好叉好味 (禧利街)

營業中

休息中

香港人一向愛吃燒味，尤其是燒得焦香肥美，甜蜜可口的叉燒，更是大家的心頭好。早排約咗朋友去上環交收，喺禧利街發現有間叫「好叉好味」的叉燒飯外賣店，店名抵死過癮，所以已經即時 mark 低咗間餐廳，趁今日要嚟舊屋打掃，就順便過嚟買外賣。門面紅卜卜，好易認，加上以卡通版豬仔做 logo，夠晒搶眼。初頭還以為餐廳只做外賣，原來店內設有幾張高腳櫈， 那就一於坐下來堂食。先睇下餐牌，食物選項唔多，只有四款飯、兩款潛艇漢堡、叉燒杯同三款小食。叉燒飯一共有三種口味，分別為辛麻、柚香和焦蜜。由於兩口子都不大吃得辣，所以就揀咗柚香叉燒飯 同 焦蜜叉燒飯各一，另外再加咗一客洋蔥薯餅做小食。兩款叉燒飯都用上大型的咖啡外賣杯盛載，而且客人仲可以因應自己的口味選配菜飯、白飯或沙律。先試下呢款配咗白飯嘅 WOW 焦蜜叉燒飯 ($54)，叉燒切得頗厚身，肉質很鬆化，一點也不韌，最正就係有燶邊，而且由於加入了秘製蜜糖，所以味道特別甜，焦香、油香、肉香盡在一口中。面頭嘅荷包蛋亦煎得很有水準，不但蛋黃呈流心狀，連外圈嘅裙邊都很脆口，將蛋汁同米飯撈勻，入口香滑多汁，美味至極。至於另一款 WOW 柚香叉燒飯 ($58)  就揀

屋企附近又有新食店😍係一間主打叉燒嘅店舖，不過唔係燒味店呀！😆叉燒有幾款不同口味，有原味、蜜椒、辣味、蜜柚，可以配搭白飯、菜飯or沙律，今日Work from Home，lunch又有新野食了😆柚香叉燒呢度嘅叉燒半肥瘦，切粒，撈勻柚子蜜，香甜味十足，配沙律，將成個lunch嘅卡路里拉低😆 原來食叉燒都可以咁健康👍👍蜜味叉燒傳統蜜汁叉燒，肉味軟滑，但係今次個蛋就煎得生咗少少，下次一定要叫佢煎返熟蛋，份量豐盛，童叟無欺！👍👍而且地點好容易搵，門面紅噹噹好易認，下次要試埋辣味！

柚香叉燒飯柚子微酸酸甜甜比起傳統的叉燒飯， 有清香的柚子味， 真係有一條條柚子喺裏面，令到飯更加好味！叉燒好有特色， 切到一粒粒啱啱好一口肉， 叉燒食落去好juicy！ 最特別係佢個飯係層層疊一層飯，一層叉燒， 咁就唔會食到底淨返啲白飯冇曬叉燒喇！ 好鍾意佢個流心蛋， 撈埋飯食一流！ 焦蜜叉燒菜飯焦蜜叉燒， 相信加了很多蜜糖，，所以肉中帶有甜味， 非常可口！ ，鋪頭主打菜飯，加了蔬菜感覺冇咁油膩，健康些！ 叉燒飯的份量頗大，有飽肚感！ 另外，小食非常吸引😍有五粒墨魚丸，都好好食好彈牙，，鹹甜適中， 有好濃郁的墨魚味🤤🤤🤤炸蝦角都有五件，唔錯唔太熱氣 ，炸得不會太燶， 又不油膩！

上環出名多嘢食😍係呢頭返工超幸福✨公司附近新開左間食店～好叉好味，一聽就覺得係專食叉燒嘅店！原來係有幾款不同味嘅叉燒，而且可以配菜飯、白飯或沙律。和同事一人叫一份試下先😆炸蝦角春卷皮包住蝦膠，炸得夠脆，又彈牙蜜味叉燒呢款係傳統叉燒嗰隻蜜汁味，叉燒切粒，容易食，而且份量非常多，跟菜飯，感覺健康好多！柚香叉燒燒好嘅叉燒，再加柚子蜜，叉燒香甜軟滑，我配咗沙律，有羅馬生菜、沙律菜、蕃茄，感覺好新穎， 原來叉燒同沙律可以咁夾👍👍仲有其他款口味，下次一定要再嚟試埋❤️

疫情尚未穩定 大家都應該多留係屋企食飯呢排公司安排大家在家工作放飯時間都會落一落樓都買個lunch今次食近排開左冇耐 專門食叉燒既食店分別叫左一個WOW 柚香叉燒 同WOW 焦蜜叉燒最特別係佢個柚子味叉燒柚子味濃郁同時又冇違和感好match酸酸甜甜 又幾特別另外飯底方面可以選沙律/一丁/白飯/菜飯而我緊係簡選菜飯喇 菜同飯既比例剛剛好而飯同叉燒既份量都非常多 唔會唔夠食強烈推介柚香口味 一黎口味特別 二黎唔係周圍食到麻！仲另外叫多左個小食墨魚丸 幾好架

Looking for some decent chasiu? Head to @wowcharsiu !! They offer great deal doc for grilled chicken & Charsiu dishes! Not only the portion is big, the quality also justify its price. Loving the creative branding;loving the pan fried runny sunshine egg to start our weekend lunch with. fried prawn triangle rolls were delicious and crispy as well. Overall, recommend for quick takeaway!!! Rating: 7/10 🌟 Location: Sheung Wan .

