好又多快餐

營業中

休息中

出旺角,唔去連鎖店,同個朋友行入去旺角朗豪坊再穿過商場條天橋就去到有一個熟食中心熟食中心有十幾間唔同鋪頭,大致上平均消費都係$30-40就有交易味道唔算好好食,但講份量一定食得你飽其中以呢間最誇張自選料,即係簡稱既三餸飯$40就有3個配菜每天不同,部份會恆常出現,例如肉餅,但呢度既肉餅太肥,唔係人人岩食仲有咖哩,牛腩,豆腐今日ORDER左咖哩薯仔雞肉,蘿蔔牛腩,豬扒先講份量,勁誇張,料多到見唔到飯牛腩同蘿蔔對版,夠入味,味道仲唔錯咖哩辣味都有少少,雞肉都OK多,薯仔夠大件又入到味仲有就係豬扒,斬得太碎,肉都夠多我地2個人未食飯,一人食一半都已經飽到收工40蚊包飲品

係附近做野諗唔到食咩 又想平平地就過左黎熟食中心食三餸飯 嗌左 咸蛋肉餅/茄子同蕃茄炒蛋$38 跟條菜同例湯-第一次見肉餅可以好似紙咁薄🤣同埋茄子太油不過全部味道都係正正常常熟食中心加上呢個價錢 無得要求咁多算係咁😁

食兩餸飯，$35昨日中午，又到吃飯時候。想來想去都不知道吃什麼，於是就走到旺角熟食中心買外賣吃。走到一間叫好又多快餐，看一看有什麼東西可以吃。我見到有炒蛋，炒苦瓜，蒸魚，炒茄子，豬扒，蔬菜等等............最後我叫了兩個餸，所以賣單$35。另外這個餐除了有跟白飯之外，有送餐湯。我叫了豬扒和蔬菜。豬扒有幾件，肉質都算鬆軟。蔬菜就叫了津白，這個津白都算可以，爽脆，清甜。另外，白飯的份量都算多。餐湯鹹鹹的，吃不出裏面有什麼材料，因為裏面沒有湯渣的。不過我吃得出有豬肉味 ，所以我猜想應該有用豬肉一齊煲湯。

又是這樣，原來同一樣的菜式，過了幾個站，價錢會貴了，母親經常指點我買三餸飯外賣，西九龍都不消$35？現在到這個旺角的熟食市場再看看，看到很多餐廳都要$40-50個餐。因此這三餸飯，就已經售價$38 ，但是這家$38，也仍然是美食廣場最便宜的那間，因此都有不少漢子趨之若鶩。據聞蒸魚再等多幾分鐘就有，因此很多人都暫不買餐，但我最討厭在外邊吃魚，因此立即點了兩餸飯。在外邊看入去，選擇比西九龍中心的少，好像只有七、八個選擇，賣相亦都不怎吸引。隨隨便便點了一個涼瓜，另一個就點了肉餅；肉餅，拿到實物之後，發現體積不太大，而且較為薄片，稱為肉餅，實在是誇大了，可以當是肉片食的肉餅；除了主塊薄薄的肉餅之外，還贈送了幾片菜，還算是有點誠意的。但是涼瓜份量也不少，而且保留了本身的苦味，味道還好。這個三餸飯來說，比較可取之處，就是它贈送的飲品之中，除了一般較為低級的紙包飲品，又或是紙盒配裝的熱豆漿同豆漿，又或是例湯，竟然可以揀選罐裝可樂😀👍🏾，簡直令人喜出望外。

