好味軒餐廳

營業中

休息中

呢日又到咗28號，可以用某外賣app嘅$8優惠解決晏晝嗰餐，最近公司嘅$8餐就係依間茶餐廳，賣緊咖哩豬扒/雞扒飯🍛。去到餐廳都見到有啲學生食緊，以及同路人拎外賣。但外賣已經準備好，唔使等👍。餐廳望落環境就係普通茶記一間，有啲舊。返到office開飯喇，飯🍚同咖哩汁豬扒係分開上的，無論飯餸汁份量都好夠嘅。同事仲好有心機咁鋪哂啲豬扒喺飯面，証明份量真係好足😂。食落就...普普通通啦，豬扒味道都唔錯嘅，應該有一整塊完整的。但咖哩汁好稀下，唔係好夠鹹，味淡又有啲辣，而且得好少薯仔🥔。至於個飯就最唔掂，因為啲米好旱，淋汁食都仲係好乾身。總括嚟講，以$8質素我就無乜好講，但如果原價$4x到我就會有啲嬲...，豬扒味道ok，但汁同飯唔掂，總體麻麻地。唯一好少少嘅地方係份量都足嘅。不過如果唔係太肚餓，如無意外我都會唔嚟食或買外賣。

午飯時間黎到太子 金翠爆！星廚又爆！西貢巴黎都系爆就由橋底個位行左過荔枝角道既另一邊經過好味軒既門口，見到有快6個午餐$36快餐可以選擇「沙嗲豬軟骨」深深有意欲入去試下！岩岩班學生哥走人一入去就有位，同樓面姐姐講左沙嗲豬軟骨飯凍檸茶少冰。過左 一陣之後先拎左碗湯黎跟住好快碟飯同餐飲都拎埋後。碟頭飯份量黎講餸多過飯先試左個汁味道岩岩好仲帶有菠蘿既香味同酸味 醒神！再食舊菠蘿發現系新鮮菠蘿唔系罐頭菠蘿。再將d汁撈飯好味成碟食曬不過是次唔記得影相。下次黎呢頭又有新選擇！