燒味飯一向是俯拾皆是的平民美食，用「平、靚、正」來形容就最適合不過，而在云云燒味當中蜜汁叉燒可算是最受歡迎款式之一。若然經過這間好叉好味，大概未必會知道它其實是間叉燒飯店，店內只得少量座位，所以大多數客人都會選擇外賣，而杯型紙製飯盒就正正方便至極。食物款式一目了然，招牌叉燒有辛麻、柚香及焦蜜三款口味，另外亦有一款烤蜜雞扒，全部均可自由配搭菜飯、白飯或沙律。WOW椒麻叉燒飯 ($58)飯面放上一隻燶邊煎蛋，蛋黃與甜豉油融入飯底當中更加豐潤渾厚；叉燒與白飯梅花間竹所以每一口都能平均地品嘗到叉燒與飯，雖然稍為偏瘦但仍保留肉汁，亦沒有以鬆肉粉醃至過分軟腍，切粒方便食用而邊位烤至焦脆，配以辣油增添辛香更加惹味。WOW焦蜜叉燒飯 ($54)焦蜜叉燒飯與椒麻叉燒飯大同小異，但取而代之的是蜜糖的香甜，值得一提的是每杯叉燒飯雖然看似份量不多其實不然，相信即使男士們亦會覺得飽足。蝦角 ($28)外表有如咖哩角一樣，中間包住彈牙的蝦膠，餡料份量不多但炸得香脆酥化。

近排食晏都是外賣比較多，同事介紹呢間叉燒飯專門店，有特色！其一用咖啡杯作為飯盒，我覺得比傳統飯盒方便，因為圓形高身，冇咁容易跌啲飯出來。其二叉燒及飯相間成四層，唔會食到尾唔夠餸，而且叉燒份量好多。第三，叉燒切粒，用匙羹食亦方便，一匙一口，省了咬細的工夫。柚香叉燒飯＋焦蜜叉燒飯焦蜜即是傳統的蜜汁，烤至有點焦增香，叉燒味道唔錯；柚香多加了柚子醬，添加了一份清新的口感層次。我揀了菜飯，有些菜濕些更好。小吃方面，買了蝦角，炸得脆口，啖啖蝦肉。

好叉好味😋係新派叉燒飯店招牌叉燒有三種口味：辛麻味、柚香味、焦蜜味「Wow焦蜜叉燒菜飯」大量叉燒粒一層叉燒夠淋身仲有些焦香加上香甜蜜味，果然是招牌菜+少許薑蔥一流👍🏻食時候隻太陽蛋係鋪面濃邊既太陽蛋黃溢出撈埋叉燒同菜飯一齊食 好惹味濃香👍🏻「Wow烤蜜雞扒菜飯」烤蜜雞扒同樣十分出色👍🏻 雞扒同叉燒一樣肉質嫩滑，啖啖肉好滿足喔「Wow叉燒艇」白芝麻加炭麵包🥯以叉燒夠淋身仲有些焦香加上香甜蜜味燒臘好特別既咸香又清新唔會有膩既感覺，而且味道亦相當配合👍🏻推薦

叉燒燒臘係我嘅心頭好 由經典黯然銷魂飯到新派便當🍱 一律捧場 上環呢間外賣專門店 主打叉燒便當或者叉燒潛艇三文治🥪 聽見就想食-🥣#焦蜜叉燒菜飯 $54有辛辣 柚子同蜜糖三種口味 我嗜甜揀咗焦蜜 叉燒咬落香甜 肉質鮮嫩軟腍 叉燒嘅份量 多到同飯差唔多係一人一半🤩-🥣#烤蜜鷄扒菜飯 $54雞皮煎至微焦 雞油滲入菜飯之中 更為油潤 雞扒切成一粒粒 食得方便 上鋪一隻荷包蛋 豐富到呢😋-🍡#墨魚丸 $28酥香可口 可惜只得五粒 話咁快就食晒-🍢#蝦角 $28蝦角做小食係我嘅新嘗試 個人認為佢比咖喱角更加出色 外皮香脆 蝦餃🍤餡爽口彈牙 誠意推介-📍#好叉好味香港上環禧利街14號地下