琴日lunch再戰旺角熟食中心，想試下第二間見呢間幾平咁，就try一try。眼下見選擇都有大約十種，選擇算係多，同場有兩三間有多餸飯，呢間價錢平又選擇多，記得除左我揀個兩個餸之外，仲有茄子、生炒骨、豬扒、蕃茄蛋、有兩種魚、椰菜，記得既就咁上下🤔佢就$30一餸，$35兩餸，$40三餸，有附送紙包飲品。我就揀左咖喱薯仔雞 同 鹹蛋肉餅 兩款，佢有跟少少菜心架。成個飯其實份量好多，一個女仔真心食唔晒😅細食者可叫佢比少d飯。菜心都幾甜無渣，而咖喱薯仔雞，薯仔夠淋，咖哩香但偏咸，送飯係ok既，入面既雞就係d剩頭剩尾，有d軟骨位同雞鎚頭咁，不過兩餸飯講真我又唔係期望係靚位既，所以都接受。咸蛋肉餅食得出佢係剁碎既，有肉粒口感，不過肥肉比例重，而且生粉都幾重下，整體感覺還可以。如果只係想平平地食到飽肚既，大家都可以試下，其實又唔係話差既Ps.想講一講，第二次上來呢個熟食中心有樣野令我有d反感，唔關呢間食店事，純粹有個痴線佬坐我對面，一路食緊就不停自言自語拍枱咁，都算喇～我食完諗住坐多陣佢居然開口話我食剩正x街...不停講左成5分鐘，嚇到我即刻走怕佢除左講會有其他舉動，搞到我連包野飲都唔記得飲😡聽佢講野

上次見同事食D間份量超多，搞到我又想試下，咁今日就叫個三餸飯trytry($35包汽水或例湯)由上至下左至右順序排列嘅就有豆腐，栗米魚同滑蛋嘅，個姐姐仲比多左幾條菜我。份量超級多，個滑蛋係唔錯嘅，真係滑。豆腐就一般般啦，冇咩特別。栗米魚原先就對佢好有期待嘅，點知係伏-0-，首先係超級厚粉，斷估有十層咁厚，中間塊魚薄片又炸到勁鞋，舊小厚粉好油，細細啖細細啖咁慢慢食左兩舊，真係食唔落。個湯一般般，都係另一間個花旗心瘦肉湯好味D。最後只係清左個菜/蛋同豆腐，仲有一半飯就食唔落啦，下次如果再叫，要提姐姐比小小飯就夠。

已經食過幾次，都有一般段時間無幫親，今晚再去食，價錢加咗兩餸32蚊，三餸食$35蚊，一向食餸可以唔食飯嘅我,就更係要………揀咗肉碎茄子、蒸雞、豬排,搭咗幾條菜。我比咗錢後，先見到得半塊豬排，同亞姐講得半塊嘅，係咪比少咗，亞姐話係咁架，塊塊都一樣，已經唔係比最細你架啦！明明見到個盤豬排有幾塊全件大塊嘅，我個塊只係半件。揀嘅時候都唔覺咁多油，應該叫“油浸肉碎茄子”，蒸油浸雞，上色豬排，諗住加咗價，應該仲保持到以前一樣，點知啲食物質素差到咁，所有餸都係勁多“油”，飯食到一半，見到底個啲係比油係浸住，我唔敢再食。豬排個色幾靚，但食落係無味，連另外兩個餸都係無乜味…………。轉咗個亞姐，呢個啲態度勁差呀，以後都唔會再去食

食得多蒸飯都有厭嘅時候,適當時候都要有少少轉變...見到呢間有三餸飯,就去睇下...熟食中心環境,都係咁,食飯時間難搵位,所以一有位就唔好諗喇,坐咗先講...三餸飯連汽水$30,都算唔錯~要咗肉餅,茄蛋,粟米豬扒,佢另外仲會搭多幾條菜落去~同阿姐講話要多飯,佢真係俾多我,服務一流~老實講,老餅太淋,無金萊咁好,但都唔係差...茄蛋就麻麻,太酸...豬扒唔錯,佢係炸咗先,再淋粟米汁上去,又唔會整到豬扒變淋,呢個掂~$30三餸,唔會太苛求,但成個熟食中心,首選都仲係金萊~

今天路經旺角熟食中心就順便吃個便宜午餐,看到這間很多人來排隊買,就看看有什麼好,原來是賣任選餸飯,款式仲幾多,加上下午茶時間,仲會平d,我就叫了粟米魚塊+時菜+可樂,份量都幾多,粟米汁雖然稀,但味道不錯,魚塊很鬆軟,時菜是油麥菜,用蒜蓉炒過,不算很油,配飯吃味道剛好,白飯熱辣辣,剛剛好唔會太硬太淋,真係平靚正