好好甜品

營業中

休息中

今日8號風球晚上落波3號，老公知我想食甜品就揸車出去買要揸20分鐘佢都好好。 有d冇開鋪，咁啱見到好好開左，平時我都會叫綠精靈個d，一般可以接受今日老公send個menu我睇，咁我想食榴連，所以點左榴連香芒西米撈返到屋企，成碗都係奶水咁好稀，有榴連味但從未見過榴連，一般出面嘅甜品店都一定有榴連肉，盡管佢唔係D24都比d榴連肉我吖，咁好都食返芒果吧 點知食左2舊先發覺 成碗先得4小件芒果，我地買左3碗，其中2碗都係呢個榴連香芒西米撈，即係碗碗都一樣咁搵笨中晒伏，$40一碗榴連味奶水+4小塊芒果仲唔係報復式收費我平時好少寫野，但真唔想大家中伏

8月25日晚上約8:30 到門市買左外賣男店員態度勁差 無禮貌 黑口黑面兩碗d冰都完全未搞碎雖則小店 旦都應該比d誠意住係附近 不嬲都幫趁開 平時好好係今次特別差吾會再有下次

又稱為芒果大王的好好甜品，在大埔屹立多年但每次吃甜品，它都不是我的首選，所以我對上一次光顧都可能有10年以上了....今晚在朋友提議下，再次來到這家甜品店因朋友說她間中也會來買甜品，但她每次都只買同一款的香芒忌廉大菜撈 ($32)而我就選了香芒芋圓撈 ($38)～～其他朋友就點了楊枝甘露 ($33)﹑雜果涼粉冰 ($32) 及鮮雜果芒果西米撈($40)試自己那款甜品前，先試了一口朋友的香芒忌廉大菜撈忌廉香滑，大菜糕滑溜又帶點咬口，不會過稔～～味道不錯！太久沒吃過楊枝甘露，也嚐了一口楊枝甘露的味道稍遜，芒果汁的味道較為霸道，遮蓋了柚子的清香！香芒芋圓撈，滿滿就是芒果醬汁，將芋圓和芒果肉都覆蓋了芒果肉香甜但芒果汁的味道好甜，吃到底覺得味道好漏......當中有芋圓及地瓜圓，幾大粒，份量也不會好少芋圓地瓜圓的味道其實幾香，惜質感好硬實，一點都不煙韌，有點糟蹋了那麼香的芋圓地瓜圓呢！其他朋友都覺得他們的甜品味道不錯就只有我覺得自己那款不好吃...勉強給予一個OK吧！

飯後甜品不可少，就來到好好甜品，晚一點會有好多人來吃。就點左手炒黑糖幻彩丸子盛(HKD35)，有芋圓、小丸子、地瓜圓、珍珠、涼粉和西米，黑糖味混合一起會偏甜味一點，材料也比較多，食落好有口感，好好味。友人點的是榴槤西米橯(HKD40) 榴槤肉味重，但好像食得泡沫感覺，味道一般。最後就點埋榴槤斑戟 (HKD30) 忌廉多，榴槤少，有點膩感，價錢比較貴。

食完飯散散步吹下水 就想食甜品 行吓行吓 就發現咗呢間甜品店 名唔係好記得 鮮果數量都唔錯 每樣生果都有兩粒 裡面有珍珠 小丸子 西米 芋圓 地瓜圓 紫薯圓 珍珠 小丸子 同西米 凍食係幾唔錯 但係 芋圓果啲就真係唔係禁啱凍食 一啲都唔煙韌 本身味道都唔錯 底部仲有煉奶沙冰 每一啖都係甜 都算接受到 朋友果碗大致上同我果碗一樣 係無生果 但係就有雪糕同涼粉 每碗都係$40左右 份量又唔算細份 食完又唔趕人走 晚飯食完又想再吹吹水 都可以係另一個選擇

來這裏吃甜品，一般都不會吃芒果西米露、或是芒果汁，因為自從在這裏試過他的椰皇燉蛋白，發現真的非常好食，清熱下火，如果配上芒果肉，鮮甜的味道，就令這個甜品提升到另外一個層次。

相信住大埔嘅街坊都知道芒果大王-好好甜品呢一間糖水舖我係一個好鍾意食芋圓嘅人，由芋圓初初開始受歡迎同普遍嘅時候，我已經喺大埔周圍尋找各大甜品鋪，想搵好食嘅芋圓，當時好好甜品就已經有出自製芋圓，對比大埔其他甜品鋪，佢整嘅芋圓係最好食！可能佢一開始仲係嘗試調整芋圓嘅階段，當時嘅質素好參差，有時好好食好煙韌，有時又會淋得濟！但之後佢越做越好食，每次朋友問我去邊度食糖水我都會話去好好甜品，而且只會叫佢嘅香芒芋圓冰+奶（奶= 煉奶，另外可加忌廉）🤤🤤🤤佢係刨冰底+芒果+芋圓+煉奶，佢一碗都有大約十幾粒芋圓mix地瓜圓，芋圓好重芋頭味，地瓜圓又煙韌，加埋煉奶同刨冰一齊食好夾！不過要提醒大家一樣野，呢到啲甜品係偏甜，如果唔想咁甜可以叫佢少啲甜或煉奶。因為有朋友覺得太甜，但係好甜嘅我就覺得好味！