成日行過都見有人排隊，其實佢舖面唔大，主要做外賣為主。喺OpenRice發現外賣自取有八五折，一於試吓啦 💃🏻叫得做好叉好味，成個餐牌都以叉燒為主。而叉燒分咗唔同口味，包括辛辣、柚香、燒蜜同埋烤蜜。至於飯可以揀白飯、菜飯同埋沙律。佢哋係用外賣杯做飯盒，叉燒飯分為五層，最底層係菜飯，然後叉燒，菜飯，叉燒，而最上就係荷包蛋。另外紙杯上面嘅豬logo十分吸睛，比起普通茶餐廳用嘅發泡膠飯盒吸引好多。講返我個柚香叉燒菜飯。荷包蛋煎到燶邊，半肥瘦叉燒切到一口size，燒得啱啱好，而酸酸甜甜嘅柚子汁中和左肥膩嘅感覺。正呀！而且叉燒份量非常之多，一定夠飽。如果想食叉燒飯，我知去邊搵啦。

在上環返工的朋友曾經告訴我，有一間叉燒飯好好味，還有我近排很愛的四川風味叉燒，問了店名，決定買外賣回家來一個late lunch。餸，有得選擇，底也可以選擇：菜飯、白飯和較為特別的沙律菜底。精心設計的豬豬logo，配合圓形外賣紙盒，似是西式食店外賣湯那種紙盒，很精美，也比用發泡膠環保。星期六下午的人不多，在等待期間，看見牆上有些訪問文章，發現原來店主因為在外國留學期間，吃不到好吃的叉燒，回港後自行開店，正正就是這種精神，值得嘉許。平常喝咖啡可以儲印花換免費飲品，想不到買飯也可以。好開心，帶着外賣回家，朋友讚了好幾次的叉燒，就快可以品嚐，充滿期盼。好靚！看似細盒的飯，其實份量也不少。菜飯是加了小棠菜的飯，叉燒和雞扒已切粒，方便進食。叉燒肥瘦得宜，啖啖肉，淡淡的蜜糖味，果然好味。辛麻叉燒，主要是在叉燒上淋了辣味醬，初初食的時候並不覺辣，但好戲在後頭，食到底的時候辣味才滲出來，不太吃辣的人要注意。似咖喱角的炸蝦角一客五件，熱氣食物冇得輸！

「好叉好味」在上環開店時已經超想試，今日終於抽左個時間過嚟買個外賣返屋企慢慢嘆。來到時已經過咗 peak hour , 好好彩我想食既款式未賣晒。小店主要賣自家製叉燒，加埋以外賣杯取代了飯盒，成件事變得更有趣，紙杯上的豬豬Logo亦十分吸睛 , 打破了叉燒給人的固有老餠形象，將叉燒推到令一個層次。等了約五分鐘「WOW 柚香叉燒菜飯」$58 就可以拎返屋企食啦。叉燒飯分為五層煎荷包蛋、叉燒、菜飯、叉燒、菜飯半肥瘦叉燒切成 bite size ，應該是用上梅頭肉，有咬口之餘又吾靭，最正叉燒仲有燶邊㗎 ，我棟左加柚子汁，酸甜既柚子汁中和了肉的肥膩感 。而且叉燒份量超多，食極都仲有既。另外可以自選配白飯、菜飯、沙律等。不過識食一定食菜飯，飯吸收埋肉香、柚子香，真係好叉正。

見到屋企附近新開左呢一間專門食叉燒嘅舖頭，個名叫做好好叉好味，而我咁岩又好差叉意食叉燒，就決定買返屋企同屋企人一齊叉叉佢wow柚香叉燒：呢款加咗柚子蜜嘅叉燒，食落去香香甜甜中又不乏柚子清香，油膩感平衡得好好。佢哋個底可以叫菜飯、飯或者沙律，而我就叫咗沙律，呢一個沙律裏面，有唔同嘅沙律菜同蕃茄，吸咗叉燒油分嘅沙律菜顯得格外惹味，美味得黎又無內疚感。wow焦蜜叉燒：雖然都係蜜，不過呢個就再甜多少少，呢個叉燒我就跟咗菜飯底，叉燒份量非常多，一碗飯裡面嘅叉燒兩個人都夠食。墨魚丸：彈牙嘅墨魚丸大大粒，好似乒乓球咁，炸得香脆可口，不錯。蝦角：就好似咖喱角咁，但係中間係包住蝦膠🦐，不過比起咖喱角，個人更加鍾意呢個蝦角嘅味道，又脆又彈牙，正

係中上環返工🤹🏻‍♂️成日見到同事食呢間野👀而且經過嗰條街都會見到好多人排隊👯‍♀️👯食之前真係想像唔到成個lunch都係叉燒🤔所以試完之後真係刷新左個世界觀🤯真係好叉好味😋仲翻兜左一次🦶🏻第一次食叫左WOW焦密叉燒🍯第二次試柚香叉燒🍊兩次都超好味！😍叉燒有叉燒味(笑🐽但柚香叉燒係新口味真係好特別✨果然係專做叉燒嘅專門店💮店鋪面積好細, 堂食空間非常有限🍽加上疫情關係🦠大多數人都係外賣自取🥡我第一次係透過🐼選餐所以order完就可以去攞⏰去到即刻攞到餐⏱第二次係即時on site order📍要等一陣⛓不過就發現左💡原來用外賣app買真係平d😱同一個價錢 用app買$50都唔使🤑原價$58💰所以適當用下🐼都可以save下money💸