好味屋 (已結業)

早排試過呢間食店對面新開的「燒味集團」的咕嚕肉感到非常失望後，今晚去到呢間不太起眼的茶餐廳一試。點了兩度小炒：1) 菠蘿生炒排骨2) 蒜蓉牛肉炒菜心各$45包白飯+飲品 (冷飲加$2)菠蘿生炒排骨 - 賣相一流，好有鑊氣、甜酸味剛好!! 好脆、又唔太乾。少骨多肉。好滿意!!蒜蓉牛肉炒菜心 - 菜心份量好多，大大條。牛肉炒得好好味。可惜牛肉醃得太淋同D菜太油。凍奶茶同凍檸茶好好飲，因為本身D茶味夠濃....... 我一定Keep住再0黎。

今日星期日，係太古上完堂，又好肚餓，就求其搵間野去食飯啦～近排為左增肌，無辦法唔破戒唔食肉，於是就叫左個少味精既西芹雞柳飯。睇到ｄ飯好濕，再加埋ｄ汁就真係一般般，如果ｄ飯乾身少少會好ｄ。另外，師傅整ｄ雞柳同西芹都好有味，我諗應該有落少左味精既～仲有少少green onion咁啦，都無乜特別！唔知點解呢度ｄ炒飯特別貴，可能位置偏僻啦！

今日 lunch 有多啲時間，可以行去近太古城嗰邊。到達澳門茶餐廳，點知冇位，又唔想企o係出面乾煎，折返華蘭路一帶的茶餐廳。看見這間門面不甚起眼的食店，午餐 $30，有 5 款可選，於是便入內。翻翻餐牌，除了午餐還有特式西餐飯，3 款西式食品配飯、意粉、公仔麵或沙律，跟午餐價錢相同，因為太熱唔想吃飯，所以要了牛脷紅腸午餐肉 + 沙律。沙律與主菜是分開上的，賣相麻麻，牛脷紅腸午餐肉配上深啡色的蒜茸汁，雖然個汁偏鹹，但味道又不是太差，牛脷屬厚切，介乎爽口與軟腍之間，但冇乜味；紅腸午餐肉都係嗰啲貨色，不評也罷。沙律是什果溝什菜，不過冇薯仔，配料有椰果、百香果、青瓜、甘筍、雪梨、菠蘿等，略嫌個沙律太多醬，但整體都算不俗。

袋中只剩下四十九個九時，沒話事權下只有跟大隊到某部門的飯堂作議席者。忙完些手尾，來到時也趕得及喝餐湯，是味精的雞腳豬肉青紅蘿蔔湯，雞油、豬油頗足，有味的水幾飽肚的。對黨大會的內容無心裝在，自顧自的影，京都骨、芋頭炆雞、金眼蛋津白、洋蔥黑椒牛仔骨在反對聲音下叫做順利攝下，然後要向大會逐一匯報：相中物。簡單來說是省油燈、慳功夫的作成品；如芋頭炆雞，是芋頭煮煎雞扒，想不到切件的煎雞扒也有油甘味道，雞肉被做了手腳，可幸不至於到霉腍的程度，當煎雞扒吃的話也不錯。小時候也吃下不少雪藏黑椒牛仔骨，對此物也沒特別愛惡，稍醃後輕煎也不會難吃的，但當碰到化學招呼過的貨色，兒戲的霉腍質感也真可怕，更甚者是上粉炸成的，是晚如是，吃不下，掉了。京都骨肉地夠厚，又是被招呼得質感盡去之物，上粉炸後再淋以醋味「甚豐」的甜酸汁上，只吃到鬆泡泡的炸肋位，唔羶又有肉地，眾人一口氣清碟，最後只剩下自己唔小心跌落地的那條。吃到尾，也找不到什麼料子可以伴飯吃的，剩下些粗爽的津白，草草吃過算了，散席聽者有分，夾了卅七個洋，吃了幾個小菜，街坊價值街坊質素，加杯野飲有電視睇也叫合理。題外話：叫了兩杯檸茶，出了單丁一杯，正想一啖飲落口時

平時不會行來，更不應該在星期日晚走來，只好阿Q精神，希望碟海南雞生生性性。街坊小店，茶記格局，老哥大聲喊著：有位埋邊坐，斟茶落單醒目快手。客人埋單，唔該前多謝後，中氣十足帶點粗魯味道，落在地痞茶記，又幾到位呢。湯先上來，是青紅蘿蔔瘦肉湯，加了少少魷魚乾來煲，清清甜甜又有少少海味味道，雖有少少師傅，都收貨啦。少少反光的雞汁飯，遠望已知對版，修長的絲苗米光澤十足，煮得乾身唔油，味道算不上濃，勝在口感搭救，吃得過癮。伴飯的切雞，有髀有胸，分量十足，是預期的冰鮮貨，沒有肉身稍欠彈性，但幾嫩滑，連著微脆的雞皮來吃，味道對版，連伴碟的花生都是炒過的，薑油亦切得得夠碎夠薑，幾細心。埋單時問老闆，是否碟碟都是雞髀？要加錢嗎？道：「你要咩位就切咩位比你，最緊要食得開心」，豪氣十足，會再來的。時為二月某日．．．

