油,非一般面店老菜加劣質油可媲美.

老式廣東麵店豈只好旺角一家？？以吾觀之, 廣式麵店尚存者凡幾: 佐敦白加士街麥氏文記, 中環麥氏奀記, 灣仔永華, 銅鑼灣何氏洪記, 中環羅氏富記, 銅鑼灣黃氏枝記, 跑馬地正斗, 及旺角好旺角. 各家實各有千秋, 以湯優勝者有之, 以麵質勝者有之, 以佐料勝者有之. 吾所好者, 麵, 湯而矣. 故特愛永華, 何氏洪記, 蓋二者香甜有之. 好旺角者, 其湯咸味太過, 蓋于甘味; 豬油雖香, 仍難保其失. 所可述者, 撈麵而已. 以湯麵論之, 只屬中上品. 或曰, 以旺角以言, 好旺角則當為上上品矣!

本山人極喜粉麵, 好旺角為心中最佳者好旺角實乃碩果僅存之老廣東麵家也. 何則? 單看一味薑荵勞麵可知矣, 外間幾許得見? 兼其撈麵, 不加蠔油, 而撈以豉油, 非豉油靚, 豈敢如此? 其河也, 煙韌清爽, 絕無黏爛. 其麵也, 彈牙不在話下, 淡淡然鹼水味道恰到好處. 新派麵館毫無鹼水, 質感味道非廣東麵矣. 其腰潤, 無異味, 新鮮, 處理好之故也. 余喜其腰潤或鮮魚片湯粉麵, 必加薑荵. 其料之味, 發乎其內, 揚乎其外. 初食, 味未散, 乃食其粉麵之穀香, 蝦子湯之咸甘, 腰潤或鮮魚片之鮮甜, 薑荵之青辛; 及後, 各味紛紛陳陳, 其質有異, 其味一同. 其蝦子湯, 咸香襲人, 飲之, 蝦子湯獨有之涸喉感實令人過癮之極新派麵館, 多少有鮮魚片麵? 其魚蛋, 魚味十足, 亦不似潮州魚蛋求彈牙, 略柔. 雲吞, 涵內加蝦子, 更添鮮美. 其粥極綿, 雖有味精, 然粥底亦靚也, 不然無此鮮味. 師傅數十年經驗, 碗碗僅僅熟,功力也. 其芥蘭甚大碌, 佐其豉油王極佳. 然其豬手牛腩炸醬, 入味則已, 而一味靠甜, 牛腩選材不佳. 豬手牛腩炸醬俱非本省出品, 實不宜於廣式麵館試也或曰其環

炸醬麵的料凍麵熱我是回應這一句的....正宗京都炸醬麵是料凍麵熱的!

雲吞麵...傳統老字號出品, 細細碗, 少少黃, 湯底鮮甜, 雲吞細細粒, 可惜肉質唔夠新鮮, 有種死實實既感覺, 但麵真係冇得彈, 真正全蛋麵, 爽口兼彈牙, 食完都唔多夠喉.

以前讀書時曾在旺角補習，補完習後不時來這裡吃魚粥﹐因為很少吃到骨、很多魚、粥鮮甜，一向不太喜歡外出吃粥的我也被它吸引。現在下班經過旺角，不時會進來吃碗雲吞麵作宵夜，我很喜歡吃大大粒雲吞，但這裡的傳統雲吞充滿肉香又有蝦的鮮味﹐所以我常點這個。不過，份量少了一點，不太大食的我在宵夜吃完只覺剛好，我想胃納大的人要吃兩碗才夠。另外，這裡的豬潤又爽又大塊，不過一碗豬潤麵要26元，得4塊豬潤，當宵夜吃略嫌貴了一點，所以比較少吃。

裝修後雖光猛清潔失卻特色，粥品一般，炸醬麵的料凍麵熱，本人不習慣。

昨晚同朋友經過就入左去食, 叫了牛丸河($18), 牛筋粗($18), 菜心($11), 可樂($7), 味道ok, 但好細碗

12月16日晚成點鐘同朋友黎食. 我要豬潤粥($23), 佢要豬肚肉丸粥($23), 加碟腩汁芥蘭($11). 粥夠綿, 我鍾意, 豬潤好爽, 朋友都話幾好味. 朋友想食爽皮, 可惜賣晒. 份量夠, 食完好飽!

試左個炸醬麵...... 超細, 但18蚊喎! 完全唔覺得有乜咁特別囉. 但又鬼咁多人去食. 地方又細.......唉.......我下次一定唔會再去囉.

旺角區既老字號,裝修唔顯眼.尋日試左雲吞麵,蠔豉牛肉粥同白灼魚皮.雲吞麵爽口彈牙,雲吞細細粒, 一口一啖,湯無味精.蠔豉牛肉粥,稀杰適中,蠔豉好香.白灼魚皮好新鮮,好味,水準拍得住灣仔既五龍.旺角區高水準既粥麵首推呢間.

的而且確好旺角麵家係一間老字號O既粥麵店，我好細個(起碼十幾年前) 阿媽帶我去食. 我o地兩個都覺得炸醬麵係最"正" , 所以去親都係食呢樣. 曾經老闆同我o地講過, D 炸醬用好多日才做出來, 如果唔係邊有咁入味喎! 好旺角麵家一直都保持好準, 每次去都唔會令我失望, 所以間中都會同D 朋友去食. 對上一次試過叫了雲吞麵, 炸醬麵和生滾魚片粥, Of course 雲吞好鮮甜, 麵好爽口. 至於粥呢, 配料新鮮，粥底夠綿. 最緊要麵係碗炸醬麵, 炸醬有少少辣, d 肉好入味, 個湯簡直超"正" -- 好香濃.美中不足是d 麵的size 唔夠大份, 分分鐘要食2 碗先有飽的感覺. 而且$ 比起出面好多舖頭貴.

好旺角麵店的麵真是好好咕味的！但貴了少許！