女人湯圓 (已結業)

試過招牌湯圓, 都ok啦, 又唔貴不過遇過唔好的經歷, 很久以前於中午叫過較大粒像珍珠之類的糖水, 但發現煮得未熟透, 中間的芯有粉, 我當然會出聲, 除了想換過, 也想店員再處理未賣的珍珠, 以免做壞招牌點知店員劈頭一句: 是老闆煮的, 老闆未返, 然後便若無其事! 即使好想食糖水, 而樓下亦只有這間糖水舖, 我都唔會再去

除左湯丸唔差，食友的意見是，豆腐花都唔錯，但其他甜品則麻麻。成十幾個食友柴娃娃的來吃甜品，呢度個店名改得搞鬼，大家已樂上好一陣子。開了三張檯，一字排開的開在門口，我估呢度都無咩幾何有咁多人客坐在這裡門口。大家都叫自己喜歡吃的，我當然吃這裡的招牌甜品~湯丸，剛好另一靚女食友對擂沙湯丸好有興趣，我自己又吃不完一客，就要這個。先說湯丸，糯米皮好煙韌，吃落都幾爽口，幾有水準。見佢一包包糯米粉在店內，相信是當店自家製的；湯丸餡是麻蓉，個人覺得不過不失，但同檯另一靚女食友就覺得在吃「泥沙」；最弊還是灑在面頭的糖花生碎，砂糖太多，花生太少，吃起來是非常之甜，當然如果可以用回黃豆粉就更香口更好。不過這個擂沙湯丸十蚊有六粒，都算幾經濟。另外亦吃了幾口腐竹糖水，腐竹仍未煲溶，一大片一大片的浮沉在內，我煲得比這裡還好；另外食友們吃的幾款甜品，都未有佳評。另叫的秘制魚蛋，五蚊八粒，竟然食剩五粒，水準不言而喻。不過話說回來，每人都只係十來塊，是經濟抵食的。