行過呢到一個人"仲"入去食晏。正在猶豫食乜之際，見到牆上寫住馳名海南雞飯，叫了試下。雞油飯果然唔錯，有油香味而不太肥膩。雞都幾夠份量，有翼有脾有胸，肉嫩有雞味；可惜”點”雞只得蒜蓉醋同薑蓉，如果有濃嘅甜鼓油就更正。跟飯重有碟油菜，ＯＫ但沒有特別。湯只渴了一口，因為我一貫對湯不是十分喜歡。加埋一杯涷飲接近四十元，都算食得過。但要有心理準備，十分多人在這裡食煙，如果自問受唔到煙味，都係等２００７年１月１日後先嚟。

尋晚誤打誤撞之下入咗呢度試,都係一般茶餐廳格局,4個人叫咗一個二人餐,另加一個小炒,但食唔晒.至於服務態度就..二人餐$881)招牌例雞- ok,幾滑2)咖喱牛腩煲- ok,牛腩+牛根幾腍3)楊州炒飯- ok,但轉白飯會更好,唔駛嘥咗啲咖喱汁4)例湯5)飲品(冷熱飲品需加$3)另加一個小炒- 泰式炒雜菜就好唔得四人共消費: $125

屋企冇煮飯,就會行過黎呢度食, 貪佢D野食又大碟又好食.晚飯有好多款"送"比你揀一般茶餐廳有的佢都有.我最鐘意食佢個斑腩煲, 絕對唔係雪藏野~ 係新鮮魚! 八珍豆腐煲都好好食的. 連飯湯加野飲, 都係大約$40 一個"送"!! 味道唔錯, 最好係冇乜油, 但又好有味. 真係落足料整的~

補完習,就求其搵d野食啦..見佢唔太貴咪入去囉..點知..都唔知食咩好,因為選擇比較小..(以茶記來說)叫0左一個"西餐"--可斑+餐肉+蟹柳跟意粉..可斑+餐肉+蟹柳一碟上,賣相唔得,因為成"pai"汁係上面,啡啡咁,仲要d野好好好油..食到冇mood...個意粉呢..係用茄汁炒既..不過..唔熱,好求其,你"叮"熱佢俾我食都好食好多啦...跟餐有一杯飲品,叫0左熱檸水,最正常係依樣野...食得飽囉..不過唔好食..下次唔好去喇

Breakfast 芝腿治+ 熱華田外買$15 堂食$18 離譜Lunch 生炒骨飯等於全骨飯味道又差全店好多烏蠅仔.完全唔掂

Breakfast 芝腿治+ 華田外買15. 堂食18. (坐落都唔出聲.離譜)Lunch 生炒骨飯等於生炒全骨飯. 味道又差. 完全唔扺食.最後全店好多烏蠅仔.

首先要多謝食友Michelle來電郵推介，如果不是，相信我是絕不會找到這間食店，就趁是日落太古城搞私幫野，行過來基利街幫襯。這裡其貌不揚，外表看來，裡面煙霧迷漫，如果不是為了一碗雞油飯，也不會行入來。眼見有卡位有大圓檯，不過就立立亂，大家隨便自己搵位坐低，人客眾多，伙記是沒有招呼的。甫坐下便叫野食，叫的當然是午餐牌上掛頭牌的海南雞飯，亦問清楚是不是雞油飯，伙記說：「係！咩唔係呀。」好快有得食，先扒啖雞油飯，夠味，有水準，但比起以前南亞，都係未夠油，卻比起其他坊間食肆，算唔錯；雞肉幾大碟，有胸有翼，亦有骨落地。雞肉幾滑，夠肥美，食到一口油，都唔錯；醬汁只有酸辣汁及薑油兩種，沒有了黑黑的甜醬油。總的來說，如果為著一口雞油飯而來，還是食得過的。而這篇食評的笑面，亦是給這碗雞油飯的。連凍啡一杯，埋單33蚊，都叫經濟抵食。題外話：這裡是名副其實的煙竇，觀察所見，有近八成的人都在吞雲吐霧，餐廳長期處於迷糊的狀態，怕聞二手煙的，都是過隔離食日本料理好了。

平時lunch都會幫襯佢~食來食去都係果幾樣~１．咖哩２．鰻魚叉燒炒飯３．日式肥牛飯佢地個廚煮野都好夠wok氣~ 味道都不錯的~

這間食店好像是已搬往華蘭路，電話是21867483，不過這間店的價錢頗貴，在茶餐廳中，食物一般，價錢在上限，不值得建議。就算外賣，也不好，附近的茶餐廳的外賣不用加錢，這裡沒有標明卻在收錢時加錢，有點過份！

這星期分別試了:1.牛扒蛋餐肉意粉,2.海南雞湯米，3.咖喱牛腩湯米。1.HK$28.-牛扒蛋餐肉意粉+熱飲：牛扒、蛋、餐肉和意粉分開上，分量足和好味，對我來說過量了，但太好味，便冒著下午打瞌睡的危險，通通吃掉！因位份量關係，餘下兩次要了湯米餐。2.HK$23.-海南雞湯米+多士+熱飲：這款就一般啦！只付上薑蓉而不是小碟酸醋蘿蔔。沒有雞味比較肥。3.HK$23.-咖喱牛腩湯米+多士+熱飲:咖喱精彩，牛腩：是牛根腩，淋和入味。多士時間剛好，香而不會焦黑。咖啡一般，沒有驚喜。我會再試咖喱羊肉，但肯定在下斑後。這是一家小店，在小城故事傍邊，不十張。午市是由幾位五十開外的長者付責，就算已滿座而且外面有人在等位，他們仍不慌不忙，應付自如。這星期幫嚫了三次，仍未見到錯單和漏單。