太和既好好甜品 記得第一次去食係呀哥帶我去食 依加變左我帶其他人去食😂今日幾好興致黎太和食完串燒 好近好好甜品 所以決定食埋個甜品先返去兩個人叫左個芒果芋圓撈同榴槤紫米撈 好懷念 佢地既甜品係純粹sell真材實料 呢度出名叫芒果大王 雖然外表只係一堆黃野堆滿個杯 但入口滑嫩 芒果鮮甜 佢地既芋圓都係自家製 手做既 形狀係大大粒圓球形咁 有紫薯圓同芋圓 有八九粒收埋起芒果裡面 咬落幾彈牙 口感煙韌中間會夾離芋粒 好天然 另一碗係榴槤紫米撈 望落雖然一堆堆 個樣仲幾醜樣 但入口好smooth 有好天然既榴槤味 同埋間中不到一堆堆榴槤蓉 好足料呀 食完呢碗甜品真係棒住個大肚dum走

2019.12.31 夜晚8點幾 諗住揸車去食個桑寄生蓮子蛋茶加芝麻湯圓$31 滿心歡喜拎到返屋企.... 一打開 「無湯圓」諗住打電話仲有希望 點知電話未有用戶登記好失望啊...

飯後甜品，見呢間無咩人排隊門口又貼住文宣同掛住Pepe,就試一試佢🔹黑糖芋圓椰皇燉蛋白 $60聽個名好似好吸引黎到都好足料芋圓真係食到芋頭，有少少咬口燉蛋白夠滑，奶味唔太濃🔸薑汁芋圓西米露 $30淡淡薑汁味，唔甜但配上芋圓同西米，口感好怪唔夾，所以食左一半都已經食唔落🤦🏻‍♀️都是係鐘意食椰汁西米露多d🔹榴槤班戟 $30同滿記既榴槤班戟有d似不過個面就厚多少少每一啖都有榴槤既香味💬薑汁芋圓西米露真係有d伏，雖然創新，但味道一d都唔夾個地仲好痴笠笠既感覺

一星期都有兩晚食呢間嘅湯水每次都係食芒果西米露加椰奶一定要加椰奶，加左個味香好多(我食椰汁嘅所以ok椰奶)，然後佢仲可以加錢要不同的topping, 我通常都加小丸子嫁，下次會都試下芋圓小丸子另外一提，佢個芒果汁係芒果沙冰黎嫁，所以食上去好凍，有時要灘凍d先食到

甜品] 芒果🥭同芋圓係呢度最出名嘅，咁梗係叫香芒芋圓撈一次試哂兩款最出名嘅嘢啦👻。不過佢係中式甜品來講唔算平🤧1️⃣香芒芋圓撈 $38我自己就覺得整體感覺好似甜咗d。尤其是佢嘅香芒沙冰可以整得沒咁甜，因為依家有少少搶咗其他材料嘅味道。清甜嘅芒果🥭每碗有兩大塊。一開始我食唔到芋圓同地瓜圓嘅味道，因為俾香芒沙冰嘅甜味蓋過咗，之後喝咗啖水先食就到。芋圓同地瓜圓都各有4-6粒左右，而且每一粒既大粒又煙靭。芋圓嘅芋頭香味好夠，唔會好似食舊粉咁;地瓜圓嘅地瓜味有d弱。🙆🏻‍♀️好味指數: 6.11/10 💡整體來講，性價比一般，不過口痕想食芒果🥭甜品就可以一試好好甜品地址:大埔太和美新里5號美菱居地下B號舖

晚上甜品時間去左好好甜品食芒果西米撈，份量略少，但價錢不算太貴，唯獨芒果汁底用糖水稍過量，令糖水的味道略蓋過芒果本身的味道。建議如果要選吃，可以點選芒果以外的甜品。之前試過中式糖水，還是不錯的。

食完飯去食糖水 見呢間好多人排隊 心諗咁好生意應該都唔差一共叫左三個糖水 個樣睇落都正正常常1.芋圓丸子腐竹銀杏薏米2.合桃露加湯丸3.椰汁紫米露每一款都甜到食完好似會即時變糖尿病 甜度完全不合理 如果你曾經有試過做糖水測試 就係個種感覺 所有甜品都係得一個甜字 完全無食物既味道 芋圓丸子腐竹薏米係完全冇銀杏 好似有30匙糖咁甜合桃露係完全溝左好多粉嘅質感 湯圓又係甜到痴線 紫米露係稀如水 如果您係鐘意食勁勁勁甜 咁呢間野好啱你真係好耐無食過咁既質素既甜品 每碗食咗幾啖已經食唔落去

食完晚飯之後都唔係好覺得飽所以就去食多個甜品先 叫左個雪芳芒果椰子冰 本身都覺得好驚個芒果係會比較酸 但係估唔到 唔錯wor 都幾新鮮椰子味亦都好濃 所以都覺得唔錯 下次可以再嚟食